သမထဘာဝနာ နှင့် ၀ိပဿနာဘာဝနာ

ဘာဝနာဆိုတာ မိမိသန္တာန်မှာ စိတ်အညစ်အကြေး ကိလေသာ နီဝရဏတွေ မရှိဘဲ ဖြူစင်တဲ့ စိတ်ကလေးတွေချည်း ရှိနေအောင် လေ့ကျင့်ပွားများ အားထုတ်တာဟာ ဘာဝနာပါ။ အဲဒီ ဘာဝနာက သမထဘာဝနာ ၀ိပဿနာဘာဝနာလို့ နှစ်မျိုးရှိပါတယ်။

သမထဘာဝနာရဲ့ ရည်ရွယ်ချက်က အင်အားကောင်းတဲ့ စိတ်တည်ငြိမ်မှု သမာဓိရဖို့ ရည်ရွယ်ချက်ပါ။ အဲဒီသမာဓိကိုပဲ ဈာန်လို့ ခေါ်ပါတယ်။ အဲဒီ သမာဓိဟာ အရှုခံအာရုံထဲမှာ ရှုစိတ် စူးစိုက် မြုပ်ဝင်နေသလို ဖြစ်အောင် တည်ငြိမ်နေရင် အဲဒါကို ဈာန်သမာဓိ အပ္ပနာသမာဓိ လို့ ခေါ်ပါတယ်။ အဲဒီ ဈာန်လောက် နီးပါး စိတ်တည်ငြိမ်နေတာကိုတော့ ဥပစာရသမာဓိ လို့ ခေါ်ပါတယ်။ ဈာန်၏ အနီးအပါးဖြစ်သော သမာဓိလို့ ဆိုလိုပါတယ်။ သမထဘာဝနာ အားထုတ်ခြင်းဖြင့် ဒီသမာဓိနှစ်မျိုးကို ရနိုင်ပါတယ်။

ဈာန်ဆိုတာ မြေလျှိုးမိုးပျံတာကို ဆိုလိုတာ မဟုတ်ပါဘူး။ အာရုံကို ကပ်၍ ရှုတတ်သောကြောင့် ဈာန် လို့ ခေါ်တာပါ။ အရှုခံအာရုံမှာ ရှုစိတ်ကပ်တည်နေတာကို ဈာန်၊ ကပ်တည်နေတယ်ဆိုတော့ တည်ငြိမ်နေတာပေါ့၊ ဘယ်မှ မရွေ့မလျားပဲ အင်အားကောင်းပြီး တည်ငြိမ်တဲ့ သမာဓိကို ဈာန်လို့ခေါ်တာပါ။

မြေလျှိုးမိုးပျံတယ် တန်ခိုးဖန်ဆင်းတယ်ဆိုတာ အဘိညာဏ်တန်ခိုး ရောက်သွားပါပြီ၊ ဈာန်အခြေခံပြီး အဲဒီဈာန်ကို အကြိမ်ကြိမ် လေ့ကျင့်ပွားများ အားထုတ်တဲ့အခါမှာ အဲဒီအဘိညာဏ်တန်ခိုးတွေ ရပါတယ်။ အဲဒီအခါကျမှ မြေလျှိုးမိုးပျံတယ်ဆိုတဲ့ တန်ခိုးတွေ ဖန်ဆင်းနိုင်တာပါ။ ဈာန်သက်သက်ကတော့ စိတ်တည်ငြိမ်မှု ရရုံပါပဲ။

အဲဒီ စိတ်တည်ငြိမ်မှု အားကောင်းတဲ့ သမာဓိရအောင် အားထုတ်တာဟာ သမထဘာဝနာရဲ့ ရည်ရွယ်ချက်ပါ။

