ဝေဒနာရှုပွားနည်း (၅)

ဓမ္မဒူတ အရှင်ပညာဇောတရဲ့ ဝေဒနာရှုပွားနည်းတရားတော်ကို တင်ပေးလာတာ အခုဆိုယင် အပိုင်း (၅) ရောက်ပါပြီ။ ဆရာတော်ရဲ့ပထမပိုင်း တရားတော် ပြီးသွားပါပြီ။ အခု ဒုတိယပိုင်းပါ။ ဒီနေ့ဝေဒနာရှုပွားနည်း ကိုတော့ အယင်နေ့က တင်ပေးထားခဲ့တဲ့နည်းကို ပိုမို ရှင်းလင်းစေဖို့ ထပ်မံရှင်းလင်းပေးမှာဖြစ်ပါတယ်။

ဝေဒနာ၊ ဝေဒနာဆိုတော့ ဝေဒနာက ဘာတရားလဲဆိုတော့ နာမ်တရားပါ၊ ဒုက္ခ ဆိုတာ ဒဏ် တရားပါ၊ ဝေဒနာနာမ်တရားက စိတ်နှင့် ဖြစ်တူ ပျက်တူ အာရုံတူသ မှီရာတူပါ။ ဒုက္ခဒဏ်တရားက ဘယ်မှာဖြစ်လဲဆိုယင် ကိုယ်မှာ ဖြစ်ပါတယ်။

ဒုက္ခဆိုတဲ့ ဒဏ်တရားက ကိုယ်နှင့်စပ်ပြီး ကိုယ်ပေါ်မှာ ပေါ်တာပါ။

အဲဒီ ဒဏ်ဆိုတာ တကယ်တော့ ရုပ်ပါ၊ ဖောက်ပြန်ရုပ် ဖြစ်နေတာပါ၊ အဲဒီ ဖောက်ပြန်တဲ့ ဒဏ်ရုပ်ကို ဝေဒနာလုပ် ရှုရမှာလား၊ ခံစားမှု ဝေဒနာနာမ်ကို ဝေဒနာလုပ် ရှုရမှာလားဆိုတော့ ဝေဒနာရှုချင်ရင် ခံစားမှုနာမ်ကို ဝေဒနာလုပ် ရှုရမှာပါ။

တင်ပါးနဲ့ ကြမ်းနဲ့ ထိထားတာ အထိနာလို့ သို့မဟုတ် ခြေထောက်တွေ ကွေးထားတာ အကွေးကြာလို့ နာတဲ့ ကျင်တဲ့ ကိုက်ခဲတဲ့ ဒဏ်ကို ဝေဒနာလုပ်မရှုပါနဲ့၊ ဒီဒဏ်ဟာ ရုပ်တရား ဖြစ်ပါတယ်၊ ရုပ်တရားဖြစ်လို့ ရုပ်လို့ ရှုပါ။

ဝေဒနာက နာမ်တရားဆိုတော့ အောက်ပိုင်း ခန္ဓာကိုယ်က နာကျင်ကိုက်ခဲမှုဒဏ် တရားကို စိတ်က သိမှ စိတ်နှင့် ဖြစ်တူ ပျက်တူ အာရုံတူ ခံစားတာဟာ ဝေဒနာဖြစ်ပါတယ်၊ အဲဒီ ဝေဒနာဟာ နာမ်တရားဖြစ်လို့ နာမ်လို့ ရှုရပါတယ်။
ဝေဒနာရယ်၊ သညာရယ်၊ သင်္ခါရရယ်၊ စိတ်ရယ် ၄ ပါးကို နာမက္ခန္ဓာလေးပါး၊ နာမ်ခန္ဓာလေးပါးလို့ ခေါ်ပါတယ်၊ အဲဒီ နာမ်ခန္ဓာ ၄ ပါးဟာ အဖြစ်လဲတူပါတယ်၊ အတူတူဖြစ်ပါတယ်၊ အပျက်လဲ တူပါတယ်၊ အတူတူ ပျက်ပါတယ်၊ အာရုံလဲ တူပါတယ်၊ အာရုံ အတူတူ ပြုပါတယ်၊ မှီရာဝတ္ထုလဲ တူပါတယ်၊ မှီရာဝတ္ထု အတူတူပါပဲ။

