ဝေဒနာရှုပွားနည်း (၁)

ဝေဒနာရှုပွားမယ့် ယောဂီပုဂ္ဂိုလ်ဟာ ပထမ နံပါတ်တစ် ဝေဒနာ ဆိုတာ ဘာကိုခေါ်တာလဲလို့ သိထားရန် အင်မတန် အရေးကြီးပါတယ်။ ဝေဒနာဆိုတာ ခံစားတတ်သော သဘောကို ဝေဒနာ ခေါ်ပါတယ်။ ဒါဖြင့် ခံစားတယ် ဆိုတော့ ဘယ်သူခံစားတာလဲလို့ မေးစရာရှိလာတယ်။ ဘယ်သူခံစားတာလဲလို့မေးရင် ဝေဒနာသည်ပင် ခံစားတယ် လို့ဖြေရပါမယ်။ ပုဂ္ဂိုလ် သတ္တ၀ါက ခံစားတာမဟုတ်ပါဘူး။ ရုပ် နဲ့ နာမ် ခွဲမယ်ဆိုယင် ဝေဒနာက နာမ်တရားပါ။ နာမ်တရားက ၅၃ ပါး ရှိပါတယ်။ အဲဒီ ၅၃ ပါးထဲမှာ ခံစားတတ်တဲ့ နာမ်ဟာ ဝေဒနာနာမ်တစ်ပါးပဲ ရှိပါတယ်။ သာမန်ဖြေရင် နာမ်တရားက ခံစားတယ်လို့ ဖြေနိုင်ပါတယ်။ ရုပ်တရားက မခံစားနိုင်ပါ။ ဘယ်နာမ်ခံစားတာလဲလို့မေးရင် ဝေဒနာနာမ် ခံစားတယ်လို့ပဲဖြေရပါမယ်။

ဒါဖြင့် ခံစားတဲ့သဘောကို ဝေဒနာလို့ သိပြီ၊ နာမ်ခံစားတယ်လို့ သိပြီ၊ အဲဒီဝေဒနာဟာ ဘယ်သူရဲ့ဝေဒနာလဲမေးရင် ဘယ်လိုဖြေမလဲ၊ ပုဂ္ဂိုလ် သတ္တ၀ါတွေ ခံစားတာလား၊ မဟုတ်ပါဘူး။ ဝေဒနာဟာ ဝေဒနာပဲ၊ ခံစားတဲ့ သဘောပဲ၊ ဘယ်သူ့ရဲ့ ဝေဒနာမှ မဟုတ်ပါဘူး။ ဝေဒနာဆိုတာ ဓာတ်အနေနဲ့ပြောရင် ဓမ္မဓာတ်ပါ။ ခန္ဓာအနေနဲ့ပြောရင် ဝေဒနာက္ခန္ဓာပါ။ ပိုင်ဆိုင်တဲ့ ပုဂ္ဂိုလ် သတ္တ၀ါ ပြစရာမရှိပါဘူး။ ၀တ္ထု နဲ့ အာရုံနဲ့ ပေါင်းဆုံတာနဲ့ တစ်ပြိုင်တည်း ဝေဒနာဆိုတာ ပေါ်လာပါတယ်။ ပေါ်လာတော့ အဲဒီဝေဒနာသည် ၀တ္ထုထဲမှာ ရှိလား၊ အာရုံထဲမှာရှိလားမေးရင် ဘယ်အထဲမှာမှ မရှိပါဘူး။

ဝတ္ထုနှင့် အာရုံနှစ်ခုတို့ ပေါင်းဆုံမှ သိစိတ်နဲ့ ဖြစ်တူ သဘောတရားအရ ပေါ်လာတဲ့ ခံစားမှုသဘောတရား ဝေဒနာပါ၊ ဒါကြောင့် ၀တ္ထုနှင့် အာရုံ ပေါင်းဆုံရင် ခံစားမှုဝေဒနာ ပေါ်လာတယ်။ ဒါဖြင့် ဝေဒနာရဲ့ အကြောင်းဟာ ဘယ်ဟာလဲမေးရင် ၀တ္ထုနဲ့ အာရုံလို့ပဲဖြေရပါမယ်။

ဝေဒနာက ခံစားတယ်ဆိုတော့ အဲဒီဝေဒနာသည် ဘာကို ခံစားတာလဲလို့မေးရင် အာရုံရဲ့ အရသာကို ခံစားတယ်လို့ ဆိုရမှာပါ။ အာရုံရဲ့အရသာကို ခံစားတတ်လို့ ဝေဒနာခေါ်တာပါ။ နာလို့ ဝေဒနာခေါ်တာမဟုတ်ပါဘူး။

အာရုံရဲ့အရသာကို ခံစားတတ်သောကြောင့် ဝေဒနာခေါ်တယ်ဆိုတော့ အဲဒီအာရုံဟာ ဘယ်နှစ်မျိုးရှိသလဲဆိုတော့ (၁) ကောင်းတဲ့အာရုံ၊ (၂) မကောင်းတဲ့အာရုံ၊ (၃) ကောင်းဆိုး နှစ်ခုတို့ရဲ့ အလယ်အလတ်အာရုံရယ်လို့ အာရုံ ၃ မျိုး ရှိပါတယ်။

