❆ ဝေဒနာတရားတော် ❆

လူတွေရဲ့သဏ္ဍာန်မှာ ဒေသနာဟာ အရေးပါတဲ့ကိစ္စတစ်ခုလို့ဆိုရပါမယ်။
လူတွေဟာ စိတ်ခံစားမှုကို အကြောင်းပြုလို့ ကုသိုလ်တွေ အကုသိုလ်တွေ ပြုလုပ်ကြတယ်။

ဝေဒနာဆိုတာ အသိဥာဏ်နဲ့ ပိုင်းခြားပြီး သိရမယ့်တရား ဖြစ်တယ်။ ဖယ်ရှားရမယ့် တရားမဟုတ်ဘူး။ ဝေဒနာဆိုတဲ့စေတသိက ကစိတ်ကိုမှီ ဖြစ်တယ်။

စိတ်ဖြစ်တိုင်း ဖြစ်တိုင်း ဝေဒနာဖြစ်တယ်။ စိတ်ချုပ်တာနဲ့ ဝေဒနာကချုပ်တယ်။ ဝေဒနာဟာ စိတ်နဲ့ ခွဲလို့ မရလောက်အောင် ယှဉ်တွဲပြီးတော့ ဖြစ်တဲ့ စေတသိက်တစ်ခု။

စိတ်ရှိယင် ဝေဒနာရှိတယ်။ ဝေဒနာ ရှိယင် စိတ်ရှိတယ်။ ဝေဒနာသည် စိတ်နဲ့ခွဲလို့မရတဲ့ သဘောတရားတစ်ခုပဲ။

ဝေဒနာ သညာ စိတ် ခွဲလို့ မရပေမယ့် function မတူဘူး။ သဘောလက္ခဏာမတူဘူး။

စိတ်ဖြစ်တိုင်းမှာ ဖဿ ဝေဒနာ သညာ စေတနာ ဧက္ကဂတာ ဇိဝိတိန္ဒြိယ မနသိကာရ ဆိုတဲ့စေတသိက်၇မျိုး+ စိတ်=၈မျိုး ဟာ နာမ်တရားရဲ့ unit တစ်ခုပဲ။ အဲဒါကိုပဲ နာမ်တရားလို့ ခေါ်တာဖြစ်တယ်။ တခုခုလျော့ပြီး နာမ်တရားလို့ ခေါ်လို့မရဘူး။

အာရုံ၏ ခံစားမှုတွေဟာ အမျိုးမျိုး ဖြစ်ပေါ်လေ့ရှိတယ်။ ကာယိကသုခ စေတသိကသုခ ကိုပဲသုခဝေဒနာလို့ ခေါ်တာပေါ့။ ကာယိကဒုက္ခ စေတသိကဒုက္ခကို ဒုက္ခဝေဒနာလို့ခေါ်တာပေ့ါ့။ အဲဒီနှစ်ခုကထင်ရှားတယ်။

အဒုက္ခမသုခ ဆိုတာကြ တိုက်ရိုက် သိနိုင်စွမ်းမရှိဘူး။ သမင်နောက်ခြေရာခံလိုက်သူလိုပါပဲတဲ့ သမင်ဟာကျောက်ဖြာတခုကို ဖြတ်ကျော်သွားတဲ့အခါ လိုက်သူအနေနဲ့ ကျောက်ဖြာနားမှာအတက်ခြေရာ တွေ့ပြီး ကျောက်ဖြာရဲ့တစ်ဖက်မှာ အဆင်းခြေရာကို တွေ့ခြင်းအားဖြင့် ဒီသမင်ဟာ ကျောက်ဖြာပေါ်က ဖြတ်သွားတယ် ဆိုတာ သိသလိုပါပဲ .. တဲ့

ဝေဒနာဆိုတာ အာရုံရဲ့အရသာကို ခံစားတတ်လို့ ဝေဒနာလို့ခေါ်တယ်။

သုခဝေဒနာရဲ့ဆန့်ကျင်ဖက်က ဒုက္ခဝေဒနာ ဖြစ်တယ်။ ဒုက္ခဝေဒနာရဲ့ ဆန့်ကျင်ဖက်က သုခဝေဒနာဖြစ်တယ်တဲ့။

သုခဝေဒနာလေးဖြစ်နေတုန်းမှာ ချမ်းသာတယ်ပေါ့။ ဒီသုခဝေဒနာလေး ပျောက်သွားတာကိုပဲ ဒုက္ခဝေဒနာ ဖြစ်တယ်ပေါ့။ အဲဒီလိုပဲ ဒုက္ခဝေဒနာလေးပေါ်တုန်းမှာ ဆင်းရဲတယ်။

အဲဒီဝေဒနာလေးပျောက်သွားတာ သည်ပင် သုခဝေဒနာပါပဲတဲ့။

အဒုက္ခမသုခရဲ့ဆန့်ကျင်ဖက်က တော့ အဝိဇ္ဇာပါတဲ့။

ဝေဒနာနုပဿနာမှာ ရှုတော့မယ်ဆိုယင် သမထယာနိကာမှာနာမ်ကစရှုပါတဲ့။ ရုပ်မရှုရဘူးမဟုတ်ဘူး။ ရုပ်ကနေစလည်းရတယ်ပေါ့။