ခံစားမှုဝေဒနာ နာမ်တရားဟာ စိတ်နဲ့ ဖြစ်တူ ပျက်တူ၊ အာရုံတူ၊ မှီရာဝတ္ထုတူဆိုတော့ စိတ်ဖြစ်ရင် ဖြစ်မယ်၊ စိတ်ပျက်ရင် ပျက်မယ်၊ ဒါဖြင့် ဘယ်အခါ ဝေဒနာချုပ်မလဲဆိုရင် စိတ်ချုပ်တဲ့အခါ ဝေဒနာ ချုပ်ပါမယ်။

စိတ်ကလဲ ခဏဖြစ် ခဏချုပ်အနေနဲ့ အမြဲတမ်းပဲ ချုပ်နေပါတယ်၊ ဝေဒနာကလဲ ခဏဖြစ် ခဏချုပ်အနေနဲ့ အမြဲတမ်းပဲ ဖြစ်ချုပ်အနေနဲ့ရှိနေတယ်လို့ဆိုရမှာပါ။

ဒါဖြင့် ဘယ်တော့ ဝေဒနာကုန်မလဲမေးရင် .. သေသာသွားမယ် တစ်ဘ၀ တစ်စခန်း သိမ်းတဲ့အနေနဲ့ စိတ်ဝိညာဏ်ချုပ်လို့ ဝေဒနာချုပ်ပေမယ့် နိဗ္ဗာန် မရသေးရင် နောက်တစ်ဘ၀ တစ်စခန်းအနေနဲ့ စိတ်ဝိညာဏ်ဖြစ်၊ ဝေဒနာဖြစ်၊ စိတ်ဝိညာဏ်ချုပ်၊ ဝေဒနာချုပ်ဆိုပြီး ဖြစ်ချုပ်ဖြစ်ချုပ် ဖြစ်ချုပ်နေရဦးမှာပါ၊ မကုန်သေးပါ၊ ဒါကြောင့် မကုန်သင့်တာကို ကုန်အောင် မကြိုးစားရပါဘူး။

ပဋ္ဌာန်းမှာ အနန္တရပစ္စည်း သမနန္တရပစ္စည်းဆိုတာ ရှိပါတယ်။

အဲဒီပစ္စည်း နှစ်ပစ္စည်းက ကျေးဇူးပြုတာဟာ အကြားမရှိ၊ ကောင်းစွာ အကြားမရှိ၊ ကျေးဇူးပြုပါတယ်တဲ့၊ စိတ် စေတသိက်တရားတွေ၊ အဲဒီ ၂ ခု ပေါင်းလိုက်တော့ နာမ် နာမ်တရားတွေ ကျေးဇူးပြုထားတာ အကြားအလပ် မရှိပါ။

စိတ်က တစ်စိတ်ချုပ်ပြီး တစ်စိတ်ဖြစ်၊ အကြားအလပ်မရှိ ဖြစ်ချုပ်နေသလို ဝေဒနာကလဲ စိတ်နဲ့ ဖြစ်တူပျက်တူဆိုတော့ ဝေဒနာ တစ်ခုချုပ် တစ်ခုဖြစ်၊ တစ်ခုချုပ် တစ်ခုဖြစ်လို့ အကြားအလပ်မရှိ ဖြစ်ချုပ်နေပါတယ်။
ကိုယ်က ဝေဒနာထင်ရှားအောင်ဆိုပြီး ဣရိယာပုတ်ကို မလှုပ်မကုတ်၊ မစောင်းမငဲ့၊ အောင့်ချုပ်ထားရမလား၊ အဲဒီလို မထားရပါဘူး၊ ဒါဖြင့် ကုန်အောင် လုပ်ရဦးမလားဆိုလဲ မလုပ်ရပါဘူး၊ စိတ်ဖြစ် ဝေဒနာဖြစ်၊ စိတ်ချုပ် ဝေဒနာချုပ်ပါ၊ ကိုယ်က ဖြစ်အောင် ပျက်အောင် လုပ်စရာ မလိုပါ၊ ဖြစ်ပျက်ကို မြင်အောင် ကြည့်ရမှာပါ၊ ကိုယ့်အလုပ်ကိုသာ ကိုယ်လုပ်ရပါမယ်။

ဝေဒနာက နာမ်တရား၊ ဝေဒနာရယ်၊ သညာရယ်၊ သင်္ခါရရယ်၊ စိတ်ရယ် ..၊ ဒီနာမ်ခန္ဓာ ၄ ပါးဟာ ဖြစ်တူပျက်တူ အနေနဲ့ တစ်ဖြစ်တည်းဖြစ် တစ်ပျက်တည်းပျက်နေတာပါ၊ အဲဒီသဘောကို မသိတော့ ဘာကို ဝေဒနာလုပ် ရှုမိသလဲဆိုတော့ အထိုင်ကြာလို့ ဖြစ်ပေါ်လာတဲ့ နာကျင်ကိုက်ခဲမှု ဒဏ်တွေကို ဝေဒနာလုပ် ရှုကြပါတယ်။

