"မြတ်စွာဘုရားရှင်-ပြည်တော်ဝင်နေ့(သို့)တပေါင်းလပြည့်"

တပေါင်းလပြည့်နေ့ကို မြတ်စွာဘုရား ပြည်တော်ဝင် အခါနေ့ အထိမ်းအမှတ်အဖြစ် သတ်မှတ်ရခြင်း အကြောင်းကား မြတ်စွာဘုရားရှင်နှင့်ဖွားဖက်တော် (၇)ဦးထဲမှ ကာဠုဒါယီ မထေရ်က ကပိလဝတ် နေပြည်တော်သို့ ကြွရောက်တော်မူပါရန် လျှောက်ထားသည်ကို အကြောင်းပြုပြီး သတ်မှတ်ရခြင်း ဖြစ်ပေသည်။

မြတ်စွာဘုရားရှင်သည် ရာဇဂြိုဟ်ပြည် ဝေဠုဝန်ကျောင်း၌ နေတော်မူလျက် လူအပေါင်းကို တရားရေအေး အမြိုက်ဆေးကို တိုက်ကျွေးနေတော်မူချိန်ဖြစ်ပါတယ်။ ထိုအကြောင်းကို ကပိလဝတ်ပြည့်ရှင် ဖခင်ဖြစ်သူ သုဒ္ဓေါဓနမင်းကြီး ကြားလေလျှင် အမတ်တစ်ဦးကို မင်းချင်းယောက်ျား တစ်ထောင် အခြံအရံဖြင့် မြတ်စွာဘုရားရှင်အား ကပိလဝတ်ပြည်တော်သို့ ကြွရောက်ရန် ပင့်လျှောက်ခိုင်းပါတယ်။ ထိုအမတ်သည် မင်းချင်းယောက်ျား တစ်ထောင်ခြံရံလျက် ယူဇနာ ၆၀ဝေးသော ရာဇဂြိုဟ်ပြည် ဝေဠုဝန်ကျောင်းတော်သို့ ရောက်လျှင် မြတ်စွာဘုရားရှင် လူအပေါင်းကို တရားဟောနေတော်မူခိုက်နှင့်ကြုံသဖြင့် မြတ်စွာဘုရား တရားကို နာကြားခွင့်ရသည့်အတွက် ရဟန္တာဖြစ်ပြီး ဧဟိဘိက္ခု ရဟန်းအဖြစ်သို့ ရောက်တော်မူကြပါတယ်။ ရဟန္တာဖြစ်သည့်အတွက် လောကီရေးရာ အားလုံးကို လျစ်လျှူရှုသည် ဖြစ်ရကား သုဒ္ဓေါဓနမင်းကြီး၏ ပင့်လျှောက်ခိုင်းမှုကို မြတ်စွာဘုရားရှင်အား မလျှောက်ဘဲ နေကြတော်မူပါတယ်။


သုဒ္ဓေါဓနမင်းကြီးလည်း နောက်ထပ် အမတ်တစ်ဦးကို မင်းချင်းယောက်ျား တစ်ထောင်ခြံရံစေလျက် ထပ်မံပင့်ခိုင်းပြန်ပါတယ်။ ထိုအမတ်နှင့် မင်းချင်းတစ်ထောင်လည်း ရှေးနည်းတူ ရဟန္တာများ ဖြစ်သွားကြပြန် ပါတယ်။  ဒီလိုနှင့် ဆယ်ကြိမ်မြောက်မှာ ကာဠုဒါယီမထေရ်အား မင်းချင်းတစ်ထောင်ခြံရံလျက် ထပ်ဆင့် ပင့်ခိုင်းပြန်ပါတယ်။ ကာဠုဒါယီမထေရ်နှင့် မင်းချင်းတစ်ထောင်လည်း ရဟန္တာချည်း ဖြစ်သွားပြန်ပါတယ်။ ကာဠုဒါယီမထေရ် ရောက်လာ၍ ရဟန္တာဖြစ်ပြီး ၇ရက် ၈ရက်မြောက်သော နေ့ကား တပေါင်းလပြည့်နေ့ ပင်တည်း။

ကာဠုဒါယီမထေရ်သည် တပေါင်းလ၏ သာယာပုံကို ဂါထာ၆၀ကျော်ဖြင့် ချီးမွမ်း၍ ဖခင်သုဒ္ဓေါဓနမင်းကြီး အပင့်ခိုင်းသည့် စကားအလုံးစုံးကို လျှောက်ကြားလေတော့၏။
မြတ်စွာဘုရားရှင်က ချစ်သား ကာဠုဒါယီ ငါဘုရားသည် ဆွေတော်မျိုးတော်တို့အား ချီးမြှောက်တော်မူအံ့ဟု မိန့်တော်မူကာ တပေါင်းလပြည့်ကျော်တစ်ရက်နေ့တွေင် ရဟန္တာ နှစ်သောင်း ခြံရံလျက် ဝေဠုဝန် ကျောင်းတော်မှ တစ်နေ့ တစ်ယူဇနာနှုန်းဖြင့် ရက်ပေါင်း(၆၀) ၊ (၂)လကြာမျှ ကပိလဝတ်ပြည်သို့ ကြွရောက်တော်မူပါတယ်။
မြတ်စွာဘုရားရှင် ကပိလဝတ်ပြည်တော်ပြန်ခရီး ကြွရောက်တော်မူခြင်းဖြင့် သာသနာ့သမိုင်းမှာ ကောင်းသော အကျိုးဆက်များကား
-ဖခင်သုဒ္ဓေါဓနမင်းကြီးစသော ဆွေတော်မျိုးတော် သာကီဝင်မင်းအပေါင်းတို့သည် မြတ်စွာဘုရားရှင်နှင့် သံဃာတော်များ သီတင်းသုံးတော်မူစေရန်အတွက် ဆောက်လုပ်ထားသော နိဂြောဓာရုံကျောင်းတော်ကြီး ပေါ်ပေါက်လာခြင်း။

-သာကီဝင်မင်းမျိုးတို့၏ မာန်စွယ်ကို ပယ်ရှားသောအားဖြင့် ပေါက္ခရဝဿမိုးကိုရွာသွန်းစေပြီး ထိုပေါက္ခရဝဿမိုးကို အကြောင်းပြု၍ ဝေဿန္တရာဇာတ်တော်ကို ဟောကြားတော်မူခြင်း၊

-ဆွမ်းပင့်ဖိတ်သူ ဒကာများမရှိခဲ့ပါလျှင် အိမ်စဉ်မပြတ် လှည့်လည်ဆွမ်းခံရပ်ခြင်းသည် ဗုဒ္ဓဝံသ ဗုဒ္ဓအနွယ်ဝင် ဖြစ်သော ရှေးရှေးဘုရားရှင်တို့၏ အနွယ်စဉ်ဆက်မှ ဆင်းသက်လာသောအကျင့်မြတ်ဖြစ်ကြောင်းကို (၂)ဂါထာဖြင့် မြတ်စွာဘုရားရှင်မှ ခမည်းတော် သုဒ္ဓေါဓနမင်းကြီးကို ဟောတော်မူခြင်းကြောင့် ပထမဂါထာဖြင့် သုဒ္ဓေါဓနမင်းကြီး သောတာပန်တည်ခြင်း၊ ဒုတိယဂါထာဖြင့် သကဒါဂမ်တည်ခြင်း၊ မိထွေးတော်ဂေါတမီမှာ သောတာပန်တည်ခြင်း၊ မဟာဓမ္မပါလဇာတ်တော်ကို ဟောကြားတော်မူပြီး ဖခင်ကြီးအား အနာဂါမ်တည်စေခြင်း၊ နောင်သောအခါ အရဟတ္တဖိုလ်တည်ခြင်း။

