❆ ဝေဒနာတရားတော် ❆ (အပိုင်း ၂)

လူတိုင်းလူတိုင်းမှာ အသိစိတ်ကိုမှီပြီးဖြစ်တဲ့ အာရုံ၏ အရသာကို ခံစားခြင်းဆိုတဲ့ ဝေဒနာသဘောတရား ရှိတယ်။ မျက်စိ၊ နား၊ နှာခေါင်း၊ လျာ၊ ကိုယ်၊ စိတ် တို့နဲ့ အာရုံခံစားမှု အမျိုးမျိုး နေ့စဉ်မပြတ် ဖြစ်နေပေါ်နေတယ်။ အာရုံခံစားမှု အမျိုးမျိုး ဖြစ်နေသော်လည်း ခံစားမှုကို သတိမမူမိဘူး။

စိတ်ကအာရုံပေါ်ရောက်နေတယ်။ အာရုံရဲ့လွှမ်းမိုးမှုကို ခံနေကြရတယ်။ မိမိနှစ်သက်တဲ့ အာရုံတွေအပေါ်မှာ လောဘတွေထပ်တလဲလဲဖြစ်နေတယ်၊ ဒေါသတွေထပ်တလဲလဲဖြစ်နေတယ်၊ မောဟတွေထပ်တလဲလဲ ဖြစ်နေတယ်။ အာရုံတွေပေါ်မှာ ထပ်ဆင့်ပြီး လောဘ ဒေါသ မောဟ လွှမ်းမိုးခံနေရပြီး သံသရာမှာ ထွက်ပေါက်ရှာမရဘူး ဖြစ်နေတယ်။ ဘာကြောင့်လည်းဆိုယင် ဝေဒနာကို သတိမမူမိလိုက်လို့ဘဲ။ မြတ်စွာဘုရားက ဝေဒနာကို သတိမူမိဖို့ ဝေဒနာကမ္မဋ္ဌာန်းနဲ့ဝေဒနာပရိဂ္ဂဟ ဝေဒနာကို သိမ်းဆည်းခြင်းဆိုတဲ့ ကမ္မဋ္ဌာန်းကို ဟောကြားတော်မူတယ်။

ဝေဒနာနဲ့ပတ်သက်ယင် သံယုတ္တနိကာယ် ဝေဒနာသံယုတ်မှာ ရှင်အာနန္ဒာက မြတ်စွာဘုရားကိုမေးထားတာ ရှိတယ်။ နောက်မြတ်စွာဘုရားကလည်း ရှင်အာနန္ဒရဲ့ဥာဏ်ရည်ဥာဏ်သွေးကို သိလို၍ မေးထားတာ ရှိတယ်။ ရဟန်းတော်များကလည်း မြတ်စွာဘုရားကို မေးမြန်းထားတာ ရှိတယ်။ ပထမအာနန္ဒသုတ်၊ ဒုတိယအာနန္ဒသုတ်၊ သံဗကုလဘိက္ခု သုတ်တို့ပဲဖြစ်တယ်။

ဝေဒနာဟာ ၀ိပဿနာကမ္မဋ္ဌာန်းရဲ့ အာရုံအဖြစ် အသုံးပြုရတဲ့ Object ပဲဖြစ်တယ်။ ၀ိပဿနာကမ္မဋ္ဌာန်းမှာ နာမ်ကိုရှုရတယ်။ နာမ်ကိုရှုတယ်ဆိုတဲ့အခါ ထင်ရှားတဲ့ဝေဒနာတရားကို ရှုခြင်းဖြင့် ပြီးနိုင်တယ်ပေါ့။ မရှုယင် အာရုံပေါ်မှာ လောဘ ဒေါသ မောဟတွေ ဖြစ်လာယင် နောက်က မာနတို့ ဒိဋ္ဌိတို့ လိုက်လာတယ်။ လောဘဆိုတာလည်း တဏှာပဲ။ ဆိုတော့ တဏှာ မာန ဒိဋ္ဌိ ဖြစ်တယ်ပေါ့။