ဒါကြောင့် အာရုံတစ်ခုတည်းမှာ စိတ်စုစည်းစူးစိုက်ပြီး တည်ငြိမ်နေအောင် အာရုံတစ်ခုတည်းကိုပဲ စိုက်ပြီး ရှုရတယ်။ အာရုံအများကို မရှုရဘူး၊ ရှုနေခိုက်မှာ စိတ်တခြားကို ထွက်သွား လွင့်သွားရင် အဲဒီစိတ်ကို ပြန်ဆွဲပြီး အဲဒီ အရှုခံအာရုံပေါ်မှာ ပြန်တင်ပြီး အဲဒီ အာရုံကိုပဲ စူးစိုက်ရှုရပါတယ်။ စိတ်လွင့်တိုင်း ပြန့်တိုင်း စဉ်းစားတိုင်း အဲဒီလိုပဲ ပြန်ဆွဲပြီး မူလအာရုံမှာပဲ ကပ်ပြီး စူးစိုက်ရှုရပါတယ်။ အဲဒီလို အကြိမ်ကြိမ် အဖန်ဖန် အချိန်ယူပြီး လေ့ကျင့်ပွားများလာတဲ့အခါ တဖြည်းဖြည်း ရှုစိတ်ဟာ အဲဒီအရှုခံအာရုံမှာ ကပ်ပြီး စိုက်တည်နေပါတယ်။ အဲဒါဟာ စ်ာန္ပါပဲ။

အဲဒီလို တည်ငြိမ်နေတဲ့အခိုက်မှာ စိတ်ထဲကို လောဘ ဒေါသ စတဲ့ ကိလေသာ နီဝရဏ အညစ်အကြေးတွေ မ၀င်နိုင်တော့ စိတ်အစဉ်ဟာ ဖြူစင်သန့်ရှင်း ကြည်လင်နေတယ်။ အဲဒီအခါမှာ စိတ်ငြိမ်းအေး ချမ်းသာ နေတယ်။ အဲဒါ ဈာန် ချမ်းသာပါပဲ။ အဲလို တည်ငြိမ်နေတဲ့ သမာဓိကို စိတ္တ၀ိသုဒ္ဓိ = စိတ်ဖြူစင် သန့်ရှင်းနေခြင်း လို့ ခေါ်ပါတယ်။

ဥပမာ - ၀င်လေထွက်လေအာရုံကို အာရုံပြုပြီးတော့ သမထ ဘာဝနာ အားထုတ်တယ်ဆိုရင် ၀င်လေထွက်လေ ပေါ်မှာပဲ စိတ်တည်ငြိမ်နေအောင် ရှုရတယ်။ စိတ်အပြင်ထွက် သွားလည်း ပြန်ဆွဲ၊ ပြန်ဆွဲပြီးတော့ အဲဒီ ၀င်လေထွက်လေပေါ်မှာ တည်ငြိမ်နေအောင် ကြိုးစားရတယ်။ အာရုံတစ်ခုတည်းကိုပဲ ရှုရတာပါ။ အာရုံတစ်ခုတည်းကိုသာ စူးစိုက်ရှုမှသာလည်း အားကောင်းတဲ့ သမာဓိကို ရပါတယ်။

အဲဒီတော့ ၀င်လေထွက်လေ ရှုတယ်ဆိုတာလဲပဲ လေ၀င်ရာ ထွက်ရာ လိုက်ပြီး ရှုနေရတာ မဟုတ်ပါဘူး။ နှာသီးဝမှာဖြစ်စေ အထက်နှုတ်ခမ်းဖျားမှာဖြစ်စေ၊ စိတ်ကို စိုက်ထားပြီးတော့ အဲဒီမှာ လေ၀င်တိုင်း ထွက်တိုင်း ထိထိသွားတဲ့ နေရာကို စူးစိုက်ပြီး ရှုနေရတာပါ။ အဲဒီမှာ လေ၀င်တာထွက်တာကို ၀င်တယ်ထွက်တယ်လို့ ရှုရင်လည်း ရပါတယ်။ ၀င်တိုင်းထွက်တိုင်း အထက် နှုတ်ခမ်းဖျားမှာ လေထိတဲ့နေရာကို အာရုံပြုပြီးတော့ ထိတယ်ထိတယ်လို့ စူးစူးစိုက်စိုက် ရှုရင်လည်း ရပါတယ်။