ကောင်းတဲ့အရသာကို ခံစားတဲ့အတွက် ဝေဒနာ၊ မကောင်းတဲ့ အရသာကို ခံစားတတ်တဲ့အတွက် ဝေဒနာ၊ ကောင်း မကောင်း နှစ်ခုတို့ရဲ့ အလယ်အလတ် အရသာကို ခံစားတဲ့အတွက် ဝေဒနာလို့ခေါ်ပါတယ်။ နာကျင်ကိုက်ခဲလို့ ဝေဒနာခေါ်တာမဟုတ်ပါဘူး။

ဒါဖြင့် ဒီခန္ဓာကိုယ်ထဲမှာ ဖြစ်နေတဲ့ နာကျင်၊ ကိုက်ခဲ၊ မူးဝေ၊ အော်ဂလီဆန်၊ နှလုံးတုန်၊ ရင်ခုန်၊ ယားယံ စသည်တို့ဟာ ဘာတွေလဲဆိုရင် ရုပ်ဖောက်ပြန်နေတာပါ။ တစ်နည်းပြောရရင် သူတို့ဟာ ရုပ်အာရုံတွေပါ၊ အဲဒီ ဖောက်ပြန်နေတဲ့ အာရုံတိုင်း အာရုံတိုင်းရဲ့ အရသာကို ဝေဒနာက လိုက်လိုက်ပြီး ခံစားပါတယ်။
ဒါကြောင့် ဝေဒနာရှုပွားသူ ယောဂီတို့ သဘောပေါက်အောင် ရှုပွားရမှာက အာရုံက သက်သက်၊ ခံစားတတ်တဲ့ သဘောတရား ဝေဒနာက သတ်သတ်လို့ ကွဲအောင် ရှုပွားနိုင်ဖို့ပါပဲ။
ဖောက်ပြန်မှု ရုပ်အာရုံက ထင်ရှားပါတယ်၊ ခံစားမှုဝေဒနာက မထင်ရှားပါ၊ သိမ်မွေ့ပါတယ်၊ ဝေဒနာ ရှုပွားသူဟာ အဲဒီ ခံစားတဲ့သဘောတရားကို ရှုရမှာပါ။
ပုဂ္ဂိုလ် သတ္တ၀ါတွေ သန္တာန်မှာ အမြဲလိုလို ဖြစ်နေတာ ဥပေက္ခာဝေဒနာပါပဲ၊ ဥပေက္ခာဝေဒနာဟာ အဖြစ်များပါတယ်။

တရားအားထုတ်တဲ့အခါမှာ သုခဝေဒနာဖြစ်တတ်ပါတယ်။ အဲဒီ သုခဝေဒနာ ဖြစ်လာတဲ့အခါ အင်မတန် ထင်ရှားပါတယ်။ ဆင်းရဲတဲ့ ဒုက္ခဝေဒနာ ဖြစ်ရင်လဲ အင်မတန် ထင်ရှားပါတယ်။ မသိမသာ မဟုတ်ပါဘူး၊ သိသိသာသာ ဖြစ်လာပါတယ်၊ ဥပေက္ခာဝေဒနာ ဖြစ်ရင်တော့ မသိသာပါဘူး၊ မထင်ရှားပါဘူး။
ဒါဖြင့် အဲဒီမသိမသာတဲ့ မထင်ရှားတဲ့ ဥပေက္ခာဝေဒနာကို ဘယ်လိုလုပ်ပြီး သိအောင် လုပ်မလဲ၊ ထင်ရှားအောင် လုပ်မလဲဆိုရင် သုခဝေဒနာ၊ ဒုက္ခဝေဒနာ နှစ်ခုနဲ့ မှတ်ယူရပါတယ်။

