ဆင်းရဲမွဲတေမှု လျော့ချရေး

❀  မြတ်စွာဘုရားက ပြောပြတယ်။
အပြစ်ကင်းတဲ့ တရားတွေနဲ့ ပတ်သက်ပြီးတော့
ဆင်းရဲမွဲတေရင် မကောင်းဘူးတဲ့။

❀  ကိုယ့်သန္တာန်မှာ ရှိသင့်ရှိထိုက်တဲ့
ဓမ္မအရည်အချင်းတွေ ရှိရမယ်။
ကုသိုလ်တရားတွေ ကိုယ့်သန္တာန်မှာ ဖြစ်ရမယ်။
ဘာတွေလဲဆိုလို့ရှိရင်....

★ သဒ္ဓါ
ကံ- ကံ၏အကျိုးကို ယုံကြည်ခြင်းဆိုတဲ့ သဒ္ဓါ၊
ကုသိုလ်ကောင်းမှုအပေါ်မှာ စိတ်ဝင်စားခြင်းဆိုတဲ့ သဒ္ဓါ၊
ဒါ အမှန်တရားပဲလို့ ဆုံးဖြတ်နိုင်ခြင်းရှိတဲ့ သဒ္ဓါ၊
ဒီ သဒ္ဒါဆိုတာ မရှိရင်  ဒါ မွဲတာပဲ။
ဆင်းရဲမွဲတေတာပဲ။
ဘယ်လောက်ပစ္စည်းတွေချမ်းသာချမ်းသာ
မီလျှံနာ၊ ဘီလျှံနာ၊ ထရီလျှံနာကြီးပဲဖြစ်ဖြစ်
ကုသိုလ်နဲ့ပတ်သက်ပြီးတော့ သဒ္ဓါတရားမရှိဘူးဆို
ဒီကောင် အမွဲပဲ။
ဒီကနေ့ သူဌေး၊ မနက်ဖြန် လူမွဲ၊
နောက်တစ်ရက် ငရဲပဲ။
ဒီလိုသွားတာ။

★  နောက်တစ်ခုက ဘာတုန်းဆို " ဟီရ်ိနဲ့သြတ္တပ္ပ "
ဟီရိဆိုတာ မရှိရင် မဟုတ်တာလုပ်ရမှာ မရှက်ဘူး။
မဟုတ်တာကို မရွံဘူး၊
ကာယဒုစရိုက်၊ ဝစီဒုစရိုက်၊ မနောဒုစရိုက်
အကုသိုလ်အလုပ်တွေနဲ့ ပတ်သက်ပြီး အရှက်မဲ့တာ၊
မရွံမုန်းတာ။
သြတ္တပ္ပဆိုတာ မရှိရင် အကုသိုလ်တွေကို မကြောက်တာ၊
ဒုစရိုက်တွေကို မကြောက်တာ။
အဲဒီတော့ အကုသိုလ်ကို မရှက်ဘူး၊ မကြောက်ဘူး၊
မရွံဘူးဆိုတဲ့ ပုဂ္ဂိုလ်တစ်ယောက်ဟာ ...
အကုသိုလ်ကို လုပ်တာပေါ့။
အဲဒီတော့ ဟီရိသြတ္တပ္ပဆိုတာ
သူ့မှာမရှိသည့်အတွက်ကြောင့် ဒီလူကလည်းပဲ မွဲတေခြင်းပဲ။

  နောက်တစ်ခုက
အကုသိုလ်တွေ ဖယ်ရှားပြီးတော့
ကုသိုလ်တွေ ကိုယ့်သန္တာန်မှာ တည်ဆောက်နိုင်တဲ့
ရအောင်လုပ်နိုင်တဲ့ " ဝီရိယ "ဆိုတာ ကိုယ့်မှာ မရှိဘူး။
★မရှိသည့်အတွက်ကြောင့် ကုသိုလ်မရဘူး။
မရတော့ သူလည်း မွဲတာပဲ။

★  နောက်တစ်ခုက " ပညာ "
ပညာဆိုတဲ့ အသိပညာ မရှိသည့်အတွက်ကြောင့်
ကုသိုလ်ရအောင် မလုပ်နိုင်ဘူး။
မလုပ်နိုင်သည့်အတွက်ကြောင့် အဲဒီပုဂ္ဂိုလ်
ကုသိုလ်မရတော့ မွဲပြန်တာပဲ။

