ပညာ

အမောဟ  တဲ့ သူကတော့ တစ်ခုထဲမို့ လို့  ခေါ်ချင်သလိုခေါ်လို့ ရတယ်။
ဒါပေမယ့် နာမည်က ပညိနြေ္ဒ တဲ့ အဓိပ္ပါယ်က အာရုံကိုသိခြင်းသဘော၊
ဒါက အဓိပ္ပါယ် သာပြောထားတာ၊အနက်အစစ် မဟုတ်သေးဘူး။

ပညာ ဆိုတာ သိတာ၊ ဣနြေ္ဒဆိုတဲ့ စကားလုံးရဲ့အဓိပ္ပါယ်က အစိုးရခြင်း
ဆိုတဲ့ အဓိပ္ပါယ်ရှိတယ်။ ဒါကြောင့် ပညိနြေ္ဒ ဆိုတာ သူဟာ ပညာလည်း
ဟုတ်တယ်။ သိတဲ့နေရာမှာ အစိုးတရလည်းဖြစ်တယ်။ ဒါကြောင့်မို့ 
ပညိနြေ္ဒ လို့ ခေါ်တယ်။ အာရုံကိုအမှန်အတိုင်းသိခြင်းသဘော။

ဒီမှာဆိုလိုတဲ့ ပညာက တကယ့်ကို ရုပ်နာမ်သဘောကို ထိုးထွင်းသိတဲ့
ပညာကို ဆိုလိုတာ၊ ဆိုပါတော့ သင်ကြားတဲ့ ပညာတွေလည်း တတ်ကြတယ်
မဟုတ်လား၊ အမှန်အတိုင်းပြောရင် ဒါတွေကို ဦးဇင်းတို့ က ပညာလို့ 
မခေါ်ဘူး၊ တစ်နည်းနည်း နဲ့ တခြားနာမည်နဲ့ခေါ်ချင်ခေါ်ပေါ့။ ဗဟုသုတ
လို့ ခေါ်ချင်ခေါ်၊ အတတ်လို့ ပဲ ခေါ်ခေါ်။

ပါဠိတော်တွေမှာ ပညာဆိုတဲ့ စကားလုံးကို သုံးပြီဆိုရင်  ရုပ်နာမ် သဘောကို
အမှန်အတိုင်း  ထိုးထွင်းပြီးသိတာမျိုး ဒီထက်တစ်ဆင့်တက်လိုက်ရင်
သစ္စာလေးပါးတရား နိဗ္ဗာန်ကို ထိုးထွင်းပြိး သိတာမျိုးကို ပညာလို့ ခေါ်တယ်။

ဒီပညာဟာ ဘယ်တော့မှ အကုသိုလ်စိတ်နဲ့မယှဉ်ဘူး။ အဟိတ်စိတ်နဲ့ 
မယှဉ်ဘူး။ကာမာဝစရ သောဘန စိတ်ထဲမှာတောင်မှ ဥာဏသမ္ပယုတ်နဲ့
သာယှဉ်တယ်။ဥာဏ ၀ိပ္ပယုတ်နဲ့ ပညာ နဲ့မဆိုင်ဘူး။

ပညာကို ဘာနဲ့ ဥပမာ ပေးလည်းဆိုတော့ မှောင်နေတဲ့အခန်းထဲမှာ
မီးထွန်းလိုက်တာမျိုး လင်းသွားသလိုပဲ ပညာမပါရင် ရုပ်နာမ်ရဲ့
သဘောတရားကို မသိဘူး။ အမှောင်ကျသလိုပဲ။ ပညာပေါ်လာတဲ့
အခါမှာ ရုပ်နာမ်ရဲ့ သဘောတရားကို ထင်ထင်လင်းလင်း သိသွားတယ်။
အဲ့သလို သိတတ်တဲ့ သဘောတရား၊ အဲ့သလို သိခြင်း`၌ အစိုးတရဖြစ်
တတ်တဲ့ သဘောတရားကို ပညိနြေ္ဒ လို့ ခေါ်တယ်။

ပညိနြေ္ဒ ကိုပြည့်ပြည့်၀၀ တိတိကျကျ လုပ်ချင်ရင်တော့ တရားထိုင်ရမယ်။
တရားထိုင်မှတ်တာ ကြာလာတဲ့အခါကျတော့ ဒါတွေကို သူ့ ဟာသူ
မြင်လာတာ၊ ပထမ စစချင်းတော့ ဒါမဖြစ်နိုင်သေးဘူး။ သမာဓိ ရအောင်လုပ်
နေရတာ။သမာဓိဖြစ်တာနဲ့ တစ်ပြိုင်နက် ပညာလာတော့တာပဲ။
ဒါကြောင့်မို့  ဘုရားဟောထားတာက   “သမာဟိတော ဘိက္ခဝေ
ယထာဘူတံ ပစာနာတိ”  တဲ့ ။သမာဓိရှိတဲ့ ပုဂ္ဂိုလ်ဟာ တရားတွေကို
အမှန်အတိုင်း သိမြင်သွားတယ်။ အပြီးထိအောင် လုပ်မနေရတော့ဘူး။
စိတ်တည်ကြည်ပြီး ငြိမ်သွားပြီဆိုတာနဲ့  တစ်ပြိုင်နက် တရားကို
မြင်လာတယ်။ အဲ့သလိုမြင်လာတဲ့ပညာကိုမှ ပညာ လို့ ခေါ်တယ်။