-ယသောဓရာမိဖုရားကို အကြောင်းပြု၍ စန္ဒကိန္တွရီဇာတ်ကို ဟောကြားတော်မူခြင်း၊

-ဇနပဒကာလျာဏီ၏ နန္ဒမင်းသားကို ရဟန်းပြုပေးခြင်း၊

-သားတော်ရာဟုလာ အမွေတောင်းခံခြင်းကို အကြောင်းပြု၍ လောကုတ္တရာအမွေ ပေးသည့်အနေဖြင့် သာမဏေဘောင်သို့ သွတ်သွင်းခြင်း၊ မိဘတို့ ခွင့်မပြုသော သားကို ရဟန်းပြုမပေးရဟူသော သိက္ခာပုဒ်ကို ပညတ်ခြင်း။

-သာကီဝင်မင်း မင်းသားတစ်ထောင် ရဟန်းပြုခြင်း၊ ထိုသာကီဝင်မင်း မင်းသားတစ်ထောင်မှ ထင်ရှားကျော်ကြားသည့် အနုရုဒ္ဓ၊ အာနန္ဒ၊ ဘဒ္ဒိယ၊ ကိမိလ၊ ဘဂု၊ ဒေဝဒတ္တ(ဒေဝဒတ်) ၇ဦးတို့သည် မြတ်စွာဘုရားရှင် သီတင်းသုံးတော်မူရာ ဝေဠုဝန်ကျောင်းတော်သို့ လိုက်ပါသွား၍ ဒုတိယဝါကပ်တော်မူခြင်း၊ ထိုဝါတွင်း၌ပင် ထို(၇)ဦးထဲမှ အရှင်ဘဒ္ဒိယသည် ဝိဇ္ဇာသုံးပါး ပဋိသမ္ဘိဒါလေးပါးနှင့်တကွ ရဟန္တာဖြစ်ခြင်း၊ အရှင်အနုရုဒ္ဓါကား ဒိဗ္ဗစက္ခု အဘိဥာဏ်ကို ရခြင်း၊ အရှင်အာနန္ဒာကား သောတာပန်ဖြစ်ခြင်း၊ အရှင်ဘဂု၊ အရှင်ကိမိလ အရှင်ဥပါလိတို့သည်နောင်သောအခါ ရဟန္တာဖြစ်ခြင်း၊ အရှင်ဒေဝဒတ်ကား ပုထုဇဉ်၏ အဘိဥာဏ်တန်ခိုးဖြင့် ပြည့်စုံခြင်း၊

-အရှင်သာရိပုတ္တရာလျှောက်ထား၍ ဗုဒ္ဓဝင်ဒေသနာတော်ကို ဟောကြားခြင်း။

-ကာဠုဒါယီမထေရ်က ဆွေမျိုးတို့အား မြတ်စွာဘုရားရှင်ကို ကြည်ညိုစေရန် စွမ်းဆောင်ရာ၌ အမြတ်ဆုံးဘွဲ့ ကုလပ္ပသာဒ ဧတဒဂ်ဘွဲ့ကို ချီးမြင့်တော်မူခြင်း စသော အကျိုးဆက်တို့ပင်တည်း။

အရှင်ဝိမလဝံသ(နာလန္ဒာတက္ကသိုလ်)

Posted via Blogaway

တိပိဋကဓရ ယောဆရာတော်လောကဓံဆိုးနှင့် ကြုံသော်

ပုထုဇဉ်လူသား မှန်သမျှ လောကဓံတရားစက်ကွင်းမှ ရှောင်၍မရ။ ပုန်း၍ မလွတ်။ ဆင်းရဲ ချမ်းသာ လောကဓံတရားနှင့် ကြုံဆုံနေရသည်ချည်းသာ ဖြစ်ပါသည်။ "နိမ့်တုံ မြင့်တုံ ဤလူ့ဘုံ" ဟူသောစကားသည် လည်းကောင်း " ခေါက်ရှာငှက်ပျံလောကဓံ" ဟူသောစကားသည် လည်းကောင်း လူသည် လောကဓံတရား အဖုံဖုံကို ကြုံတွေ့ရကြောင်း ဖော်ပြလျက်ရှိပါသည်။

လူ့တစ်ဘဝတာ တစ်လျှောက်လုံး အကောင်းလောကဓံတရားတွေချည်း ကြုံဆုံရဖူးသူ ဟူ၍ မရှိ။ ထို့အတူ အဆိုးလောကဓံတရားတွေချည်း ကြုံဆုံရဖူးသူ ဟူ၍ မရှိ။ ဘဝခရီးလမ်းတစ်လျှောက် ဖြောင့်ဖြူးသာယာသောလမ်းများကို ဖြတ်သန်းရသကဲ့သို့ သစ်ငုတ် ဆူးငုတ် ခလုတ် ကမူတို့လွှမ်းသော လမ်းကြမ်းများကို ကျော်ဖြတ်ရသည်တို့လည်း ရှိပါ၏။ ဤသည်မှာ လောကသားတိုင်း ရှောင်လွှဲဖယ်ကြဉ်၍ မရသော ဓမ္မတာ ဖြစ်သောကြောင့် လောကဓံအဆင်းလမ်းနှင့် ကြုံရစဉ် မိမိ၏စိတ်ကို ဆောက်တည်ရာမဲ့ ပရမ်းပတာလွတ်ထားလျှင် တစ်ပူပေါ် နှစ်ပူဆင့်တတ်ပါ၏။ လောကဓံဆိုး၏ ရိုက်ခတ်ချက်ကြောင့် တုန်လှုပ်ယိမ်းယိုင်သော စိတ်အစဉ်ကို သတိသမ္ပဇဉ် ဥာဏ်နှင့်ယှဉ်လျက် ထိန်းထိန်းသိမ်းသိမ်း ပြုရန်လိုပါ၏။ စိတ်ဖရိုဖရဲဖြစ်ခြင်း စိတ်ကျခြင်း စိတ်ကစဥ့်ကလျားဖြစ်ခြင်းတို့ကို ဇက်သတ်ထိန်းချုပ်မှု မပြုလျှင် လောကဓံအဆင်းလမ်းသို့ ဘီးတပ်ပေးသည်နှယ် ရှိပေချိမ့်မည်။

ယင်းသို့ လောကဓံအပူမီး၏ လောင်မြိုက်ခြင်းကို ခံရစဉ်တွင် ဓမ္မရေစင်ရေအေး ဖျန်းပက်ပေးဖို့ လိုပါလိမ့်မည်။ ကံကြမ္မာဆိုးနှင့် ပက်ပင်းရင်ဆိုင်ရချိန်တွင် မြတ်ဗုဒ္ဓ၏ ဓမ္မကို အားကိုးဖို့ လိုပါသည်။ ဓမ္မ၌ ခိုလှုံလဲလျောင်းဖို့ လိုပါသည်။

