“၀ဋ်ကြွေး” ဆိုတာ လည်ပတ်ပြီးတော့ ဖြစ်လာတာ။ တစ်ချိန်တစ်ခါတုန်းက ကိုယ်ကိုယ် တိုင် လုပ်ခဲ့တဲ့ လုပ်ရပ်တွေက ပြန်ပြီးတော့ တုံ့ပြန်ပြုလုပ်လာတာတွေ ရှိလာတယ်။ ဒါ သဘာဝ
တရားရဲ့ တုံ့ပြန်မှုပါ။ အဲဒီ တုံ့ပြန်မှုလေးတွေက ဘုရားပဲ ဖြစ်စေ၊ ရဟန္တာပုဂ္ဂိုလ်တွေပဲဖြစ်စေ
မည်သူ့ သန္တာန်ပဲဖြစ်ဖြစ် ကံ ကြမ္မာ ၀ဋ်ကြွေးတွေက အကြောင်းညီညွှတ်ရင် တုံ့ပြန်လာတတ်သေး
တယ်။ အဲဒီဝဋ်ဟာ ကိုယ်လုပ်ခဲ့တာ ဖြစ်သည့်အတွက်ကြောင့် ကိုယ်ကပြန်လည်ပေးဆပ်ရလို့
ကြွေးနဲ့ အလားသဏ္ဌာန်တူလို့ ကံကြမ္မာဝဋ်ကြွေးလို့ ပြောပါတယ်။
ကြွေးဆိုတာ မဆပ်ဘဲ နေလို့မရဘူး။ တစ်နေ့နေ့ တစ်ချိန်ချိန် ဆပ်ရပါတယ်။ ဒါကြောင့်
ဒီ ကံကြမ္မာဝဋ်ကြွေးဟာလည်းပဲ ပေးဆပ်ကြရတယ်။ အကယ်၍ မပေးဆပ်ရသေးလို့ရှိရင် ဒီကံရဲ့
အရှိန်အဟုန်က ကုန်ပြီးတော့ မသွားဘူး။
ကိလေသာကုန်သွားရင် ဘ၀ အကျိုးပေးစရာ မရှိတော့သည့် အတွက်ကြောင့် ဘ၀တစ်ခု
ကို အကျိုးမပေးနိုင်ပါ။ သို့သော် ကံ ကိလေသာရဲ့ အကျိုးဆက်ဖြစ်တဲ့ ခန္ဓာကြီး ရှိနေသေးရင်
တော့ ပေးဆပ်ကြရသေးပါတယ်။
သူတော်စင်အပေါင်းတို့ ဘ၀လ
ည်း ကိုယ့်ကိုယ်ကို ပြန်စစ်ပြီးတော့ ကြည့်ကြပါ။ အသက်
(၃၀) အရွယ်ရှိတဲ့ ပုဂ္ဂိုလ်က ဒီ(၃၀) နှစ်အတွင်းမှာ ဘာတွေဖြစ်ခဲ့သလဲ။ အသက်(၄၀) အရွယ်၊
အသက်(၅၀) အရွယ်၊ အသက်(၆၀) အရွယ်၊ အသက်(၇၀) အရွယ်ရှိတဲ့ ပုဂ္ဂိုလ်ကလည်း ကိုယ့်
ဒီ ဘ၀တွေအတွင်းမှာ ဘာတွေဖြစ်ခဲ့သလဲ ပြန်ပြီးတော့ကြည့်။ မဖြစ်ချင်တာတွေ ဖြစ်လာလို့ရှိရင်
ကံကြမ္မာဝဋ်ကြွေးနဲ့ သက်ဆိုင်မှု ရှိ၊ မရှိ အတော်အသင့် ခန့်မှန်းလို့ ရနိုင်ကြမယ်။
{ သာသနာတော်နှစ် ၂၅၅၄ ခုနှစ်၊ ကောဇာသက္ကရာဇ် ၁၃၇၂ ခုနှစ်၊ တော်သလင်းလဆန်း ၁၀
ရက်၊ ၂၀၁၀ ခုနှစ်၊ စက်တင်ဘာလ ၁၈ ရက်၊ မန္တလေးတိုင်းဒေသကြီး၊ ချမ်းအေးသာဇံ အိမ်တော်
ရာဘုရား ရတနာဃရဓမ္မဗိမာန်တော်ကြီးတွင် အရှင်နန္ဒမာလာဘိဝံသ(Phd) ဟောကြားသော
ဘုရားသော်မှ ပေးဆပ်ရသည့် ကံကြမ္မာဝဋ်ကြွေးများ တရားတော်မှကောက်နုတ်ရေးသားပါသည်}
ဦးသိန်းဝေ။
http://www.facebook.com/damanadi.tk
http://www.facebook.com/damanady.tk
http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
---------------------------------------------------------
“စိတ်ငြိမ်းချမ်းမှု”
==========
* အတွယ်ရှိသမျှ၊ စိတ်သောက
မုချ ရှိလိမ့်မည်။
* တွယ်တာကင်းမှ၊ စိတ်သောက
လုံးဝ ကင်းနိုင်သည်။
* သောကမလွှမ်း၊ စိတ်ငြိမ်းချမ်း
တက်လှမ်း နိဗ္ဗာန်ပြည်။
(ဒေါက်တာအရှင်နန္ဒာမာလာဘိဝံသ)
No comments:
Post a Comment