ပြီးတော့ ရှိသေးတယ်။ကံ  ကံ၏ အကျိုးကို ယုံကြည်သိမြင်တဲ့ ကမ္မဿကတ
ပညာ လို့ ခေါ်တယ်။ ကံဆိုတာ ရှိတယ်၊ ကံ၏ အကျိုးဆိုတာ ရှိတယ်လို့ 
ယုံကြည်တာ၊ ရှေးတုန်းကထဲက ဒါတွေရှိပြီးသားပါ။

အမောဟ လို့ လည်းခေါ်တယ်။ ပညာလို့ လည်းခေါ်တယ်။ ဥာဏလို့ လည်း
ခေါ်တယ်။ အားလုံးအတူတူပဲ။

အရှင်သီလာနန္ဒာဘိဝံသ

သညာ သိ ၀ိညာဉ်သိ ပညာသိ

နောက်တစ်ခုက သညာရယ် ၀ိညာဉ်ရယ်  ပညာရယ်တဲ့ (၀ိညာဉ်ဆိုတာ စိတ်ပါပဲ)
ဒီသုံးခု အစုကို နားလည်ရမယ်။

သညာ၊ ၀ိညာဉ်၊ ပညာ တို့ ၏ အာရုံကိုသိသည်၏ အဖြစ်သည်
တူညီသော်လည်း သညာသည် အညို အရွှေ ဤသို့ စသည်ဖြင့် အာရုံကို
မှတ်သိရုံမျှသာဖြစ်သည်။

သညာ သိတာ မှတ်သိရုံလေးပါ၊ ဒါလေးက အနီ ၊
ဒါက အညို ၊ ဒါက အ၀ါ စသည်ဖြင့်ပေါ့ ၊ အဲ့သလို သိတာ သညာသိ။
မမြဲ  ဆင်းရဲ အတ္တ မဟုတ် ဟု လက္ခဏာသုံးပါး ထိုးထွင်းသိခြင်းသို့ 
ရောက်စေရန်ကား မစွမ်းနိုင်သေး။ သညာက အနိစ္စ ဒုက္ခ အနတ္တ လို သိသည့်တိုင်
အောင် မစွမ်းနိုင်သေးဘူးတဲ့ ၊ မှတ်ရုံမှတ်ပြီးသိတာကိုး။

ဝိညာဉ်သည် အညို အရွှေ ဤသို့  စသည်ဖြင့် အာရုံကိုလည်းသိ၏။ လက္ခဏာ
သုံးပါးထိုးထွင်းသိခြင်းသို့လည်း ရောက်စေ၏။

ဝိညာဉ်သိ (စိတ်သိ)ကျတော့မှတ်လည်းပါသွားတယ်။လက္ခဏာကို
ထိုးထွင်းသိသောအနေအထိလည်းသိတယ်တဲ့ ။
သို့ သော်လည်း အဆင့်ဆင့်တက်၍ အရိယာမဂ် ဖြစ်ပေါ်ခြင်းသို့ ရောက်စေ
ရန်ကားမစွမ်းနိုင်သေး။
ဝိညာဉ်သိ  သိရုံနဲ့ ကိစ္စ မဆုံးသေးဘူးလို့ ဆိုလိုတယ်။

ပညာသည်ကား ဆိုခဲ့ပြီးသောနည်းဖြင့် အာရုံကိုလည်းသိ၏။ လက္ခဏာ
သုံးပါးထိုးထွင်းသိခြင်းသို့လည်း ရောက်စေ၏။ အဆင့်ဆင့်တက်၍
အရိယာမဂ် ဖြစ်ပေါ်ခြင်းသို့လည်းရောက်၏။
အဲ့သလိုကွာတယ်။ သညာက မှတ်ရုံသာသိတယ်။ ၀ိညာဉ်ကျတော့
နည်းနည်းလေးပိုသိလာတယ်။ မကုန်သေးဘူး၊ ပညာကျမှ အကုန်
ထိုးထွင်းပြီးတော့ သိတယ်။ ဒါကြောင့် သညာ၊ ၀ိညာဉ် ၊ ပညာ သုံးပါး
အစုကိုလည်း မှတ်ရမယ်။


အရှင်သီလာနန္ဒာဘိဝံသ

အမြတ်စား အညံ့စား အကျင့် နှစ်ပါး

မဂ်သို့ ရောက်ကြောင်း ထိုအကျင့်ကောင်းကိုလည်း  အမြတ်စား
အညံ့စား  နှစ်မျိုးအားဖြင့် မြတ်စွာဘုရား ဟောကြားတော်မူအပ်ပြီ။

ရဟန်းတရားကို ပွားများကြိုးကုတ် စ၍ အားထုတ်သည်မှ
နီဝရဏ ငါးပါးတို့ ကို ခွါနိုင်သည့် တိုင်အောင် ဤ အတွင်းသည်
ပဋိပဒါ၏ခေတ် ပဋိပဒါ၏ နယ်ပယ်မည်၏။