ဒဏ် ဆိုတာက ရုပ်ခံရတာ၊ ရုပ်ဒဏ်ပါ၊ နာမ်ခံရတဲ့ ဝေဒနာ မဟုတ်ပါဘူး၊ အဲဒီ ရုပ်ခံရတဲ့ဒဏ်ကို နာမ်ဝေဒနာလုပ်ပြီး ရှုမယ်၊ အားထုတ်မယ်ဆိုရင် တကယ့်အစစ်အမှန် အာရုံထဲက ရုပ်ဒဏ်၊ မိမိတို့က ဝေဒနာအာရုံအဖြစ် ယူထားတယ်။

ရုပ်ဖောက်ပြန်တဲ့ ရုပ်ဒဏ်ကို ဝေဒနာအာရုံအဖြစ် ထားပြီး ယူဆရှုပွားနေတော့ အရှုအာရုံ မှားနေပါပြီ၊ အရှုခံအာရုံ မမှန်တော့ပါ။

အာရုံမှားတော့ ဘာထပ်မှားလဲဆိုတော့ ရုပ်အာရုံကို မိမိက ရုပ်အာရုံလို့ မသိဘဲနဲ့ ဝေဒနာအာရုံလို့ ယူဆရှုမှတ်တော့ အသိလဲ မှားပြန်ပါတယ်။

အဲဒါ ဘာမှားလို့ အသိမှားတာလဲဆိုတော့ အာရုံမှားလို့ အသိမှားတာပါ၊ တစ်ခါရှုပြန်တော့ အဖြစ်အပျက် မြင်အောင်ရှုမယ်ဆိုရင် မှန်သေးတယ်၊ ယခု ရှုပြန်တော့ ကုန်အောင် ရှုတယ်ဆိုပြန်တော့ ရှုနည်းမှားပြန်ပါတယ်။

ဝေဒနာရှုပွားသူအနေနဲ့ အာရုံမှန်ရမယ်၊ ရုပ်အာရုံ နာမ်အာရုံ အသိမှန်ရမယ်၊ အဲဒီအာရုံမှန်မှာ အသိမှန်နဲ့ရှုတော့ ဖြစ်ပျက် အနိစ္စ၊ ဖြစ်ပျက် ဒုက္ခ၊ ဖြစ်ပျက် အနတ္တကို မြင်အောင် ထင်အောင် ရှုပွားသွားမယ်ဆိုရင် ရှုနည်းမှန်ပါတယ်။
ဝေဒနာ ရှုချင်ရင် ခံစားမှု ဝေဒနာနာမ်ရဲ့ ခံစားမှုသဘောကို သိအောင်မြင်အောင် ရှုရမှာပါ၊ အဲဒီ ခံစားမှုသဘောက စိတ်နဲ့ ဖြစ်တူ ပျက်တူဆိုတော့ သိတယ်၊ ခံစားတယ်၊ အဲဒီလိုနေတာပါ၊ နာတယ်၊ သိတယ်၊ ခံစားတယ်၊ သိပ်မြန်ပါတယ်။

ရှုပွားအားထုတ်တယ်ဆိုတာ အရှုခံထားပြီး ရှုတဲ့အာရုံကို ရုပ်ပဲ နာမ်ပဲလို့သိပြီး ရုပ်ဆိုရင် ရုပ်ရဲ့သဘော လက္ခဏာ၊ နာမ်ဆိုရင် နာမ်ရဲ့သဘောလက္ခဏာကိုသိပြီး သတိထားပြီး ကြည့်နေရမှာပါ၊ ဝေဒနာနာမ်ကို ရှုချင်ရင်တော့ ခံစားမှုသဘောလက္ခဏာကို သတိကပ်ပြီး ရှုကြည့်နေဖို့ပါပဲ။

ဒါကြောင့် ဝေဒနာရှုသူအနေနဲ့ ပြောရရင် ခံစာမှု သဘောတရားကို ရှုရပါမယ်၊ နာကျင်ကိုက်ခဲတဲ့ ဒဏ်ရာ ဒဏ်ချက်ကို မရှုရပါ၊ ရှုချင်ရင်လဲ ရုပ် လို့ ရှုပါ။