ဝိပဿနာရှုတဲ့အခါ ဝေဒနာကို ကျော်အောင်မှတ်လို့ဆိုကြတယ်ပေါ့။ အဲဒီမှာ ဝေဒနာဆိုတာ ဒုက္ခဝေဒနာတခုထဲကို ရည်ရွယ်ပြီး ပြောတာ။ ဝေဒနာကိုကျော်လို့မရဘူး။ ဝေဒနာကျော်တယ်ဆိုတာ ညောင်းညာကိုက်ခဲတဲ့ ဝေဒနာကိုသာ ဝေဒနာလို့ မှတ်ကြတာ။ အဲဒီ ဒုက္ခတွေကို မပယ်ဖျောက်နိုင်သေးသမျှ ဝေဒနာမကျော်ဘူးလို့ ပြောလို့ရတယ်။ အမှန်တော့ ဒုက္ခကို မလွန်မြောက်သေးတာတာဖြစ်တယ်။ သမာဓိစွမ်းရည်တက်လာယင် အောင့်တာ ကျင်တာ နာတာ မဖြစ်တော့တာကိုပဲ ဝေဒနာကျော်တယ်ပြောတာ။
အမှန်ဆို ဒုက္ခဝေဒနာကို လွန်သွားတယ်။ ကာယိကဒုက္ခတွေမပေါ်ဘူးပြောလို့ရတယ်။ တကယ်ဆို ခန္ဓာမှာ ဝေဒနာဆိုတာ ရှိရမှာပဲ။ ဝေဒနာဆိုတာ ကျော်လွှားလို့ရကောင်းတဲ့အရာမဟုတ်ဘူး။ ကိလေသာတွေ မဖြစ်ရအောင် ဝေဒနာရဲ့သဘာဝကို ကြည့်ရတာ။ ဝေဒနာရဲ့သဘောသဘာဝကို သိအောင် လုပ်ရတာသာ ဖြစ်တယ်။ ဝေဒနာဆိုတာ ကမ္မဋ္ဌာန်းအာရုံတစ်ခု။ သိအောင်ကြိုးစားရမယ်။ ကျော်အောင်မကြိုးစားရဘူး။ ဝေဒနာကိုကျော်သွားယင် ဝေဒနာဖြစ်မှန်းမသိတော့ဘူးပေါ့။

မြတ်စွာဘုရားက ရှင်အာနန္ဒာကိုမေးတဲ့အခါ ရှင်အာနန္ဒာက မြတ်စွာဘုရားတဲ့ အရှင်ဘုရားက တရားအားလုံးတို့ရဲ့ပိုင်ရှင်ပါတဲ့။ အရှင်ဘုရားဟောဖော်ညွှန်ကြားပြသတာကိုပဲ တပည့်တော်တို့ နာယူမှတ်သားပါရစေလို့ မြတ်စွာဘုရားကို လျှောက်တယ်။ အဲဒီမှာ မြတ်စွာဘုရားက ရှင်အာနန္ဒကိုဟောကြားတဲ့ တရားဖြစ်ပါတယ်။

