ဓမ္မကို အလေးထားပါ။

       မြတ်စွာဘုရား ဟောတဲ့ တရားဓမ္မဟာ ကိုယ်ကျင့်သီလအကြောင်း ဟောတာရှိပါ
တယ်၊ သမာဓိအကြောင်း ဟောတာရှိပါတယ်၊ ပညာအကြောင်း ဟောတာရှိပါတယ်။
ကိုယ်ကျင့်သီလဆိုတာ ဘယ်လို ကောင်းကျိုးချမ်းသာတွေ ရစေနိုင်တယ်၊ သမာဓိတရားဆို
တာ ဘယ်လိုကောင်းကျိုးချမ်းသာတွေ ရစေနိုင်တယ်၊ ပညာတရားဆိုတာ ဘယ်လိုကောင်း

ကျိုးချမ်းသာတွေ ရစေနိုင်တယ်၊ သီလကို ဘယ်လိုဖြည့်ကျင့်ရတယ်၊ သမာဓိကို ဘယ်လိုပွား
များရတယ်၊ ပညာကို ဘယ်လို ထက်အောင် ပြုရတယ်ဆိုတဲ့ မြတ်စွာဘုရားဟောကြားတဲ့
တရားဓမ္မတွေဟာ လုပ်ရင် လုပ်တဲ့အတိုင်း ဖြစ်တယ်ဆိုတဲ့ ဓမ္မရဲ့ ဂုဏ်ရည်ဂုဏ်သွေးတွေကို
ဘုရားဟောတာ အမှန်အကန်ပါ၊ တကယ်လုပ်ရင် လုပ်သွားတာတွေ ကိုယ်တိုင်ဖြစ်ကုန်ကြ
ပါတယ်။
         ဒါကြောင့်မို့ တရားဂုဏ်တော် ၆-ပါး ဆိုတာ မြတ်စွာဘုရား ဟောထားပါတယ်။ 
“သွာက္ခာတော ဘဂ၀တာ ဓမ္မော” မြတ်စွာဘုရားဟောတဲ့ ဓမ္မဟာ   အမှန်အတိုင်း  ဟော
တာဖြစ်တယ်၊ “သန္ဒိဋ္ဌိကော” လုပ်သူကိုယ်တိုင် သိနိုင်တယ်၊  ဒီကျင့်စဉ်ကိုကျင့်ရင် ဘယ်သူ
ကျင့်ကျင့် ကျင့်တဲ့ပုဂ္ဂိုလ်တိုင်း ဒီအဆင့်ကိုရောက်ပါမယ်။ 
         အဲဒီလိုရောက်ဖို့ဆိုတာ ဘယ်လောက်ထိအောင် ဘယ်နှစ်နှစ်  အချိန်ဘယ်လောက်မျှ
ယူစရာမလိုပါ။ “အကာလိကော” ခုလုပ် ခုရပါတယ်။ အဲဒီလို ရသည့်အတွက်ကြောင့် ကိုယ်ရပြီး
လို့ရှိရင် ကိုယ့်ရဲ့မိဘတွေမျိုးတွေ၊ ကိုယ့်ရဲ့ ချစ်ခင်တဲ့ပုဂ္ဂိုလ်တွေကို လာစမ်းပါ၊ ကြည့်စမ်းပါ၊
လုပ်ကြည့်စမ်းပါလို့ ခေါ်ပြလို့ရပါတယ်၊
         “သြပနေယျိကော” အခုလုပ် အခုအကျိုးရှိတာမို့ တရားဓမ္မဟာ အခုနှလုံးသွင်း အခု
စိတ်အေးချမ်း သာယာမှုရပါတယ်၊ ဘယ်လောက်ပဲ သောကဖြစ်နေနေ၊ မြန်မာလူမျိုးတွေ
စဉ်းစားကြတယ်လေ၊ သောကဖြစ်ရာ ကြုံတဲ့အခါ “သြော် ပစ္စည်းသင်္ခါရ လူသင်္ခါရ” ဟော
တွေးလိုက်တာနဲ့ပဲ စိတ်က သောကလျော့သွားပါတယ်၊ စိတ်ရဲ့ ထွက်ပေါက်ဆိုတာ ရသွား
တာပါ၊ အဲဒီလို မစဉ်းစားတတ်တဲ့သူကျတော့ ကိုယ့်ကိုယ်ကို သတ်သေတဲ့အဆင့် ရောက်သွား
တတ်ပါတယ်၊   အဲဒီလိုနဲ့ စဉ်းစားတတ်တဲ့သူက သောကကို ဖြေနိုင်ကြပါတယ်။
         ဒါကြောင့်မို့ “သြပနေယျိကော” စိတ်ထဲမှာ ချက်ချင်း ပို့ထားလိုက်တယ်။ “ပစ္စတ္တံ ဝေဒိ
တဗ္ဗော ၀ိညူဟိ”  အသိပညာရှိတဲ့ ပုဂ္ဂိုလ်တွေ ကိုယ်တွေ့ခံစားနိုင်ကြတယ်၊ မြတ်စွာဘုရား
