ဝိသာခါရဲ့ လူသိနည်းတဲ့ မတရားရင် ငြိမ်မခံတတ်တဲ့ အကြောင်းပါ။ တစ်ခါတုန်းက ဝိသာခါရဲ့ အလုပ်သမားတွေက တိုင်းတပါးသွားပြီးတော့ ဝိသာခါဝတ်ဆင်ဖို့ ကျောက်မျက်ရတနာတွေဝယ်ယူပါတယ်။
အပြန်ကြတော့ ဝိသာခါနေတဲ့ ကောသလတိုင်းအဝင်က အခွန်အဖွဲ့က သတ်မှတ်ထားတဲ့ပမာဏထက် အများအပြားပိုလွန်ပြီးတော့ အခွန်ကောက်ပါတယ်။ ဒါက ကောသလမင်းကြီးက ကောက်ခိုင်းဟန်တူပါတယ်။ ဘုရင့်အမိန့်သာမရှိရင် ဝိသာခါလိုပုဂ္ဂိုလ်မျိုးကို သာမာန်အခွန်အရာရှိက မတရားမလုပ်ဝံ့လောက်ပါဘူး။
ပြောရမယ်ဆိုတော့ ကောသလမင်းကြီးက ဝိသာခါကို ဂျေဝင်နေဟန်တူပါယ်။ ရဟန်းတော်တွေက သူ့ထက် ဝိသာခါကို ပိုခင်ကြတာ ပြည်သူလူထုက သူ့ထက် ဝိသာခါကို ပိုပြီး လေးစားကြတာတွေကြောင့်ပေါ့လေ။
ဝိသာခါလိုပုဂ္ဂိုလ်အတွက် အခွန်ဘယ်လောက်ကောက်ခံလိုက်ပါစေ အရေးစိုက်နေစရာမလိုပါဘူး။ ဒါပေမယ့် ဝိသာခါက ဒါ မတရားလုပ်တာ။ ကောသလမင်းကို ထိပ်တိုက်တွေ့ပြီး ဖြေရှင်းမယ်ဆိုပြီး နန်းတော်ကို ခြွေရံသင်းပင်းတွေနဲ့ ကိုယ်တိုင်သွားပါတယ်။ ဘုရင်က ဝိသာခါကို လက်ခံပြီးတော့ မတွေ့ဝံ့ပါဘူး။
ဝိသာခါက သုံးရက်ဆက်ပြီးတော့ နန်းတော်ကို သွားပေမယ့် ဘုရင်က သုံးရက်လုံး ထွက်မတွေ့ပါဘူး။ မတရားတဲ့သူတွေက တရားသဖြင့် ပြုမူနေထိုင်တဲ့သူတွေကို မျက်နှာချင်းမဆိုင်နိုင်တာ ဓမ္မတာပါပဲ။
No comments:
Post a Comment