အဲဒီတော့ ရှင်အာနန္ဒာက မြတ်စွာဘုရားရှင်ကို မေးခွန်းခုနှစ်ချက် မေးတယ်။

(၁) ကတမာ နုခေါ ဘန္တေ ဝေဒနာ
ဝေဒနာဆိုတာ ဘယ်ဟာတွေကိုခေါ်တာလဲဘုရား။ တဲ့

မြတ်စွာဘုရားက ဝေဒနာဆိုတာ သုံးမျိုးရှိတယ်တဲ့။ ကိုယ်နဲ့စိတ်မှာဖြစ်တဲ့ သုခဝေဒနာ၊ ကိုယ်နဲ့စိတ်မှာဖြစ်တဲ့ ဒုက္ခဝေဒနာ၊ အဲဒီနှစ်မျိုးလုံးမထင်ရှားတဲ့ အဒုက္ခမသုခဝေဒနာ တို့ပဲတဲ့။
ဒီနေရာမှာဖြည့်စွက်ကြည့်ချင်ရင်ကြည့်လို့ရတယ်ပေါ့။ မနေ့ကဟောခဲ့တဲ့ ဝေဒနာ ၅မျိုး၊ ၆မျိုး၊ ၁၈မျိုး၊ ၃၆မျိုး၊ ၁၀၈မျိုးတို့ကို ဖြည့်စွက်ကြည့်လို့လည်းရတယ်ပေါ့။ ဘယ်ဝေဒနာဖြစ်ဖြစ် ဝေဒနာဆိုတာ အာရုံရဲ့ အရသာကို ခံစားမှု၊ ကောင်းတယ် သာယာတယ် နှစ်ချိုက်တဲ့ခံစားမှု၊ မကောင်းဘူး မနှစ်ချိုက်ကြေကွဲဝမ်းနည်းတဲ့ ခံစားမှု အခံရခက်တဲ့ ခံစားမှုရယ်လို့ ရှိတာကိုး။

နောက်တခုက
(၂) ကတမော ဝေဒနာ သမုဒယော
ဝေဒနာဘာကြောင့်ဖြစ်လာတာလည်းဘုရားတဲ့။

မြတ်စွာဘုရားက
ဖဿ သမုဒယာ ဝေဒနာ သမုဒယော
ဖဿဖြစ်လာလို့ ဝေဒနာဖြစ်တာတဲ့။ ပဋိစ္စသမုပ္ပဒ်မှာလည်းရှိတယ်လေ။ ဖဿပစ္စယာဝေဒနာ…..
ဖဿဖြစ်တယ်ဆိုတာ အာရုံနဲ့စိတ်နဲ့ဆုံဆည်းမှု သဘာဝတရားတခုကို ဖဿဖြစ်တယ်ခေါ်တယ်။ စိတ်နဲ့အာရုံမဆုံပဲ ကောင်းဆိုးပေါ်ပါ့မလား။ မပေါ်နိုင်ဘူး။ စိတ်နဲ့အာရုံဆုံတယ်ဆိုတာ…
တုတ်ချောင်းနှစ်ချောင်းကို ပွတ်တိုက်သလိုပဲ။ သစ်သားအနှစ်တုံးနှစ်တုံးကို ကြာကြာဖိပွတ်တိုက်ကြည့်ပါလား။ တခုနဲ့တခုဖိပွတ်တိုက်ရာမှမီးဖြစ်လာတာလေ။ အာရုံနဲ့စိတ်ဆုံလိုက်မှ ကောင်းတယ်၊ ဆိုးတယ် ခံစားမှုပေါ်လာတယ်။ နှစ်ချိုက်ကျေနပ်တော့ သုခ သောမနဿ၊ မနှစ်ချိုက် မကျေနပ်တော့ ဒေါသ ဒေါမနဿ၊ ဖြစ်တယ်ပေါ့။

မြင်သိစိတ်ကလေးပေါ်စမှာတော့ သုခ ဒုက္ခ ဝေဒနာဟာ မထင်ရှားဘူး။ မြင်သိစိတ်မှာတော့ မထင်ရှားတဲ့ ဝေဒနာ ဥပေက္ခာ ဖြစ်တယ်ပေါ့။ ဝေဒနာထင်ရှားတယ်ဆိုတာ ဇောစိတ်တွေကြမှ ကောင်းတဲ့ ထင်ရှားမှု၊ မကောင်းတဲ့ ထင်ရှားမှု ပေါ်လာတာ။ ဖဿနဲ့ဝေဒနာ အတူတူဖြစ်တာခြင်းတူသော်လည်း ဖဿပေါ်မှီတည်ပြီးတော့ ထိခိုက်မှုအားကောင်းလေ၊ ခံစားမှုအားကောင်းလေလေ - ဒီလိုဆိုတယ်။

