အခြေအရံတွေ၊ စစ်သည်တွေလည်း နောက်က လိုက်သွားကြပါတယ်။ လမ်းခရီးက ရွာတစ်ရွာ
ရောက်တော့ မိန်းကလေးတွေ ဗန်းငယ်၊ ဆန်ကောငယ်တွေနဲ့ ကစားနေကြပါတယ်။ အဲဒီထဲက
သွက်လက်ချက်ချာပုံ ရတဲ့ မိန်းကလေးတစ်ယောက် သူ့ဆန်ကောထဲမှာ သဲတွေကိုထည့်ပြီး
ပြာရင်းကစားနေတယ်။ သူ့လက်တစ်ဖက်မှာ လက်ကောက်နှစ်ကွင်းနဲ့၊ ကျန်တစ်ဖက်မှာတော့
လက်ကောက်တစ်ကွင်းတည်း ၀တ်ထားပါတယ်။ သူ့လက်တွေ လှုပ်ရှားတဲ့အခါလက်ကောက်
နှစ်ကွင်းဝတ်ထားတဲ့ဘက်က အသံမြည်တာပေါ့။ တခြားဘက်ကတော့ ဘာအသံမှ မထွက်ဘူး။
ဇနကမင်းကြီးရသေ့က ဒီထူးခြားချက်ကို မေးတဲ့အခါ မိန်းကလေးက “ အရှင်ရဟန်း-
အဖေါ်ရှိရင် ငြင်းရ၊ ခုံရ၊ ခိုက်ရန် ဖြစ်ပွားရပါတယ်။ တစ်ယောက်တည်းဆိုရင် ဘယ်သူနဲ့မျှ ငြင်း
ခုံစရာ၊ ရန်ဖြစ်စရာ မရှိပါဘူး။ မြင့်မြတ်ရာကို အလိုရှိတဲ့ အရှင်ဘုရားအနေနဲ့ တစ်ယောက်တည်း
အဖြစ်ကို နှစ်သက်တော်မူပါဘုရား ” လို့ ပြန်ဖြေပါသတဲ့။
မဟာဇနကမင်းကြီးရသေ့ တရားလည်းရ၊ ပညာလည်း ရကာ၊ သီဝလိဒေ၀ီမိဖုရားကြီးကို
လှမ်းပြီး “ ကဲ သီဝလိဒေ၀ီ၊ မိန်းကလေး ပြောတဲ့အတိုင်းပဲ ရသေ့ရဟန်းအတွက် မိန်းမနဲ့ကော၊
အခြေအရံ အဖေါ်ပရိသတ်နဲ့ကော မသင့်လျော်ဘူး၊ နေရစ်ကြ ” အမိန့်ချပြီး တစ်ကိုယ်တည်း
တောထွက်တော် မူခဲ့ပါတယ်။
တောထဲမှာ မိဂါဇိနဆိုတဲ့