သုခဝေဒနာဖြစ်ရင်လဲအလွန်ချမ်းသာတယ်၊ ဒုက္ခဝေဒနာဖြစ်ရင်လဲအလွန်ဆင်းရဲတယ်၊ အဲဒီ သုခဝေဒနာနဲ့ ဒုက္ခဝေဒနာ နှစ်ခုတို့ရဲ့ အကြား အလယ်အလတ်ဖြစ်တဲ့ ဥပေက္ခာဝေဒနာကျတော့ ပြောဖို့ရာ ခက်နေပါတယ်။
ဘယ်လို ပြောနိုင်သလဲဆိုရင် ဒီနေရာမှာ ကျောက်ဖျာကြီး တစ်ခု ရှိတယ်ဆိုပါတော့၊ အဲဒီ ကျောက်ဖျာကြီးရဲ့ ပတ်လည်ကတော့ မြေပျော့ပဲရှိတယ်။
သမင်တစ်ကောင်ဟာ ကျောက်ဖျာ အရှေ့ဘက်ကနေပြီး အနောက်ဘက်ကို ကျောက်ဖျာပေါ်မှ ဖြတ်ပြီး သွားတယ်၊ အဲဒီလို ဖြတ်သွားတော့ ကျောက်ဖျာပေါ်မှာ သမင်ခြေရာ ထင်ကျန်ရစ်လားဆိုတော့ မကျန်ရစ်ပါ။
ဒါပေမယ့် အရှေ့ဘက်ကနေ ကျောက်ဖျာဆီ ဦးတည်လာနေတဲ့ သမင်ခြေရာကို မြေပျော့ပေါ်မှာ မြင်ရတယ်၊ ကျောက်ဖျာမှ ဆင်းပြီး အနောက်ဘက်သွားတဲ့ သမင်ခြေရာကို မြေပျော့ပေါ်မှာ အတိအကျ အထင်အရှား မြင်ရတယ်။
အဲဒီ ကျောက်ဖျာပေါ်အတက်၊ ကျောက်ဖျာမှ အဆင်း ခြေရာ ၂ ခုကို ကြည့်ပြီး ဒီသမင်ဟာ ကျောက်ဖျာ အရှေ့ဘက်ကနေ တက်ပြီး အနောက်ဘက်ကို ဆင်းသွားပါလား၊ ဒီကျောက်ဖျာပေါ် ဖြတ်သွားပါလားလို့ သိနိုင်ပါတယ်။ အဲဒီလို သိနိုင်တာဟာ ကျောက်ဖျာပေါ်မှာ ခြေရာ အထင်အရှား တွေ့လို့ သိတာလားဆိုတော့ မဟုတ်ပါ၊ ထင်ရှားတဲ့ အတက်အဆင်း ခြေရာကိုကြည့်ပြီး သိတာပါ။ ထင်ရှားတာကို ထောက်ဆပြီး မထင်ရှားတာကို သိတာပါ။

အဲဒီလိုပါပဲ၊ ရှုတဲ့အခါမှာ ဘယ်ဝေဒနာ ရှုရမလဲဆိုတော့ ထင်ရှားတဲ့ သုခဝေဒနာ၊ ဒုက္ခဝေဒနာကို ရှေးဦးစွာ ရှုရပါတယ်။ သုခဝေဒနာ၊ ဒုက္ခဝေဒနာ ရှုပွားတတ်လို့ သဘောပေါက်တဲ့အခါ ဥပေက္ခာဝေဒနာကို သဘောပေါက်လာပါလိမ့်မယ်။

ဝေဒနာ ရှုပွားချင်တဲ့ ယောဂီပုဂ္ဂိုလ်ဟာ ဝေဒနာအမျိုးအစား သဘောသဘာဝကို နားလည်မှ ရှုနိုင်ပါမယ်၊ ရှုတတ်ပါမယ်၊ ရှုပွားနည်း မှန်ပါမယ်၊ သို့မဟုတ်က မရှုတတ်၊ မရှုနိုင်၊ မမှန်နိုင်ပါ။
ယခုတော့ ဝေဒနာ ဘယ်နှစ်မျိုး သိသွားလဲဆိုရင် သုံးမျိုး သိသွားပါပြီ၊ အဲဒီလို ဝေဒနာသုံးမျိုးလောက်တော့ သိပါမှ ဝေဒနာရှုပွားလို့ လွယ်ပါမယ်၊ မသိရင် မလွယ်ပါ၊ မမှန်နိုင်ပါ။

ယခု သိရသလောက်တော့ တရားနယ်ပယ်ထဲမှာ နာကျင်ကိုက်ခဲတဲ့ ရုပ်ဖောက်ပြန်မှု ရုပ်ဒုက္ခတစ်ခုတည်းကိုပဲ ဝေဒနာလုပ်ပြီး ရှုပွားနေတာ တွေ့ရပါတယ်။
သုခ၊ ဥပေက္ခာကို ရှုပွားတာ မတွေ့ရသလောက်ပါဘဲ၊ အဲဒီ ရုပ်ဒုက္ခရှုပြန်တော့လဲ အရှုအပွား မမှန်တာတွေဘဲ အများဆုံး တွေ့ရပါတယ်။
တကယ်ရှုရမှာက ဒုက္ခဝေဒနာရှုရင် အဲဒီ ဒုက္ခဝေဒနာရဲ့ အဖြစ်အပျက်၊ ဒုက္ခဝေဒနာရဲ့ သဘောသဘာဝ အကြောင်းအကျိုး စသည်ကို သိအောင် မြင်အောင် ထင်အောင် ရှုရမှာပါ။

ပြီးတော့ အဲဒီ နာကျင်ကိုက်ခဲမှု ရုပ်ဒုက္ခကို ရှုပြန်တော့ သူ့သဘော ဘယ်လိုအဖြစ်၊ ဘယ်လိုအပျက်၊ ဘယ်လို ဘာ့ကြောင့် ဖြစ်၊ ဘာ့ကြောင့်ပျက်ရယ်လို့ သိအောင် မြင်အောင် ထင်အောင် ရှုပွားအားထုတ်မှု မပြုဘဲ အဲဒီ နာကျင်ကိုက်ခဲတဲ့ ရုပ်ဒုက္ခကြီးကို ကုန်သွားအောင်၊ ပျောက်သွားအောင် ဆိုပြီး ရှုပါတယ်၊ အမှန်ရှုရမှာက ကုန်အောင် ရှုရမှာ မဟုတ်ပါ၊ သူ့သဘော သဘာဝကို သိအောင် မြင်အောင် ရှုပွားရမှာပါ။

နာကျင် ကိုက်ခဲမှု ရုပ်ဒုက္ခကို ရှုချင်ရင် ဒီဒုက္ခဟာ ဘယ်လိုသဘောရှိသလဲ၊ သူ ဘယ်လိုဖြစ်လာသလဲ၊ ဘယ်လို ပျက်သလဲ၊ ဘာ့ကြောင့်ဖြစ်လဲ၊ ဘာ့ကြောင့်ပျက်လဲ စသည်ဖြင့် အဲဒီရုပ်ဒုက္ခရဲ့ သဘော သဘာဝကို ဖြစ်ကြောင်း၊ ပျက်ကြောင်းနှင့်တကွ သိအောင် မြင်အောင် ရှုပွားရမှာပါ။

ရှုပွားတဲ့အခါ ဘယ်လို စိတ်အနေအထားနဲ့ ရှုပွားရမှာလဲဆိုတော့ ကိုယ်နဲ့ အမျိုးမတော်စပ်တဲ့ သူစိမ်း လူမမာ တစ်ယောက်ကို သွားပြီး ကြည့်ရှုရသလို ကြည့်ရှုပွားများရပါမယ်။
ဒုက္ခဝေဒနာရှုချင်ရင် အဲဒီ ဒုက္ခဝေဒနာကို ငါနှင့်မဆိုင်၊ ငါမပိုင်တဲ့ သူစိမ်း ပြင်ပလို့ သဘောထားရပါမယ်။
ဒီဆင်းရဲမှု ဒုက္ခဝေဒနာဟာ ငါမဟုတ်ဘူး၊ ငါ့ဥစ္စာ မဟုတ်ဘူး၊ ငါ့ကိုယ်မဟုတ်၊ ငါ့ဆွေမျိုးမဟုတ်ဘူး၊ ငါနဲ့မဆိုင်၊ ငါနဲ့ အလွတ်ကြီးပဲလို့ စိတ်ထဲမှာ သဘောထားကာ သူစိမ်း လူမမာတစ်ယောက်ကို ထိုင်ကြည့်နေသလို သက်သက်သာသာ မျှမျှတတထိုင်ပြီး ရှုကြည့်ရမှာပါ။ အနာအကျင် အကိုက်အခဲဆုံး နေရာကို တစ်နာပြီး တစ်နာ၊ တစ်ကျင်ပြီး တစ်ကျင်၊ တစ်ကိုက်ပြီး တစ်ကိုက် ဖြစ်ပျက်နေတာကို မြင်အောင် သိအောင် ရှုကြည့်နေရမှာပါ။

နာကျင်ကိုက်ခဲမှု ဒုက္ခဝေဒနာတွေ ကုန်သွားအောင် ပျောက်သွားအောင် ပျက်သွားအောင် မရှုရပါ၊ ကိုယ်ကိုလဲချုပ်မထားရပါ၊ တောင့်တင်းမထားရပါ၊ အလိုက်သင့် မျှမျှတတလေး နေပါ။
အဲဒီဒုက္ခတွေ မကုန်အောင် ထင်ရှားအောင် ဆိုပြီးလဲ အောင့်မထားရပါ၊ ချုပ်မထားရပါ။ အလိုက်သင့် နေသာသလို နေပြီး အသိမပြတ် သတိကပ်ပြီး ရှုကြည့်နေရမှာပါ။ အဲဒီလို မရှုရင် ရှုပွားနည်း မမှန်ပါ။

ဝေဒနာဟာ ကိုယ်မှာ မပြတ်ပါ။ သုခဝေဒနာ၊ ဒုက္ခဝေဒနာ၊ ဥပေက္ခာဝေဒနာတို့ဟာ တစ်မျိုးမဖြစ် တစ်မျိုးဖြစ် လှည့်ပြီး ဖြစ်နေပါတယ်။ ဒါကြောင့် ရှုပွားတဲ့အခါ သုခဝေဒနာ ထင်ရှားရင် သုခဝေဒနာကို ရှုရပါမယ်၊ ဒုက္ခဝေဒနာ ထင်ရှားရင် ဒုက္ခဝေဒနာကို ရှုရပါမယ်။

ဥပေက္ခာ ဝေဒနာကတော့ မထင်ရှားပါ၊ မထင်ရှားတော့ ထင်ရှားတဲ့ ဝေဒနာကိုပဲ ရှုပါ။ သုခဝေဒနာကို ရှုတတ်ရင် သဘောပေါက်ရင်၊ ဒုက္ခဝေဒနာကိုလည်း ရှုတတ်ရင် သဘောပေါက်ရင်၊ ဥပေက္ခာ ဝေဒနာကို သဘောပေါက်လာပါလိမ့်မယ်။

ဝေဒနာ ရှုပွားချင်တဲ့ ယောဂီပုဂ္ဂိုလ်ဟာ ဝေဒနာမရှုမီ မိမိမှာ ပြည့်စုံရမယ့်တရား၊ ထားရတဲ့တရားဆိုတာ ရှိပါတယ်။ အဲဒီတရားက ဘာလဲဆိုတော့ --