အာရုံနဲ့စိတ်နဲ့ဆုံတဲ့အခါ ထင်ရှားတဲ့အတွက်ကြောင့် ၀ိပဿနာမှာ ဝေဒနာတွေ့ဖို့လိုတယ်။ ဝေဒနာမတွေ့ပဲ ဖြစ်ပျက်ရှုလို့မရဘူး။ တရားတွေ့အောင်ရှာရာမှာ သူ့ရဲ့သဘာဝလက္ခဏာကိုတွေ့အောင် ရှာရတယ်။ တရားတိုင်း တရားတိုင်းမှာ ကိုယ်ပိုင်လက္ခဏာတွေရှိတယ်။ အရှိသဘာဝကို သတိထားမိအောင် မှတ်သားရမယ်။ ဝေဒနာရဲ့အမှတ်လက္ခဏာဆိုတာ အာရုံနဲ့ဆုံစည်းလာတဲ့အခါမှာ အာရုံရဲ့ ကောင်း ဆိုး အရသာကို ခံစားတဲ့ သဘာဝလေးကို ဝေဒနာလို့ ပြောတာ။

မမြဲတဲ့အနိစ္စ၊ ဆင်းရဲတဲ့ဒုက္ခ၊ မပိုင်တဲ့အနတ္တ စတာတွေကို သာမညလက္ခဏာလို့ခေါ်တယ်။ အားလုံးဆိုင်တဲ့လက္ခဏာ လို့ ဒီလိုပြောတယ်။

ဝိပဿနာဥာဏ်ဖြစ်တယ်ဆိုတာ လက္ခဏာတွေပေါ်မှာ ဖြစ်တာ။ ဖဿသည် ဝေဒနာ၏ အနီးကပ်ဆုံးသော အကြောင်းတခုပဲ။ တခြားအကြောင်းတွေလည်းရှိတယ်ပေါ့။ အဓိကအကြောင်းကိုပြောတာ။

(၃) ကတမော ဘန္တေ ဝေဒနာ နိရောဓော။
ဝေဒနာချုပ်ငြိမ်းတာ (အပြီးသတ်ချုပ်ငြိမ်းတာ) ဘယ်မှာလဲဘုရား။ တဲ့

အဲဒီတော့ မြတ်စွာဘုရားက
ဖဿ နိရောဓာ ဝေဒနာ နိရောဓော။
ဖဿချုပ်လို့ဝေဒနာချုပ်တာတဲ့။
ဖဿချုပ်တယ်ဆိုတာ ဘာနဲ့ချုပ်တာတုန်းဆို။ မဂ်စိတ်နဲ့ကိလေသာတွေကိုပယ်လိုက်လို့။

ချုပ်တယ်ဆိုတာ သူ့သဘာဝတရားက ဖြစ်လာပြီးချုပ်တာပဲ။ ဒါပေမယ့် အဲဒါမျိုးမဟုတ်ဘူး။ အပြီးသတ်ချုပ်ငြိမ်းတာ။ ဒီမှာ အပြီးသတ်ချုပ်တယ်ဆိုတာ နိဗ္ဗာန်မှာပဲ အပြီးသတ်ချုပ်တာပေါ့။ ဒါကြောင့်နိဗ္ဗာန်ကိုဆိုလိုတာဖြစ်တယ်။ နိဗ္ဗာန်မှာဘာလို့ချုပ်သလည်းဆိုတော့ ဖဿချုပ်လို့ ဖဿဘာလို့ချုပ်လည်း သဋ္ဌာယတနချုပ်လို့ သဋ္ဌာယတနာဘာလို့ချုပ် နာမ်ရုပ်ချုပ်လို့ နာမ်ရုပ်ဘာလို့ချုပ် ၀ိညာဏ်ချုပ်လို့ ၀ိညာဏ်ဘာလို့ချုပ် သင်္ခါရချုပ်လို့ သင်္ခါရဘာလို့ချုပ် အ၀ိဇ္ဇာချုပ်လို့ချုပ်တာ။
ချုပ်စေတတ်တဲ့ အကျင့်တရားတွေကို ကျင့်လို့ချုပ်တာ။ မဂ္ဂင်ရှစ်ပါးအကျင့်တွေကျင့်လို့ချုပ်တာ။ အာသေက ၀ိရောဂါ နိရောဓော (အကြွင်းအကျန်မရှိ အရဟတ္တမဂ်ဆိုတဲ့ စွမ်းအားကြောင့် ချုပ်တာ။ အပြီးသတ် ချုပ်တဲ့အချုပ်ကိုပြောတာ။ နိဗ္ဗာန်ကိုပြောတာ။