တရားတော်တွေဟာ တကယ့်ကို လူတိုင်း လူတိုင်း ပုဂ္ဂိုလ်မရွေး ဘာသာမရွေး ကျားမမရွေး
အကုန်လုံး လုပ်ရင်လုပ်သလို အကျိုးရှိနိုင်ပါတယ်။ အတိုင်းအတာတစ်ခုအရ အကျိုးရှိနိုင်တယ်။
         ဒါကြောင့်မို့ အဲဒီတရားကိုပဲ “ဒါဟာ မှန်ကန်တဲ့တရား၊ မရတာ တို့မလုပ်လို့မရတာ၊
လုပ်ရင် ရကို ရရမယ်” လို့ ဒီတရားပေါ်မှာ အားကိုးယုံကြည်မှု၊ အလေးထားမှု “ဓမ္မံ ယေ၀
အဓိပတိံ ကတွာ” ဆိုတာ   ဓမ္မပေါ်မှာ လေးစားတာ၊ ကိုယ်ကျင့်ရမယ့် တရားပေါ်မှာ
အလေးထားတာပါ။
အလေးထားပုံ အလေးထားနည်းချင်း မတူကြပါ။ ကိုယ့်ကိုယ်ကို အလေးထားလို့ ကြိုးစားတာက
တစ်ခု၊ ကိုယ့်ရဲ့ပတ်ဝန်းကျင်ကို အလေးထားပြီးတော့ ကြိုးစားတာက တစ်ခု၊ ဓမ္မကို အလေး
ထားပြီးတော့ ကြိုးစားတာက တစ်ခု၊ အဲဒီလို အလေးထား တန်ဖိုးထားပြီးတော့ ကြိုးစားအား
ထုတ်မယ် ဆိုလို့ရှိရင် မကောင်းတဲ့ဘက်ကို စိတ်တွေမသွားအောင်   ကောင်းတဲ့ဘက်ကို စိတ်
တွေသွားအောင် ၊ ဒီလို ကြိုးစားအားထုတ်ကြရမှာ ဖြစ်ပါတယ်။ 
         တို့တစ်တွေကလည်း ကောင်းအောင်ပြင်တယ်ဆိုတာ မကောင်းတဲ့စရိုက်တွေ ကောင်း
လာအောင်၊ အကုသိုလ်တွေ ဖယ်နိုင်အောင် ကြိုးစားတယ်၊ ကုသိုလ်တွေကို တိုးပွားလာအောင်
ကြိုးစားတယ်၊ အကုသိုလ် မှန်သမျှရှောင်လို့၊ ကုသိုလ်မှန်သမျှ မိမိသန္တာန်မှာ ပြည့်စုံစေအောင်၊
စိတ်ဖြူစင်အောင် ထားနိုင်အောင် ကြိုးစားအားထုတ်ကြတယ်။ အဲဒီလို အားထုတ်ခြင်း သည်သာ
လျှင် မှန်ကန်တဲ့လုပ်ရပ်ဖြစ်တယ်၊ ဒီလိုလုပ်မှ သာလျှင် “လူ့ဘ၀တစ်ခု ရလာရကျိုး၊ ဘုရားသာ
သနာတော်နဲ့ ကြုံတွေ့ရကျိုး၊ တို့တစ်တွေ လူဖြစ်ရကျိုးနပ်မှာ”လို့ ကိုယ်စီကိုယ်စီ သဘောကျ
ပြီးတော့ ကျင့်ကြံကြိုးကုတ် အားထုတ်တော်မူနိုင်ကြပါစေသတည်း။ ။
 {သာသနာတော်နှစ် ၂၅၅၄ ခုနှစ်၊ ကောဇာ သက္ကရာဇ် ၁၃၇၂-ခုနှစ်၊ ပြာသိုလပြည့်ကျော်(၆)ရက်၊
(၂၅-၁-၂၀၁၂) ရန်ကုန်တိုင်း၊ တောင်ဥက္ကလာပမြို့နယ်၊ အမှတ်(၄)ရပ်ကွက်၊ သုမင်္ဂလာလမ်း၊
ကေတုမာလာရိပ်သာ မိသားစုတို့၏ ပဉ္စမအကြိမ်မြောက် ဆင်ယင်ကျင်းပပြုလုပ်အပ်သည့် ဓမ္မသဘင်
အခမ်းအနား၌  အရှင်နန္ဒမာလာဘိဝံသ( Ph,D) ဟောကြားသော " အလေးထား၍ စဉ်းစားဆင်ခြင်
ကောင်းအောင်ပြင် "တရားတော်မှ ကောက်နုတ်ရေးသား ပူဇော်ပါသည်။ }
  (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။