စိတ်တခြား လွင့်သွားရင် ပြန်ဆွဲပြီး နှာသီးဖျားပေါ် သို့မဟုတ် အထက်နှုတ်ခမ်းဖျားပေါ်မှာ စိတ်ကိုပြန်တင်၊ အဲဒီအတိုင်း တကြိမ်တကြိမ်မှာ နာရီဝက်၊ တနာရီ ကြာအောင် လေ့ကျင့်ပွားများ အားထုတ်ရတာပါ။ အာရုံတခုတည်းမှာ စိတ်စူးစိုက် စုစည်းတည်ငြိမ်နေအောင် ပွားများအားထုတ်တာဟာ သမထ ဘာဝနာပါ။ သမထဘာဝနာရဲ့ ရည်ရွယ်ချက်က အားကောင်းတဲ့ စိတ်တည်ငြိမ်မှု သမာဓိကို ရရုံမျှပါပဲ။ ရုပ်နဲ့နာမ်ရဲ့ သဘာဝကို သိဖို့ရည်ရွယ်ချက် မဟုတ်ပါဘူး။ ဒါကြောင့် အနိစ္စ ဒုက္ခ အနတ္တကို သမထာဘာဝနာနဲ့ မသိနိုင်ပါဘူး။

ဝိပဿနာဘာဝနာကတော့ ၀ိပဿနာဆိုတဲ့ စကားလုံးရဲ့ အဓိပ္ပါယ်အတိုင်း ၀ိ = ဆိုတာ အနိစ္စ၊ ဒုက္ခ၊ အနတ္တ သဘော သုံးမျိုးကိုဆိုလိုပါတယ်။ ၀ိဝိဓေန အနိစ္စာဒိအာကာရေနလို့ ၀ိ - ဆိုတဲ့ စကားလုံးကို အဓိပ္ပါယ်ဖွင့်ဆိုပါတယ်။ ဒီတော့ ၀ိက အနိစ္စ ဒုက္ခ အနတ္တ မမြဲ ဆင်းရဲ ပုဂ္ဂိုလ်သတ္တ၀ါ အတ္တမဟုတ်တဲ့သဘော၊ ပဿနာက ရှုသိတဲ့ ဉာဏ်၊ ၀ိပဿနာ = အနိစ္စ ဒုက္ခ အနတ္တ သဘောသုံးမျိုးကို ရှုသိတဲ့ဉာဏ်လို့ ဆိုလိုပါတယ်။ အဲဒါ ၀ိပဿနာဆိုတဲ့ စကားလုံးရဲ့ အဓိပ္ပါယ်ပါပဲ။

အဲဒီ အနိစ္စ ဒုက္ခ အနတ္တ သဘောသုံးမျိုးဟာ ဘယ်မှာ ရှိသလဲဆိုယင် ရုပ်နှင့်နာမ်မှာ ရှိပါတယ်။ ဒါကြောင့် အဲဒီ သဘောသုံးမျိုးကို သိချင်ရင် ရုပ်နှင့်နာမ်ကို သတိဦးစီးတဲ့စိတ်နဲ့ စောင့်ကြည့် ရှုသိနေရပါတယ်။ အဲဒါ ၀ိပဿနာရှုတာပါပဲ။ ဒါကြောင့် ရုပ်နှင့်နာမ်ကို ရှုသိနေမှ ၀ိပဿနာမို့ သတိဦးစီးတဲ့ စိတ်နဲ့ မပြတ်မလပ် စောင့်ကြည့်ရှုသိနေလို့ သတိချင်း ဆက်စပ်မိသလောက်ရှိမှ ၀ိပဿနာဉာဏ် ဖြစ်ပေါ်ပါတယ်။ ဒါကြောင့် သတိပဋ္ဌာန်ဝိပဿနာလို့ ခေါ်ရခြင်း ဖြစ်ပါတယ်။

ဒီတော့ သမထဘာဝနာကို အားထုတ်ခြင်းဖြင့် အားကောင်းတဲ့ စိတ်တည်ငြိမ်မှု သမာဓိခေါ်တဲ့ ဈာန်ကိုရတယ်။ ၀ိပဿနာဘာဝနာ အားထုတ်ခြင်းဖြင့် ရုပ်နာမ်တို့ရဲ့ အနိစ္စ ဒုက္ခ အနတ္တ သဘောသုံးမျိုးကို ထိုးထွင်းသိမြင်တဲ့ ၀ိပဿနာဉာဏ်နဲ့ ၀ိပဿနာဉာဏ် ကုန်ဆုံးသွားတော့ မဂ်ဉာဏ် ဖိုလ်ဉာဏ်ရပြီး နိဗ္ဗာန်ကို မျက်မှောက်ပြုတယ်။ အဲဒါဟာ သမထဘာဝနာနဲ့ ၀ိပဿနာဘာဝနာရဲ့ ခြားနားချက်ပါပဲ။