(၄) ကတမော ဝေဒနာ နိရောဓ ဂါမိနိ ပဋိပဒါ။
ဝေဒနာကို အပြီးသတ်ချုပ်ငြိမ်းခြင်းကိုရောက်စေတဲ့ နည်းလမ်းကဘာပါလဲဘုရား။ တဲ့

မြတ်စွာဘုရားက
အရမေ၀ အရိယော အဋ္ဌင်္ဂီဂေါ မဂ္ဂေါ။
ဝေဒနာချုပ်ရာ နိဗ္ဗာန်ရောက်စေတတ်တဲ့ အရိယာမဂ္ဂင်ရှစ်ပါးပဲတဲ့။
မဂ္ဂင်ရှစ်ပါးအကျင့်ပဲလို့ဆိုတာ။ မဂ္ဂဆိုတာ လမ်း လမ်းကြောင်းကိုဆိုတယ်ပေါ့။
ကိလေသေ မာရန္တော နိဗ္ဗာနံ ဂစ္စတေတိ မဂ္ဂေါ။ ကိလေသာကို ဖယ်ရှားပြီး နိဗ္ဗာန်ဝင်သွားတဲ့သဘာဝတရား။ ကိလေသာဖယ်လိုက်ယင်နိဗ္ဗာန်ကိုသိလိုက်တယ်ပေါ့။ မဂ်စိတ်ပေါ်တယ်ဆိုတာ ကိလေသာဖယ်ပြီး နိဗ္ဗာန်ရောက်သွားတယ်ပြောတာ။

ဝိပဿနာကျင့်စဉ်ကျင့်လျှင် ပုဗ္ဗဘာဂမဂ်လို့ခေါ်တာပဲ။ ၀ိပဿနာကျင့်တဲ့အခါ သမ္မာဒိဋ္ဌိ၊ သမ္မာသင်္ကပ္ပ၊ သမ္မာဝါယမ၊ သမ္မာသတိ၊ သမ္မာသမာဓိ ဆိုတဲ့မဂ္ဂင်၅ပါးတို့နဲ့ပြည့်စုံစေရတယ်ပေါ့။ အားမထုတ်ခင်ကြိုပြီးတော့ သမ္မာဝါစာ၊ သမ္မာကမ္မန္တ၊ သမ္မာအာဇီဝ မဂ္ဂင်သုံးပါးနဲ့သီလကိုပြည့်စုံစေရတယ်။

ဒီလိုမဂ္ဂင်ရှစ်ပါးနဲ့ပြည့်စုံလာယင် ကမ္မဋ္ဌာန်းအောင်မြင်တာပေါ့။ မဂ်ဥာဏ်က ၀ိပဿနာရဲ့ အာနိသန္တ အကျိုးဆက်အနေနဲ့ပေါ်လာတာပေါ့။ မဂ်စိတ်ကိုမျက်မှောက်ပြုနိုင်ခြင်းဆိုတဲ့ အကျိုးတရားကို ရတာပေါ့။ မဂ်စိတ်ဖိုလ်စိတ်ဆိုတာ မဂ်စိတ်ကနေ ဖိုလ်စိတ်ဖြစ်စေတယ်ပေါ့။