ရဟန်းတို့၊ ဤသာသနာတော်၌ ရဟန်းတို့သည် ဝေဒနာကို အာရုံပြု၍ဖြစ်သော ကိလေသာကို လွန်စွာ ပူပန်စေတတ်သော သမ္မပ္ပဓာန်လုံ့လရှိသည်ဖြစ်၍၊ ဝေဒနာကို ကောင်းစွာ အပြားအားဖြင့် သိတတ်သော ပညာအဆင်အခြင်နှင့် ပြည့်စုံသည်ဖြစ်၍၊ ဝေဒနာကို အောက်မေ့တတ်သော သတိနှင့်ပြည့်စုံသည်ဖြစ်၍ လို့ ဘုရားရှင် အဲဒီလို ဟောထားပါတယ်။ ဒါကြောင့် ဝေဒနာရှုပွားမယ့် ယောဂီပုဂ္ဂိုလ်မှာ ထားရမယ့် တရား၊ ပြည့်စုံ ရမယ့်တရားဟာ -

၁။ ၀ီရိယ၊ ၂။ ပညာ၊ ၃။ သတိ တို့ဖြစ်ပါတယ်။

အဲဒီ ၃ ပါးမှာ ၀ီရိယဆိုတာ ဘယ်လို ၀ီရိယလဲဆိုတော့ ဝေဒနာကို အာရုံပြု၍ဖြစ်တဲ့ ကိလေသာကို လွန်စွာ ပူပန်စေတတ်တဲ့ သမ္မပ္ပဓာန် လုံ့လ၀ီရိယမျိုးကို ဆိုပါတယ်။
တုံးတိုက်တိုက်၊ ကျားကိုက်ကိုက် တစ်ဇွတ်ထိုး ၀ီရိယမျိုးကို မဆိုပါဘူး။ ပညာ၊ သတိ မပါတဲ့ ၀ီရိယမျိုးကို မဆိုပါဘူး။

သမ္မပ္ပဓာန် ၀ီရိယဆိုတာ အယူအဆမလွဲပါနဲ့၊ ထိုင်ရာမထ ၀ီရိယလို့ မယူဆလိုက်ပါနဲ့၊ အချို့ အဲဒီလို အယူအဆ လွဲပြီး ထိုင်ရာမထ ကိုယ်ဒုက္ခကျွတ်အောင် အားထုတ်တတ်ပါတယ်။ အမှန်က ကိလေသာကျွတ်ဖို့ အားထုတ်ရမှာပါ၊ သမ္မပ္ပဓာန် ၀ီရိယကို သတိပြုပါ။

၁။ မဖြစ်သေးတဲ့ အကုသိုလ်တွေကို မဖြစ်အောင် လုံ့လပြုခြင်း။

၂။ ဖြစ်ပြီးသား အကုသိုလ်တွေကို ပယ်နိုင်အောင် နောက်ထပ် မဖြစ်အောင် လုံ့လပြုခြင်း။

၃။ မဖြစ်သေးတဲ့ ကုသိုလ်တွေကို ဖြစ်အောင် လုံ့လပြုခြင်း

၎။ ဖြစ်ပြီးသား ကုသိုလ်တွေကို လွန်စွာ တိုးပွားစေခြင်း ငှာ နောက်ထပ် ဖြစ်စေခြင်းငှာ လုံ့လပြုခြင်း တဲ့။

အချုပ်ပြောရရင် အကုသိုလ်ကို ပယ်နိုင်အောင် လုံ့လ ကြိုးကုတ် အားထုတ်နေမှ သမ္မပ္ပဓာန် ၀ီရိယပါ၊ ယခု တရား အားထုတ်တဲ့နေရာမှာ အဲဒီ ၀ီရိယကို သတိပြုပါ။
ဝီရိယ - ၀ီရိယနဲ့ အရမ်း ၀ီရိယ၊ အကြမ်းဝီရိယ မဟုတ်ပါဘူး၊ ဝေဒနာကို အာရုံပြု၍ဖြစ်တဲ့ ကိလေသာကို ပယ်နိုင်တဲ့ ၀ီရိယကို ဆိုလိုပါတယ်၊ ဝေဒနာကို ပယ်ဖြုတ်နိုင်တဲ့ ၀ီရိယ မဟုတ်ပါ။
ဒါကြောင့် ဝေဒနာ ရှုချင်တဲ့ ပုဂ္ဂိုလ်ဟာ ဝေဒနာကို အာရုံပြု၍ဖြစ်တဲ့ ကိလေသာကို ပယ်နိုင်တဲ့ ၀ီရိယ ရှိရမယ်။ ဝေဒနာကို ပယ်တဲ့ ၀ီရိယ မဟုတ်ပါ၊ ဝေဒနာကုန်အောင် အားထုတ်တဲ့ ၀ီရိယ မဟုတ်ပါ။ ဝေဒနာကို အာရုံပြု၍ ဖြစ်တဲ့ ကိလေသာကို ပယ်နိုင်တဲ့ ၀ီရိယပါ။

