ဝိပဿနာဆိုတာဘာလဲ (၆)

ဝိပဿနာရှုနည်းက သမထာယာနိကနည်း နဲ့ ၀ိပဿနာယာနိကနည်းလို့ အခြေခံအားဖြင့် (၂) မျိုး ရှိတယ် ဆိုတာ သိပြီးဖြစ်ကြပါတယ်။ သမထယာနိကနည်းဆိုတာက ဥပစာရ၊ အပ္ပနာဈာန်များကိုရအောင် အားထုတ်ပြီးတော့ အဲဒီဈာန်ကစပြီး ၀ိပဿနာရှုတဲ့ နည်းပါပဲ။

ဝိပဿနာယာနိကနည်းဆိုတာကတော့ ဥပစာရသမာဓိ၊ အပ္ပနာသမာဓိ ဆိုတဲ့ သမာဓိ (၂) ပါးလုံးကို မထူထောင်တော့ဘဲ ၀ိပဿနာသက်သက် ရှုတဲ့နည်းပါပဲ။

ဒီနည်းမှာ ဥပစာရသမာဓိလဲ မပါဘူး၊ အပ္ပနာသမာဓိလဲမပါဘူး ဆိုတာ ထင်ရှားလာအောင်လို့ သုဒ္ဓဆိုတဲ့ ပုဒ်နဲ့ တွဲပြီး သုဒ္ဓ၀ိပဿနာယာနိကနည်းလို့လဲ ခေါ်ပါတယ်။

အဋ္ဌကထာမှာဆိုတာကတော့ အဲဒီ သမာဓိ (၂) မျိုးကို မဖြစ်စေဘဲနဲ့ ရှုတယ်လို့ ဆိုပါတယ်။ သို့ပေမယ့် ရုပ်နာမ်တွေကို စူးစိုက်ပြီး ရှုနေရင်ပင် ၀ိပဿနာ ခဏိကသမာဓိက ထက်သန်စွာ ဖြစ်ပေါ်လာပါတယ်။

သူကလဲ ဥပစာရသမာဓိလိုဘဲ အင်အားရှိတဲ့အတွက် နီဝရဏတရားတွေကို ကောင်းကောင်းကြီး ငြိမ်းစေနိုင်ပါတယ်။ ဒါကြောင့် များစွာသော အဋ္ဌကထာတွေမှာ ဒီဝိပဿနာ ခဏိကသမာဓိကိုလဲ ဥပစာရသမာဓိထဲမှာထည့်ပြီး မိန့်ဆိုထားပါတယ်။

အခုလို ပြောနေတာကတော့ သမာဓိကို သီးခြားမထူထောင်ပေမယ့် စိတ္တ၀ိသုဒ္ဓိ ဖြစ်နိုင်တယ် ဆိုတာကို နားလည်စေချင်လို့ပါပဲ။

ဝိပဿနာယာနိက ပုဂ္ဂိုလ်များအား ၀ိပဿနာဉာဏ်များ ရင့်သန်ဖို့ရာအတွက် သတိပဋ္ဌာန်တရားများနဲ့ နေကြရပါတယ်။ ဒါကြောင့် သတိပဋ္ဌာန်တရားများကို ရှုမှတ်ကြိုးစားအားထုတ်ကြရမှာ ဖြစ်ပါတယ်။
တကယ်တော့ သတိပဋ္ဌာန်ဆိုတာ ပြုလုပ်နေဆဲ အလုပ်တစ်မျိုးထဲမှာ စိတ်ကိုနှစ်ပြီးတော့ ထားခြင်းပါပဲ။ သတိပဋ္ဌာန်လုပ်ငန်းဟာ ကိလေသာသတ်သော လောကုတ္တရာမဂ်သို့ ရောက်ရန် ရှေးဦးစွာ ကိလေသာ မဖြစ်သော ပရမတ်အာရုံဖြင့် လေ့ကျင့်အားထုတ်ရသော ပုဗ္ဗဘာဂမဂ် အလုပ်လည်းဖြစ်ပါတယ်။