ဒါန သီလ ဘာဝနာ အကျင့်မြတ်များဖြင့် ကြမ္မာဆိုးကို ခုခံတော်လှန်ခြင်းသည် အကောင်းဆုံးခံစစ် ဖြစ်ပါသည်။ သီလ သမာဓိကျင့်စဉ်များသည် စိတ်ကိုတည်ငြိမ်စေ စိတ်စွမ်းအားကိုမြင့်မားစေသော ကျင့်စဉ်များဖြင့်ရာ လောကဓံဆိုး၏ နှိပ်စက်မှုကြောင့် အားပျော့ချည့်နဲ့နေသော စိတ်အခြေအနေကို ပြန်လည်၍ ခိုင်မာတောင့်တင်းစေပါသည်။

သို့ဖြစ်၍ ဘဝတွင် ခါးသီးဖွယ် ရွံ့ရှာဖွယ် ခံခက်ဖွယ် ဒုက္ခများနှင့် ကြုံဆုံလျှင် ရတနာသုံးပါးဂုဏ်ကို အာရုံပြုပါ။ သီလ သမာဓိ အကျင့်များကို ကျင့်ကြံပါ။ ထိုနည်းထက်ကောင်းသော သောကကင်းဝေးနေနိုင်ရေး ဟူ၍ မရှိပါ။

အပျက်အာရုံများနှင့်ကြုံသော် မည်သို့ ဆောင်ရွက်ရမည်ဖြစ်ကြောင်း တိပိဋကကဓရ ယောဆရာတော်ဘုရားက ဤသို့ ဆုံးမတော်မူခဲ့ပါ၏။

& လူ့ဘုံလောက အပါအဝင် လောကကြီးဆိုတာ အပျက်မျိုးစုံနေပါတယ်။ ခဏတာတွေ့ကြုံဆုံပြီး မကြာခင်ဘဲ ခွဲကြရတာပါ။ ဘာတွေဘယ်လိုပဲပျက်ပျက် အပျက်အာရုံတွေနဲ့ တွေ့ရတဲ့အခါ ပန်းပဲဆရာက သံရိုင်းတုံးကို မီးဖိုထဲမှာ ဖုတ်ပေးသလို ကိုယ့်စိတ်ကို လောကဓံမီးဖုတ်ပေးနေပြီလို့ နားလည်ရမယ်။ ပြီးတော့ လောကဓံ အပူမီး ဖုတ်ခြင်းခံရတဲ့စိတ်ကို သတိညှပ်နဲ့ဆွဲယူ သဒ္ဓါတရား ရေအေးအေးနဲ့စိမ်ပေး။ တရားလမ်းကြောင်းပေါ် တင်ပေး။ ယောနိသောမနသိကာရ တူနဲ့ အဖန်ဖန် ထုပေး။ ဒါန သီလ ဘာဝနာဆိုတဲ့ အသုံးအဆောင်တွေပေါ်လာပြီး စိတ်မှာစွမ်းအားတက်ပြီး ရဲရင့်လာတယ်။ အပျက်အာရုံကို အကြောင်းပြုပြီး အပြင်ကောင်းတော့ နှစ်ဖက်လှစွမ်းအား ပေါ်လာရပါတယ်။

******************************

(မင်းနန်-မော်ကျွန်း)

Posted via Blogaway

သာသနာဆိုတာ။ (သင် ခွဲခွဲခြားခြား သိပြီလား၊)

“သာသနာ” လို့ ပြောလိုက်ရင် ရဟန်းသံဃာတွေကို ပြောတာလိုလို၊ ဘုရားစေတီပုထိုးကို
ပြောတာလိုလို၊ ကျောင်း ကန် ဇရပ် သိမ်စတဲ့ အဆောက်အအုံကို ပြောတာလိုလို ယောင်ဝါးဝါး
ဖြစ်သွားတတ်ကြပါတယ်။
      
  “သာသနာ” ဆိုတာ ပါဠိစကားပါ။ အဆုံးအမလို့ အဓိပ္ပါယ် ရပါတယ်။ ၄၅ ၀ါ ကာလတိုင်
အောင် ဟောပြောဆုံးမတော်မူခဲ့တဲ့ ဘုရားရှင်ရဲ့ အဆုံးအမကို “သာသနာ” လို့ ခေါ်တာ ဖြစ်ပါ
တယ်။ ဘုရားရှင်ရဲ့ အဆုံးအမကို လေ့လာကြည့်ရင် အုပ်စု ၃ မျိုး ရှိကြောင်း တွေ့နိုင်ပါတယ်။

      
၁။ နားလည်တတ်ကျွမ်းအောင် သင်ကြားရတဲ့ အဆုံးအမ။
      
၂။ ကျင့်ကြံအားထုတ်ရတဲ့ အဆုံးအမ။
       
၃။ ထိုးထွင်းသိရတဲ့ အဆုံးအမတို့ ဖြစ်ပါတယ်။ ဒါကိုပဲ ကျမ်းဂန်တွေမှာ “ပရိယတ္တိသာသနာ၊
ပဋိပတ္တိသာသနာ၊ ပဋိဝေဓသာသနာ” လို့ ညွှန်းဆို ဖေါ်ပြကြတာ ဖြစ်ပါတယ်။
       
နားလည်တတ်ကျွမ်းအောင် သင်ကြားရတဲ့ အဆုံးအမက ဘာတွေလဲဆိုရင် ၀ိနည်း၊ သုတ္တန်၊
အဘိဓမ္မာတို့ ဖြစ်ပါတယ်။ ကျင့်ကြံအားထုတ်ရတဲ့ အဆုံးအမက စာရိတ္တ - ၀ါရိတ္တသီလ၊  သမာဓိ၊
ဝိပဿနာပညာဖြစ်ပြီး၊ ထိုးထွင်းသိရတဲ့ အဆုံးအမက မဂ်လေးပါး၊ ဖိုလ်လေးပါး၊ နိဗ္ဗာန်ဖြစ်ပါတယ်။
      

  ဒါနှင့်ပတ်သက်လို့ သာသနာ၊ သာသနာအလုပ်၊ သာသနာ့ဝန်ထမ်း၊ သာသနာ့ပရိဘောဂ၊
သာသနိက အဆောက်အအုံ၊ သာသနာကို ထောက်ပံ့သူ စတဲ့အရာတွေကို ခွဲခွဲခြားခြား သိမြင်ထား
သင့်ပါတယ်။ ဒါမှသာ ဘာသာရေးနှင့် ဆက်စပ်ပြီး မိမိလုပ်နေတဲ့ အလုပ်၊ သူတပါးလုပ်နေတဲ့ အ
လုပ်ဟာ ဘာလဲဆိုတာကို ခွဲခြားသိနိုင်ပါလိမ့်မယ်။
       
သာသနာဆိုတာ ဘုရားအဆုံးအမဖြစ်ပြီး သာသနာအလုပ်ဆိုတာ ဘုရားရှင်ရဲ့ အဆုံးအမ
အတိုင်း လိုက်နာဆောင်ရွက်တဲ့ အလုပ်ပါပဲ။ ၀ိနည်း သုတ် အဘိဓမ္မာကို နားလည်တတ်ကျွမ်း
အောင် သင်ကြား ပို့ချ ဟောပြော ရေးသားမှု၊ သီလစောင့်ထိန်း လိုက်နာမှု၊ သမာဓိထူထောင်မှု၊
ပညာပွားများမှု၊ မဂ်ဖိုလ်တရားများကို သိမြင်မှု၊ သိမြင်အောင် ကြိုးစားအားထုတ်မှုတို့ကို ခေါ်တာ
ဖြစ်ပါတယ်။
      