ဒါကြောင့် ရုပ်နာမ်သဘာဝကို သဘာမျှသာဟု အမှန်အတိုင်း ပိုင်းပိုင်းခြားခြား သိရမယ်။ သိအောင်လည်း ရှုရမယ်။ ရှုမှလည်း တည်ငြိမ်မယ်။ တည်ငြိမ်မှလည်း သိတယ်။ သိမှ ကိလေသာ ငြိမ်းပါတယ်။ ကိလေသာငြိမ်းမှ ဆင်းရဲငြိမ်းမှာဖြစ်ပါတယ်။ ဆင်းရဲ့ငြိမ်းမှ ချမ်းသာပါတယ်။ အဲဒါဟာ ၀ိပဿနာဘာဝနာရဲ့ အစ အလယ် အဆုံးပါပဲ။

သိအောင် ရှုရမယ်ဆိုတဲ့အတွက် သိဖို့ ရုပ်နှင့်နာမ်ကို ရှုရပါမယ်။ ဒါကြောင့် ရုပ်ကိုပဲ ရှုရှု၊ နာမ်ကိုပဲ ရှုရှု၊ ရှုတဲ့ ရည်ရွယ်ချက်က ရုပ်နှင့်နာမ်ရဲ့ သဘာဝအမှန်ကို သိဖို့ပဲဆိုတာ သေသေချာချာ သဘောပေါက်ထားဖို့ လိုပါတယ်။

အဲဒီလို ရှုသိပါများလာတော့ ရှုစိတ်က အရှုခံအာရုံပေါ်မှာ တည်ငြိမ်လာပါတယ်။ မပြတ်မလပ် ရှုသိတဲ့ သတိက အကြောင်း၊ တည်ငြိမ်တဲ့ သမာဓိက အကျိုး၊ တည်ငြိမ်တဲ့အတွက် အသိထက်မြက်လာပြီး ရုပ်သဘာဝ နာမ်သဘာဝကို အရှိအတိုင်းသိတာက ၀ိပဿနာပညာ၊ ၀ိပဿနာဉာဏ်လဲခေါ်ပါတယ်။ သတိ သမာဓိ ပညာပေါ့။ သတိအားကောင်းမှ သမာဓိအားကောင်းတယ်၊ သမာဓိအားကောင်းမှ ၀ိပဿနာပညာ ထက်သန် အားကောင်းပါတယ်။

ဒီတော့ တခါတရံ ရှုသာရှုနေတယ်၊ ရှုတဲ့ ရည်ရွယ်ချက်က ဘာမှန်မသိ ဖြစ်နေတတ်ပါတယ်။ အဲဒါကြောင့် ရှုတဲ့ ရည်ရွယ်ချက်က စိတ်ကိုပဲရှုရှု၊ ရုပ်ကိုပဲရှုရှု အရှုခံစိတ် အရှုခံရုပ်ရဲ့ အရှိသဘာဝကို အရှိအတိုင်းသိဖို့ ရည်ရွယ်ချက်ပါပဲ။

တချို့ အသိမှားနေတာက မခံသာတဲ့ ခံစားမှု နာကျင် ကိုက်ခဲမှု ရှိလာရင် အဲဒါ သူ့အရှိသဘာအတိုင်း နာတယ် နာတယ်၊ ကျင်တယ် ကျင်တယ်၊ ကိုက်တယ် ကိုက်တယ် စသည်ဖြင့် ရှုကြရတယ်။ အဲဒီလို ရှုတာဟာ ဒီမခံသာတဲ့ ခံစားမှု ဝေဒနာ ပျောက်အောင် ရှုတယ်လို့ အမှတ်မှားနေတတ်ပါတယ်။ ပျောက်အောင် ရှုတာ မဟုတ်ပါဘူး။ သိအောင် ရှုရတာပါ။