ဝိပဿနာရှုခြင်းဟာ ပရမတ်ရုပ်နာမ်ကို ရှုရသည်လို့ ၀ိပဿနာတရားအားထုတ်သူတိုင်း သိကြပါတယ်။ မှန်ပါတယ်၊ ပရမတ်ရုပ်နာမ်ကို ရှုရပါတယ်။ သတိပဋ္ဌာန် ၀ိပဿနာ ရှုသော သဘောတရားလိုရင်းမှာ အရှုခံ ရှုရမည့်အမှန်မှာ မိမိတို့ ခန္ဓာပဲဖြစ်ပါတယ်။ ထိုခန္ဓာငါးပါးသဘောတရားကို တူရာပေါင်း၍ အကျဉ်းချုပ်လိုက်ယင် သိသဘောနဲ့ ဖောက်ပြန်သဘောသာ ရှိပါတယ်။ အဲဒါဟာ အရှိတရားပါပဲ။ အမှန်တရားလည်း ဖြစ်ပါတယ်။ ၀ိပဿနာရှုသော သိသော ဉာဏ်သည် ထိုခန္ဓာရဲ့ အမှန်တရားကို အမှန်အတိုင်း အရှိအတိုင်း သိခြင်းသာဖြစ်ပါတယ်။

ဝိပဿနာရှုသည်ဆိုရာတွင် အရှုခံ ခန္ဓာသည် ပရမတ်ဖြစ်သောကြောင့် အရှိတရား၊ အမှန်တရားဖြစ်၍ မိမိတို့က ခန္ဓာကို ရှုကြည့်ရာ၌ အရှုခံဖြစ်သော ခန္ဓာ၏ သူ့ပင်ကိုယ်သဘာဝအရှိကလွဲ၍ ဘာမျှ လုပ်မပေးရ၊ ဖန်တီးမပေးရပါ။

ခန္ဓာကိုရှုမည့်သိမည့် ဉာဏ်ကလည်း ဘာကိုမှ မကြံမတွေး ခန္ဓာအရှိကိုသာ သတိထား၍သာ သိနေရပါတယ်။ ကိလေသာဖြစ်ပွားသည်ဆိုသည်မှာ ရှုသော အသိသည် ခန္ဓာပရမတ်အသိမှလွတ်၍ ပညတ်အာရုံကို ရောက်သွားသောကြောင့်သာ ကိလေသာဖြစ်ခြင်းဖြစ်ပါတယ်။

အဲတော့ ကိလေသာမဖြစ်အောင် သတိဦးဆောင်တဲ့ စိတ်ကို အထိုင်ချပြီး ရှုမှတ်ပွားများ အားထုတ်နေခြင်းကို သတိပဋ္ဌာန်လို့ ခေါ်ပါတယ်။

သတိပဋ္ဌာန်ဆိုတာ ကိုယ်အမူအရာ ရှုမှတ်နေမှုဆိုတဲ့ ကာယနုပဿနာသတိပဋ္ဌာန်၊ ခံစားမှုများကို ရှုမှတ်နေမှုဆိုတဲ့ ဝေဒနာနုပဿနာသတိပဋ္ဌာန်၊ စိတ်အမူအရာများကို ရှုမှတ်နေမှုဆိုတဲ့ စိတ္တာနုပဿနာသတိပဋ္ဌာန်၊ သဘောအာရုံများကို ရှုမှတ်နေမှုဆိုတဲ့ ဓမ္မာနုပဿနာသတိပဋ္ဌာန် ဆိုပြီးတော့ သတိပဋ္ဌာန်တရား (၄) ပါး ရှိပါတယ်။

ခန္ဓာကိုယ်ပေါ်မှာ ဒဏ်ရာဒဏ်ချက်များအဖြစ်နဲ့ ခံစားမှုများ မထင်ရှားသေးဘူး ဆိုလို့ရှိရင် ကာယနုပဿနာ ရှုကွက်နဲ့ ရှုကြရပြီး။ ခန္ဓာကိုယ်ပေါ်မှာ ဒဏ်ရာဒဏ်ချက်များအဖြစ်နဲ့ ခံစားမှုများ ထင်ရှားလာယင်တော့ ဝေဒနာနုပဿနာ ရှုကွက်အနေနဲ့ ရှုရပါတယ်။