ဒီစကားကို နားမလည်ရင် ဝေဒနာအရှု လွဲပါမယ်။ ဝေဒနာကို အာရုံမပြုဘူး၊ ဝေဒနာကို အာရုံပြု၍ ဖြစ်တဲ့ ကိလေသာကိုလဲ မသိဘူး၊ အဲဒီ ကိလေသာကိုလဲ ပယ်နိုင်တဲ့ လုံ့လ ၀ီရိယ မရှိဘူးဆိုရင် ဝေဒနာ ရှုပွားလို့ ဖြစ်နိုင်ပါ့မလား၊ မဖြစ်နိုင်ပါဘူး။
ဝီရိယဆိုတော့ ထိုင်ရာမထကို ခေါ်တာလားလို့ မေးရင် မဟုတ်ပါ၊ ပြီးတော့ နာကျင်ကိုက်ခဲမှု ရုပ်ဒုက္ခတွေ မကျွတ်မချင်း မထဆိုတဲ့ ၀ီရိယကို ခေါ်တာလားလို့ မေးရင်လဲ မဟုတ်ပါ။
နာကျင်ကိုက်ခဲမှု ရုပ်ဒုက္ခတွေ ကိုယ်သန္တာန်က ကျွတ်သွားသည်ဖြစ်စေ၊ မကျွတ်သေးသည် ဖြစ်စေ အဲဒီ ရုပ်ဒုက္ခကို အာရုံပြုပြီးဖြစ်တဲ့ ခံစားမှု ဝေဒနာပေါ်မှာဖြစ်တဲ့ ကိလေသာကို ပယ်နိုင်တဲ့ ၀ီရိယရှိရပါမယ်။
တစ်နည်းပြောရင် အဲဒီ နာကျင်ကိုက်ခဲမှု ရုပ်ဒုက္ခကို အာရုံပြုပြီးဖြစ်တဲ့ ကိလေသာကို ပယ်နိုင်တဲ့ ၀ီရိယ ရှိရမယ် ဖြစ်ပါတယ်။

ဝေဒနာကို အာရုံပြု၍ဖြစ်တဲ့ ကိလေသာကို ပယ်နိုင်တဲ့ လုံ့လ၀ီရိယ ရှိသည်ဖြစ်၍လို့ ဟောထားတော့ ဝေဒနာကို ပယ်ရမှာလား၊ ကိလေသာကို ပယ်ရမှာလား ?
နာကျင်ကိုက်ခဲမှု ရုပ်ဒုက္ခကို ရှုချင်ရင် အဲဒီ နာကျင်ကိုက်ခဲမှုကို ကုန်အောင်မရှုဘဲ နာကျင်ကိုက်ခဲမှုကို အာရုံပြု၍ ဖြစ်တဲ့ ကိလေသာ ကုန်အောင် ရှုရမှာပါ။
ဝေဒနာက ပိုင်းခြားသိရမယ့် ဒုက္ခသစ္စာထိုက်တဲ့ တရားပါ။ ပယ်ရမယ့်တရား မဟုတ်ပါ၊ အဲဒီဝေဒနာကို အာရုံပြု၍ ဖြစ်တဲ့ ကိလေသာက ပယ်ရမယ့် သမုဒယသစ္စာထိုက်တဲ့ တရားပါ။
ဝိပဿနာ ဘာဝနာတရား ရှုပွားအားထုတ်နေတာဟာ ပယ်ရမယ့် တရားကို ပယ်နိုင်အောင်၊ ပိုင်းခြားသိရမယ့် တရားကို ပိုင်းခြားသိနိုင်အောင် အားထုတ်နေတာပါ။
ပိုင်းခြား သိရမယ့် တရားကို ပယ်ရင် ပယ်မှား မိစ္ဆာဒိဋ္ဌိ ဖြစ်သွားပါမယ်။
တကယ်ပယ်ရမှာက ဝေဒနာကို အာရုံပြု၍ဖြစ်တဲ့ ကိလေသာကို ပယ်ရမှာပါ။ အဲဒီ ကိလေသာကိုတော့ မပယ်ဘဲနဲ့ ဝေဒနာကုန်အောင်ဆိုပြီး ဝေဒနာကို ပယ်နိုင်အောင် ရှုပွားအားထုတ်ရင် အမှားကြီး မှားပါတယ်။