ဒါပေမယ့် ကြောင်းကျိုးမကင်းဘူးလိ်ု့တော့ ပြောလို့ရပါတယ်၊ အဲဒီ ခံစားမှုတွေဟာ အဲဒီဒဏ်နဲ့ ကင်းရဲ့လား၊ မကင်းပါ၊ ဝေဒနာ ခံစားတာက ရုပ်ဖောက်ပြန်မှုဒဏ်ရဲ့ အရသာကို ခံစားတာ၊ ဒါကြောင့် ဒီဒဏ်နဲ့ ခံစားမှုဟာ အကြောင်းအကျိုးအနေနဲ့ မကင်းပါ။

နာကျင်ကိုက်ခဲမှုဒဏ် တစ်ချက်၊ ခံစားမှုဝေဒနာနာမ် တစ်ချက်၊ အဲဒီလို ဒဏ်တစ်ချက် ခံစားမှုတစ်ချက်ဆိုတော့ ခံစားမှုဝေဒနာ ရှုချင်ပါတယ်ဆိုရင် ခံစားမှု ရှုရပါမယ်၊ နာကျင်ကိုက်ခဲမှုဒဏ်ကို ရှုချင်ရင်တော့ ရုပ် လို့ ရှုရပါမယ်၊ အဲဒီလို ဒဏ်ရုပ်နဲ့ နာမ်ခံစားမှုနဲ့ ကွဲပြားစွာ သိနိုင်ဖို့၊ ကွဲပြားစွာ ရှုတတ်ဖို့ အရေးကြီးပါတယ်။

အာရုံကွဲရမယ်ဆိုတာ အဲဒါမျိုးကို ပြောတာပါ၊ ခံစားမှုဝေဒနာနာမ် အာရုံက တစ်မျိုး၊ နာကျင်ကိုက်ခဲမှုဒဏ်လို့ခေါ်တဲ့ ရုပ်အာရုံက တစ်မျိုး၊ အာရုံချင်း မတူပါဘူး။

နာကျင်ကိုက်ခဲမှုဒဏ်ဆိုတဲ့ ရုပ်အာရုံက ထင်ရှားပါတယ်၊ ခံစားမှု ဝေဒနာနာမ်အာရုံက မထင်ရှားပါ၊ သိမ်မွေ့နူးညံ့ပါတယ်၊ ဒါ့ကြောင့် ဝေဒနာမှု ဘာကိုရှုရမလဲဆိုယင် အရသာခံစားမှုနာမ်ကို ရှုရပါမယ်။
ရှုပွားတဲ့အခါမှာ စိတ်နာမ်က သိတယ်၊ ဝေဒနာနာမ်က ခံစားတယ်၊ စိတ်နဲ့ ဝေဒနာနဲ့က တစ်တွဲတည်းပါ၊ ဖြစ်တူပျက်တူဆိုတော့ သိမှုနဲ့တွဲပြီးရှုရင် ဝေဒနာကို အမြန်ဆုံး တွေ့နိုင်ပါတယ်။

ဥပမာဆိုပါတော့ .. အထိုင်ကြာတော့ တင်ပါးက နာကျင်ကိုက်ခဲတယ်၊ အဲဒီ နာကျင်ကိုက်ခဲတာကို ဘယ်သူက သိသလဲ၊ စိတ်က သိတယ်၊ သိတာနဲ့ တစ်ပြိုင်နက်တည်း ခံစားမှုက ခံစားတယ်၊ တစ်သိ တစ်ခံစား၊ တစ်သိ တစ်ခံစားပေါ့။

နာကျင်ကိုက်ခဲမှုနဲ့တွဲလိုက်တော့ တစ်နာ၊ တစ်သိ၊ တစ်ခံစား ဖြစ်ပျက်နေပါတယ်၊ အဲဒီမှာကြည့်ရင် နာကျင်ကိုက်ခဲမှု ဖြစ်လာသလို သိမှုတွေလဲ ဖြစ်လာ၊ ခံစားမှုတွေလဲ ဖြစ်လာတယ်။

နာကျင်ကိုက်ခဲမှုတွေ ချုပ်သွားသလို သိမှုတွေလဲ ချုပ်သွားတယ်၊ ခံစားမှုတွေလဲ ချုပ်သွားတယ်၊ အဲဒီ နာကျင်ကိုက်ခဲမှုရယ်၊ သိမှုရယ်၊ ခံစားမှုရယ် ဘယ်ဟာက ပိုထင်ရှားလဲဆိုယင် နာကျင်ကိုက်ခဲမှုက ပိုထင်ရှားပါတယ်။