မိမိတို့ ခန္ဓာကိုယ်ထဲမှာ စိတ်တွေ မငြိမ်ဘူးဆိုရင်တော့ စိတ္တနုပဿနာ ရှုကွက်အနေနဲ့ ရှုရပြီး။ စိတ်တွေငြိမ်နေပြီဆိုရင်တော့ ဓမ္မာနုပဿနာ ရှုကွက်အနေနဲ့ ရှုကြရမှာ ဖြစ်ပါတယ်။

ဒီသတိပဋ္ဌာန်ရှုကွက် ၄ မျိုးမှာ ကာယနုပဿနာ သတိပဋ္ဌာန်ကို ပင်တိုင်ရှုကွက်အနေနဲ့ ရှုမှတ်ကြရမှာ ဖြစ်ပါတယ်။

ဝေဒနာနုပဿသတိပဋ္ဌာန်၊ စိတ္တာနုပဿနာသတိပဋ္ဌာန်များကိုတော့ ယာယီရှုကွက်အနေနဲ့ ရှုမှတ်ကြရမှာ ဖြစ်ပါတယ်။

အသက်ကိုပုံမှန်ရှုယင် နှာသီးဖျား နှာသီးဝမှာ စိတ် အထိုင်ချရပါတယ်။ ၀င်လေများ ၀င်လာတဲ့အခါမှာ ထိတိုးတွန်းသွားတဲ့သဘော၊ ထွက်လေများ ထွက်သွားတဲ့အခါမှာ ထိတိုးတွန်းသွားတဲ့သဘော၊ အဲဒီလို ၀င်လေထွက်လေများရဲ့ ထိတိုးတွန်းသွားတဲ့ သဘောများကို စူးစူးစိုက်စိုက် ကြည့်နေတာဟာ ကာယနုပဿ သတိပဋ္ဌာန်ခေါ်တဲ့ ပင်တိုင်ရှုကွက်ကို ရှုမှတ်နေတာဖြစ်ပါတယ်။

နှာသီးဖျားနှာသီးဝမှာ စိတ်အထိုင်ချထားတဲ့အခါ နှာသီးဖျား နှာသီးဝဟာ ကာယနုပဿနာလို့ခေါ်တဲ့ ပင်တိုင်ရှုကွက် ဖြစ်ပါတယ်။

ကာယနုပဿနာလို့ခေါ်တဲ့ ပင်တိုင်ရှုကွက်ကိုပဲ စူးစူးစိုက်စိုက်ကြည့်နေပါ၊ စူးစူးစိုက်စိုက်မှတ်နေပါ။ ရှုကွက်နဲ့ မှတ်စိတ် မျက်ခြေပြတ်မခံရအောင် စိတ်ရဲ့ ကြောင့်ကြအားထုတ်မှုအားအင်များကို စူးစိုက်တယ်လို့ ခေါ်ပါတယ်။

နှာသီးဖျား နှာသီဝဆိုတဲ့ ကာယနုပဿနာ ပင်တိုင်ရှုကွက်ကို ရှုနေတဲ့အချိန်မှာ ခန္ဓာကိုယ်ပေါ်မှာ ဒဏ်ရာဒဏ်ချက်အဖြစ်နဲက ခံစားမှုတွေ ထင်ရှားလာပြီ ဆိုယင်တော့ .. နှာသီးဖျား နှာသီးဝမှာ အထိုင်ချထားတဲ့ စိတ်တရားကို ဒဏ်ရာဒဏ်ချက် အဖြစ်ဖြင့် ပေါ်လွင်ထင်ရှားတဲ့နေရာကို ပြောင်းပြီး အထိုင်ချပေးလိုက်ပါ။

စိတ်အထိုင်ချပြီးတော့ နာရင် နာတယ်၊ ကျင်ရင် ကျင်တယ်၊ ကိုက်ခဲရင် ကိုက်ခဲတယ်၊ ယားရင် ယားတယ်လို့ ဖြစ်စဉ်ကိုက် စိတ်ပွားပွားကြည့်ရပါတယ်။

အဲဒီလို ဖြစ်စဉ်ကိုက် စိတ်ပွားပွားကြည့်နေလို့ တစ်နေရာထဲမှာ ဖြစ်နေကြတဲ့ ဒုက္ခဝေဒနာများရဲ့ အပြင်း အပျော့ အတင်း အလျော့ကို မြင်ပါပြီ။ နေရာပြောင်းရွှေ့ဖြစ်နေကြတဲ့ ဝေဒနာများရဲ့ အတက် အဆင်း အထက်အောက်ကို မြင်ပြီ တွေ့ပြီ ဆိုလို့ရှိရင် .. ဝေဒနာနုပဿနာ ရှုတဲ့အခါမှာ အရှုခံကို မြင်ပါပြီ။

ရှုရမယ့် အရှုခံဝေဒနာဟာ နှာသီးဖျား နှာသီးဝမှာ ပြနေတဲ့ ကာယနုပဿနာ ရှုကွက်လောက်မှ မထင်ရှားဘူးဆိုရင် ဝေဒနာရှုကွက်ကို မရှုပါနဲ့၊ ပင်တိုင်ရှုကွက်ဖြစ်တဲ့ ကာယနုပဿနာသတိပဋ္ဌာန် ရှုကွက်ကိုပဲ ရှုနေပါ။

ပင်တိုင် ကာယနုပဿနာ ရှုကွက်ကို ရှုရင်းကနေပြီးတော့ မိမိတို့ရဲ့ ခန္ဓာကိုယ်ထဲမှာ စိတ်မငြိမ်ဘူးဆိုလို့ရှိရင် တွေးရင် တွေးနေတယ်၊ ကြံရင် ကြံနေတယ်၊ စဉ်းစားရင် စဉ်းစားနေတယ်၊ စိတ်ကူးရင် စိတ်ကူးနေတယ်လို့ ဖြစ်စဉ်ကိုက် ကြည့်နေရပါတယ်။

ဖြစ်စဉ်ကို ကြည့်နေလို့ တွေးနေတယ်၊ ကြံနေတယ်၊ စဉ်းစားနေတယ်၊ စိတ်ကူးနေတယ်ဆိုတဲ့ .. စိတ်အမူအရားများကို မြင်ပြီး တွေ့ပြီဆိုလို့ရှိရင် စိတ္တာနုပဿနာ ရှုတဲ့အခါမှာ အရှုခံကိုမြင်ပါပြီ။

တွေးတယ်၊ ကြံတယ်၊ စိတ်ကူးတယ်ဆိုတဲ့ စိတ္တာနုပဿနာပြကွက်ဟာ .. နှာသီးဖျား နှာသီးဝမှာ ကြည့်နေတဲ့ ကာယနုပဿနာပြကွက်လောက်မှ မထင်ရှားရင်တော့ စိတ္တာနုပဿနာရှုကွက်ကို ရှုစရာမလိုပါဘူး။

သတိပဋ္ဌာန်တရား အားထုတ်တဲ့နေရာမှာ - သတိပဌာန်ရယ်၊ သတိပဌာနဘာဝနာရယ်၊ သတိပဌာနဘာဝနာဂါမိနီပဋိပဒါ ရယ်ဆိုပြီးတော့ အဆင့် (၃) မျိုး ရှိပါတယ်။

သတိတရားက ဦးဆောင်ပြီးတော့ ပညာတရားက နောက်လိုက်ဖြစ်နေလို့ သဘောအာရုံကိုပဲ ရှုနိုင် မှတ်နိုင်တယ်။ ဖြစ်မှု ပျက်မှုတို့ကို မကြည့်နိုင်သေးဘူး ဖြစ်မှု ပျက်မှုတို့ကို မမြင်သေးဘူးဆိုလို့ရှိရင် သတိပဌာန်အဆင့်ပဲ ရှိပါသေးတယ်။

သတိတရားက နောက်လိုက်ဖြစ်လို့ ပညာတရားက ရှေ့ဆောင်ဖြစ်လာလို့ အမူအရာသဘောတင် မကတော့ဘူး၊ ဖြစ်မှု ပျက်မှု သဘောကို ကြည့်ရှုနိုင်ပြီ၊ ဖြစ်မှု ပျက်မှု သဘောကို မြင်ပြီဆိုလို့ရှိရင် .. သတိပဌာန ဘာဝနာ အဆင့်ကို ရောက်နေပါပြီ။