အပါယ်ချတာ ဝေဒနာဆိုတဲ့ ဒုက္ခသစ္စာထိုက်တဲ့ တရားက အပါယ်ချတာ မဟုတ်ပါ။ ဝေဒနာကို အာရုံပြု၍ဖြစ်တဲ့ ကိလေသာက အပါယ်ချတာပါ။ အဲဒီ အပါယ်ချတဲ့ ကိလေသာကို ပယ်နိုင်အောင် ရှုပွားပါ။ အပါယ်မချတတ်တဲ့ ဒုက္ခသစ္စာ ထိုက်တဲ့ ဝေဒနာကိုတော့ ပိုင်းခြားသိအောင် ရှုပွားအားထုတ်ပါ။ အဲဒါ ကွဲပြားဖို့ရာ အင်မတန် အရေးကြီးပါတယ်။
ယောဂီမှာရှိရမယ့် တရား သုံးလုံးထဲက ၀ီရိယတရား တစ်လုံးကို ရှင်းပြပြီးပါပြီ။ ယခု ဆက်လက်ပြီးတော့ ယောဂီမှာ ရှိရမယ့် သတိတရားကို ဆက်ရှင်းပါမယ်။
သတိကလဲ ဝေဒနာကို အောက်မေ့ အမှတ်ရတဲ့ သတိနှင့် ပြည့်စုံရမယ်တဲ့။
သတိကလဲ ဝေဒနာကို အမြဲမပြတ် တရစပ် အမှတ်ရ၊ အောက်မေ့တဲ့ သတိပါ၊ တခြား သတိ မဟုတ်ပါ၊ ဝေဒနာရှုတဲ့ ယောဂီမှာ ဝေဒနာကို အမြဲမပြတ် သတိရနေဖို့ သိမှတ်နေဖို့ အရေးကြီးပါတယ်။

ဒါဖြင့် သတိကို ဘယ်မှာ ထားရမလဲ ဆိုရင် ဝေဒနာပေါ် တင်ထားပါ၊ ဝေဒနာသည် သတိတရားရဲ့ တည်ရာပါ၊ ဝေဒနာကို သတိရဲ့တည်ရာ အဖြစ်ထားပြီး ရှုပွားရင် ဝေဒနာနုပဿနာ သတိပဋ္ဌာန် ဖြစ်ပါတယ်။
ဝေဒနာကို သတိရဲ့ တည်ရာအဖြစ် ထားပြီး ရှုပွားတဲ့ အတွက် ဝေဒနာနုပဿနာ သတိပဋ္ဌာန် ဖြစ်သွားတယ်။ ဝေဒနာကိုပဲ ထပ်ကာထပ်ကာ သတိထားပြီး ရှုပွားနေတဲ့ သတိပဋ္ဌာန် တရားပေါ့။
ဒါဖြင့် ဝေဒနာကို ရှုပွားလို့ရှိရင် သတိတရားရဲ့ တည်ရာဟာ ဘယ်ဟာလဲဆိုတော့ ဝေဒနာပါ၊ ဒါဖြင့် သတိတရားကို ဘယ်မှာ ကပ်ထားရမှာလဲ၊ ဘယ်မှာ အစောင့်ထားရမှာလဲ၊ သတိတရားကို ဝေဒနာပေါ်ကပ်ထားပါ၊ ဝေဒနာကို သိအောင် အစောင့်ထားပါ။

ဒါဖြင့် ဝေဒနာပေါ်မှာ သတိကို တင်မထားဘဲ ဝေဒနာကို ပျောက်သွားအောင် ကျွတ်သွားအောင် ၀ီရိယ စိုက်လိုက်ရင် သတိမှာ တည်ရာမရှိတော့ပါ။ သတိဟာ ဝေဒနာ ပေါ်မှာ မတည်တော့ရင် ဝေဒနာရဲ့ သဘော သဘာဝကို အဖြစ် အပျက် အကြောင်းအကျိုး မသိနိုင်တော့ပါဘူး။
မသိတော့ .. ယောဂီက နာကျင်ကိုက်ခဲတဲ့ ရုပ်ဒုက္ခကို ကုန်အောင် ကျွတ်အောင် ၀ီရိယစိုက်လိုက်တော့ နာကျင် ကိုက်ခဲမှုတွေက အကြောင်းချုပ်လို့ အကျိုးချုပ်တဲ့သဘောနဲ့ ခဏချုပ် ချုပ်သွားတာကို ငါမှတ်လိုက်လို့ ဝေဒနာ ကုန်သွားပြီလို့ ယူဆလိုက်တတ်ပါတယ်။ အမှန်က အကြောင်းချုပ်လို့ အကျိုးချုပ်သွားတာပါ။

ဝေဒနာဟာ ဘာ့ကြောင့်ဖြစ်လဲ၊ အနီးကပ်ဆုံး ပဋိစ္စသမုပ္ပါဒ် ဒေသနာတော်နည်းနဲ့ ပြောရရင် ဝေဒနာဟာ ဖဿကြောင့် ဖြစ်တယ်၊ ဖဿကြောင့် ဝေဒနာဖြစ်တော့ ဖဿချုပ်လို့ ဝေဒနာချုပ်တယ်ပေါ့။