ဒါကြောင့် ရုပ် ရုပ် လို့ ရှုပေးရတာပါ၊ တရားရှုပွားအားထုတ်တဲ့အခါ အရှုခံအာရုံ ရွေးမနေဘဲ ထင်ရှားတာကို ရှုပွားမှ မြန်မြန်ရပါတယ်၊ သိနေတဲ့ အာရုံကို ရှုမှ မြန်မြန်ရမယ်ပေါ့။ မထင်ရှားတဲ့ ဝေဒနာမှ ရှုချင်ပါတယ်ဆိုပြီး ထင်ရှားတဲ့ ရုပ်ကို မရှုဘဲ ဝေဒနာရှာပြီး ရှုမလား၊ ထင်ရှားတဲ့ ရုပ်ရှုမလား၊ ထင်ရှားရုပ်ကို ရှုဖို့ အရေးကြီးပါတယ်၊ ထင်ရှားတဲ့ ရုပ်ကို ရုပ် လို့ပဲ ရှုပါ။

မိမိတို့ ကိုယ်တွင်းမှာ ရုပ်တရားကလဲ ဖောက်ပြန်နေတယ်၊ အဲဒီ ဖောက်ပြန်မှုကို စိတ်နာမ်ကလဲ သိနေတယ်၊ ဝေဒနာနာမ်ကလဲ ခံစားနေတယ်၊ အဲဒီ ဓမ္မနိယာမသဘောတရားအရ သူ့ အလုပ် သူလုပ်နေကြတာပါ။

တရားရှုပွားအားထုတ်တယ်ဆိုတာ ဥာဏ်နဲ့ စောင့်ကြည့်တာပါပဲ။ ဥာဏ်နဲ့ စောင့်ကြည့်တော့ ဖောက်ပြန်တဲ့ ရုပ်ကလဲ ဖောက်ပြန်တဲ့ အလုပ်ကို အမြဲလုပ်နေတာပဲ၊ သိတဲ့ ၀ိညာဏ်ကလဲ သိတဲ့ အလုပ်ကို အမြဲလုပ်နေတာပဲ၊ ခံစားတဲ့ ဝေဒနာကလဲ ခံစားတဲ့အလုပ်ကို အမြဲလုပ်နေတာပဲလို့ မြင်လာပါမယ်။
ဖောက်ပြန်တဲ့ ရုပ်တရားကလဲ ဖောက်ပြန်ရင်း ဖောက်ပြန်ရင်း ချုပ် ပျက်၊ သိတဲ့စိတ် ၀ိညာဏ်ကလဲ သိရင်း သိရင်း ချုပ်ပျက်၊ ခံစားတဲ့ ဝေဒနာကလဲ ခံစားရင်း ခံစားရင်း ချုပ်ပျက်ပါလားလို့ သိလာတော့ ဘယ်မှာလဲ ငါ၊ သူ၊ ပုဂ္ဂိုလ်၊ သတ္တ၀ါ၊ ယောက်ျား၊ မိန်းမလို့ ပြစရာမရှိတော့ပါဘူး။

တကယ့် အနတ္တတရားပါလားလို့ သဘောပေါက်သွားပါမယ်။

ရှုပွားခိုင်းတယ်ဆိုတာ အဲဒီ ရှုမှတ်ချက်ကြောင့် ဘယ်လို သိပါတယ်ဆိုတဲ့ အသိကို လိုချင်လို့ ရှုပွားခိုင်းတာပါပဲ။ အဲဒီ အသိဥာဏ်လေး ဖြစ်သွားပါမှ အကျိုးရှိတာပါ၊ အဲဒီ အသိဥာဏ်ကို ပေါ်ဥာဏ်လို့ ခေါ်ပါတယ်၊ ပေါ်ဥာဏ်ကို စနစ်တကျ ရှုပွားမှု မလုပ်ဘဲနဲ့ သက်သက်ဖော်ယူလို့ မရပါဘူး။

တရားရှုပွား အားထုတ်ရတာက အသိဥာဏ် လိုချင်လို့ပါ၊ အဲဒီ အသိဥာဏ်ကမှ တန်ဖိုးရှိပါတယ်၊ အဲဒီ အသိဥာဏ်ကမှ ကိလေသာကို ပယ်နိုင်ပါတယ်။