  သာသနာ့ဝန်ထမ်းဆိုတာ သာသနာအလုပ်ကို အဓိကတာဝန်တစ်ခုအဖြစ် သတ်မှတ်ပြီး
ကျေပွန်အောင် ထမ်းဆောင်သူများကို ခေါ်တာဖြစ်ပါတယ်။ အထူးသဖြင့် ရှင်ရဟန်းများသာ ထမ်း
ဆောင်နိုင်ကြတာမို့ ရှင်ရဟန်းများကို သာသနာ့ဝန်ထမ်းလို့ ခေါ်ပါတယ်။
      
  သာသနာ့တာဝန်ကို ထမ်းဆောင်တော်မူကြတဲ့ ရှင်ရဟန်းများအတွက် ဘုရားရှင် ခွင့်ပြု
တော်မူခဲ့တဲ့ သပိတ်၊ သင်္ကန်း၊ ထီး၊ ဖိနပ်စတဲ့ အသုံးအဆောင်ပစ္စည်းများကို သာသနာ့ပရိဘောဂ
တနည်းအားဖြင့် သာသနာ့အသုံးအဆောင်လို့ ခေါ်ပါတယ်။ စေတီ၊ ပုထိုး၊ ကျောင်း၊ ဇရပ်၊ တန်
ဆောင်း၊ သိမ် စတဲ့ အဆောက်အအုံ မှန်သမျှကိုတော့ သာသနိက အဆောက်အအုံလို့ ခေါ်ပါတယ်။
       
သာသနာ့တာဝန်ကို ထမ်းဆောင်နေသူတွေ ချမ်းသာစွာ ထမ်းဆောင်နိုင်ဖို့ ဆွမ်း၊ သင်္ကန်း၊
ကျောင်း၊ ဆေးစတဲ့ ပစ္စည်းများကို လှူဒါန်းသူများကို သာသနာကိုထောက်ပံ့သူ၊ သာသနာ့ ဒါယ
ကာ လို့ ခေါ်ပါတယ်။
     
   တရားချစ်ခင် သူတော်ကောင်းအပေါင်းတို့ကလည်း သာသနာ၊ သာသနာနှင့်ဆက်စပ်တဲ့
အရာတွေကို ခွဲခွဲခြားခြား နားလည်သဘောပေါက်ကြပြီး သာသနာအတွက် မိမိလုပ်တဲ့အလုပ်၊
သူတပါးလုပ်နေတဲ့ အလုပ်ဟာ ဘာလဲ၊ ဘယ်လိုအမျိုးအစားထဲ ပါသလဲဆိုတာကို ခွဲခြားသိနိုင်ပြီး
တရားဓမ္မကိုကျင့်ကြံအားထုတ်ကာ မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။ ။

{အရှင်နန္ဒသေနာလင်္ကာရ(မဟာဓမ္မစရိယ၊ M,A)၏ ဓမ္မဗိမာန်-ဓမ္မစာပေ ပထမဆုရ “ဘာသာရေး
  အနှစ်သာရများ” မှ ကောက်နုတ်ရေးသားပူဇော်ပါသည်။}

http://buddhismworld.ning.com/profiles/blog/show?id=6371237%3ABlogPost%3A442918

Posted via Blogaway

မြတ်စွာဘုရား၏ ထူးခြား အံ့သြဖွယ်များ။

တစ်နေ့ ဇေတ၀န်ကျောင်းတိုက် ဓမ္မာရုံကြီးအတွင်း မြတ်စွာဘုရားက“ အာနန္ဒ ငါဘုရားရဲ့ အံ့သြဖွယ်ကောင်းတဲ့ ဂုဏ်တွေကို မင်းပြောစမ်း ” ဟု မိန့်တော်မူရာ အရှင်အာနန္ဒက ဘုရားရဲ့ထူးခြားချက်တွေကို ရဟန်းတော်များရှေ့တွင် ပြန်ပြီး လျှောက်တင်ပြပါတယ်။
     
  (၁) ဝေဿန္တရာမင်းကြီးဘ၀ ကုန်ဆုံးပြီးတုသိတာဘုံကို ရောက်သွားတဲ့အခါမှာ အိပ်
မောကျပြီးတော့ ရောက်သွားတာ မဟုတ်ဘူး။သိသိသာသာကြီး ရောက်သွားတာ၊ သေတဲ့အခါ
မှာ လူတွေဟာ တွေဝေပြီးတော့ သေတာများတယ်။ သတိရှိတယ်၊ ဆင်ခြင်တုံတရားရှိတယ်။သတိမကွာဆင်ခြင်ဉာဏ်ပညာနဲ့ပဲ
ဝေဿန္တရာမင်းကြီး ဘ၀က သေဆုံးပြီးတော့ တုသိတာ နတ်ပြည်မှာ သားမွေးတာ ဖြစ်ပါတယ်။

      
(၂) တုသိတာ နတ်ပြည်မှာ နတ်စည်းစိမ်ခံစားတဲ့ အခါမှာလည်း ကာမဂုဏ် အာရုံတွေထဲမှာ မေ့မျောပြီးတော့ သတိလက်လွတ် ဖြစ်မနေဘူး။ တုသိတာ နတ်ပြည်မှာ နေသမျှ ကာလ
ပတ်လုံး အမှတ်တမဲ့ မနေဘူး၊ သတိသမ္ပဇညနဲ့ နေပါတယ်။
     
  (၃) တချို့နတ်တွေကျတော့ သက်တမ်းစေ့ မနေရဘူး၊ ဘုရားအလောင်းကျတော့ တုသိတာနတ်ပြည်ရဲ့ နတ်သက်တမ်းစေ့ နေသွားတယ်။ သက်တမ်းစေ့မှ စုတေပါတယ်။
      
(၄) လူ့ပြည်မှာ ဘုရားဖြစ်ဖို့ မယ်တော်ဝမ်းထဲမှာ သန္ဓေတည်တဲ့ အခါမှာလည်း သာမန်ပုဂ္ဂိုလ်တွေလို သတိလက်လွတ် ဖြစ်သွားတာမျိုး မဟုတ်ဘူး။ မြတ်စွာဘုရား အလောင်းတော်က
တုသိတာ နတ်ပြည်ကနေ မယ်တော်ဝမ်းထဲ သန္ဓေခတဲ့ အခါမှာလည်း သတိသမ္ပဇည အပြည့်ရှိနေပါတယ်။
       
(၅) မယ်တော်ဝမ်းထဲမှာ သန္ဓေခပြီးတာနဲ့ တပြိုင်နက် လောကကြီး တခုလုံးမှာ ကြီးမားတဲ့ အလင်းရောင်ကြီး ပေါ်လာတယ်။ အဲဒီ အလင်းရောင်ကြီးက အမှောင်လုံးဝ   ကင်းသွား
အောင်၊ အမှောင်မရှိတဲ့ အလင်းရောင်မျိုးကြီးဖြစ်ပါတယ်။ ဒါတင်မကဘူး စကြာဝဠာ ကုဋေတစ်သောင်း သိမ့်သိမ့်တုန်ခါအောင် ငလျင်လှုပ်ပါတယ်။
      
(၆) ဘုရားအလောင်းလေး သန္ဓေတည်နေတဲ့ အချိန်မှာ အရပ်လေးမျက်နှာက မမြင်ရတဲ့ နတ်သားလေးယောက်က လုံခြုံရေး လာယူကြတယ်၊ ဘေးရန်အန္တရာယ်တွေ မရောက်ဖို့
အဲဒီ နတ်သားလေးယောက်က စောင့်ရှောက်ကြပါတယ်။
       