ဤ အတွင်း အလွယ်တကူ မပင်မပန်း နီဝရဏ ငါးပါးတို့ ကို ခွါစွန့် နိုင်လျှင်
“သုခါ ပဋိပဒါ”   ဟူ၍ ခေါ်၏။
ငြိုငြင် ပင်ပန်းဆင်းရဲစွာကျင့်မှ နီဝရဏတို့ ကို စွန့် ခွါနိုင်လျှင်
“ဒုက္ခာ ပဋိပဒါ”   ဟူ၍ ခေါ်၏။
နီဝရဏ ငါးပါးတို့ ကိုခွါစွန့် ပြီးသည်မှ စ၍
မဂ်ဥာဏ်သို့ ရောက်သည့်တိုင်အောင် ဤ အတွင်းသည်
အဘိညာခေတ်  (အဘိညာ=၀ိပဿနာ ဉာဏ်ပညာ)
၏ နယ်ပယ်မည်၏။
နိဝရဏ ငါးပါးတို့ ကို ခွါပြီးနောက် မဂ်ဉာဏ်သို့ 
အလျှင်အမြန်ရောက်သော ၀ိပဿနာ ဉာဏ်တို့ ကို
ခိပ္ပါဘိည ဟူ၍ ခေါ်၏။
မဂ်ဉာဏ်သို့  နှေးနှေးကန်ကန် ရောက်မူ ထိုဝိပဿနာ ဉာဏ်တို့ ကို
ဒန္ဓာဘိည ဟူ၍ ခေါ်၏။

(၁)အချို့ သော ပုဂ္ဂိုလ်တို့ မှာ ရဟန်းတရားအားထုတ်လတ်သော်
နီဝရဏ ငါးပါးတို့ ကို မပင်မပန်း အလွယ်တကူ ပယ်ပြီးလျှင်
မဂ်ဉာဏ်သို့ လျှင်မြတ်စွာ ရောက်ကြ၏။ ထိုပုဂ္ဂိုလ်တို့ ၏ ပဋိပဒါ
(=အကျင့်မျိူး)ကို သုခါ ပဋိပဒါ ခိပ္ပဘိညာ  ဟူ၍ ခေါ်၏။ (ဤအကျင့်မျိုးကို
အမြတ်စားဟူ၍ မြတ်စွာဘုရားဟောကြားတော်မူ၏။)
(၂)အချို့ သော သူတို့ မှာ နီဝဏ ငါးပါးတို့ ကို အလွယ်တကူနှင့်
ပယ်ပြီးနောက် နှေးကန်စွာ မဂ်ဉာဏ်သို့ ရောက်ဆိုက်ကြ၏။
ထို ပုဂ္ဂိုလ်တို့ ၏ ပဋိပဒါ(=အကျင့်မျိုး)ကို သုခ ပဋိပဒါ ဒန္ဓာဘိညာ
ဟူ၍ ခေါ်၏။
(၃) အချို့ မှာနီဝဏ ငါးပါးတို့ ကို ငြိုငြင်ပင်ပန်းခဲယဉ်းစွာကျင့်မှ
ခွါစွန့် နိုင်ပြီးလျှင် မဂ်ဉာဏ်သို့ ကား လျှင်မြန်စွာ ရောက်ဆိုက်ကြ၏။
ထိုသူတို့ ၏ ပဋိပဒါ(= အကျင့်မျိုးကို ဒုက္ခာ ပဋိပဒါခိပ္ပါဘိညာ ဟူ၍ ခေါ်၏။
(၄)အချို့ မှာ နီဝဏငါးပါးတို့ ကိုလည်း ငြိုငြင်ပင်ပန်း ခဲယဉ်းစွာကျင့်၍
စွန့်ခွါပြီးနောက် မဂ်ဉာဏ်သို့လည်း နှေးနှေးကန်ကန် ရောက်ဆိုက်ကြ၏။
ထိုသူတို့ ၏ ပဋိပဒါ(=အကျင့်မျိုး)ကို ဒုက္ခါ ပဋိပဒါ ဒန္ဓာ ဘိညာ ဟူ၍ ခေါ်၏။

ထိုအမြတ်စား အညံ့စား အကျင့်နှစ်ပါးဖြင့် နိဗ္ဗာန်တည်းဟူသော
တဖက်ကမ်းသို့ ရောက်ဆိုက်ရာမှာလည်း မဂ်ဉာဏ်တစ်ခုတည်းဖြင့်
နိဗ္ဗာန်သို့ နှစ်ကြိမ် နှစ်ခါ မရောက်ကောင်းချေ။(မဂ်ဉာဏ်သည်
တစ်ကြိမ်ဖြစ်လိုက်လျှင်ပင် မိမိ ပယ်ရမည့် ကိလေသာကို အပြီးသတ်
ပယ်သောကြောင့် နောက်ထပ် တစ်ဖန် ထိုခန္ဓာ သန္တာန်မှာ ဖြစ်ရိုးမရှိသဖြင့်
မဂ်ဉာဏ် တစ်ခုတည်းဖြင့် နိဗ္ဗာန်သို့  နှစ်ကြိမ်နှစ်ခေါက် မရောက်ကောင်းချေ
ဟု ဟောတော်မူခြင်းဖြစ်သည်။