ဒါပေမယ့် ဝေဒနာရှုတဲ့ ယောဂီက ဝေဒနာချုပ်သွားရင် ငါ ရှုမှတ်လို့ ဝေဒနာချုပ်သွားပြီ၊ ဝေဒနာကုန်သွားပြီလို့ ယူလိုက်ပါတယ်။
အမှန်က ဖဿချုပ်လို့ ဝေဒနာ ချုပ်သွားတာပါ၊ ငါရှုလို့ ချုပ်သွားတာ မဟုတ်ပါ၊ ငါရှုမှတ်လို့ ဝေဒနာချုပ်သွားတာ ဆိုရင်တော့ အကြီးအကျယ် မှားသွားပါပြီ။
ဘာဖြစ်လို့ မှားလဲ၊ ငါရှုမှတ်လို့ ချုပ်တယ်ဆိုရင် ဘုရားရှင် ဟောထားခဲ့တဲ့ - အနတ္တလက္ခဏသုတ္တန် ဒေသနာတော်ကို သတိပြု နှိုင်းယှဉ်ကြည့်ပါ။ အဲဒီမှာ ဘုရားရှင်က ဝေဒနာဟာ အနတ္တ တရားပါ လို့ ဟောထားပါတယ်။

ယခု ငါရှုမှတ်လို့ ဝေဒနာ ချုပ်သွားတယ်ဆိုရင် ဝေဒနာ အနတ္တ မဟုတ်တော့ပါ။ ဝေဒနာ အတ္တ ဖြစ်သွားပါပြီ။

ဝေဒနာကို ပိုင်တယ်၊ နိုင်တယ်ဆိုရင် အတ္တသဘော သက်ရောက်သွားပြီ၊ ဝေဒနာဟာ အတ္တမဟုတ်ပါ၊ အနတ္တပါ၊ ကိုယ်မပိုင်ပါ၊ ကိုယ်မဆိုင်ပါ၊ ကိုယ့်အကြိုက်လဲ မလိုက်ပါ၊ ကိုယ်အလိုလဲ မလိုက်ပါ။

အမှန်က ယောဂီပုဂ္ဂိုလ်ဟာ ဝေဒနာကို အမြဲမပြတ် တရစပ် အောက်မေ့ အမှတ်ရတဲ့ သတိရှိရမယ်၊ ဝေဒနာဟာ ယောဂီ ပုဂ္ဂိုလ်ရဲ့ သတိအောက်မှာ အမြဲရှိနေရမယ်၊ ဝေဒနာသည် ဘယ်တရားရဲ့ တည်ရာလဲဆိုတော့ သတိတရားရဲ့ တည်ရာပါ။
ကောင်းပြီ၊ ဝေဒနာရှုပွားတဲ့ ယောဂီ ပုဂ္ဂိုလ်မှာ ယခု အင်္ဂါ ဘယ်နှစ်ချက် ရသွားပြီလဲဆိုတော့ ၀ီရိယ၊ သတိရယ်လို့ အင်္ဂါ နှစ်ချက် ရသွားပါပြီ။
အင်္ဂါနှစ်ပါး ရသွားတော့ နောက်ထပ် အင်္ဂါ တစ်ပါးက ဝေဒနာကို ကောင်းစွာ အပြားအားဖြင့် သိတတ်သော ပညာ အဆင်အခြင်နှင့် ပြည့်စုံရပါမယ်။

ဒီနေရာမှာ ပညာက အခုခေတ် ဘီအေပညာ၊ ဘီအီးဒီပညာ၊ ဓမ္မာစရိယပညာ၊ သကျသီဟပညာမျိုးကို ခေါ်တာ မဟုတ်ပါ။ ဝေဒနာရဲ့ သဘော သဘာဝ အကြောင်း အကျိုး အဖြစ်အပျက်ကို သိတဲ့ ပညာကို ခေါ်ပါတယ်။
ဘာ့ကြောင့် ဝေဒနာလို့ခေါ်လဲ၊ ဘာ့ကြောင့် ဝေဒနာဖြစ်သလဲ၊ ဘာကြောင့် ဝေဒနာ ပျက်သလဲ စသည်ဖြင့် ဝေဒနာနဲ့ပတ်သက်၍ သိသင့် သိထိုက်တဲ့ အချက်တွေကို မှန်ကန်စွာ သိတဲ့ အသိပညာမျိုးကို ဒီနေရာမှာ ပညာလို့ ဆိုလိုပါတယ်။ ဒါဖြင့် ဝေဒနာ ရှုပွားချင်တဲ့ ယောဂီမှာ --

၁။ ဝေဒနာကို အာရုံပြု၍ ကိလေသာကို ပယ်နိုင်တဲ့ ၀ီရိယရှိရမယ်။

၂။ ဝေဒနာကို အမြဲမပြတ် တရစပ်အမှတ်ရနေတဲ့ သတိ ရှိရမယ်။

၃။ ဝေဒနာကို ကောင်းစွာ အပြားအားဖြင့် သိနိုင်တဲ့ ဥာဏ်ပညာ အဆင်အခြင် ရှိရမယ်။

အဲဒီ အင်္ဂါ ၃ ချက်ဟာ ဝေဒနာရှုပွားမယ့် ယောဂီပုဂ္ဂိုလ်မှာ ပြည့်စုံရပါမယ်။

ဆက်လက်ဖော်ပြပါမည်။
မေတ္တာဖြင့်
tno

မှတ်ချက်။ ။ ဓမ္မဒူတ အရှင်ပညာဇောတ၏ ဝေဒနာရှုပွားနည်းမှ ကောက်နှုတ် မှတ်စုထုတ်ပါသည်။

https://www.facebook.com/kotheinnaingohn

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/