(၇) ဘုရားအလောင်းလေး သန္ဓေခလိုက်တာနဲ့ တစ်ပြိုင်နက် မယ်တော်ဟာ သာမန်အနေအထား မဟုတ်ဘဲနဲ့ ပကတိကိုက ငါးပါးသီလ လုံပြီးသား ဖြစ်သွားပါတယ်။
       
(၈)  ဘုရားအလောင်းလေး သန္ဓေခနေတဲ့ အချိန်မှာ မယ်တော်မှာ ဆန့်ကျင်ဖက်လိင်နဲ့ ပတ်သက်ပြီး မည်သည့်ယောက်ျားကမှ မလွန်ဝံ့ဘူး၊ ကာမစိတ်တွေ မဖြစ်ပါဘူး။
      
(၉) ကာမဂုဏ်စိတ်တွေ မဖြစ်ပေမယ့်လို့ မယ်တော်မှာ လိုလေသေး မရှိအောင် ပြီးပြည့်စုံတယ်၊ မျက်စိကလည်း ကောင်းတာပဲ မြင်ရတယ်။ နားကလည်း ကောင်းတာပဲ ကြားရတယ်။
နှာခေါင်းကလည်း ရနံ့လေးပဲ ရှူရတယ်။ ပြည့်ပြည့်၀၀ အလိုပြည့်ပြီးတော့ ဘုရားလောင်းလေးရဲ့ အစွမ်းသတ္တိဟာ မယ်တော်ထိအောင် အကျိုးသက်ရောက်ပြီး နေပါတယ်။
      
(၁၀)  ဘုရားအလောင်းလေး သန္ဓေတည်နေတဲ့ အချိန်မှာ မယ်တော်ကြီးမှာ ဘာရောဂါမှ မဖြစ်ဘူး။ အင်မတန် ကျန်းမာတယ်။ ၀မ်းထဲမှာ သန္ဓေခနေတဲ့ ဘုရားလောင်းလေးကို ဖန်
ပေါင်းချောင်(ဖန်ပြွန်) ထဲမှာရှိနေတဲ့ ရုပ်ဆင်းတုကို မြင်နေရသလို မယ်တော်ဝမ်းထဲက ဘုရားလောင်းကလေးကို မြင်နေရပါတယ်။
    
   (၁၁) ဘုရားအလောင်း ဖွားမြင်ပြီးနောက် (၇) ရက်မြောက်တဲ့နေ့မှာ မယ်တော်ကံကုန်ပြီး တုသိတာနတ်ပြည်မှာ ဖြစ်တယ်။ ဘုရားအလောင်းတွေရဲ့ မယ်တော်တွေတိုင်းဟာ ဒီအ
တိုင်းချည်းပဲ ကံကုန်ကြပါတယ်။
   
    (၁၂) သာမန်လူတွေဟာ ကိုးလနဲ့ ဖွားတာရှိတယ်၊ ရှစ်လနဲ့ ဖွားတာရှိတယ်၊ ခုနှစ်လနဲ့   မွေးတယ်၊  အဲဒီလို ဆယ်လမပြည့်မီ အမျိုးမျိုး  မွေးဖွားကြတယ်၊  ဘုရားလောင်းကျတော့
ဆယ်လတိတိပြည့်ပြီးမှ  မွေးဖွားပါတယ်။ 
   
    (၁၃) လောကမှာ အများစုက ထိုင်လျက်နဲ့ အိပ်လျက် ဒီနှစ်မျိုးနဲ့ မွေးဖွားကြသော်လည်းဘုရားလောင်းလေးကို
မွေးဖွားတဲ့အခါကျတော့ မယ်တော်ဟာ မတ်တပ်ရပ်လျက်မွေးဖွားတယ်။
       
(၁၄) ဘုရားအလောင်းကို မွေးဖွားလိုက်တာနဲ့ တပြိုင်နက် နတ်တွေက ပထမ ခံယူလိုက်တယ်၊ ပြီးမှ လူတွေရဲ့လက်ထဲကို ရောက်ပါတယ်။
      
(၁၅) ဘုရားအလောင်းလေး မြေပေါ်မကျခင် နတ်တွေကခံယူထားပြီး မိခင်ရဲ့ရှေ့ထားကာ “ မိခင်ကြီး ၀မ်းမြောက်ပါ၊ ဘုန်းကံကြီးတဲ့ သားတော်လေးတစ်ဦး ဖွားမြင်ပါတယ်” လို့
နှစ်သိမ့်စကား ပြောကြားပါတယ်။
      
(၁၆) ဘုရားအလောင်းလေး မွေးဖွားလာတဲ့ အခါမှာ ပေကျံပြီးတော့ မွေးဖွားတာ မဟုတ်
ဘူး၊ ဘုရားအလောင်းလေး မိခင်ဝမ်းထဲမှာ နေပေမယ့် အညစ်အကြေး တစ်ခုမှ မလူးဘူး၊ ကြာပန်းလေး ရေမလူးသလို ဘုရားအလောင်းရဲ့ ခန္ဓာကိုယ်ပေါ်မှာ အညစ်အကြေးတွေ အတင်ဘူး။
သန့်ရှင်းစင်ကြယ်နေပါတယ်။
      
(၁၇) ကောင်းကင်ယံကနေ ရေပန်းကြီးနှစ်ခု ပေါ်ထွက်လာတယ်၊ တစ်ခုက အနွေး၊ တစ်ခုက အအေး၊ အဲဒါနဲ့ ရေသန့်စင်ခြင်းကိစ္စပြီးတယ်၊ အညစ်အကြေးကို သန့်စင်တာ မဟုတ်ဘူး။
ခန္ဓာကိုယ်ရဲ့ အပူအအေးအတွက် မယ်တော်ကြီး သန့်စင်ဖို့ အတွက်နဲ့၊ ဘုရားအလောင်းလေးဆေးကြောသန့်စင်ဖို့ အတွက် ကောင်းကင်က ကျလာတာပါ။
      
(၁၈) ဘုရားအလောင်းလေးဟာ မွေးဖွားလို့ (ရေမိုးချိုး) သန့်စင်ပြီးတဲ့ အချိန်မှာ ခြေစုံမတ်တပ်ရပ်ပါတယ်။
      
(၁၉) ဘုရားအလောင်းလေးဟာ မွေးဖွားလိုက်တာနဲ့ တပြိုင်နက် ကမ္ဘာလောကကြီး တစ်ခုလုံးဟာ အလင်းရောင်တွေနဲ့ လွမ်းဖုံးသွားတယ်။ လောကန္တရိတ်ငရဲကြီး အထိတောင် အမှောင်
ဆိုတာ မရှိတော့ဘူး၊ ကမ္ဘာမြေကြီးဟာ သိမ့်သိမ့်တုန်ဟိန်းသွားခဲ့ပါတယ်။
     
   အဲဒီ အံ့သြဖွယ် (၁၉) မျိုးကို လျှောက်ထားပြီး နောက်ထပ် အံ့သြဖွယ်တစ်ခုကို မြတ်ဘုရားက မိန့်ကြားတော်မူပါတယ်။ အဲဒီ အံ့သြဖွယ် ထူးခြားချက်ကတော့..ခန္ဓာကိုယ်ထဲမှာဖြစ်ပေါ်
လာတဲ့ ဝေဒနာလို့ ခေါ်တဲ့ စိတ်ရဲ့ခံစားမှု လေးတွေကို ရှင်းရှင်းကြီးသိတာ ဖြစ်ပါတယ်။