အားထုတ်လို့ ကောင်းတာ၊ မကောင်းတာ လောက်က ကိလေသာကို မပယ်နိုင်ပါ။

ထိုင်ပြီးတော့ ရှုပွားအားထုတ်လို့ အထိုင် ကြာတဲ့အခါ နာကျင်ကိုက်ခဲမှု စသည့်ဒဏ် ဖြစ်ပေါ်လာတတ်ပါတယ်၊ အဲဒီ ဒဏ်ဆိုတာ ဘာတရားလဲဆိုတော့ ရုပ်တရားပါ၊ အဲဒီ ဒဏ်တရားထင်ရှားနေရင် သည်းခံနိုင်ရင် သည်းခံပါ၊ သည်းမခံနိုင်ရင် ဣရိယာပုတ်ပြင်ပါ၊ ပြောင်းပါ၊ ပြောင်းပြင်သော်လဲ မပျောက်ရင် အဲဒီ နာကျင်ကိုက်ခဲမှုဒဏ်ကို ရုပ် ရုပ် လို့ ရှုပေးပါ၊ သို့မဟုတ် နာကျင်ကိုက်ခဲမှုကို သိတဲ့ နာမ်ကို နာမ် နာမ် ဟု ရှုပါ။

တရားရှုပွား အားထုတ်ရတာ ကိလေသာကုန်ခန်းဖို့ .. ရုပ် နာမ် သိဖို့ မဟုတ်လား၊ ဒါ့ကြောင့် ထင်ရှားတာ ရှုပွားပါ၊ ဘယ်ဟာမှ ရှုပါမယ်လို့ မသတ်မှတ်ပါနဲ့ ၊ မရွေးချယ်ပါနဲ့။

ဆိုလိုရင်းက .. နှာခေါင်းမှာ တိုးသဘောရုပ်ကို တိုးတိုင်း တိုးတိုင်း ရုပ်၊ ရုပ် နဲ့ ရှုပွားနေရင် အောက်ပိုင်း ခန္ဓာကိုယ်က နာကျင်ကိုက်ခဲမှုဒဏ် ပေါ်လာရှု ရှုပွားအားထုတ်ခါစမို့ မကျွမ်းကျင်သေးပါက အဲဒီ ဒဏ်ကို ရှုတဲ့အခါ ရုပ် လို့ ရှုခိုင်းပေမယ့် ရုပ် ထင်မှာလား၊ ငါ ထင်မှာလား စီစစ်ကြည့်ပါ၊ ငါ ထင်မှာပါ၊ ငါ့ပေါင်၊ ငါ့ဒူး လို့ ငါထင်မြင်နေရင် အနာအကျင် အကိုက်အခဲကို ခံနိုင်ပါ့မလား ၊ မခံနိုင်ပါဘူး။ အဲဒီ နာကျင်ကိုက်ခဲမှုဒဏ်ကို ဝေဒနာလုပ်ကာ အောင့်အည်းပြီး ပျောက်ချင်တဲ့စိတ်နဲ့ ပျောက်အောင် ရှုပွား အားထုတ်မယ်ဆိုရင် သိပ်ပင်ပန်းပါတယ်၊ မှားလဲ မှားပါတယ်။

အဲဒါကြောင့် အားထုတ်ခါစ မရှုတတ်သေးခင် ပင်ပန်းမှာစိုးလို့ မရှုခိုင်းဘဲ သည်းခံနိုင်သမျှ သည်းခံ၊ အဲဒီ နာကျင် ကိုက်ခဲမှုဒဏ်ကို သတိမထားဘဲ တိုးသဘောကို ရှုလို့ ရှုခိုင်းတာပါ၊ အဲဒါ နာကျင်ကိုက်ခဲမှုဒုက္ခကို ခွာရှုတဲ့နည်းနဲ့ပြောတာပါ။

ဝေဒနာ ခွာရှုတယ်ဆိုတာ အဲဒီ နာကျင်ကိုက်ခဲမှုဒဏ်ဆိုတဲ့ ဒုက္ခဝေဒနာကို နှလုံးမသွင်းဘဲ ရှုပွားနေကျ မူလကမ္မဋ္ဌာန်း တိုးသဘော ရုပ်ကိုပဲ ရှုပွားနေတာကို ဝေဒနာခွာရှုတယ်လို့ ခေါ်ပါတယ်။

ဒုက္ခဝေဒနာကို ခွာတယ်ဆိုတော့ ခန္ဓာကိုယ်က ပျောက်သွားအောင် ပျက်သွားအောင် နှင်လိုက်တဲ့ သဘော မဟုတ်ပါ၊ အဲဒီ နာကျင်ကိုက်ခဲမှုဒဏ်ကို နှလုံးမသွင်းဘဲနဲ့ထားတာကို ခွာတယ်လို့ ခေါ်ပါတယ်။