ဆိုင်ရာဆိုင်ရာ အကြောင်းတရားလေးတွေကိုပယ်သွားတာကိုပဲ။ ကိလေသာတွေတဒင်္ဂလေးပယ်သွားတာကိုပဲ တဒင်္ဂပဟာန၊ တဒင်္ဂပဟန်လို့ခေါ်တာ။ တဒင်္ဂဆိုတာ
(ဒါနဲ့ဒါကို ပယ်တယ်၊ လို့ပြောတယ်ပေါ့။)
ဥပမာ - အလောဘဖြစ်ယင် လောဘကိုပယ်လိုက်တာ။ အဒေါသဖြစ်ယင် ဒေါသကိုပယ်လိုက်တာ။ အမောဟဖြစ်ယင် မောဟကိုပယ်လိုက်တာမျိုးကို တဒင်္ဂပဟာနလို့ခေါ်တယ်ပေါ့။
အနိစ္စဖြင့် နိစ္စကိုပယ်လိုက်ယင် သံသရာလုံးမြဲတယ်လို့ထင်နေတဲ့ နိစ္စသညာကြီးပျောက်မသွားဘူးလား။ အဲဒီလိုပျောက်သွားတာကိုပဲ တဒင်္ဂပဟာနလို့ခေါ်တယ်။
တဒင်္ဂဆိုတာအခိုက်အတန့်လေးကိုပြောတာမဟုတ်ဘူး။

နောက်မေးခွန်း ၅ ၆ နဲ့ ၇ မှာ

(၅) ကောဝေဒနာယ အသန္တော
ဝေဒနာရဲ့နှစ်ချိုက်ဖွယ်သာယာဖွယ်ဆိုတာ ဘာပါလဲ။

(၆) ကောဝေဒနာယ အာဒီနော
မနှစ်ချိုက်စရာ ကောင်းတာဟာ ဘာပါလဲ။

(၇) ကိံနိဿရဏံ
ထိုဝေဒနာတို့ရဲ့ထွက်ပေါက်က ဘာပါလဲ။ တဲ့

(၅) ယံဝေဒနံ ပဋိစ္စ သုခံသောမနဿ ဥပ္ပစ္စတိ။
ဝေဒနာကို အကြောင်းပြုပြီး အသာဒ ချမ်းသာမှု ဖြစ်တယ်။ အသာဒဆိုတာ နှစ်သက်စရာကောင်းတာ၊ ကျေနပ်စရာကောင်းတာပြောတာ။ ဝေဒနာကိုအကြောင်းပြုပြီးဖြစ်တဲ့ သုခသောမနဿဆိုတာရှိတယ်။ ဝေဒနာရဲ့သာယာမှုပဲ။

(၆) မနှစ်သက်စရာကြတော့ အဲဒီဝေဒနာဟာမတည်မြဲဘူး၊ ပြောင်းလဲတတ်တယ်။ အဲဒီပြောင်းလဲမှုဟာ မနှစ်သက်စရာ၊ ကျေနပ်စရာမကောင်းဘူး။ ဝေဒနာရဲ့အပြစ်ပဲတဲ့။

(အာဒီန၀ = အပြစ်အနာ
အားသာချက် = အသာဒ)