{၁၃၇၄ ခုနှစ် ကဆုန်လပြည့်နေ့၊ ၅-၅-၂၀၁၂ စနေနေ့၊ မန္တလေးတိုင်းဒေသကြီး၊ ပြင်ဦးလွင်
မြို့နယ်၌ ဒေါက်တာအရှင် နန္ဒမာလာဘိဝံသ ဟောကြားတော်မူသော “ အံ့ဖွယ်လူသား မြတ်ဘုရား ” တရားတော်မှ ကောက်နုတ်ရေးသားပူဇော်ပါသည်။}

{ (၃-၆-၂၀၁၄)နေ့ထုတ် ယဉ်ကျေးလိမ္မာ ဓမ္မရသ ကလေးဂျာနယ် အတွဲ-၁၀၊ အမှတ်-၂၁ မှကူးယူပြီး ပြန်လည်မျှဝေပါသည်။}

http://buddhismworld.ning.com/profiles/blog/show?id=6371237%3ABlogPost%3A439384

Posted via Blogaway

မိစ္ဆာဝါဒီတို့ အကြောက်ဆုံးတရား

မိစ္ဆာဝါဒီတို့ အကြောက်ဆုံးတရား၊ အကြောက်ဆုံးဒေသနာ (၀ါ) အကြောက်ဆုံး ပိဋကတ်မှာ အဘိဓမ္မာပိဋကတ် ဖြစ်၏။ သူတို့ဝါဒ သူတို့ ပြောဆိုရေးသားသမျှကို အဘိဓမ္မာနှင့် ညှိလိုက်သည့်အခါတိုင်း သူတို့၏ အမှားသည် ကွက်ကွက်ကွင်းကွင်း မငြင်းနိုင်အောင် ဖြစ်လေ့ရှိ၏။ ထို့ကြောင့် အဘိဓမ္မာပိဋကတ်သည် မိစ္ဆာဝါဒီတို့အဖို့ အမုန်းဆုံး အကြောက်ဆုံး တရား ဖြစ်၏။


ဤတွင် ထိုမိစ္ဆာဝါဒီတို့ အကြောက်ဆုံး
အမုန်းဆုံးဖြစ်သော အဘိဓမ္မာပိဋကတ်ကို ဘုရားဟောဟု လက်ခံကာ သင်ယူခြင်းကြောင့် ရရှိအပ်သော အကျိုးတရားများနှင့် အဘိဓမ္မာ ပိဋကတ်ကို ဘုရားမဟောဟု ပစ်ပယ်ခြင်းကြောင့် ရရှိနိုင်သော အပြစ်တို့ကို ပြဆိုပါမည်။

အဘိဓမ္မာတတ်သူ အဘိဓမ္မာဆောင်သူကို (တရားဟောဟော မဟောဟော) ဓမ္မကထိက-အစစ်ဟု ခေါ်ပါသည်။ အဘိဓမ္မာ မတတ်သူများကိုကား တရားပင်ဟောနေစေကာမူ ဓမ္မကထိက အစစ်ဟု မခေါ်ပါ။
(အာဘိဓမ္မိကဘိက္ခူယေ၀ ကိရ ဓမ္မကထိကာ နာမ၊ အ၀သေသာ ဓမ္မကထံ ကထေန္တာပိ န ဓမ္မကထိကာ။ အဘိ၊ဋ္ဌ၊၁၊၃၀) အကြောင်းကား အဘိဓမ္မာ မတတ်သူများသည် တရားဟောရာ (စာရေးရာ) တွင် (၁) ကမ္မန္တရ အာလောဠန - ကံတစ်ခုကို အခြားကံတစ်ခုဖြင့် ရောမွှေ၍ (၂) ၀ိပါကန္တရ အာလောဠန - ၀ိပါက်တစ်ပါးကို အခြားဝိပါက်တစ်ပါးဖြင့် ရောမွှေ၍ (၃) ရူပါရူပ ပရိစ္ဆေဒ အာလောဠန - ရုပ်နာမ် အပိုင်းအခြားကို ရောမွှေ၍ ၊ (၄) ဓမ္မန္တရ အာလောဠန - ရုပ်တရားကို နာမ်တရားဖြင့် နာမ်တရားကို ရုပ်တရားဖြင့် ရေမွှေ၍လည်း ဟောပြောရေးသားတတ်၏။

အနည်းငယ် အကျယ်ချဲ့၍ ရှင်းပါဦးမည်။

(၁) အဘိဓမ္မာ မတတ်သူများသည် ကာမ၀စရကံကိုလည်း ရူပါဝစရကံ စသည်ဖြင့်လည်းကောင်း၊ ကာမာဝစရကံ အချင်းချင်းတွင်လည်း မည်းညစ်သော အကျိုးရှိသော အကုသိုလ်ကံကို ဖြူစင်သော အကျိုးရှိသော ကုသိုလ်ကံဟုလည်းကောင်း ရောထွေးပြောဆို တတ်ကြ၏။ ဥပမာ - တရားအားထုတ်၍ ကာမာဝစရ ၀ိပဿနာ ဉာဏ် အတော်အတန် ထက်သန်လာသောအခါ လောကုတ္တရာ မဂ်ဉာဏ်ဟု သူတစ်ပါးအား ပြောဆိုခြင်းမျိုး၊ ၀ိပဿနုပက္ကိလေသ- ဟု ခေါ်သော နိကန္တိတဏှာ (အကုသိုလ်) ကိုလည်း မဂ်ကုသိုလ်ကံ ထင်မှားကာ သူတစ်ပါးအား မဂ်ဖိုလ် ရကြောင်း ပြောဆိုခြင်းမျိုး၊ မိမိချစ်သူ (မိဘ၊သားသမီး)၏ သေခါနီး၌ ဝေဒနာအပြင်းအထန် ခံစားရသဖြင့် ပင်ပန်းနေသည်ကို သနားလှသဖြင့် မြန်မြန်သေအောင်ပြုမှု [mercy killing-] (အကုသိုလ်)ကို ကုသိုလ်ထူးဟု ထင်မှား ပြောဆိုခြင်းများသည် ကံတစ်ခုကို အခြားကံတစ်ခုဖြင့် ရောသမမွှေခြင်း- ကမ္မန္တရ အာလောဠန- မည်၏။