သတိပဌာန ဖြစ်ဖို့ရာအတွက် ၊ သတိပဌာနဘာဝနာ ဖြစ်ဖို့ရာအတွက် မဂ္ဂင်ရှစ်ပါးကို ရှုမှတ်ပွားများနေတာကို သတိပဌာနဘာဝနာဂါမိနီပဋိပဒါ လို့ခေါ်ပါတယ်။

ရှုမှတ်ပွားများ ကြိုးစားအားထုတ်နေတဲ့ အချိန်များမှာ ရင်ထဲ နှလုံးထဲမှာ မဂ္ဂင်ရှစ်ပါးခေါ်တဲ့ သတိပဌာနဘာဝနာ ဂါမိနီပဋိပဒါ များကိန်းနေပါပြီ။

ကာယနုပဿနာ ရှုတဲ့အခါမှာ ရှေးက ဖြစ်ပုံနဲ့ မတူပဲ ဖောက်ပြန်နေတဲ့ ရုပ်တရားများရဲ့ ဖောက်ပြန်မှုကို မြင်ပြီဆိုလိုရှိရင် သတိပဌာန်ဖြစ်ပါပြီ။

တလှုပ်လှုပ် တရွရွနဲ့ ရုပ်တရားများရဲ့ အပျက်ကို မြင်ပြီဆိုလို့ရှိရင် သတိပဌာန ဘာဝနာ အဆင့်ကို ရောက်ပါပြီ။

ဝေဒနာ နုပဿနာ ရှုမှတ်တဲ့အခါမှာလည်း တစ်နေရာတည်းမှာ ယားတယ်၊ ပူတယ်၊ နာတယ်၊ ကျင်တယ်၊ ကိုက်ခဲတယ် ဆိုပြီးတော့ ဒုက္ခဝေဒနာများရဲ့ အပျော့ အပြင်း၊ အလျော့အတင်းကို မြင်ပြီ။ နေရာပြောင်းရွှေ့နေတဲ့ ဒုက္ခဝေဒနာများရဲ့ အတက်အဆင်း၊ အထက်အောက် ပြောင်းရွှေ့ဖြစ်နေတဲ့ သဘောကို မြင်ပြီဆိုလို့ရှိရင် သတိပဌာန်ဖြစ်ပါပြီ။

အစိတ်စိတ် အပိုင်းပိုင်းနဲ့ ဝေဒနာများရဲ့ အပျက်ကို မြင်ပြီ ဆိုလို့ရှိရင် သတိပဌာန ဘာဝနာ ဖြစ်ပါပြီ။

စိတ္တာနုပဿနာ ရှုမှတ်တဲ့အခါမှာလည်း တွေးနေတယ်၊ စဉ်းစားနေနတယ်၊ စိတ်ကူးနေတယ်ဆိုတဲ့ စိတ်အမူအရာသဘောများကို မြင်ပြီ၊ တွေ့ပြီ ဆိုလို့ရှိရင် သတိပဌာန်ဖြစ်ပါပြီ။

အစဉ်အတန်းများ ရပ်သွားသလို တဖျပ်ဖျပ်နဲ့ ပျက်နေကြတဲ့ စိတ်တရားများရဲ့ အပျက်ကို မြင်ပြီဆိုလို့ရှိရင် သတိပဌာန ဘာဝနာ ဖြစ်ပါပြီ။

ဓမ္မာနုပဿနာ ရှုတဲ့အခါမှာလည်း ရှုကွက်အတွင်းမှာ ကာယရယ်၊ စိတ္တရယ်၊ ဝေဒနာရယ်လို့ မထင်ရှားတဲ့ အရှုခံတရားများကို တရားသဘောများပဲလို့ မှတ်ချက်ယူနိုင်ကြမယ် ဆိုလို့ရှိရင် .. သတိပဌာန်ဖြစ်နေပါပြီ။

အရိပ်အခိုးငွေ့များလို တရိပ်ရိပ်နဲ့ တရားသဘောများရဲ့ အပျက်ကို မြင်ပြီဆိုလို့ရှိရင် သတိပဌာနဘာဝနာ အဆင့်ကို ရောက်ပါပြီ။