(မဟာဗုဒ္ဓ၀င် ဒုတိယတွဲ စာမျက်နှာ-၄၈၉)
……..
အမြတ်စားဖြင့်သော်လည်းကောင်း၊ အညံ့စားဖြင့်သော်လည်းကောင်း၊
မဂ်ဉာဏ်သို့ ဆိုက်ရောက်ခြင်းသည် ကြီးစွာသောအကျိုးဖြစ်၏။
ထိုမဂ်ဉာဏ်သို့ဆိုက်ရောက်ခြင်းငှါ ကြီးစွာသော ၀ီရိယ ဖြင့်
ကြိုးစားအားထုတ်ခြင်းသည် ဖြစ်ကြပါစေ။

တန်ဖိုးရှိ၍ မြင့်မြတ်သောလူ

အသိတရားသည် လူတွင်မက  တိရိစ္ဆ္ဆာန်များတွင်လည်းရှိကြသည်။
သူ့ ကျေးဇူးကို သိတတ်သည့်တိရိစ္ဆာန်များ။  မိမိရင်သွေးများကို အစာရှာ
ကျွေးမွေးကြသော တိရိစ္ဆာန်များသည် အသိရှိကြသည့်သဘောပင်ဖြစ်သည်။


လူသည် တိရိစ္ဆာန် ထက် သာလွန်မြင့်မြတ်သော အသိတရား ရှိနိုင်၏။
ရှိအောင်လည်း အားထုတ်နိုင်၏။လူဖြစ်ခွင့်ရခြင်းသည် ဒါန သီလ တို့ ၏
ထောက်ပံ့မှုကြောင့် သုဂတိ ဘုံသို့ ရောက်ရခြင်းဖြစ်သည်။ သို့ သော်
အသိတရားရှိအောင် အားမထုတ်သူသည် တိရိစ္ဆာန် နှင့် မခြားသော
အသိတရားဖြင့် ရှင်သန်ကြသည်။စားမှု အိပ်မှု ကာမဂုဏ် ခံစားမှုတို့ ဖြင့်သာ
အချိန်ကို ကုန်လွန်စေတတ်သူသည်  တိရိစ္ဆာန်နှင့်းပြည့်စုံသော်လည်း

တန်ဖိုးရှိ၍ မြင့်မြတ်သောလူသည် ပညာဖြင့် အသက်မွေးသူဖြစ်သည်။
မျိုးရိုးမြင့်မြတ်ခြင်း ရာထူးဂုဏ်သိန် ကြီးကျယ်ခြင်း ပစ္စည်းဥစ္စာ အခြွေအရံ
ပေါများခြင်း ဘုန်းကံကြီးမား၍ သြဇာ အရှိန်အ၀ါ ကြီးကျယ်ခြင်းများသည်
အတုအယောင်ချမ်းသာခြင်းများဖြစ်ပြီး ထိုထို ပြည့်စုံခြင်းများနှင့် ပြည့်စုံသူကို
တန်ဖိုးရှိ၍ မြင့်မြတ်သူ ဟု မခေါ်ဆိုနိုင်ပေ။

မျိုးရိုးမြင့်မြတ်သည်ဟု ခေါ်တွင်သော ရှင်ဘုရင် ပင် ဖြစ်လင့်ကစား
စိတ်ထားယုတ်မာသူသည် ယုတ်မာသူသာဖြစ်သည် မြင့်မြတ်သူ မဟုတ်ချေ။
ရာထူးဂုဏ်သိန် ကြီးကျယ်၍ ပစ္စည်းဥစ္စာ အခြွေအရံ ပေါများပြည့်စုံသော်လည်း
မေတ္တာ ကရုဏာ တရား နှင့်ဆန့် ကျင်သည့် နေထိုင်ပြုမှုခြင်းများရှိပါက
သီလ စောင့်ထိန်းမှု ချို့ တဲ့ပါက မြင့်မြတ်သူ မဟုတ်ချေ။ ဘုန်းကံကြီးမား၍
သြဇာ အရှိန်အ၀ါ ကြီးကျယ် သော်လည်း စင်ကြယ်သောစိတ်ကို မဆောက်တည်
နိုင်ပါက မြင့်မြတ်သော သူ မဟုတ်ချေ။

မြတ်စွာဘုရားရှင် ကိုယ်တော်မြတ်ကြီး သက်တော်ထင်ရှားရှိစဉ်ကပင်
ထင်ရှားသော ဗုဒ္ဓ၀င်များကို လေ့လာနှိုင်းယှဉ်သိမြင်နိုင်ကြပေလိမ့်မည်။
ရှင်ဘုရင်သည်၎င်း။ ဒွန်းစဏ္ဍားသည်၎င်း။ မိဖုရားသည်၎င်း။ ပြည့်တန်ဆာမ သည်၎င်း။
ကုသိုလ် အကုသိုလ်၏ အကျိုးပေး ကြောင့် ဘ၀ နေထိုင်မှု အဆင့်အတန်းခြင်း
မတူညီပေ။ ဆင်းရဲ ယုတ်ညံသော ဘ၀နေထိုင်မှု ။ချမ်းသာပြည့်စုံသော
ဘ၀ နေထိုင်မှု များ ကွဲပြားခြားနား ကြသည်။