(၂) တရားအားထုတ်သောအခါ ၀ိပဿနာဉာဏ်၏ ထက်သန်မှုကြောင့် ကာယပဿဒ္ဓိ စိတ္တပဿဒ္ဓိ နှင့် သုခ ပီတိ- တို့ဖြစ်၍ လောကကြီးကို မေ့သကဲ့သို့ ပျော်မွေ့မှုဖြစ်ခြင်းကို ဖလသမာပတ်ဟု ထင်မှတ်ပြောဆိုခြင်း၊ တိရစ္ဆာန် ပြိတ္တာတို့ ငတ်ပြတ်နေချိန် ဆာလောင်မွတ်သိပ်ချိန်တွင် မစင်-ခွေးသေကောင်ပုပ် စသည်ကို ရရာ၌ အကုသိုလ်ကံ၏ အကျိုး အာနိသင်ဖြစ်ပါလျက် ကုသိုလ်ကံ၏ အကျိုးဟု ထင်မှတ်ပြောဆို ကြခြင်း၊ အကုသိုလ်ဖြင့် အသက်မွေးသူ၏ ကောင်းကျိုးရနေခြင်း ကြီးပွားချမ်းသာနေခြင်းသည် ရှေးကုသိုလ်ကံ၏ အကျိုး ဖြစ်ပါလျက် အကုသိုလ်ကံ၏ အကျိုးဟု ထင်မှား၍ ပြောဆို ချီးမွမ်းခြင်း၊ ကောင်းသောအမှုဖြင့် အသက်မွေးနေပါလျက် ဆင်းရဲဒုက္ခရောက်နေသူကို ကုသိုလ်ကံက မကောင်းကျိုး ပေးသည်ဟု ထင်မှားပြောဆိုခြင်း၊ ဗြဟ္မာ့ပြည်၌ လှပသော ရူပါရုံကို မြင်ရ၊ ကောင်းသော သဒ္ဒါရုံကို ကြားရသောအခါ ကာမာဝစရကံ၏ အကျိုးဖြစ်ပါလျက် ရူပကံ၏ အကျိုးဟု ထင်မှတ် ပြောဆိုကြခြင်းမျိုးသည် အကျိုးတစ်ပါးကို အကျိုး တစ်ပါးဖြင့် ရောသမမွှေခြင်း- ၀ိပါကန္တရ အာလောဠန- မည်၏။

(၃) ရုပ်တရား နာမ်တရားသည် အဘိဓမ္မာကျွမ်းကျင်သူများ အတွက် ကွဲပြားခြားနားပြီး ဖြစ်၏။ အဘိဓမ္မာမကျွမ်းသူတို့ အိပ်ပျော်နေချိန် ဘ၀င်စိတ်အစဉ် ဖြစ်နေခြင်းကို နာမ်တရားမဟုတ် ရုပ်တရားဟု ထင်မှားပြောဆိုတတ်ကြခြင်း၊ အိပ်ချင်၍ မိဒ္ဓ-ဖြစ်ခြင်းကို ရုပ်တရားဟု ထင်မှားပြောဆိုတတ်ကြ ခြင်း၊ ဝေဒနာကို ရုပ်တရားဟု ထင်မှားပြောဆိုတတ်ကြခြင်းမျိုး သည် ရူပါရူပ ပရိစ္ဆေဒ အာလောဠန- မည်၏။

(၄) နာမ်တရားအချင်းချင်း ရောသမမွှေမှု၊ ဥပမာ- သူတစ်ပါး ပျက်စီးရာပျက်စီးကြောင်း အသေးစိတ်ကြံစည်မှု ၊ ဖျက်အားပြင်း လက်နက်ဆန်းများ တီထွင်ရန်ကြံစည်မှု-စသော အကုသလ ၀ိတက်ကို ဉာဏ်ဟုလည်းကောင်း၊ မကြည်ညိုသင့်သူကို ကြည်ညိုမိခြင်း မိစ္ဆာဓိမောက္ခ- သို့မဟုတ် မောဟ-ကို သဒ္ဓါ-ဟု လည်းကောင်း၊ သားချစ်မယားချစ် ချစ်ခြင်းဟူသော တဏှာ (လောဘ)ကို မေတ္တာ-ဟုလည်းကောင်း၊ ချစ်သူဒုက္ခရောက်၍ ၀မ်းနည်းခြင်း သောက-ကို ကရုဏာ-ဟုလည်းကောင်း၊ မိမိချစ်သူ အောင်မြင်ကြီးပွား၍ ၀မ်းမြောက်မှု သောမနဿနှင့် ယှဉ်သော လောဘ-ကို မုဒိတာ- ဟုလည်းကောင်း၊ မိစ္ဆာဝါဒီများက သာသနာတော်ကို ဆန့်ကျင်ဘက်ပြုကာ စော်ကားနေသည်ကို တွေ့မြင်နေပါလျက် အမှားအမှန်မသိမှု မောဟ၊ သို့မဟုတ် တာဝန်မယူလို ရှောင်ရှားလိုခြင်းဟူသော ပျင်းရိမှု ကောသဇ္ဇ-ဖြစ်သည်ကို ဥပေက္ခာ-ဟုလည်းကောင်း ထင်မှားပြောဆိုခြင်းများသည် ဓမ္မန္တရ အာလောဠန-မည်၏။

အဘိဓမ္မာတတ်သူတုိ့ကား ထိုသို့ ထင်ယောင်ထင်မှားဖြစ်ခြင်း၊ ရောထွေးခြင်းမျိုး မဖြစ်၊ မရှိ။ ကံသဘော၊ အကျိုးသဘော တို့ကိုလည်း ခွဲခွဲခြားခြားသိ၏။ ရုပ်နာမ်ဓမ္မတို့၏ သဘာဝအမှန်ကို လည်း တိတိကျကျသိ၏။ ထို့ကြောင့် အဘိဓမ္မာတတ်သူသည် တရားပင် မဟောစေကာမူ ပြဿနာတစ်ရပ်ကို အဖြေရှာရာတွင် မှန်မှန်ကန်ကန် တိတိကျကျ ဖြေရှင်းပြနိုင်သောကြောင့် ဓမ္မကထိက အစစ်ဟူ၍ ဆိုခြင်းဖြစ်၏။

ဤသို့ ရုပ်နာမ်သဘာဝကို တိတိကျကျသိခြင်း၊ မည်သူက မည်မျှပင် လှည့်ပတ်၍ ပြောဆိုရေးသားစေကာမူ ဤကား မိစ္ဆာ၊ ဤကား သမ္မာ-ဟု ရှင်းရှင်းလင်းလင်း သိခြင်းသည်ကား အဘိဓမ္မာ ကို သင်ယူရခြင်း၏- အကျိုးတည်း။

အဘိဓမ္မာကို ဘုရားဟောမဟုတ်ဟု ပစ်ပယ်ခြင်း၏ အပြစ်တို့ကို ဗုဒ္ဓ၏ ဗုဒ္ဓ၀ါဒ-စာအုပ်တွင် စာရေးသူ ရေးဖူးပါသည်။ ယခု ထိုစာအုပ်မှပင် ထုတ်ပြပါမည်။
အဘိဓမ္မာကို ဘုရားဟောမဟုတ်ဟု ပစ်ပယ်ခြင်းသည်။

(၁) ဘုရားရှင်၏ ဓမ္မစက်ကို ရိုက်ချိုးဖျက်ဆီးရာ ရောက်၏။

(၂) ထိုသို့ ဖျက်ဆီးသောအားဖြင့် ဤမျှလေးနက်တိကျသော၊ ရှေ့နောက်ညီညွတ်သော ၊ အကြောင်းအကျိုး ခိုင်လုံသော တရားမျိုးကို ဘုရားရှင် မဟောနိုင်ရာ-ဟု ဆိုရာရောက်ရကား သဗ္ဗညုတဉာဏ်တော်ကိုလည်း တားမြစ်ရာရောက်၏။

(၃) သဗ္ဗညုတဉာဏ်တော်ကို တားမြစ်ရာရောက်သဖြင့် `အန္တရာယ၊ နိယျာနနှင့်၊ ဗုဒ္ဓ-အာသ၀က်၊ ဤလေးချက်၌၊ ဟန့်ဖျက်မသမာ၊ ကန့်ကွက်လာသော်၊ လွန်စွာရဲတင်း၊ ဖြေရှင်းနိုင်သော ဝေသာရဇ္ဇ ဉာဏ်တော်ကို ဆုတ်နစ်စေရာလည်း ရောက်၏။