ဝိပဿနာယာနိကမှာတော့ ရုပ်ကစရှုပါတဲ့။ သူလည်းပဲ နာမ်မရှုရဘူးမဟုတ်ဘူး။ နာမ်ကနေစရှုလည်းရတယ်ပေါ့။

အဲဒီတော့ ရူပကမ္မဋ္ဌာန်းဆိုတာ ဓာတ်ကြီးလေးပါးအဓိကနဲ့ ဓာတ်ကြီးလေးပါးနဲ့ မှီတဲ့နာမ်ကို ရှုပါတဲ့။

အရူပကမ္မဋ္ဌာန်း အရူပပရိဂ္ဂဟမှာတော့ နာမ်တရားတွေမှာ စိတ် ဖဿ ဝေဒနာဟာ ထင်ရှားတယ်ပေါ့။

ဝိပဿနာရှုပွားလိုသူအနေနဲ့ ဝီရိယ အသိဥာဏ် သတိ လိုအပ်တယ်။

သီလမဂ္ဂင်ကိုတော့ ကြိုပြီးပွားများထားရမယ်။
အားထုတ်တဲ့အခါမှာမဂ္ဂင်ငါးပါးနဲ့ပွားများရတယ်။

ဝိပဿနာရဲ့အစဟာ သဘာဝလက္ခဏာကို သိရှိခြင်းပါပဲ။

ဝိပဿနာကမ္မဋ္ဌာန်းရဲ့ အာရုံဟာ ၂မျိုးပဲရှိတယ်။
ရုပ်ဆိုတဲ့ ရူပကမ္မဋ္ဌာန (သို့) ရူပပရိဂ္ဂဟ ။ ရုပ်ကိုရူတယ်။

နာမ်ဆိုတဲ့ နာမကမ္မဋ္ဌာန(သို့) အရူပကမ္မဋ္ဌာန (သို့) အရူပပရိဂ္ဂဟ ။
နာမ်ကိုရှုတယ်။

ဝိပဿနာရှုပွားလိုသူဟာ လွယ်ကူမှုရှိအောင် ရုပ်ကစရှုယင် လွယ်ကူတယ်လို့ ရှင်မဟာဗုဒ္ဓဃောသကဆိုတယ်။

ဝိပဿနာယာနိကဆိုတဲ့ ခဏိကသမာဓိနဲ့သွားမယ်ဆိုယင် ရုပ်ကစရှုသင့်တယ်ပေါ့။

သမာဓိကလည်း ၃မျိုးရှိတယ်။ ခဏိကသမာဓိ ဥပစာရသမာဓိ နဲ့ အပနာသမာဓိတို့ဖြစ်တယ်ပေါ့။
စိတ္တဝိသုဒ္ဓိဖြစ်ဖို့ဆိုယင် ဥပစာရသမာဓိ နဲ့ အပနာသမာဓိကိုအယင် ထူထောင်ရတယ်။

အပနာသမာဓိဆိုတာ စိတ်ကိုအာရုံထဲထည့်ထားတာ။ အပနာရဲ့အဓိပ္ပာယ်ကထည့်သွင်းခြင်းပဲ။ စိတ်နဲ့အာရုံကပ်နေပြီး သမထယာနိကာမှာဆိုယင် အပနာသမာဓိမှာ ဈာန်ရတယ်ခေါ်တယ်။ ဝိပဿနာမဂ်က တက်သွားတာကိုလည်း အပနာသမာဓိ ခေါ်တယ်။

အပနာသမာဓိနားကပ်သွားတဲ့ သမာဓိကို ဥပစာရသမာဓိ ခေါ်တယ်။

ဥပစာ အပနာ ထဲလည်းမပါတဲ့ ရုပ်နာမ်တရား သင်္ခါရတရားအပေါ် တည်ငြိမ်မှုရသွားတာ။
သမာဓိကလည်းငြိမ်နေတာမဟုတ်ဘူး။ အာရုံကလည်းပြောင်းပြောင်းနေတာ။ အဲဒီလို ရုပ်နာမ်သင်္ခါရတရားတို့ မပျက်ခင်လေးရသွားတဲ့သမာဓိကို ခဏိကသမာဓိလို့ပြောတာ။

ခဏိကသမာဓိ မထူထောင်ပဲ ဝိပဿနာသွားလို့
မရဘူး။ ဥပစာ အပနာ ကင်းပြီး ဝိပဿနာဖြစ်နိုင်ပေမယ့် ခဏိကသမာဓိနဲ့ကင်းပြီးတော့ ဝိပဿနာမဖြစ်နိုင်ဘူး။ အနည်းဆုံးခဏိကသမာဓိကို ထူထောင်ရမယ်။