သို့သော်လည်း စေတီတည်ထိုက်သော တန်ဖိုးရှိသည့် ပုဂ္ဂိုလ်များသည်
ဘ၀ နေထိုင်မှု နှင့်မသက်ဆိုင်တော့ပဲ အသိတရားမြင့်မားခြင်းနှင့်သာ သက်ဆိုင်
တော့သည်။  စေတီတည်ထိုက်သော ပုဂ္ဂိုလ်သည် မြင့်မြတ်သော တန်ဖိုးရှိသော
ပုဂ္ဂိုလ်များဖြစ်ကြသည်။

အဘယ်ပုဂ္ဂိုလ်တို့ နည်း
စေတီ တည်ထိုက်သော ပုဂ္ဂိုလ်(၄)မျိုး
(၁) အရဟံ ဂုဏ်ရှင် သမ္မာသမ္ဗုဒ္ဓဂုဏ်ရှင် မြတ်စွာဘုရားသခင်ကို
စေတီ တည်ထိုက်၏။
(၂)ပစ္စေက ဗုဒ္ဓါကို စေတီတည်ထိုက်၏။
(၃)မြတ်စွာဘုရား၏ သာဝက(အရိယာ)ကို စေတီ တည်ထိုက်၏။
(၄)စကြ၀တေးမင်းကို စေတီတည်ထိုက်၏။

ဖေါ်ပြပါ (၁) (၂)သည် အားလုံးသိပြီးဖြစ်ပါမည်။
(၃)မြတ်စွာဘုရား၏ သာဝက(အရိယာ)ကိုစေတီတည်ထိုက်၏ ဆိုသော
အချက်အတွက် မဟာဗုဒ္ဓ၀င် ပဉ္စမတွဲ စာမျက်နှာ(၄၄၄)တွင် ဖေါ်ပြထားသည်ကို
ရေးသားမျှဝေပါမည်။
“ ချစ်သား အာနန္ဒာ….အဘယ်သို့ သော အကျိုးထူးကို စွဲ၍
မြတ်စွာဘုရား၏ တပည့် သာဝက (အရိယာ)ကို စေတီတည်ထိုက်သနည်း
ဟူမူကား………ချစ်သား အာနန္ဒာ..  “ဤ စေတီသည်ကား
အရဟံဂုဏ်ရှင် သမ္မာသမ္ဗုဒ္ဓ ဂုဏ်ရှင် ထိုဘုရားသခင် တပည့် သာဝက
အရိယာ၏ စေတီတော်တည်း” ဟု လူအများတို့ သည် မိမိ စိတ်ကို
သဒ္ဓါရွှန်းစို ကြည်ညိုစေကြကုန်၏။ ထိုလူတို့ သည် ထိုစေတီတော်၌
သဒ္ဓါရွှန်းစို ကြည်ညိုကြပြီးသော် ကိုယ်ခန္ဓာ ပြတ်ကြွေ စုတေ သည်မှ
နောက်၌  ကောင်းသော လားရာ နတ်ရွာသို့ ရောက်ရကုန်၏။…….
ချစ်သားအာနန္ဒာ…..ဤ အကျိုးထူးကို စွဲ၍ မြတ်စွာဘုရား၏ တပည့်
သာဝက အရိယာကို စေတီတည်ထိုက်၏။
ဤသို့  မြတ်စွာဘုရားသည် မိန့် တော်မူခဲ့လေသည်။

ထို့ ကြောင့် တန်ဖိုးရှိ၍ မြင့်မြတ်သောသူသည် ဘ၀ နေထိုင်မှု အဆင့်အတန်းနှင့်
လုံးဝ မသက်ဆိုင်။ မိမိ ၏ အသိတရား မြင့်မြတ်ခြင်းနှင့်သာ သက်ဆိုင်သည်။

မြတ်စွာဘုရားရှင် သက်တော်ထင်ရှားရှိစဉ် အချိန်က တန်ဖိုးရှိ၍ မြင့်မြတ်သူနှင့်
မြင့်မြတ်ခြင်းတို့ ကင်းကွာလျှက် တန်ဖိုးမဲ့သောသူများစွာကို လေ့လာတွေ့ ရှိနိုင်သည်။

