စိတ်ဆင်းရဲခြင်း အကြောင်းရင်း လွန်ခဲ့သောနှစ်ပေါင်း ၂၅၀၀ ကျော်က သိကြားမင်းကိုယ်တိုင် ဘုရားကို မေးခဲ့ဖူးသည်။
“ မြတ်စွာဘုရား လူနတ်သတ္တဝါအများတို့သည် ရန်ကင်းငြိုးလျက် ဒဏ်ကင်းလျက် ရန်သူကင်းလျက် စိတ်ဆင်းရဲကင်းလျက် အမျက်ထွက်ခြင်းကင်းနေရခြင်းကို လိုချင်တောင့်တကြပါကုန်၏
သို့ပါလျက် ရန်ငြိုးရှိလျက် ဒဏ်ရှိလျက် ရန်သူရှိလျက် စိတ်ဆင်းရဲလျက် အမျက်ထွက်လျက်နေကြရသည်မှာ အဘယ်အကြောင်းကြောင့်ပါနည်း “
ထိုအခါဗုဒ္ဓက မနာလိုခြင်း၊ ဣဿာနှင့် မစ္ဆရိယ ဝန်တိုခြင်း၊ ရှိသောကြောင့် ဟူ၍ ပြတ်ပြတ်သာသား အဖြေပေး တော်မှုခဲ့ပါသည်။
၁၀ - ဆရာ၊ ဒကာဟုဆိုထားသော်လည်း သင်္ကန်:းဝတ်တိုင်းဆရာဖြစ်လာသည်မဟုတ်။ ဒကာ၊ ဒကာမများက မိမိတို့ထက် သီလ၊ သမာဓိ၊ ပညာသာသောအခါတွင် ဆရာအဖြစ် သတ်မှတ်သော အခါမှ ဆရာနေရာရောက်ရခြင်းဖြစ်၏
၁၅ - ဆင်းရဲ ခြင်း၏ အတိတ်အကြောင်းသုံးပါး
( ၁ ) ဒါနမပြုခဲ့သောကြောင့် ဆင်းရဲခြင်း
( ၂ ) သူတစ်ပါး၏ ဥစ္စာကို လိမ်လည်လှည့်ဖြားခိုးယူခဲ့သောကြောင့် ဆင်းရဲခြင်း
( ၃ ) ဣဿာ မ စ္ဆရိယများခဲ့သောကြောင့် ဆင်းရဲခြင်း (ရှင်တော် ဗုဒ္ဓမြတ်စွာဘုရား)
၁၉ - မနာလိုကင်း၊ ဝန်တိုရှင်း၊ လက်ငင်း ချမ်းသာကြရမည်။ (မဟာစည်ဆရာတော်)
၂၃ - သဘောထားသေးသိမ်သောသူသည် သူတစ်ပါး၏ အပြစ်ကိုသာ မြင်လေ့ရှိသည်။
သဘောထားပြည့်ဝသော သူကားမိမိကိုယ်ကိုသာ အပြစ်မြင်တော့သည်။
သဘောထားအပြည့်ဝဆုံးသောသူသည်ကား မည်သူ့အပေါ်မှ အပြစ်မမြင် တော့ပေ။ (ကွန်ဖြူးရှပ်)
၃၂ - ဝိပဿနာ တရားများ ဟောပြောပြသကြရာ၌ ကိုယ်တွေ့သုံးမျိုးရှိ၏ ယင်းတို့ကား ဗုဒ္ဓကိုယ်တွေ့၊ ဆရာကိုယ်တွေ့၊ မိမိကိုယ်တွေ့ တို့ပင်ဖြစ်သည်။ ထိုသုံးမျိုးတွင် မှားနိုင်သော ကိုယ်တွေ့ကား ဆရာကိုယ်တွေ့ နှင့် မိမိကိုယ်တွေ့ တို့ပင်ဖြစ်၏ ဗုဒ္ဓကိုယ်တွေ့တရားများကို ပါဠိတော်၊ အဋ္ဌကထာတို့တွင် တွေ့မြင်နိုင်ပါ၏