❀ဒါကြောင့်မို့လို့ ကုသိုလ်နဲ့ ပတ်သက်တဲ့
အရေးကြီးတဲ့ " သဒ္ဒါ၊ ဟီရိ၊ သြတ္တပ္ပ၊ဝီရိယ၊ပညာ "
ဒီတရားတွေ ရှိရမယ်။
ဒီတရားတွေ မရှိလို့ရှိရင် ဒီပုဂ္ဂုလ်ဟာ ....
ကုသိုလ်ဆိုတဲ့ ရတနာတွေ မရဘူး။
ဒီတရားတွေ မရှိလို့ရှိရင် ကုသိုလ် မရှိဘူး။

❀  မြတ်စွာဘုရားက
ဥစ္စာဓနဆင်းရဲမွဲတေမှုဟာ တစ်ဘဝသာ ခံရတယ်။
ကုသိုလ်ရေးနဲ့ပတ်သက်တဲ့ ...
" သဒ္ဒါ၊ ဟီရိ၊ သြတ္တပ္ပ၊ဝီရိယ၊ပညာ " လို့ဆိုတဲ့
ကုသိုလ်တွေနဲ့ပတ်သက်လာတဲ့ ...
ဒီမွဲတေမှုက ပိုပြီးတော့ အရေးကြီးတယ်လို့ ပြောတာ။
တကယ့်ကို အရေးပါတဲ့ အရာတစ်ခုဖြစ်တယ်။

❀  မြတ်စွာဘုရားက သမာပတ္တိသုတ်မှာဆိုရင်
ဘယ်လိုဟောထားတုန်းဆိုလို့ရှိရင်....
★  သဒ္ဓါတရားရှိနေသမျှ ကာလပတ်လုံး
အကုသိုလ်ဆိုတာ မဖြစ်ဘူး။
★  ဟီရိဆိုတာ ရှိနေသမျှ ကာလပတ်လုံး
★ သြတ္တပ္ပဆိုတာ ရှိနေသမျှ ကာလပတ်လုံး
★  ဝီရိယဆိုတာ ရှိနေသမျှ ကာလပတ်လုံး
★ ပညာဆိုတာ ရှိနေသမျှ ကာလပတ်လုံး
အကုသိုလ်ဆိုတာ မဖြစ်ဘူး။

သဒ္ဓါ တရားမရှိရင် အဿဒ္ဓိယ. မယုံကြည်မှုဆိုတာ
လွှမ်းမိုးလာတာနဲ့ တစ်ပြိုက်နက် အကုသိုလ်တွေ
ဖြစ်လာပြီသာ မှတ်ပေတော့။
ဟီရိမရှိရင် အဟီရိကဆိုတဲ့ ....
အရှက်မဲ့မှုအကုသိုလ် လွှမ်းမိုးလာတယ်။
သြတ္တပ္ပမရှိရင် အနေတ္တပ္ပဆိုတဲ့ ...
အကြောက်အလန့်မရှိတဲ့ သဘာဝတရား လွှမ်းမိုးလာတယ်။
ဝီရိယမရှိဘူးဆိုရင် ပျင်းရိမှုဆိုတာ လာတယ်။
ပညာမရှိဘူးဆိုရင် ဒုပ္ပည ပညာကင်းမဲ့လာတယ်။
အဲဒါတွေ လာပြီဆိုလိုက်တာနဲ့ အကုသိုလ်တွေ
ဖြစ်ပြီလို့သာ မှတ်လိုက်ပေတော့။
အကုသိုလ်တွေ ဖြစ်ပြီဆိုကတည်းက
အခွင့်အရေးတွေ အများကြီး ဆုံးရှုံးသွားပြီ။
မြတ်စွာဘုရားက ဒီလိုဟောတာ။

