ကံကြမ္မာဆိုတာ ချိုတစ်လှည့် ခါးတစ်လှည့်-အောင်မြင်လိုက် ရှုံးနိမ့်လိုက်ဆိုတဲ့ မြန်မာသီချင်းတစ်ပုဒ်ထဲကလို ဖြစ်ပါတယ်- ဒီတော့ ကျွန်တော်တို့  လူသားတွေအနေနဲ့  ဘဝလောကဓံ အချိုးအကွေ့တွေကို ခံနိုင်ရည်ရှိဖို့  လိုပါတယ်- လောကဓံကို ခံနိုင်စွမ်းရှိဖို့  စိတ်ကို ဖွံ့ ဖြိုးတိုးတက်အောင် ကြိုးစားရပါမယ်- စိတ်ကို တိုးတက်ဖွံ့ ဖြိုးအောင် လုပ်ဆောင်သူတွေဟာ ဘယ်လိုကြောင့် ဘဝမှာ အလွန် အေးချမ်းတည်ငြိမ်မှုရပါသလဲလို့ 
ဥပါသကာတစ်ယောက်က မြတ်ဗုဒ္ဓကို မေးလျောက်ခဲ့ပါတယ်-
မြတ်ဗုဒ္ဓက- " သူတို့ ဟာ အတိတ်အတွက် ပူဆွေးဝမ်းနည်းမှုမရှိ- ပြီးတော့ အနာဂတ်ကိုလည်း မတမ်းတ- လက်ရှိပစ္စုပ္ပန်က သူတို့ အတွက် ပြည့်စုံလုံလောက်နေတယ် ဒါကြောင့်သူတိုဟာအလွန်စိတ်တည်ငြိမ်အေးချမ်း မှုရတယ်- အနာဂတ်ကို တောင့်တနေပြီး အတိတ်အတွက် ပူဆွေးဝမ်းနည်းနေတဲ့ လူမိုက်တွေဟာဖြတ်တောက်ထားတဲ့ ကျူပင်နုနုလေးလို စိတ်ညှိုးနွမ်းရတယ်-ဟု မိန့် ကြားခဲ့ပါတယ်- လူတွေဟာ သူတို့  အနာဂါတ်အတွက် မကြာခဏ စိုးရိမ်ပူပန်ကြတယ်- ဒါဟာ သူတို့ ဘဝမှာ တွယ်တာမှုတွေများနေတဲ့အတွက် ဖြစ်ပါတယ်-
သူတို့  တွယ်တာတဲ့အရာတွေ ဆုံးရှုံးသွားမှာ စိုးရိမ်ကြတယ်- ဒါကြောင့် ဆုံးရှုံးမှုကို တစ်နည်းနည်းဖြင့် ကြိုတင်ကာကွယ်နိုင်မယ်ဆိုတဲ့ မျှော်လင့်ချက်နဲ့  ဗေဒင်ဆရာတွေစီ သွားကြပါတယ်- ဒါပေမဲ့ အနာဂါတ်ကို ဘယ်သူတစ်ဦးတစ်ယောက်မှ ကြိုတင်ဟောကိန်းမထုတ်နိုင်တဲ့အတွက် ဒီလိုလုပ်တဲ့ အကြိမ်အတော်များများဟာ ရူးနှမ်းတဲ့ အလေ့ကျင့်မျှသာ ဖြစ်သွားပါတယ်- တစ်ဘက်ကကြည့်ရင် ကျွန်တော်တို့  ရဟန်းတွေ သီလရှင်တွေဟာ လူပုဂ္ဂိုလ်တွေနဲ့ စာရင် အနာဂါတ်နဲ့ ပတ်သက်ပြီး စိုးရိမ်ပူပန်မှု နည်းပါတယ် ဘာကြောင့်လဲဆိုတော့ လူတွေလောက် တွယ်တာမှုတွေ မများလို့ ပါပဲ- အနာဂါတ်ကို တိုးလျှိုးတောင်းပန်သူဟာ ကံကြမ္မာရဲ့  ကျီစယ်စရာဖြစ်သွားရပါတယ်- စိုးရိမ်မှုတွေ အခက်ခဲတွေနှင့် ရင်ဆိုင်ရတဲ့အခါ ဗေဒင်ဆရာ နက္ခတ်ဆရာတွေနဲ့  တိုင်ပင်တဲ့ အလေ့ထ လူတစ်ချို့ မှာ ရှိကြတယ်- ကြိုတင်ဟောကိန်းကောင်းကောင်းထုတ်နိုင်တဲ့ ဗေဒင်ဆရာအချို့  ရှိပေမဲ့ အနာဂတ်နဲ့  ပတ်သက်တဲ့ ဟောကိန်းထုတ်နည်းကို တတ်ယောင်ဝါးလုပ်ပြီး မရိုးမသား ဖြတ်လမ်းနည်းနဲ့  ငွေရှာသူ အရေအတွက်ကများပါတယ်- အဲဒီလို ဗေဒင်ဆရာတွေဆီ သွားတဲ့သူတွေဟာ မသိစိတ်ကနေ နာကျင်မှုဒုက္ခကို သာယာနေပြီး သူတို့ အတွက် ကံစိုးမိုးမှောင်ကျမှုကို အနာဂတ်က ဆုတ်ကိုင်ထားတယ်ဆိုတဲ့စကား ကြားရတာ နှစ်ချိုက်နေကြဟန်ရှိပါတယ်- ဗေဒင်ဆရာတွေဟာ ဖောက်သယ်တွေရဲ့  ပင်ကိုယ်စရိုက်ကို အကဲခတ်ရာမှာ အလွန်လျင်ပြီး မကောင်းတဲ့ကြမ္မာဆိုး ကျရောက်မယ်ဆိုတဲ့ ကြောက်လန့် ဖွယ်ရာ ပုံတိုပတ်စတွေပြောကာ ရက်ရက်ရောရော အကူညီပေးကြပါတယ်- ဒီလို ယုံလွယ်သူများဟာ ကံဆိုးခြင်းတွေမှ ရှောင်းရှားရန် ငွေကြေးတွေကို ရိုးရာပူဇော်ပသမှုတွေ- အဆောင်- လက်ဖွဲ့ လို့ ဆိုတဲ့အရာတွေအတွက် အသုံးပြုကြပါတယ်- အခြားတစ်ဘက်အနေနဲ့  ကံကြမ္မာကောင်း ရောက်လာမယ်လို့  ပြောခံရတဲ့အခါ ငွေအများအပြားကို လောင်းကစားတွေ-ထီထိုးခြင်းစတာတွေမှာ အနိုင်ရဖို့ အသုံးပြုကြပြန်ပါတယ်- ဒီကိစ္စမှာ " လူမိုက်နဲ့ ငွေ အတူမနေ " ဆိုတဲ့ စကားကို ကျွန်တော် ပြေးပီးသတိရမိတယ်- တစ်ခါက ဗဒင်ဆရာတစ်ယောက် ဘုန်းကြီးကျောင်းကိုရောက်လာပြီး ' အရှင်ဘုရား -အရှင်ဘုရားရဲ့  အနာဂတ်ကို သိချင်ပါသလားဘုရား' လို့  မေးလျောက်ပါတယ်- သူ-ဘာအကြံဖန်လုပ်တယ်ဆိုတာကို ရဟန်းကသိတော့ " တို့ ရဟန်းတော်တွေအနေနဲ့  အနာဂတ်ကို မစိုးရိမ်ကြပါဘူး" လို့  ပြန်ဖြေလိုက်ပါတယ်- ဒီအခါ ဗေဒင်ဆရာဟာ လက်နှိပ်စက်ရိုက်နေတဲ့ မိန်းခလေးနှစ်ယောက်ကိုမြင်သွားပြီး အထက်ကအတိုင်း မေးပြန်ပါတယ်- ရဟန်းတော်ရဲ့  အဖြေကို နားစွန်နားဖျား အရင်ကြားထားတဲ့အတွက် သူတို့ လည်း အနာဂတ်အတွက် စိုးရိမ်စရာ မရှိပါဘူးလို့  ပြန်ပြောလိုက်ကြတယ်- ဗေဒင်ဆရာဟာ သူကို ဗေဒင်မေးမည့်သူ တစ်ယောက်မှ မရှိတဲ့အတွက် ဘုန်းကြီးကျောင်းထဲကနေထွက်သွားဖို့  ဆုံးဖြတ်လိုက်ပါတယ်- သူထွက်သွားသည့်နှင့် ရဟန်းတော်က " မင့်ရဲ့  ကံကြမ္မာအတွက် ငွေရမဲ့အခွင့်ရေး လွဲသွားပုံရတယ်- ရပေါက်ရလမ်း ရှိမရှိဆိုတာ ကိုယ့်အနာဂါတ်ကို ကြိုတွက်ကြည့်ပါအုံးကွယ်" လို့  မှတ်ချက်ချပြောဆိုလိုက်ပါတယ်- ဒီရိုးရှင်းတဲ့ပုံပြင်လေးက သူ့ တို့ ကိုယ်တိုင်ရဲ့  အနာဂါတ်ကိုတောင် ကြိုတင်ဟောကိန်မထုတ်နိုင်တဲ့ ဗေဒင်ဆရာတွေကို ကျွန်တော်တို့ က ဘယ်ပုံဘယ်နည်းနဲ့  အားကိုးလို့ ရမလဲဆိုတာကို ပြဆိုတာပါ- ချမ်းမြေ့ ပျော်ရွင်ပြီး အောင်အောင်မြင်မြင် နေနိုင်ခြင်းရဲ့  လျို့ ဝှက်ချက်ဟာ အခုပြီးအောင်လုပ်ရမဲ့ အရာကို ချက်ခြင်းထလုပ်ခြင်းမှာ တည်မှီကိန်းအောင်းပါတယ်- အတိတ်အနာဂါတ်အတွက် စိုးရိမ်ကြောင့်ကြဖို့  အချိန်မပေးသင့်ပါဘူး- လုပ်ပြီးသွားတာတွေကို ပြန်လည်ပြုပြင်လုပ်ဆောင်ဖို့  ကျွန်တော်တို့ အတိတ်ကို ပြန်မသွားနိုင်ပါဘူး- အဆက်မပြတ် ပြောင်းလဲနေပီး ကြိုတင်တွက်ဆလို့  မရတဲ့ ကမ္ဘာကြီးထဲက အခြေနေအရပ်ရပ်ကြောင့် အနာဂတ်မှာ ဖြစ်လာမဲ့အရာတွေကိုလည်း ကြိုတင်မျှော်မှန်းလို့  မရပါဘူး- လက်ရှိပစ္စုပ္ပန်ကို သတိနဲ့ ထိန်းချုပ်နိုင်တဲ့အပေါ်မှာ ထိရောက်တဲ့ တန်ဘိုးတွေ ရရှိဖို့  အချိန်တစ်ခဏချင်းလေးစီကို ဂရုစိုက်ပေးလိုက်ပါ- ဒီအမှန်တရားကို ယခင် အောင်မြင်ခဲ့တဲ့ အတွေးခေါ်ပညာရှင်အားလုံးက အမြဲတန်း လက်ခံထားခဲ့ကြတာပါ- သူတို့ ဟာ ပစ္စုပ္ပန်အချိန်အခါနှင့် အခွင့်အလမ်းကို လျစ်လျူရှုပြီး အတိတ်က အမှတ်ရစရာတွေ- အနာဂါတ်မျှော်လင့်ချက်တွေနှင့် အသက်ရှင်နေထိုင်ခြင်းဟာ အကျိုးမပြီး အချည်းနှီးဖြစ်တယ်ဆိုတာ မြင်ခဲ့ကြပါတယ်- အချိန်ကာလ ရွေ့ လျားလာပါပြီ-အလဟဿ ရပ်တန့် နေမှုကို စွန့် လွှတ်ကြပါစို့ - အောင်မြင်မှုမျော်လင့်ချက်တွေကနေ ဆုံးရှုံးမှု အမှတ်တရတွေအဖြစ် ပြောင်းလဲသွားမှာကို ငေးကြည့်မနေကြပါနဲ့ တော့-
ကျွန်တော်တို့ မှာ အောင်မြင်မှုကိုတည်ဆောက်တဲ့ စွမ်းအားအပြည့် ယနေ့ ပင် ရှိနေပါတယ်- အောင်မြင်ခြင်းမှတစ်ဆင့် ကြည်နူးဝမ်းသာမှု ခံယူရရှိမဲ့ နည်းလမ်းကို မြတ်ဗုဒ္ဓ လမ်းညွှန်ခဲ့ပြီးဖြစ်ပါတယ်- အခု အချိန်ကျနေပါပြီ- ရွေးချယ်ရန်အခွင့်လမ်း ကျွန်တော်တို့ မှာ ရှိနေပါပြီ- ကြီးကြီးမာမား အောင်မြင်ခဲ့တဲ့ အိန္ဒိယ ကဗျာဆရာ ပြဇာတ်ဆရာကြီး ကာလီဒါသက လက်ရှိပစ္စုပ္ပန်မှာ အကျိုးရှိရှိ နေထိုင်းခြင်းနဲ့ ပတ်သက်ပြီး ရိုးရိုးရှင်းရှင် အမှန်တရားပုံဖော်တဲ့ အောက်ကစာကြောင်းလေးတွေကို သက္ကတဘာသာနဲ့  ရေးထားခဲ့ပါတယ်- "မနေ့ ကဆိုတာ အိပ်မက်တစ်ခု ဖြစ်သွားခဲ့ပြီ မနက်ဖန်ဆိုတာ စိတ်ကူးယဉ်မှုတစ်ခုမျှသာ ဖြစ်တယ်- ဒါပေမဲ့ ဒီကနေ့  ကောင်းကောင်းနေထိုင်ခြင်းကတော့ မနေ့ တိုင်းကို ပျော်ရွှင်ဘွယ် အိပ်မက်ဖြစ်ဖို့ နှင့် မနက်ဖန်တိုင်းမှာ မျှော်လင့်ချက်ရှိတဲ့ ကျေနပ်အားရဘွယ် စိတ်ကူးစိတ်သန်းတွေ မွေးဖွားလာအောင် လုပ်ဆောင်ပေးပါလိမ့်မယ်- ဒီတော့ ယနေ့ ပစ္စုပ္ပန်ကိုပဲ ကောင်းကောင်း ရှုလိုက်ပါ" တဲ့-။
forword mail မှတဆင့်
No comments:
Post a Comment