စိတ်က တစ်ပြိုင်နက် နှစ်စိတ်မဖြစ်ပါ၊ တစ်စိတ်တည်း ဖြစ်တဲ့ စိတ်ပါ၊ အဲဒီလို တစ်စိတ်တည်းဖြစ်တော့ ယောဂီက ဒုက္ခဝေဒနာကို နှလုံးမသွင်းတော့ မသိတော့ပါ၊ မသိတဲ့အတွက် မနာတော့ပါ၊ နာကျင်ကိုက်ခဲမှုက ရှိချင်မှလဲ ရှိမယ်၊ မရှိချင်လဲ မရှိတော့ပါ။

ရှုပွားနေကျ တိုးသဘောပေါ်မှာပဲ သတိကပ်ပြီး ရုပ်၊ ရုပ် လို့ တစ်တိုး၊ တစ်သိ သိအောင် ရှုပွားနေရင် နာကျင် ကိုက်ခဲမှုကို မသိနိုင်တော့ဘူးလို့ ဆိုလိုပါတယ်။

အဲဒီ နာကျင်ကိုက်ခဲ ချုပ်သည်ဖြစ်စေ၊ မချုပ်သည်ဖြစ်စေ တိုးသဘောပဲ ရှုနေပါက တစ်ချိန်ပြည့်ရင် ပြောင်းလိုက်၊ ပြင်လိုက်တယ်၊ အဲဒီ နာကျင်ကိုက်ခဲမှု ဒုက္ခဝေဒနာက ပျောက်သွားပြီ၊ ပျက်သွားပြီ၊ သူ့အတွက် ဘာဒုက္ခရောက်သေးလဲ၊ ဘာဒုက္ခမှ မရောက်တော့ပါ။

ဒုက္ခသဘောကို အဲဒီလို ခွာရှုတာဟာ မပင်ပန်းမဆင်းရဲဘဲ တရားရပါတယ်၊ တရားအလုပ်ဟာ ဥာဏ်အလုပ်ပါ၊ ကိုယ့် ဥာဏ်နဲ့ သင့်သလို အားထုတ်နိုင်ပါတယ်။ ခွာရှုတာကြိုက်ရင် ခွာရှုပါ။

သို့မဟုတ် တိုးသဘောကို မရှုတော့ဘဲ အောက်ပိုင်း ခန္ဓာကိုယ်က နာကျင်ကိုက်ခဲမှုဒဏ်က သိပ်ထင်ရှားနေလို့ အဲဒီဒဏ်ကို ရှုချင်ပါတယ်ဆိုရင် ရုပ်၊ ရုပ် လို့ ရှုပေးပါ။

သတိထားရမှာက .. ရှုပွားတဲ့အခါ နာသဘော၊ ကျင်သဘော၊ ကိုက်ခဲမှု သဘောတရား ရုပ်ကို သိအောင် မြင်အောင် မရှုဘဲနဲ့ ပေါင်နဲ့တွဲပြီး ပေါင်ကနာတယ်၊ ဒူးကနာတယ်ဆိုပြီး အဲဒီ နာကျင် ကိုက်ခဲမှုဒဏ်ကို ပျောက်အောင် ရှုမယ်ဆိုယင်တော့ အတ္တဒိဋ္ဌိ ၀င်သွားပါပြီ၊ အရှုလွဲသွားပါပြီ။

ဝိပဿနာ ရှုပွားအားထုတ်တဲ့ ဥစ္စာက အတ္တဒိဋ္ဌိ ချုပ်သွားအောင် ရှုပွားတာပါ၊ အတ္တဒိဋ္ဌိ ကင်းသွားအောင် ရှုပွားတာပါ၊ ပေါင်နာတယ်၊ ဒူးနာတယ်ဆိုယင် ရှုပွားရင်း အတ္တဒိဋ္ဌိဝင်သွားပါပြီ။

အဲဒီ နာကျင်ကိုက်ခဲမှုကို ပျောက်အောင် ရှုတယ်ဆိုတော့ သူက ရုပ်၊ ရုပ်ဆိုတော့ .. အနတ္တလက္ခဏသုတ်မှာ - ဘုရားရှင်က .. ရဟန်းတို့ .. ရုပ်တရားဟာ အနတ္တ လို့ ဟောတော်မူခဲ့ပါတယ်၊ အနတ္တဆိုကတည်းက ကိုယ်ဖြစ်ချင်သလိုဖြစ်တဲ့ သဘောမဟုတ်ပါ၊ ကိုယ်ရှုလို့ ပျောက်တဲ့သဘော မဖြစ်နိုင်ပါ။