အဲဒီလိုခွဲခြားပြီးမြင်တတ်ရမယ်။ changes ပြောင်းလဲတတ်တယ် အဲဒါအပြစ်ပဲ။

နောက် ကိံနိသရဏံ ဝေဒနာရဲ့ထွက်ပေါက်က ဘယ်မှာလဲ။ ဘယ်လိုထွက်ပေါက်ရှာရမလည်းဆိုတော့ ..
ဆန္ဒရာဂ စတာနဲ့ ဝေဒနာအပေါ်မှာ တွယ်တာနေတဲ့ တဏှာကိုဖယ်ရှားရမယ်။
ယော ဝေဒနာယ ဆန္ဒရာဂ ပဟာနံ ဣဒံ ဝေဒနာယ နိသရဏံ။ တဲ့
ဆန္ဒလိုချင်မှု၊ ရာဂတပ်မက်မှုတို့ကို ဖယ်ရှားရမယ်။ လိုချင်မှုကိုဖယ်လိုက်ယင်ထွက်ပေါက်ရသွားပြီ။ ဝေဒနာကို လိုချင်နေတဲ့ တပ်မက်နေတဲ့ တရားကိုဖယ်ရှားရမယ်။ အဲဒါထွက်ပေါက်ပဲ။ တဲ့

အဲဒီမေးခွန်း ၇ချက်ဟာ ရှင်အာနန္ဒာမေးလို့ မြတ်စွာဘုရားရှင်ကဖြေကြားခဲ့တာဖြစ်ပါတယ်။

သမဏဗြဟ္မဏအမည်ခံတဲ့ ပုဂ္ဂိုလ်တွေဟာ အဲဒီအချက်၇ချက်ကို သိရှိနားလည်ထားရမယ်တဲ့။ သိရှိနားလည်ခြင်းမရှိဘူးဆိုယင် သမဏဗြဟ္မဏလို့မသတ်မှတ်ဘူးတဲ့။ ဆိုလိုတာက ဒါတွေမှ မသိပဲ ကိလေသာတွေ ဖယ်ရှားနိုင်မယ်ဆိုတာ မဖြစ်နိုင်ဘူးလို့ပြောတာ။

ဝေဒနာကိုသတိမထားမိယင် -
သုခဝေဒနာကိုမသိလိုက်ယင် တွယ်တာမှု ရာဂနုသယကိန်းမယ်။ (အနုသယဆိုတာအကြောင်းပေါ်လာယင်ပေါ်တယ်။ ကိန်းတယ်ဆိုတာသင့်လျော်တဲ့အကြောင်းတရားတခုပေါ်လာတာနဲ့ပေါ်လာတာ၊ တဏှာရာဂပေါ်လာမှာပဲ။) ချမ်းသာနှစ်သက်တဲ့ခံစားမှုသဘောသဘာဝလေးကို မသိလိုက်ယင် လိုချင်လာတဲ့ရာဂပေါ်လာမယ်။ သဘာဝကိုမဆင်ချင်နိုင်သည့်အတွက် ရာဂဆိုတဲ့ အနုသယကိန်းတယ်။

ဒုက္ခ ----- ပဋိဃနုသယကိန်း
အဒုက္ခမသုခ ----- အ၀ိဇ္ဇာနုသယကိန်း

မသိသည့်အတွက်နှစ်သက်တယ်ဆိုတာဖြစ်လာတယ်။ ဝေဒနာပေါ်မှာသတိထားနေရမယ်။ ဝေဒနာရဲ့ သဘာဝတရားကို ဆင်ခြင်နိုင်မှသာလျှင် ရာဂ ဒေါသ အ၀ိဇ္ဖာ ပယ်နိုင်မယ်။ ကိလေသာကိုဖယ်ရှားဖို့ ဝေဒနာကို ပိုင်ပိုင်နိုင်နိုင်သိဖို့လိုတာတဲ့။ အဲဒီလို ပိုင်ပိုင်နိုင်နိုင်သိရှိပြီးကြိုးစားအားထုတ်ကြရမှာဖြစ်တယ်။

ဆရာတော် Dr နန္ဒမာလာဘိဝံသ ၏ ဝေဒနာတရားကိုလေ့လာသုံးသပ် ခြင်းတရားတော်မှ နာကြားမှတ်ယူ၍ ပြန်လည် စုစည်း မျှဝေပါသည်။

https://www.facebook.com/kotheinnaingohn

https://www.facebook.com/profile.php?id=100009989626063&fref=nf

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/