အဲဒီ နာတယ်ဆိုတဲ့ မခံသာတဲ့သဘော ဒုက္ခဝေဒနာမှာလဲ သူ့ရဲ့ပင်ကိုယ် သဘာဝလက္ခဏာ ရှိပါတယ်။ အများဆိုင် သဘော အနိစ္စ ဒုက္ခ အနတ္တသဘောတွေ ရှိပါတယ်။ အဲဒီသဘောတွေကို သိအောင် ဒုက္ခဝေဒနာကို ရှုရတာပါ။ ဝေဒနာ ပျောက်ငြိမ်းအောင် ရှုတာ မဟုတ်ပါဘူး။ သို့သော်လဲ ရှုသိမှု အားကောင်းလို့ သမာဓိအားကောင်းလာတဲ့အခါ ရံဖန်ရံခါ ဝေဒနာက တဖြည်းဖြည်း လျော့ပြီး ပျောက်သွားတာလဲ ရှိပါတယ်။ ပျောက်သွားတဲ့အခါကျတာ့ မရှိတော့လို့ မရှုရတော့ဘူးပေါ့။ ကိုယ်တိုင်ကတော့ ပျောက်အောင် မရှုရပါဘူး။ ဝေဒနာရှိနေတုန်းမှာ ရှိနေတဲ့ ဝေဒနာရဲ့ အနိစ္စ ဒုက္ခ အနတ္တကို သိအောင် ရှုရတာလို့ နားလည်ထားဖို့ပါပဲ။

ထို့အတူပဲ ထွက်စိတ်လွင့်စိတ် စဉ်းစားစိတ် တွေးစိတ်တွေကို ရှုတာလည်း အဲဒီ ထွက်စိတ် လွင့်စိတ် စဉ်းစားစိတ်တွေ ပျောက်အောင် ရှုတာ မဟုတ်ပါဘူး။ အဲဒီစိတ်တွေမှာ ရှိတဲ့ အနိစ္စ ဒုက္ခ အနတ္တ သဘောသုံးမျိုးကို သိအောင် ရှုရတာပါပဲ။ စိတ်က အမြဲတမ်း ထွက်နေတာ မဟုတ်ပါဘူး။ အမြဲတမ်း စဉ်းစား နေတာ မဟုတ်ပါဘူး။ ရံဖန်ရံခါမှထွက် ရံဖန်ရံခါမှ စဉ်းစားစိတ်ဖြစ်တာပါ။ စဉ်းစားစိတ်ဖြစ်တော့လဲ တောက်လျှောက်ကြီး စဉ်းစားနေတာ မဟုတ်ပါဘူး။ စဉ်းစားလိုက် ပျောက်သွားလိုက်၊ စဉ်းစားလိုက် ပျောက်သွားလိုက်နဲ့ ဖြစ်လိုက်ပျက်လိုက် ဖြစ်နေတာပါ။

အဲဒီလိုဆိုတော့ သူ့မှာ မမြဲတဲ့သဘောရှိတယ်။ ဖြစ်ပျက် မပြတ် အနှိပ်စက်ခံရတဲ့ ဆင်းရဲတဲ့ သဘောရှိတယ်။ ဒီစိတ်ဟာ စဉ်းစားတဲ့သဘောပဲ၊ ပုဂ္ဂိုလ်သတ္တ၀ါ မဟုတ်ဘူး၊ စိတ်သက်သက်ပဲ၊ အဲဒီလိုသိအောင် စူးစိုက်ပြီး ရှုပေးဖို့လိုတာပါ။ အဲဒီ စဉ်းစားစိတ်တွေ ပျောက်သွားဖို့ ရည်ရွယ်ချက်နှင့် ရှုရတာ မဟုတ်ဘူး ဆိုတာ သိထားဖို့ လိုပါတယ်။

သို့သော်လဲ ရှုပါများလိုက ရှုစိတ်က အားကောင်းတယ် ဆိုရင်တော့ စဉ်းစားစိတ် တွေးစိတ်က ရပ်သွားတာ၊ ပျောက်သွားတာလဲ ရှိပါတယ်။ အဲဒီအခါကျတော့ ပင်တိုင်အာရုံဖြစ်တဲ့ ဖောင်းတာပိန်တာကို ပြန်ရှုရုံပါပဲ။ အဲဒါကတော့ လူအသက်ရှင်နေသမျှ အမြဲရှိနေတဲ့ အရှုခံ အာရုံပါပဲ။

မေတ္တာဖြင့်

tno

https://www.facebook.com/permalink.php?story_fbid=165958530413800&id=100009989626063

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/