၅၀ - " ညီရင်းနောင်ရင်း၊ နွယ်မကင်းသား
သားချင်းမျိုးဖော်၊ အကျော်ထင်ရှား
ဆွေတော်များကို၊ တရားမပျက်
မေတ္တာဆက်၍၊ မဖျက်ဆီးမှု
ချီးမြှောက်ပြုလော့၊ သူ့ကိုချီးမြှောက်
ကိုယ့်ဂုဏ်မြှောက်၏၊ ယွင်းဖောက်အလို
ဝန်မတိုနှင့်၊ သူ့ကိုဂုဏ်နှိမ့်
ကိုယ့်ဂုဏ်နိမ့်၏ " (မန်လည်ဆရာတော် - မဃဒေ၀)
၅၈ - သူတစ်ပါးက မိမိထက်သာတာကိုမြင်ရလို့ ဝမ်းသာလိုက်ရင် မုဒိတာခေါ်တဲ့ ကုသိုလ်ဖြစ်တယ်။ မနာလိုလိုက်ရင် ဣဿာဆိုတဲ့ အကုသိုလ်ဖြစ်တယ်။ အဲဒီတော့ ပညာရှိသူတော်ကောင်းမှန်ရင် အရည်မရ၊ အဖတ်မရတာချင်း အတူတူ အလကားနေရင်း အကုသိုလ်အဖြစ်မခံပဲ ကုသိုလ်ဖြစ်အောင် ကြိုးစားပြီး ကောင်းမြတ်တဲ့ စိတ်ထားမျိုးထားသင့်တယ်။ (ဆရာတော်တစ်ပါး)
၇၀ - "ကာမဘုံသား၊ နတ်လူများတို့
ကောင်းစားပြည့်ဝ၊ ဘေးရန်ပလျက်
အေးမြချမ်းသာ၊ နေလိုပါလည်း
ဣဿာမစ္ဆေ၊ သူရှုပ်ပွေ၍
ထင်ခြေမကျ၊ ဆင်းရဲရတည့်။ " ( မဟာစည်ဆရာတော်ဘုရားကြီး )
၇၁ - လူကို စိတ်အုပ်ချုဎ်သည်။ စိတ်ကို ပညာအုပ်ချုဎ်သည်။ ပညာကို ဗဟုသုတအုပ်ချုဎ်သည်။ ( ဆရာကြီး ပီမိုးနင်း )
၈၅ - ကာမဂုဏ်ကြောင့်သာလျှင် သောက အမျိုးမျိုးဖြစ်ရ၏
ကာမဂုဏ်ကြောင့်သာလျှင် ဘေး အမျိုးမျိုးဖြစ်ရ၏
ကာမဂုဏ်မှ လွတ်မြောက်၍ နေသောသူအား စိုးရိမ်ပူဆွေးရခြင်း သောကသည်လည်းကောင်း ဘေးအမျိုးမျိုးသည်လည်းကောင်း အဘယ်မှာဖြစ်ပါတော့အံ့နည်း။ ( ရှင်တော် ဗုဒ္ဓမြတ်စွာဘုရား )
၁၀၃ - ရေ ဘေး မီးဘေး ၊ ပြည်ပျက် ဘေးကား၊ဆယ်ရေး တစ်ရေး ၊ ကယ်နိင်သေး၏ ။ အိုဘေး နာဘေး ၊ သေခြင်းဘေး ဟု ဤ ဘေး သုးံပါး ၊ လွန်ကြီးမား က သားနှင့် အမိ ၊ဖြစ်တုံဘိလည်းမျက်စိအောက်တွင် ရင်ဖွင်တင်လျက် သက်ပင်ရေးပိုင်၊ မကယ်နိင်ဘူး လက်မှိုင်ချကာ ၊ နေရစွာရှင့် ။ (မဃဒေ၀ )