သတိတရားဦးဆောင်၊ ပညာတရားက နောက်လိုက်ဖြစ်နေလို့ အမူအရာသဘောများကိုပဲ မြင်ရတွေ့ရ၊ ဖြစ်မှု၊ ပျက်မှု သဘောများကို မမြင်ကြသေးဘူး၊ မတွေ့ကြသေးဘူးဆိုလို့ရှိရင် သတိပဌာန်အဆင့်ပဲရှိပါသေးတယ်။

သတိတရားကနောက်လိုက်၊ ပညာတရားက ဦးဆောင်ဖြစ်နေလို့ အမူအရာသဘောတင်မကတော့ဘူး၊ ဖြစ်မှု ပျက်မှုကို မြင်အောင်ကြည့်နိုင်ပြီ၊ ဖြစ်မှုပျက်မှုတွေကို မြင်ပြီဆိုလို့ရှိရင် သတိပဌာနဘာဝနာ အဆင့်ကို ရောက်ပါပြီ။

သတိပဌာန်တရားတွေ ရှုမှတ်ပွားများ အားထုတ်ကြတဲ့ အခါမှာ သတိပဌာန်အဆင့်ကို ကျော်ပြီးတော့ သတိပဌာနဘာဝနာအဆင့်ကို ရောက်အောင် ရှုမှတ်ပွားများ ကြိုးစားအားထုတ်ကြရမှာ ဖြစ်ပါတယ်။

သတိပဌာန်ဖြစ်ဖို့ ဆိုတာလည်း ကျင့်ကြံပွားများမှုဆိုတဲ့ မဂ္ဂင်အကျင့်လိုပါတယ်။

ရှုမှတ်ပွားများ ကြိုးစားအားထုတ်နေကြတာဟာ မဂ္ဂင်ရှစ်ပါးခေါ်တဲ့ သတိပဌာနဘာဝနဂါမိနီပဋိပဒါ အကျင့်ကို ကျင့်နေကြတာ ဖြစ်ပါတယ်။

ဒါကြောင့် မဂ္ဂင်ရှစ်ပါးခေါ်တဲ့ ရှုမှတ်ပွားများ ကြိုးစားအားထုတ်မှုကို အရင်းတည်ပြီးတော့ သတိဦးဆောင်တဲ့ သတိပဌာန်လမ်း၊ ပညာဦးဆောင်တဲ့ သတိပဌာနဘာဝနာလမ်း အဆင့်ရောက်အောင် ရှုမှတ်ပွားများ ကြိုးစားအားထုတ်တတ်ဖို့ရာအတွက် ဘုရားရှင်အလိုတော်ကျ ဘုရားရှင်ဟောကြားတော်မူခဲ့တဲ့ ဒေသနာတော်များအတိုင်း ကိုယ်တော်တိုင် ကျင့်ကြံပွားများ အားထုတ်တော်မူသွားကြတဲ့ ပဋိပတ္တိဝန်ဆောင် ဆရာတော်ကြီးများရဲ့ လမ်းညွှန်မှု ဥပနိဿယနှင့် မိမိကိုယ်တိုင် ဓမ္မခရီး ဓမ္မလုပ်ငန်းခွင်မှာ မြင်ခဲ့တွေ့ခဲ့ရတဲ့ သတိပဌာန်အမြင် သတိပဌာန်အတွေးများကို အခြေခံပြီးတော့ သတိပဌာန်ဆိုင်ရာ အလုပ်သင် အလုပ်ပေးတရားများကို လမ်းညွှန်ခံယူကြပါလို့ တိုက်တွန်းလိုက်ရပါတယ်။

မေတ္တာဖြင့်
tno

မှတ်ချက်။ ။ ချမ်းအေးဆရာတော်၏ ၀ိပဿနာယာနိက တရားလမ်းညွှန် အလုပ်သင်၊ မဟာစည်ဆရာတော်ဘုရားကြီး၏ မဟာသတိပဋ္ဌာန် တရားတော် နှင့် ဆရာကြီး ဦးကြည် ၏ သဘာ၀၀ိပဿနာ ကျမ်းတို့မှ မှီငြမ်း မှတ်စုထုတ်ပါသည်။

https://www.facebook.com/permalink.php?story_fbid=163158784027108&id=100009989626063

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/