၁ ။ မည်သူ့အပေါ်တွင် မဆို အရင်းအဖျား မခွဲခြားဘဲစိတ်ကောင်းt နှလုံးကောင်း ထားပါ ။
၂ ။ ကောင်းသော ကိစ္စနှင့် တွေ့သောအခါ လွန်စွာဝမ်းသာ အားရ သောမနဿ လောဘ မဖြစ်ပါနှင့် ။
၃။ မကောင်းသော ကိစ္စ နှင့် တွေ့သောအခါ၌လည်း ၀မ်းနည်းပက်လက် မနှစ်သက်သောဒေါမနဿဒေါသ မဖြစ်ပါနှင့် ။
၎ ။ မိမိပိုင် မဟုတ်သော ပစ္စည်းဥစ္စာများကို မတရား ပိုင်ဆိုင်လိုသည့် မတရားရယူလိုသည့် လောဘမထွက်ပါနှင့်။ ရောင့်ရဲပါ ၊ တင်းတိမ်ပါ၊ဆင်းရဲသည်ကို စိတ်မညစ်ပါနဲ့ မတရားချမ်းသာတာကို စိတ်မပျက်ပါနဲ့။
၅ ။ သတ္တ၀ါတို့ကို မညှဉ်းဆဲပါနှင့် ၊ မနှိပ်စက်ပါနှင့် ၊ကာယ အားဖြင့် ၊ နှုတ်အားဖြင့် ၊စိတ်အားဖြင့်မညှဉ်းဆဲပါနှင့်။
၆ ။ သတ္တ၀ါအားလုံး မိမိနှင့် ထိတွေ့သိရှိသူ ၊ မိမိနှင့် ထိတွေ့သိရှိခြင်း မရှိသူ ၊ မိမိအား ချစ်ခင်လိုလားသူ ၊မိမိအား မုန်းတီးစက်ဆုပ်သူ ၊မိမိအားချစ်လည်းမချစ် ၊ မုန်းလည်းမမုန်း အလယ်အလတ်သဘောရှိသူ အားလုံးအပေါ် သန့်ရှင်းကြည်လင်သောမိမိနှင့်ထပ်တူဖြစ်သော မေတ္တာထားရှိပါ။၇ ။ လိမ်ညာ မုသားစကားပြောခြင်းမှ ရှောင်ကြည်ပါ ။
၈ ။ မည့်သည့်စိတ်ဖြင့် ဖြစ်စေ ၊ ကောင်းစေလို၍ပဲဖြစ်ဖြစ် ၊ ဆိုးစေလို့၍ပဲဖြစ်ဖြစ် ၊ ရိုင်းစိုင်း ကြမ်းတမ်းသောဆဲဆိုခြင်းမှ ရှောင်ကြဉ်ပါ ။
၉ ။ ချစ်သူနှစ်ယောက်ကွဲသွားအောင် ကုန်းတိုက်သော ၊ ရန်တိုက်ပေးသော အပြုအမူကိုရှောင်ကြဉ်ပါ။
၁၀။ ကလေးသူငယ်များနှင့် လူဖျင်းလူပေါ့တို့ နားထောင်၍ ကောင်းရုံသာ ဖြစ်သော( အနက်အဓိပ္ပာယ်မရှိ ၊အကျိုးမရှိသော)အပျက်အချော် ပျော်ရုံသာဖြစ်သော စကားကို ရှောင်ကြဉ်ပါ ။ ဟိုစပ်စပ် ဒီစပ်စပ်ပါဝင်ကာ အာလာပ သလ္လာပဗရုတ်သုတ်ခ မဟုတ်က ဟုတ်ကစကားများ မပြောပါနှင့်။၁၁။ စကားပြောသည့် အခါတွင်လည်းနားခံသာအောင် ၊ သဘောပေါက်လွယ်အောင် သာယာဖြည်းညင်းစွာ ပြောဆိုပါ ၊ လူပုံအလယ်တွင်အရှက်ကွဲစေခြင်း ၊ ဒေါသတကြီး ပြုမူ ပြောဆိုခြင်းတို့မှရှောင်ကြဉ်ပါ ။
၁၂ ။ ငါးပါးသီလကို မြဲမြံစွာ ကျင့်ကြံအားထုတ်ပါ ။
၁၃ ။ သရဏဂုံသုံးပါးကို တည်ပြီးလျှင် ဗုဒ္ဓါနုဿတိ ဘာဝနာ ၊ မေတ္တာဘာဝနာကိုပွားပါ ။ဝိပဿနာလမ်းသို့တက်လှမ်း နိူင်ပါစေ ။
၁၄ ။ သူတော်ကောင်းတို့ကို မပြစ်မှားမိကါစေနဲ့ ။
၁၅ ။ သူတော်ကောင်း တရားတို့ကို ကြားနာမှုများများ လုပ်ပါ ။
၁၆ ။ အစဉ် ကြည်လင်သော ကောင်းသောစိတ်ကိုမွေးမြူထားပါ ။၁၇ ။ လောကုတ္တရာတရားတော်တွင် စိတ်ကို မြှုပ်နှံထားပါ ။
၁၈ ။ * ခန္တီစ သည်းခံခြင်းတရားကို မမေ့မလျော့လေနှင့် ။* ရန်ကိုရန်ချင်း မတုံနှင်းနှင့် ။* မေတ္တာဖြင့်သာ ရန်ကို အောင်နိူင်ရာ၏ ။
၁၉ ။ ကာယ ၊ ၀စီ ၊ မနောအားဖြင့် ပြုမှုလှုပ်ရှား ပြောဆိုမှု ၊ ကြံစည်တွေးတောမှု မှန်သမျှသည် သင့်မသင့်လျော်မလျော် ၊ အချိန်အခါဟုတ် မဟုတ် ၊ ပြောလျှင်ဘာဖြစ်မလဲ ၊မပြောလျှင်ဘာဖြစ်မလဲ ၊ ဆင်ခြင်ပြီးမှ ပြောသင့်၏ ၊ လုပ်သင့်၏ ၊ စဉ်းစားသင့်၏ ။အကျိုးအပြစ်ဝေဖန်ပြီးမှလုပ်သင့်၏ ။ စိတ်နောက်ကိုပါ ၊ အထိမ်းအကွတ်မရှိ ၊ ပညာမရှိ မပြုမူသင့် ။
၂၀ ။ မိမိစိတ်ကို စောင့်ထိန်းမှသာ တရားလည်းရ ၊ လူကောင်း သူကောင်းလည်းဖြစ် ၊ ယခုဘ၀တွင်ရော ၊နောင်ဘဝတွင်ပါ ချမ်းသာသုခ ရနိူင်သည် ။နိဗ္ဗာန်ရောက်ကြောင်း ၊ မဂ်တရား ၊ ဖိုလ်တရားကို ကျင့်ကြံ အားထုတ်နိူင်ပါစေ ။
၂၁ ။ စိတ်ကို မေတ္တာဖြင့် ထုံမွမ်းပါလေ ။မိတ်ဆွေတို့ လိုက်နာ နိုင်ကြပါစေ
No comments:
Post a Comment