၁၁၀ - အို … စုန္ဒ ကုသိုလ်ကောင်းမှူတို့၌ စိတ်ကူးကြံစည်ရုံမျှ နှင့်ပင်လျှင် အကျိုးကျေးဇူများလှပေ၏ဟု ငါဘုရား ဟောတော်မှု၏။ ကိုယ်ရောနှုတ်ပါ ပြုကျင့်ပါက အကျိုးကျေးဇူးများခြင်း၌ အဘယ်ဆိုဖွယ်ရာ ရှိပါတော့အံ့နည်း။ ( ရှင်တော် ဗုဒ္ဓမြတ်စွာဘုရား )
၁၁၂ - လက်ဦးဆရာ၊ မည်ထိုက်စွာ
ပုဗ္ဗာစရိယ၊ မိနှင့်ဘ ဟူ၍ လည်းကောင်း
ငယ်သော်ကသား၊ လိုလိုက်ငြားက
ကြီးမားသောအခါ၊ ကျားပမာ၊
မှန်စွာကြောက်ဖို့တည်း။
ငယ်သော်ကသား၊ ဆုံးမငြားက
ကြီးမားသောအခါ၊ အားပမာ၊
မှန်စွာကိုးဖို့တည်း။
ငယ်သော်သမီး၊ ဆုံးမနည်းက
ကြီးမားသောအခါ၊ မီးပမာ၊
မှန်စွာပူဖို့တည်း။
ငယ်သော်သမီး၊ ဆုံးမပြီးက
ကြီးသောအခါ၊ ထီးပမာ၊
မှန်စွာအေးဖို့တည်း။
၁၁၃ - တစ်ရံတစ်ဆစ်၊ အပြစ်အနာ၊ ရှိသောခါဝယ်၊ ကွယ်ရာခေါ်၍ ဆုံးမလေ၏ ။
သူ့ ရှေ့  သူ့ မှောက်၊ ပွဲပြင်ရောက်မှ၊ မြှောက်မြှောက်စားစား၊ သားအားပိုက်ဖြူး၊ မိဘကျူးသို့၊ ကျေးဇူးကိုသာ၊ ရှာ၍ချည်းဆို။
၁၅၁ - " အေး မဟုတ်တိုင်းသာ ခွန်းတုံ့  ပြန်ပြီး စကားများရန်ဖြစ်မယ်ဆိုရင် မင်းတစ်လောကလုံးနဲ့  လည့်ပြီး ရန်ဖြစ်နေပေတော့ ဘာဖြစ်လို့လည်းဆိုတော့ လောကကြီးမှာ ဟုတ်တာထက် မဟုတ်တာတွေက ပိုများနေတယ်။ " ( မစိုးရိမ် ဆရာတော်ဘုရားကြီး )
၁၆၈ - မိမိ ကိုယ်မိမိမှန်ကန်ကြောင်း အထပ်ထပ် သက်သေပြနေရပြီဆိုလျှင် မှားနေပြီဟု သိလိုက်ပါ။ ( ဒေါက်တာမတင်ဝင်း )
၁၇၉ - အမျက်ထွက်သူကို အမျက်မထွက်ခြင်းဖြင့် အနိုင်ယူရမည်။
အကျင့်မကောင်းသူကို အကျင့်ကောင်းဖြင့် အနိုင်ယူရမည်။
နှမြောစေးနှဲသူကို ပေးကမ်းခြင်းဖြင့် အနိုင်ယူရမည်။
လိမ်ညာပြောသူကိုအမှန်ပြောခြင်းဖြင့် အနိုင်ယူရမည်။ ( ရှင်တော် ဗုဒ္ဓမြတ်စွာဘုရား )
.................................................................................................
အရှင်ဇဝန ရေးသားပြုစုသော
အတွင်းရန်သူ - မေတ္တာရှင် { ရွှေပြည်သာ } - စာအုပ်မှ ကူးယူဖော်ပြခြင်း ဖြစ်ပါသည်။
No comments:
Post a Comment