ဒါကြောင့်မို့ ဆင်းရဲမွဲတေမှုကို လျှော့ချလျော့ပါးအောင်
ဆောင်ရွက်ရမယ်။
ဘုန်းကြီးတို့တစ်တွေ ....
တစ်ခဏ ပစ္စည်းဥစ္စာ ဆင်းရဲမွဲတေတာကို
အဓိက မထားလေနဲ့။
ကိုယ့်သန္တာန်မှာ....
အခုပြောတဲ့ သဒ္ဓါတို့၊ ဟီရိတို့၊ သြတ္တပ္ပတို့၊ဝီရိယတို့၊
ပညာတို့၊ ဆိုတဲ့. ကုသိုလ်တရားတွေ ရှိရဲ့လားဆိုတာ
ကိုယ့်ကိုကိုယ် ဆန်းစစ်ဖို့ လိုတယ်။
မရှိဘူးဆိုတဲ့ အဖြေထွက်လာရင် ရှိအောင်လုပ်ဖို့ပဲ။
ရှိတယ်ဆိုတဲ့ အဖြေထွက်လာရင် ခိုင်မာအောင်
ကြိုးစားဖို့ပဲ။
ဒီနှစ်ခုဟာ လုပ်ကိုလုပ်ရမယ့် ကိစ္စတွေပဲ။

❀  လောကမှာ ....
ပကတိစည်းစိမ်ဥစ္စာဓန မရှိရင်
ပြဿနာမျိုးစုံတက်လာရသလိုပဲ..
ကုသိုလ်တရားတွေနဲ့ ပက်သက်ပြီး
" သဒ္ဒါ၊ ဟီရိ၊ သြတ္တပ္ပ၊ဝီရိယ၊ပညာ " လို့ဆိုတဲ့
ဒီတရားတွေ မရှိလို့ရှိရင်လည်း ဆင်းရဲမွဲတေမှုတစ်မျိုးပဲ။
ဒါကြောင့် တို့သန္တာန်မှာ ဆင်းရဲမွဲတေမှု မဖြစ်စေရအောင်
ဒီတရားတွေ ကိုယ့်သန္တာန်မှာ ထူထောင်ပေးကြရမှာ
ဖြစ်တယ်လို့ ကိုယ်စီကိုယ်စီ သဘောကျပြီး
ဒီတရားတွေ ချမ်းသာကြွယ်ဝလာအောင်
ကြိုးစားအားထုတ်နိုင်ကြပါစေကုန်သတည်း။

သာဓု....သာဓု......သာဓု။

- ဆရာတော်ဒေါက်တာအရှင် နန္ဒမာလာဘိဝံသ

ထမင်းချိုးကိုကပ်လှူသူ

ထမင်းချိုးကိုကပ်လှူသူ။ ••••••••••••••••••••••
ရှေးလူဖြစ်စဉ် ဆွေမျိုးပျက်စီးအထီးကျန်သော သူဆင်းရဲမဖြစ်ကာ သူတပါးအိမ်အဖီကိုအမှီပြုနေရသူ ဖြစ်ပါလျက်အသျှင်မဟာကဿပအားထမင်းချိုးကို ကိုယ်ထိလက်ရောက်လှူဒါန်းခဲ့သောကြောင့် ကွယ်လွန်သောအခါနိမ္မာနရတိနတ်ပြည်၌ ချမ်းသာပျော်ရွှင်စွာ ဖြစ်ရသော နတ်သမီးအကြောင်းဖြစ်၏။

(စည်းစိမ်ဥစ္စာဆွေမျိုးပြုန်းတီး၍) အထီးကျန်သော ဆင်းရဲသောသူတစ်ပါးအိမ်အဖီကို မှီ၍ နေရသော မိန်းမသည် . . ဆွမ်းအလို့ငှါလှည့်လည်လျက် ဆိတ်ဆိတ်နေကာ ရပ်တည်သော အရှင်ဘုရားအားကြည်ညိုစိတ်ရှိသည်ဖြစ်၍ ထမင်းချိုးကိုကိုယ်ထိလက်ရောက် ပေးလှူဖူးပါပြီ။ ထိုမိန်းမသည် လူ့ကိုယ်ခန္ဓာကို စွန့်၍ အဘယ်ဘဝသို့ လားရောက်ရလေသနည်း(ဟု သိကြားမင်းကမေး၏)။