(၄) အဘိဓမ္မာကို နာယူလို၊ သင်ယူလိုသူတို့ကို မနာယူချင်၊ မသင်ယူချင်အောင် ပိတ်ပင်ရာလည်း ရောက်၏။

(၅) (ထိုသို့ မနာယူရသဖြင့် ရုပ်နာမ်တရားတို့ကို ပိုင်းခြား၍ မသိနိုင်ရကား ) အရိယာမဂ်ကို ပိတ်ပင်ဆီးတားရာလည်း ရောက်၏။

(၆) (သံဃာကွဲပြားခြင်း၏ အကြောင်း ၁၈-မျိုးတွင် ဘုရားဟောကို ဘုရားဟောမဟုတ်-ဟု ပြောဆိုခြင်းလည်း ပါသဖြင့်) သံဃာကွဲပြားဖို့ရာ အကြောင်းတစ်ပါးကို ကျူးလွန်ရာလည်း ရောက်၏။

(၇) ဗုဒ္ဓဘာသိတ အဘိဓမ္မာကို ဗုဒ္ဓဘာသိတ (ဘုရားဟော) မဟုတ်ဟု ငြင်းခုံခြင်းသည် ၀ိဝါဒ-မည်၏။ အဘိဓမ္မာ၏ အပြစ်ကို ပြောခြင်းသည် ဓမ္မအ၀ဏ္ဏဘာသန- မည်၏။ ထိုသို့သော (ရဟန်း) ပုဂ္ဂိုလ်ကို ဥက္ခေပနီယ (နှင်ထုတ်) ကံလည်း ပြုထိုက်၏။ တဇ္ဇနီယ (ခြိမ်းခြောက်) ကံလည်း ပြုထိုက်၏။ (လူဖြစ်လျှင် ပတ္တနိကုဇ္ဇန- သပိတ်မှောက်ကံ ပြုထိုက်၏။) (အဘိ၊ဋ္ဌ၊၁၊ ၃၀)

အထက်ပါ အကျိုးအပြစ်များသည် ပထမဆုံးသော အဘိဓမ္မာ အဋ္ဌကထာကြီးမှ ဖော်ပြချက်များ ဖြစ်၏။
`ဥပါလိတ္ထေရအပဒါန်မှ အရှင်ဥပါလိမထေရ်၏ မိန့်ဆိုချက်တို့ကို လည်း ဖော်ပြချင်ပါသေးသည်။
`သာသနာတော်သည် အချို့သော သူတို့အား ပျို့အန်ဆေးဖြစ်၍ အချို့သော သူတို့အား ၀မ်းလျှောဆေး ဖြစ်၏။ အချို့သော သူတို့အား လတ်တလော သေစေတတ်သော အဆိပ်ဖြစ်၍ အချို့သော သူတို့အား နတ်ဆေးဖြစ်၏။
သာသနာတော်သည် မဂ္ဂဋ္ဌာန်လေးယောက်တို့အား ကိလေသာကို အန်ဆေးဖြစ်၍ ဖလဋ္ဌာန်လေးယောက်တို့အား ၀မ်းလျှောဆေး ဖြစ်၏။ အကျိုးကို လိုလားကုန်သော ကောင်းမှုကို ရှာမှီးကုန်သော သူတို့အား နိဗ္ဗာန်ဆေးသဖွယ် ဖြစ်၏။

သာသနာတော်နှင့် ဆန့်ကျင်သော သူတို့အား လတ်တလော သေစေတတ်သော အဆိပ်ကဲ့သို့ (ဖြစ်၏ဟူ၍) ဟောကြားတော်မူ၏။ မျက်စောင်းရိပ်ကာမျှဖြင့် လျှင်စွာ သေစေတတ်သော အဆိပ်ရှိသော မြွေဆိုးသည် ထိုလူကို လောင်စေသကဲ့သို့ ထို့အတူ သာသနာတော်နှင့် ဆန့်ကျင်သော သူကို လောင်စေ၏။

တကြိမ်သောက်အပ်သော အဆိပ်သည် အသက်ကို တကြိမ်သာ ဖြတ်တတ်၏။ ထိုသူသည် သာသနာတော်နှင့် ဆန့်ကျင်ဘက် ပြုသောကြောင့် ကမ္ဘာကုဋေပတ်လုံးလည်း လောင်မြိုက်ရ၏။

ထိုမြတ်စွာဘုရားသည် သည်းခံခြင်းဖြင့်လည်းကောင်း၊ မညှဉ်းဆဲခြင်း ဖြင့်လည်းကောင်း ၊ မေတ္တာစိတ်ရှိခြင်းဖြင့် လည်းကောင်း၊ နတ်နှင့်တကွသော လောကကို ကယ်တင်တော် မူ၏။ ထို့ကြောင့် ထိုဘုရားရှင်တို့ကို ဆန့်ကျင်ဘက် မပြုအပ်ကုန်။

လာဘ်ရမှု မရမှု၌ မကပ်ငြိကုန်၊ မြတ်နိုးမှု မမြတ်နိုးမှု၌ မကပ်ငြိကုန်၊ ဘုရားရှင်တို့သည် မြေကြီးအထုနှင့် တူကုန်၏။ ထို့ကြောင့် ထိုဘုရားရှင်တို့ကို ဆန့်ကျင်ဘက် မပြုအပ်ကုန်။

မြတ်စွာဘုရားသည် သတ်ပုတ်ညှဉ်းဆဲတတ်သော ဒေ၀ဒတ်၌ လည်းကောင်း ၊ အင်္ဂုလိမာလခိုးသူ၌လည်းကောင်း၊ ရာဟုလာ သားတော်၌လည်းကောင်း၊ နာဠာဂိရိဆင်၌လည်းကောင်း၊ ခပ်သိမ်းသော သတ္တ၀ါတို့အား တူမျှသော စိတ်ထားရှိတော်မူ၏။

ထိုဆန့်ကျင်သော သူတို့အား အမျက်ထားခြင်း မရှိ။ ဤမဆန့်ကျင်သော သူတို့အား တပ်နှစ်သက်မှု မရှိ၊ သတ်ဖြတ် ညှဉ်းဆဲတတ်သော သူအားလည်းကောင်း၊ ရင်သွေးသားမြတ် အားလည်းကောင်း၊ ဤသတ္တ၀ါအလုံးစုံတို့အား မြတ်စွာဘုရား သည် တူမျှသော စိတ်ထားရှိတော်မူ၏။
(ဂါထာ- ၅၇၉-မှ ၅၈၆)

ဗုဒ္ဓဘုရားရှင်နှင့် သာသနာတော်အား စော်ကားပြစ်မှားကြသူ အပေါင်းအား ဘုရားရှင်ထုံး နှလုံးမူ၍ အမျက်မထား ဒေါသမပွားပဲ အမှန်တရားဘက် ဘုရားရှင်ဘက်မှ ရပ်တည်ကာ သာသနာတော်ကို ကာကွယ်စောင့်ရှောက်နိုင်ကြပါစေ။ ။

(သာသနာတော်ကို ကာကွယ်စောင့်ရှောက်၍ မိစ္ဆာတို့ကို ဖြိုးခွင်းရန် စည်းလုံးပေါင်းစုကြသော အသင်းအဖွဲ့များအား ဂုဏ်ပြုကြိုဆိုလျက်။)

အရှင်ကောဝိဒ (ယော)

Posted via Blogaway