ယသော်ဓရာ၏ ဖခင် ဘုရင် သုပ္ပဗုဒ္ဓသည် ရှင်ဘုရင်ပင် ဖြစ်လင့်ကစား တန်ဖိုးရှိခြင်း
မြင့်မြတ်ခြင်းကို နားမလည်သည့်အတွက်  မဟာလူသား မြတ်ဘုရားကို ဆဲရေးတိုင်း
ထွာပြောဆိုခဲ့သည်။ထို့ သည့် အကျိုးပေးသည် (၇)ရက် အတွင်း မြေမျိုခံလိုက်ရသည်။
လူခြင်းတူသော်လည်း တန်ဖိုးရှိခြင်း မြင့်မြတ်ခြင်း မတူညီပေ။ မြတ်စွာဘုရားသည် လူသား
စင်စစ်ပင်ဖြစ်သည်။ လူများ အဟာရ သုံးဆောင်သလို သုံးဆောင်ရသည်သာ။
လူများ ကျင်ကြီးကျင်ငယ်စွန့် သကဲ့သို့  စွန့်ရသည်သာ။ သို့ သော် ပါရမီတော်တို့ နှင့်
ကျင့်ကြံအားထုတ်မှု အသိတရား ဥာဏ်အားတို့ သည် သာမာန်လူသားတို့ နှိုင်းယှဉ်
တုပြိုင်နိုင်စရာမရှိအောင် မြင့်မြတ် ပြည့်စုံသူ မဟာလူသားဖြစ်သည်။ လူချင်း တူတူပဲ ဟု
နှိုင်းယှဉ် ပြောစရာဆို၍ ခန္ဓာ နှိပ်စက်ခြင်းကိုခံရတာခြင်း တူတာပဲ ရှိသည်။
ဘုရားရှင်သည်လည်း လူ့ ခန္ဓာ နှင့်မို့  နာမှု ကျင်မှု ထုံမှု ကိုက်ခဲမှု တို့ သည် အစဉ်မပြတ်
နှိပ်စက်ခံရသည်သာဖြစ်သည်။ ထို့ အတွက်ကြောင့်တော့ လူချင်းတူတူဟူ၍
မနှိုင်းယှဉ်ကောင်းချေ။အတုမရှိ တန်ဖိုးရှိသော  အတုမရှိမြင့်မြတ်သော
ဘုန်းတော် အနန။္တ ဥာဏ်တော် အနန။္တ တန်ခိုးတော် အနန္တ နှင့် မဟာလူသား။
ထို့ မဟာလူသားကို မဟာလူသားမှန်းမသိ။ ငါ့သမီး နဲ့ မြေးလေး လူပုံအလယ်
မျက်နှာငယ်အောင် ထားခဲ့ရက်တဲ့ သမက်ဟု  သမီးခင် မြေးခင်သောစိတ်ဖြင့်
ယုတ်ရင်းကြမ်းတမ်းစွာ ဆဲရေးတိုင်းထွာခဲ့သော သုပ္ပဗုဒ္ဓဆိုသည့် ရေမြေ့ အရှင်
ဘုရင်မင်းကြီး မြေမျိုခံရသည့်အဖြစ်။လူ ဖြစ်သော်လည်း တန်ဖိုးမရှိ အသိတရား
မရှိသည့်အတွက်  တန်ဖိုးရှိသည့်အရာကို တန်ဖိုးရှိမှန်းမသိလေသောကြောင့်
ပေါက်ကရပြော ပေါက်ကရလုပ် ငါရှင်ဘုရင် လုပ်ချင်ရာလုပ်လို့ ရသည်ဟု အထင်နှင့်
ထင်ရာစိုင်း ကာ ရိုင်းလိုက်သည့်အဖြစ် မြေမျိုခံရသည့် အပြင် အ၀ီစိတွင် ငရဲခံ
နေရလေပြီ။

နောက်ထပ်တစ်ဦး သုပ္ပဗုဒ္ဓ။ သူတောင်းစား  လမ်းဘေးတွင်နေ လမ်းဘေးတွင် စား
လူဖြစ်သော်လည်း လူလို သူလို ကောင်းစားသော ဘ၀ မဟုတ်။ရှင်ဘုရင် သုပ္ပဗုဒ္ဓ ၏
ဘ၀ အဆင့်အတန်းနှင့် ဘာမျှ မဆိုင်။ သူများကျွေးမှ ပေးမှ ကမ်းမှ စားရသောက်ရ
သောဘ၀ စားကြွင်း စားကျန်ကိုစား။ စွန့် ပစ် အစားအသောက်ကိုစားပြီး အသက်ရှင်
နေရသူ။
ဘုရားရှင်၏ တရားပွဲ နှင့် ကြုံရသခိုက် လူကြားသွား၍ တရားပင် မနာရဲရှာ။
အစွန်အဖျားမှာနေ၍ ဘုရားရှင်၏ တရားတော်များနာကြာရင်း  နား က တရားနာ
ဥာဏ်က ခန္ဓာလှည့်။ အဖြစ် အပျက် မဂ် ကိုက်ညီ၍  သောတာပန် အရိယာ စင်စစ်
သစ္စာသိသူဖြစ်ခဲ့လေသည်။ မြင့်မြတ်သော တန်ဖိုးရှိသော ဘုရားရှင် သားတော်အစစ်
ရတနာတစ်ပါး  ။  စေတီတည်ထိုက်သောပုဂ္ဂိုလ်ဖြစ်ခဲ့သည်။ လူက သူတောင်းစား။
နှလုံးသားက ဘုရားတည်။ မြင့်မြတ်သည့်ဘ၀  တန်ဖိုးရှိသည့် ဘ၀ပိုင်ရှင်။
ရှင်ဘုရင် နှင့် သူတောင်းစား ဘ၀ နေထိုင်မှုက ခြားမှ ခြား။ သို့ သော် မြင့်မြတ်ခြင်း
တန်ဖိုးရှိခြင်းများကတော့ ဆန့်ကျင်ဘက်။ သူတောင်းစားက နိဗ္ဗာန် ကို မျက်မှောက်ပြုပြီး။
ရှင်ဘုရင်က အ၀ီစိရောက်လေသည်။