အာရုံကရွေ့နေတော့ သမာဓိကလည်း အာရုံရွေ့သလို ရွေ့နေပြောင်းနေမှာပဲ။
သမထအာရုံမှာတော့ ပညတ်တွေ။ ပညတ်တရားအပေါ်မှာသမာဓိ ထူထောင်တာဖြစ်တယ်။
ဝိပဿနာကျင့်တဲ့ ပုဂ္ဂိုလ်တိုင်းဟာ ဥပစာ အပနာ သမာဓိမထူထောင်ဘဲ။ ခဏိကသမာဓိနဲ့ သွားတယ်။

အဲဒါကြောင့် သုဒ္ဓဝိပဿနာယာနိက က ဝိပဿနာကိုယာဉ်အဖြစ် အသုံးပြုပြီး နိဗ္ဗာန်ကိုသွားတယ် ခေါ်တယ်။

သမထကနိဗ္ဗာန်ကိုမြစ်ထဲမှာလှေနဲ့ ဖြတ်ကူးတာနဲ့တူတယ်။ ဝိပဿနာကလက်ပစ်ကူးတာနဲ့တူပါတယ်တဲ့။

အဲဒီတော့ ဝေဒနာကိုဘယ်လိုရှုမလည်း?

ရုပ်ကစတဲ့သူကလည်း ရုပ်ကိုရှုပြီး နာမ်ကိုရှုသင့်တယ်။

နာမ်ကစတဲ့သူကလည်း ရုပ်ကိုရှုသင့်တယ်တဲ့။

နောက် ရှုတဲ့ဥာဏ်ကိုလည်း ထပ်ရှုသင့်တယ် .. တဲ့

ရှေ့စိတ်ကို နောက်စိတ်နဲ့ ရှုရမယ်ပေါ့။

အာရုံကိုလည်းသိရမယ်။ အာရုံကိုသိတဲ့စိတ်လေး ပျက်သွားတာကိုလည်း မြင်ရမယ်။

ရုပ်ကစရှုလျှင် မဟာဘုတ် ၄ပါးကထင်ရှားလို့ မဟာဘုတ်၎ပါးကစရှုရမယ်ပေါ့။
မဟာဘုတ်၎ပါးမှာ မှီနေတဲ့ ရုပ်တရားကိုလည်းရှုရမယ်ပေါ့။ ရုပ်ကိုမှီတဲ့ နာမ်တရားကိုလည်းရှုရမယ်ပေါ့။

နာမ်တရားကိုရှုတဲ့အခါကြတော့ နာမ်တရားကိုသိနိုင်တဲ့ နည်းလမ်းသုံးသွယ် ရှိပါတယ်။

အဲဒါကတော့ ဖဿ ဝေဒနာ နဲ့ စိတ် ၃မျိုး ရှုနိုင်တယ်။ စိတ်ကိုရှုလျှင် ဖဿကို ရှုဖို့လိုတယ်။ ဖဿကထင်ရှားတယ်။
အာရုံနဲ့စိတ်နဲ့ ဆက်သွယ်ပေးတဲ့ ဖဿကိုတွေ့ယင် ဝေဒနာတွေ့ပါတယ်။ ဝေဒနာတွေ့ရင် နောက်က တဏှာ ဥပါဒါန် ဘဝဆိုတဲ့ ကမ္မ ဘဝကိုဖြစ်စေတဲ့ ကံတွေလာတော့တာပါ။
ဝေဒနာဟာ တဏှာကိုဖိတ်ခေါ်တတ်တာမို့ ဒုက္ခဆင်းရဲပါပဲ။ ဒါကြောင့်လည်း ဝေဒနာမှန်သမျှ ဒုက္ခ ပဲလို့ ဟောထားတာရှိတယ်။

ဝေဒနံ ယံကိန္စိ ဝေဒယိတံ တံဒုက္ခသမိံ
အဲဒီတော့ မြတ်စွာဘုရားသွားလျောက်တယ်။

ဝေဒနာမှာ သုခဝေဒနာ ဒုက္ခဝေဒနာ အဒုက္ခမသုခဝေဒနာသုံးမျိုးရှိတယ်လို့လည်းပြောပါတယ်။
ဝေဒနာမှန်သမျှဒုက္ခလို့လည်း ဆိုပါတယ်။ အဘယ်အကြောင်းကြောင့်ပါလည်းတဲ့။

သင်္ခါရံနံယေဝ အနိစ္စံ တံ သန္တာရ

မမြဲတဲ့သဘောတရားတွေဟာ မမြဲတဲ့အတွက် ဒုက္ခလို့ပြောတာ။ ဝေဒနာမှန်သမျှ ဒုက္ခဆိုတာ သင်္ခါရတွေရဲ့ မမြဲတဲ့ သဘောကို ဒုက္ခလို့ပြောတာပါတဲ့။

ဆက်လက်ဖော်ပြပါမည်။
မေတ္တာဖြင့်
tno

မှတ်ချက်။ ။ ဆရာတော်ဒေါက်တာနန္ဒမာလာဘိဝံသ၏ ဝေဒနာတရားကိုလေ့လာသုံးသပ်ခြင်း တရားတော်များမှ နာယူထားသမျှကို ပြန်လည်စုစည်းဖော်ပြပါသည်။

https://www.facebook.com/kotheinnaingohn

https://www.facebook.com/profile.php?id=100009989626063&fref=nf

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/