ဒိဋ္ဌိများထဲတွင် နောက်ထပ် ထင်ရှားသော ဒိဋ္ဌိသုံးမျိုး ရှိပြန်သည်။ ၄င်းတို့မှာ သက္ကာယဒိဋ္ဌိ၊ သဿတဒိဋ္ဌိနှင့် ဥစ္ဆေဒဒိဋ္ဌိတို့ ဖြစ်သည်။
သက္ကာယဒိဋ္ဌိသည် ရုပ်နာမ် နှစ်ပါး ဖြစ်သော ခန္ဓာငါးပါးကို ‘ ငါ ’ ဟု စွဲယူထားသော အယူမှား ဖြစ်သည်။ တစ်နည်းဆိုရသော် ဤခန္ဓာကိုယ်ကို ငါ့ခန္ဓာ ဟု စွဲနေသော အယူဖြစ်သည်။ ငါ့ပစ္စည်း၊ ငါ့ဥစ္စာ၊ ငါ့သား၊ ငါ့သမီး၊ ငါ့ခင်ပွန်း၊ ငါ့မယား စသည်စသည်ဖြင့် ငါ စွဲ စွဲထင်နေခြင်းသည်လည်း သက္ကာယဒိဋ္ဌိပင် ဖြစ်သည်။
ထိုသက္ကာယဒိဋ္ဌိကို မူတည်ပြီး ခန္ဓာကိုယ်ထဲ၌ ‘ငါကောင်၊ ၀ိညာဏ်ကောင်၊ အတ္တကောင်’ ရှိသည် ဟု ဆက်ပြီး ယူဆကာ ထို ‘ငါကောင်၊ ၀ိညာဏ်ကောင်၊ အတ္တကောင်’ သည် မပျက်မစီးဘဲ ခန္ဓာတစ်ခု သေလျှင် နောက်ခန္ဓာ အသစ် တစ်ခုသို့ ကူးပြောင်းကာ အမြဲတည်နေသည် ဟု စွဲယူသော သဿတဒိဋ္ဌိ ပေါ်ပေါက်လာသည်။ ထိုဒိဋ္ဌိ၏ အယူဝါဒသည် ‘ငါကောင်၊ ၀ိညာဏ်ကောင်၊ အတ္တကောင်’ သည် မသေဘဲ တစ်ဘ၀ပြီး တစ်ဘ၀သို့ ကူးပြောင်းနေခြင်းပင် ဖြစ်သည်။
ဥစ္ဆေဒဒိဋ္ဌိသည် သေလျှင်ပြတ်သည် ဟု စွဲယူသည်။ လူများသည် မွေးခြင်းက အစဖြစ်ပြီး သေခြင်းက အဆုံးဖြစ်သည်။ နောင်ဘ၀ဆိုတာလည်း မရှိပေ။ တစ်ချို့လူများသည် သိပ္ပံနှင့် နှိုင်းယှဉ်ကြည့်ပြီး ပြောတတ်ကြသည်။ ဤခန္ဓာကိုယ်သည် အဖိုနှင့် အမတို့၏ ခရိုမိုဆုမ်း နှစ်ခုပေါင်းစပ်၍ မွေးဖွားလာကြပြီး သေလျှင် ပြီးပြတ်သွားသည် ဟု ယူဆသည်။ ထိုအယူအဆသည် ဥစ္ဆေဒဒိဋ္ဌိပင် ဖြစ်သည်။
ဒိဋ္ဌိသည် အရိယာအဆင့်တွင် အနိမ့်ဆုံးဖြစ်သော သောတာပန် ဖြစ်ရန်ပင် အတားအဆီး ဖြစ်ပေသည်။ ဒိဋ္ဌိမပြုတ်ဘဲ သောတာပန် မဖြစ်နိုင်ပေ။ အကြောင်းတရားနှင့် အကျိုးတရားတို့ကို ဆင်ခြင် သုံးသပ်နိုင်ပြီး ကံနှင့် ကံ၏ အကျိုးတို့ကို ယုံကြည်သက်ဝင်လာလျှင်ပင် ဒိဋ္ဌိပြုတ်ရန် လမ်းကြောင်းပေါ် ရောက်လာခြင်းဖြစ်သည်။