ငါ ရှုလို့ ပျောက်သွားပြီဆိုရင် အတ္တဒိဋ္ဌိဝင်သွားပြီ၊ အမှန်က သူ့အကြောင်းချုပ်လို့ အကျိုးချုပ်သွားတာပါ၊ ကိုယ်ရှုလို့ ချုပ်သွားတာ မဟုတ်ပါ၊ ယောဂီက သူ ဘယ်လိုဖြစ်လဲ၊ ဘယ်လိုပျက်လဲ လို့ မြင်အောင် ရှုရမှာပါ။

အဲဒီ နာကျင်ကိုက်ခဲမှုကို ရုပ်၊ ရုပ် လို့ ရှုပွားရင် ဘာပဲပြောပြော အရှုမှန်ပါသေးတယ်၊ ပျောက်အောင် ပျက်အောင် ရှုပွားရင်သာ မမှန်တာပါ၊ မှားတာပါ။

အဲဒီ နာကျင်ကိုက်ခဲမှုကို အရှုခံ ရုပ်အာရုံအနေနဲ့ ထားပြီး ရှုရမယ်၊ ပြီးတော့ သူ့ရဲ့အဖြစ်အပျက်ကို မြင်အောင် ရှုရမယ်၊ အဲဒီလို ရှုပွားရင် ရှုပွားမှုမှန်ပါတယ်။

ခံစားမှုဝေဒနာမဟုတ်တဲ့ အဲဒီ နာကျင် ကိုက်ခဲမှုဒဏ်ကို နာမ်ဝေဒနာလုပ်ပြီး ရှုရင်တော့ ဒဏ်ရုပ်ကို နာမ်ဝေဒနာယူတဲအတွက် အယူလွဲသွားပါပြီ၊ အမြင်လွဲသွားပါပြီ၊ အယူလွဲ အမြင်လွဲယင် မိစ္ဆာဒိဋ္ဌိပေါ့၊ တရားလွဲလို့ အမှားစွဲတဲ့ မိစ္ဆာဒိဋ္ဌိပေါ့၊ အထူးသတိပြုရမယ့်အချက်ပါ။

ဝေဒနာဟာ နာမ်တရား၊ နာတယ်၊ နာတယ် ဆိုပြီး ရုပ်နာကျင်မှုကို ဝေဒနာလုပ်ပြီး အရှုမမှားဖို့ အရေးကြီးပါတယ်၊ ဒါကြောင့် ဝေဒနာဆိုတဲ့ နာမ်တရားကို ရှုနိုင်ဖို့ ဘာလိုအပ်သလဲဆိုတော့ အမြင်မှန်တဲ့ဥာဏ် လိုအပ်ပါတယ်။

အမြင်မှန်ဥာဏ်မရှိဘဲနဲ့ ဝေဒနာရှုပွားရင် အမှန် မမြင်ဘဲ အမှားဖြစ်တတ်ပါတယ်။ ဒါကြောင့် ရုပ်နဲ့ ဝေဒနာနဲ့ စိတ်နဲ့ ကွဲအောင် အယင်နာယူမှတ်သားကြပါလို့ တိုက်တွန်းလိုက်ရပါတယ်။

ဆက်လက်ဖော်ပြပါမည်။

ဖြစ်အောင်ပြုက - လောဘတဏှာ၊
ပျက်အောင်ပြုက - ဒေါသအာဃာ၊
ဖြစ်ပျက်တရား - ရှုပွားဝိဇ္ဇာ၊
မရှုက - မောဟအ၀ိဇ္ဇာ။ ။

မေတ္တာဖြင့်
tno

မှတ်ချက်။ ။ ဓမ္မဒူတ အရှင်ပညာဇောတ၏ ဝေဒနာရှုပွားနည်းမှ ကောက်နှုတ် မှတ်စုထုတ်ပါသည်။

https://www.facebook.com/photo.php?fbid=804482132998193&set=a.260133857433026.54541.100003092422923&type=3&src=https%3A%2F%2Fscontent-sin1-1.xx.fbcdn.net%2Fhphotos-xfp1%2Fv%2Ft1.0-9%2F11898607_804482132998193_3886603315713284484_n.jpg%3Foh%3D0fb043f4a07cb4689af69ef8e8103a5b%26oe%3D5661739B&size=900%2C596

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/