မိဖုရား မာဂဏ္ဍီ ။ဘုရင် ဥတေန ၏ အချစ်တွေကို တစ်ဦးတည်းသိမ်းပိုက်လိုသဖြင့်
မြင့်မြတ်သော သောတာပန် အရိယာ သာမာဝတီကို အကောက်ကြံ
မီးရှို့ သတ်လိုက်သည့် အကျိုးပေးက လက်ငင်းဘ၀တွင်ပင်ထင်ရှားလွန်းလှသည်။
ဘုရားရှင်ကိုလည်း အငြိုးအတေးထားခဲ့သူ။ ဘ၀နေမှု အဆင့်အတန်းက မိဖုရား
မြင့်မြတ်တန်ဖိုးရှိသူ ဘုရားရှင်နှင့် ဘုရားရှင်၏ သာဝက ကိုမှ ပြစ်မှားစော်ကားမိ
သည့်အဖြစ်။ အပြစ်ကိုခံယူရာ၌ တစ်ဦးတည်းမဟုတ် တစ်ဆွေလုံးတစ်မျိုးလုံး။
မြင့်မြတ်ခြင်း တန်ဖိုးရှိခြင်းကိုလည်းမသိ။ မိမိကိုယ်ကို မြင့်မြတ်အောင် တန်ဖိုးရှိအောင်
လည်းမကြိုးစားပဲ အောက်တန်းစားစိတ်ဓါတ်  လွန်စွာယုတ်ညံ့ခြင်းကြောင့် အရှင်လတ်
လတ် ငရဲခံခဲ့ရရှာသည်။

နောက်တစ်ဦး ပြည့်တန်ဆာမ  သီရိမာ
ဘ၀ နေထိုင်မှု အဆင့်အတန်းက လူတကာကို ဖျော်ဖြေတင်ဆက်ရသည့်ဘ၀။
ရွံရှာဖွယ်ကောင်းလှသည်။ သို့ သော် သစ္စာတရားကိုနာကြား ခန္ဓာပေါ် ဥာဏ်ရောက်
သစ္စာသိအောင် အားထုတ်လိုက်တော့ သာဝက စင်စစ် အရိယာဖြစ်ခဲ့သည်။

မာဂဏ္ဍီ မိဖုရားနှင့် သီရိမာ ပြည့်တန်ဆာမ ဘ၀နေထိုင်မှု အဆင့်အတန်းခြင်း
ဘာမှ မဆိုင် ။ မိဖုရားသည် တိုင်းပြည်တွင်အဆင့်မြင့်သောမိခင်နေရာ နေရသူ.။
ပြည့်တန်ဆာမ သည် ယုတ်ညံသောဘ၀ဖြင့်အသက်မွေးရသူ။
သို့သော် မြင့်မြတ်ခြင်းတန်ဖိုးရှိခြင်းများကတော့ နှိုင်းယှဉ်၍ မရအောင်
ကွာခြားသွားသည်။အသိတရား ဥာဏ်စွမ်းအားက တန်ဖိုးရှိရာကိုသွားသူသည်
တန်ဖိုးရှိပြီး တန်ဖိုးမဲ့ရာကိုသွားသူသည် တန်ဖိုးမဲ့ရပြီ။

ပြည့်တန်ဆာမသည် စေတီတည်ထိုက်သူ ဘုရားရှင်၏တပည့် အရိယာ သာဝက
ဖြစ်ခဲ့ပြီး.။မိဖုရားသည် သူ၏ အကုသိုလ် အကျိုးပေးရာအတိုင်းငရဲသားအဖြစ်သို့ 
ရောက်နေရလေပြီ။

ထို သည့်အတွက်ကြောင့်တန်ဖိုးရှိသူ မြင့်မြတ်သူကို တန်ဖိုးရှိမှန်းမြင့်မြတ်မှန်း
သိအောင် လေ့လည်းလေ့လာသင့်သည်။ တန်ဖိုးလည်းထားသင့်သည်။
မိမိကိုယ်၌ကလည်း တန်ဖိုးရှိ၍ မြင့်မြတ်သောသူဖြစ်အောင် ကြိုးစား
အားထုတ်သင့်သည်။လူချင်းအတူတူပဲဟူ၍ တန်းတူ မညှိလိုက်ပါနှင့်။
လုံးဝ မတူပါ။အသိတရားချင်း ဥာဏ်ပညာချင်း ကွာခြား၍မြင့်မြတ်တန်ဖိုးရှိခြင်း
နှိုင်းယှဉ်၍ မရသည်ကို သိထားအပ်ပါသည်။

အရိယာသူတော်စင်တစ်ဦးမဖြစ်သေးသော်လည်း ခန္ဓာ၏ဒုက္ခကိုသိလျှက်
ဖြစ်ခြင်းပျက်ခြင်းတို့ ကို ရှုမှတ်အားထုတ်နေသူသည် တန်ဖိုးရှိသူ မြင့်မြတ်သူ
ပင်ဖြစ်သည်။ အာစိဏ္ဏကံ ဖြစ်နေသူအတွက်တန်ဖိုးရှိခြင်း မြင့်မြတ်ခြင်းတို့ သည်
မချွတ်ဧကန် ဖြစ်မည်မှာ အမှန်ပင်။

ဘုရားရှင်၏တပည့် သာဝက အရိယာများအဖြစ်ကိုရောက်ရှိကြသည်ဖြစ်၍
တန်ဖိုးရှိသော မြင့်မြတ်သော စေတီတည်ထိုက်သော ပုဂ္ဂိုလ်ထူး ပုဂ္ဂိုလ်မြတ်များ
ဖြစ်နိုင်ကြပါစေ။