(စည်းစိမ်ဥစ္စာဆွေမျိုးပြုန်းတီး၍) အထီးကျန်သော ဆင်းရဲသောသူတစ်ပါးအိမ်အဖီကို မှီ၍ နေရသော မိန်းမသည် . . ဆွမ်းအလို့ငှါလှည့်လည်လျက် ဆိတ်ဆိတ်နေကာ ရပ်တည်သော ငါ့အားကြည်ညိုစိတ်ရှိသည်ဖြစ်၍ ထမင်းချိုးကို ကိုယ်ထိလက်ရောက်ပေးလှူခဲ့ဖူး၏။ ထိုမိန်းမသည်လူ့ကိုယ်ခန္ဓာကို စွန့်၍ ဤလူ့ဘဝမှ ကင်းလွတ်စုတေ သောအခါတန်ခိုးကြီးသောနတ်တို့ရှိရာ နိမ္မာနရတိနတ်ပြည်၌ ချမ်းသာခြင်းသို့ ရောက်၍ မွေ့လျော် စံပျော်နေရ၏ဟု (အသျှင်မဟာကဿပမိန့်တော်မူ၏)။

အသျှင်မဟာကဿပ၌ကောင်းစွာ တည်စေသော, အထီးကျန်သော မိန်းမ၏ အလှူသည် အံ့ဖွယ်ရှိပေစွ။ သူတစ်ပါးတို့အိမ်မှဆောင်လာသော ထမင်းချိုးဟူသော လှူဖွယ်ဝတ္ထုဖြင့် ပေးလှူအပ်သော အလှူသည် ပြည့်စုံပေစွတကား။

အချင်းတို့- အင်္ဂါကြီးငယ်အလုံးစုံကောင်းခြင်းရှိသော လင်၏ ရှုမငြီးသော မိန်းမ သည်စကြာမင်း၏ မိဖုရားဖြစ်သော်လည်း ထိုမိဖုရားအဖြစ်သည်ဤသူဆင်းရဲမ ပေးလှူသော ထမင်းချိုးအလှူ၏ (အကျိုးကို) တစ်ဆယ့်ခြောက်စိတ်စိတ်၍ တစ်စိတ်လောက်မျှ တန်ဖိုး မရှိပေ။

ရွှေစင်နိက္ခတစ်သိန်း,မြင်းတစ်သိန်း,အဿထိုရ်မြင်းကသော ရထားတစ်သိန်း, ပတ္တမြားနားတောင်း ဝတ်ဆင်ကုန်သော သမီးကညာတစ်သိန်း(ဤအလုံးစုံတို့သည် လည်း) ဤသူဆင်းရဲမ ပေးလှူသော ထမင်းချိုးအလှူ၏ (အကျိုးကို) တစ်ဆယ့်ခြောက်စိတ် စိတ်၍ တစ်စိတ်လောက်မျှ တန်ဖိုးမရှိကြပေကုန်။

ဟိမဝန္တာတောင်၌ ဖြစ်ကုန်သော, စဉ်းငယ်ညွတ်သော အစွယ်ရှိကုန်သော, ကြီးစွာသော စစ်ထိုးခြင်းကို ရွက်ဆောင်နိုင်ကုန်သော,ရွှေကကြိုးတပ်အပ်ကုန်သော, ရွှေတန်ဆာတို့ဖြင့် ဖွဲ့အပ်သောကိုယ်ရှိကုန်သော,မာတင်္ဂမျိုး၌ ဖြစ်ကုန်သော ဆင်အကောင်တစ်ရာတို့သည် ဤသူဆင်းရဲမ ပေးလှူသော ထမင်းချိုးအလှူ၏ (အကျိုးကို) တစ်ဆယ့်ခြောက်စိတ် စိတ်၍ တစ်စိတ်လောက်မျှ တန်ဖိုးမရှိကြပေ။

ဤလောက၌ အကြင်သူသည်ကျွန်းကြီးလေးကျွန်းတို့ကို အစိုးရခြင်းကို ပြုရာ၏။ ထိုသူ၏ ထိုစကြာဝတေးမင်း စည်းစိမ်သည် ဤသူဆင်းရဲမ ပေးလှူသော ထမင်းချိုးအလှူ၏ (အကျိုးကို) တစ်ဆယ့်ခြောက်စိတ်စိတ်၍ တစ်စိတ်လောက်မျှ တန်ဖိုးမရှိပေ။

(စိတ္တလတာဝဂ်။ အာစာမဒါယိကာဝိမာနဝတ္ထု)