အရှင်လတ်လတ် ပုပ်နေသောမထေရ်။

သာဝတ္တိပြည် ဇေတ၀န်ကျောင်းဝင်း၏ အစွန်ကျသော ကျောင်းတစ်ကျောင်း၌ ရဟန်း
တော်တစ်ပါးသည် ညောင်စောင်းပေါ်တွင် လူးလှိမ့်ရင်း ဝေဒနာ အပြင်းအထန် ခံစားနေရ၏။ ရ 
ဟန်း၏ ခန္ဓာကိုယ်တွင် အနာလုံးကြီးများသည် သွေးတစိုစို ပြည်တရွှဲရွှဲဖြင့် တစ်ကိုယ်လုံး အပ်ချစရာ
မကျန်အောင် အနှံအပြား ပေါက်လျက်ရှိ၏။ ရဟန်းတော်၏ တစ်ကိုယ်လုံးကား ပုပ်စော်နံနေ၏။
         မြတ်စွာဘုရားမှာမူ အနီးရှိ မီးတင်းကုတ် အတွင်း၌ ရေနွေးအိုးကို မီးဖိုပေါ်သို့ တင်ပြီးလျှင်
ရေနွေးဆူရန် စောင့်ဆိုင်းလျက် နေတော်မူ၏။
         ရေနွေးဆူသောအခါ မြတ်စွာဘုရားသည် ဂိလာနရဟန်းရှိရာသို့ ကြွတော်မူလာ၍ ညောင်
စောင်းစွန်းကို ကိုင်တော်မူ၏။ ထိုအခါမှ အခြားရဟန်းများ ၀ိုင်းအုံလာကြပြီးလျှင် ဂိလာနရဟန်း၏
ကိုယ်မှ သင်္ကန်းတို့ကို လျှော်ဖွပ် လဲလှယ်ပေးခြင်း၊ အနာလုံးကြီးများကို ဖန်ရည်ဖြင့် ဆေးကြော
ပေးခြင်း၊ ဆေးထည့်ပေးခြင်း စသော သူနာပြုလုပ်ငန်းများကို
လုပ်ဆောင်ပေးကြတော့သည်။ ထို
အခါမှ ဂိလာနရဟန်းသည် သက်သာရာရကာ ငြိမ်သက်သောစိတ်ဖြင့် မှိန်းနေလေ၏။
         ရှေးဘ၀က ဤရဟန်းသည် ကဿပဘုရားရှင်လက်ထက်တော် အခါ၌ ငှက်မုဆိုး ဖြစ်ခဲ့ဖူး
သည်။ ငှက်မျိုးစုံကိုသတ်၍ ဘုရင်၏စားတော်ပွဲအတွက် ဆက်သရ၏။ ကျန်သောငှက်တို့ကို ရောင်း
၏။ ရောင်း၍မကုန်သော ငှက်တို့ကို မပျံနိုင် မသွားနိုင်အောင် တောင်ပံနှင့်ခြေထောက်တို့ကိုချိုး
ထား၏။ တချို့ငှက်တို့ကို နောက်တစ်နေ့တွင် သတ်၍ရောင်း၏။ တချို့ကိုမူ နှစ်ရက်၊ သုံးရက်လွန်မှ
သတ်၍ ရောင်းရ၏။ ဤနည်းဖြင့် ငှက်များမှာ ဆင်းရဲဒုက္ခကို အချိန်ကြာကြာ ခံစားရပြီးမှ အသတ်
ခံကြရ၏။ “ထိုမကောင်းမှု အကုသိုလ်ကံ တည်းဟူသော အကြောင်း၏ ဆိုးကျိုးကို ယခုဘ၀၌ ဤ
ရဟန်း ခံနေရခြင်းဖြစ်သည်။”
         သို့သော် တစ်နေ့တွင် ယင်း ငှက်မုဆိုးသည် ထိတ်လန့်သံဝေဂ ဖြစ်ကာ ရဟန္တာမထေရ်တစ်
ပါးအား အရသာရှိသော ဆွမ်း၊ ဆွမ်းဟင်းတို့ကို လောင်းလှူပြီးလျှင် မဂ်ဉာဏ် ဖိုလ်ဉာဏ်ကို ဆု
တောင်း၏။
         ယခု ဘ၀၌ အဆိုပါဂိလာနရဟန်း ဝေဒနာမှ သက်သာရာ ရနေစဉ် မြတ်စွာဘုရားက ဘာမျှ
အသုံးမကျသော ကိုယ်ကောင်ကြီး၏ အပြစ်တို့ကို ဖော်ပြ၍ သစ္စာလေးပါး အထွက်တပ်လျက် တရား
ပြတော်မူသောအခါ ရှေးဘ၀က ရဟန္တာမထေရ်အား ဆွမ်းလောင်းလှူသော ထိုကောင်းမှု၏ အ
ကြောင်း အထောက်အပံ့ကြောင့် အရဟတ္တဖိုလ်ဉာဏ်အထိ ရရှိပြီးလျှင် ပရိနိဗ္ဗာန်စံလေ၏။ ။
{လူငယ်သင် ချမ်းမြေ့ အခြေပျိုး ဗုဒ္ဓဘာသာမှ ကောက်နုတ်ရေးသားပူဇော်ပါသည်။}
     (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
 “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
(ပိုမိုပြည့်စုံကောင်းမွန်အောင် အဆင်ပြေသလို ဖြည့်စွက်ရေးသားပြုပြင်ပြီး Share နိုင်ပါသည်။)