ဘ၀ ကူးချိန်

ရှေးတုန်းက သောဏ ဆိုတဲ့လူကြီးတစ်ယောက်ရှိတယ်။
မုဆိုးကြီးတဲ့နော်။ သူက တသက်လုံး မုဆိုးလုပ်လာတာ။သူ့ မှာ သားတစ်ယောက်ရှိတယ်။
အဲ့ဒီ သားက ရဟန္တာဖြစ်နေတယ်။


ရဟန္တာဖြစ်နေတော့ အဖေကိုကယ်တင်တဲ့အနေ နဲ့ ပေါ့လေ ။ အသက်ကြီးလာတဲ့အခါကျတော့
ရဟန်းဝတ်ပေးထားတာ။ ရဟန်းဝတ်နဲ့ ပဲ သူနေတယ်။ ရောဂါဖြစ်ပြီး သေခါနီးကျတော့
ငရဲနိမိတ်တွေထင်တယ်။  ဟဲ့…သားရဲ့လုပ်ပါအုံး ခွေးနက်ကြီးလိုက်လာပြီပေါ့လေ။
ငရဲထိန်းတွေလိုက်လာတယ်။ သူအဲ့ဒီလိုနိမိတ်တွေထင်တယ်။ အဲ့ဒါ ဘာလဲဆိုရင်
အမှန်ကတော့ ဂတိ နိမိတ်ပေါ့။ အဲ့သလိုနိမိတ်ထင်လာတာ။

အဲ့သလို နိမိတ်ထင်လာတဲ့အခါကျတော့ ရဟန္တာဖြစ်တဲ့ သားဖြစ်သူ ရှင်သောဏက သိပြီ။
ငါ့ ဦးဇင်းကြီးတော့ ငရဲနိမိတ်တွေထင်ပြီ ဆိုပြီး ဘယ်လိုလုပ်သလဲဆိုတော့ သူ့ တပည့်တွေကို
ထမ်းခေါ်ခိုင်း စေတီဆီကိုယူသွားပြီးတော့ တချို့  ရဟန်းတွေကိုလည်း ပန်းခူးခိုင်းပေါ့။
ဒါနဲ့  အဲ့ဒီ ဦးဇင်းကြီးကို ပေးပြီးတော့ ကိုင်း ဦးဇင်းကြီး ဘုရားကို ပန်းလှု ဦးဇင်းကြီး ကုသိုလ်
ဆိုပြီးတော့ သူက ပန်းလှုတာ။

အဲ့ဒီလို ပန်းလှုလိုက်တဲ့အခါကျတော့ ခုန နိမိတ်ပြောင်းသွားရော။ ဂတိနိမိတ်ဟာ
နဂိုက ငရဲနိမိတ် ပေါ်ရာကနေပြီးတော့ ခု နတ်သမီး နိမိတ်တွေ ပေါ်လာပြီ။
အဲ့ဒီတော့ ဦးဇင်းကြီးကပြောတယ်တဲ့ ။ ငါ့သား မင်းမိထွေးတွေလာပြီတဲ့ ။
အဲ့ဒီလို နိမိတ်ထင်ရင်းနဲ့  သူ စုတိစိတ်ကျသွားတယ်။

နတ်ပြည်နိမိတ်ထင်နေတုန်းမှာ သူ စုတိစိတ်ကျသွားတဲ့အတွက်ကြောင့်မို့ 
နတ်ပြည်မှာသွားဖြစ်တယ်။ နတ်ပြည်မှာသွားဖြစ်တော့ သူက တသက်လုံးက
အကုသိုလ်တွေလုပ်လာခဲ့တာ မဟုတ်လား။ အဲ့ဒီတော့ သားဖြစ်သူ ရဟန္တာက
စိတ်မချဘူး။ ဟိုမှာနေလို့ ကြာကြာခံမှာ မဟုတ်ဘူးပေါ့။ အခုနေ ချက်ချင်းလုပ်လိုက်
တဲ့  ကုသိုလ်လေး အရှိန်ကြောင့်သာ ကောင်းတဲ့ဘ၀ ရောက်သွားတာကိုး။
ဒီကုသိုလ်က အားကောင်းတာမဟုတ်တော့ ကြာကြာခံမှာ မဟုတ်ဘူးဆိုပြီး
သူက နတ်ပြည်လိုက်သွားပြီးတော့ တရားဆက်ဟောတာ  တရားဆက်ဟောတော့
သောတာပန် စသည်ဖြစ်သွားတယ်။  အဲ့ဒီလိုဖြစ်မှ စိတ်အေးရတယ်။
စိတ်ချပြီးတော့ ပြန်လာတယ်။

ဒီလိုသေခါနီးမှာ ကံသော်၎င်း။ကမ္မနိမိတ်သော်၎င်း။ဂတိ နိမိတ်သော်၎င်း။ ထင်လာတယ်နော်။

အရှင်သီလာနန္ဒာဘိဝံသ



--------------


မိမိ၏ မိဘ ဆွေမျိုး အပေါင်းအသင်းများကိုလည်း ဘ၀ကူးရာ၌ ကူညီနိုင်သူဖြစ်ကြပါစေ