‘ ငါ ’ ဟူသော သက္ကာယ အပေါ်တွင် မှန်ကန်သော အမြင်ဖြင့် ကြည့်နိုင်ပြီး ဤခန္ဓာကိုယ် အတ္တဘောသည် ခန္ဓာငါးပါး အစုအဝေးကြီးဟု ခံစား သိမြင် လာလျှင် ရုပ်နှင့် နာမ်မျှသာ တွေ့ရလိမ့်မည်။ ထို ရုပ်နှင့် နာမ်သည်လည်း အမြဲသည့်သဘော အနိစ္စ၊ ဆင်းရဲသည့် သဘော ဒုက္ခ၊ အစိုးမရသည့် သဘော အနတ္တ စသည့် လက္ခဏာရေး သုံးပါးနှင့် ယှဉ်တွဲ၍ ရှုမှတ်ရပေသည်။ ထိုအခါ သက္ကာယဒိဋ္ဌိ ပြုတ်နေပေလိမ့်မည်။
သက္ကာယဒိဋ္ဌိပြုတ်နိုင်မှသာ စိတ်အစဉ်တွင် မဂ်စိတ်၊ ဖိုလ်စိတ် တို့သည် ဖြစ်လာပေလိမ့်မည်။ ပထမဦးဆုံး မဂ်စိတ်၊ ဖိုလ်စိတ်သည် သောတာပတ္တိမဂ်နှင့် သောတာပတ္တိဖိုလ် တို့ပင် ဖြစ်သည်။ တရားကျင့်နေသော ပုဂ္ဂိုလ်တို့တွင် ထိုမဂ်စိတ်၊ ဖိုလ်စိတ် ဖြစ်မှသာ သောတာပန်ပုဂ္ဂိုလ် ဖြစ်ပြီ ဖြစ်သည်။
ဒိဋ္ဌိ ဖြုတ်နိုင်ရန်အတွက် မြတ်စွာဘုရားရှင်၏ တရားတော်များကို ဟောကြား ဆိုဆုံးမနိုင်သော ရဟန်း သံဃာတော်များထံတွင် ဆည်းကပ် နည်းနာယူခြင်း မရှိလျှင် ဒိဋ္ဌိ အားကြီးလာနိုင်ခြင်း၏ အကြောင်းပင်ဖြစ်သည်။ ဗုဒ္ဓတရားတော်များကို နာယူ ကျင့်ကြံ အားထုတ်ခြင်းမရှိဘဲ ဒိဋ္ဌိပြုတ်ရန် အကြောင်းမရှိချေ။
ဝိပဿနာတရားများအား နည်းပေါင်းစုံဖြင့် အချိန်များစွာပေးကာ မည်မျှပင် တရားအားထုတ် နေစေကာမူ ဒိဋ္ဌိဖြုတ်ရန် လမ်းကြောင်းကို မသိလျှင် ကုသိုလ် အလုပ်များ လုပ်သော်လည်း၊ ကုသိုလ်များ ရရှိသော်လည်း နိဗ္ဗာန် အဆင့်သို့ မျက်မှောက်ပြုရန် အခက်အခဲ ရှိပေသည်။
သံသရာကို ချဲ့ထွင်တတ်သော ပပဉ္စတရား သုံးပါး တဏှာ၊ မာန၊ ဒိဋ္ဌိတွင် ဒိဋ္ဌိသည်လည်း သံသရာကို ရှည်စေသည့် အခန်းကဏ္ဍ တစ်ရပ်တွင် ပါဝင်နေသည်။ ထိုကြောင့် ဒိဋ္ဌိ၏ သဘော၊ သဘာဝတို့ကို သိရှိအောင် ပြုလုပ်ပြီး ဒိဋ္ဌိကင်းစင်ကြောင်း တရားများကို အားထုတ်နိုင်လျှင်ဖြင့် ဒိဋ္ဌိပြုတ်လျှက် နိဗ္ဗာန်သို့ ရောက်ရှိကြရပေတော့မည် ဖြစ်ပေသည်။
အရှင်ဉာဏဒီပ (ဓမ္မရတနာ)
ဒေလီတက္ကသိုလ်၊ အိန္ဒိယ
No comments:
Post a Comment