နှစ်ဖက်မြင်တဲ့ပုဂ္ဂိုလ်ဖြစ်အောင်

        မြတ်စွာဘုရားက မျက်စိနှစ်ဘက် ကန်းနေတဲ့ ပုဂ္ဂိုလ်တစ်ယောက်ကို ဒုက္ခိတလို့ ခေါ်
သလို လူဖြစ်လာပြီးတော့ ဘာမှမသိတဲ့ ပုဂ္ဂိုလ်တစ်ယောက် မဖြစ်သင့်ဘူးတဲ့။ လောကကြီးမှာ
လူဦးရေကို ပိုင်းခြားပြီးတော့ ကြည့်လိုက်မယ်ဆိုရင် ဘာမှမသိတဲ့ လူတန်းစားတစ်ခု ရှိပါတယ်။  
         စီးပွားဆိုတာ ဘယ်လိုလုပ်ရင် ရမလဲဆိုတဲ့ စီးပွားရေးမျက်စိ ရှိဖို့လိုပါတယ်။ ပညာရေး
မျက်စိ  ရှိဖို့လိုပါတယ်။ ကုသိုလ်ရေးမျက်စိ  ရှိဖို့လိုပါတယ်။  ဒီလိုအမြင်တွေ မရှိရင် မျက်လုံး

နှစ်ဘက် ကန်းနေတာနဲ့ တူပါတယ်။
         နောက်တစ်ခုကျတော့ တချို့က မျက်စိတစ်လုံးပဲ ရှိပါတယ်။ တစ်ဖက်ပဲရှိတယ်။ နှစ်ဖက်
မပြည့်စုံတဲ့ တစ်ဖက်သာရှိတယ်ဆိုတဲ့ပုဂ္ဂိုလ်က စီးပွားသက်သက်သာ ရှာပါတယ်။ ကိုယ်ကျင့်တ
ရားနဲ့ ပတ်သက်ပြီးတော့ မျက်ကွယ်ပြုထားတတ်ပါတယ်။ အဲဒီပုဂ္ဂိုလ်မျိုးကို တစ်ဖက်မြင် ပုဂ္ဂိုလ်
လို့ ခေါ်ပါတယ်။ အဲဒီတစ်ဖက်မြင်ပုဂ္ဂိုလ်က အလွန် ကြောက်စရာကောင်းပါတယ်။
          စီးပွားရေးမျက်စိသာ ရှိပြီးတော့ ကိုယ်ကျင့်တရားနဲ့ ပတ်သက်တဲ့မျက်စိ မရှိဘူးဆိုရင်
ပိုက်ဆံရရင်ပြီးရော၊ စီးပွားဖြစ်ရင်ပြီးရော အကောင်းရော အဆိုးရော၊  တရားတဲ့နည်းရော မတ
ရားတဲ့နည်းရော ပိုက်ဆံရရင်ပြီးရော၊ စီးပွားဖြစ်ဖို့တစ်ခုတည်းပဲ ကြည့်တတ်ပါတယ်၊ ကိုယ်ကျင့်
တရားပျက်ပျက် မပျက်ပျက်၊ ဘယ်သူတွေ ဘာဖြစ်ဖြစ်၊ ကိုယ်ရရင်ပြီးရော၊ “ဘယ်သူသေသေ
ငတေမာ” ဆိုတာ - အဲဒါ မျက်စိတစ်ဖက်တည်းရှိတဲ့ ပုဂ္ဂိုလ်မျိုးက လုပ်တတ်ပါတယ်။
         ကိုယ်ရ ပြီးရောဆိုတဲ့ လူစားမျိုးကျတော့ ဒီဘ၀မှာ ကြိုးစားအားထုတ်လို့ ပိုက်ဆံတော့
စုမိကောင်း စုမိမယ်၊ ရချင်လည်း ရလာလိမ့်မယ်၊ စီးပွားကို တရားတဲ့နည်းရော မတရားတဲ့နည်း
ရော ရှာလာတဲ့ပုဂ္ဂိုလ် တစ်ယောက်ဟာ နောက်ဆုံးအချိန် ရောက်လာတဲ့အခါမှာ ကိုယ်ကျင့်တ
ရား ပျက်ပြားလို့ ဒုက္ခနဲ့ပဲ အဆုံးသတ် သွားရပါမယ်။ အဲဒီပုဂ္ဂိုလ်ဟာ သေတဲ့အခါမှာလည်းပဲ
နောင်ဘ၀ ကောင်းရာဘ၀ အကောင်းမဖြစ်တော့ပါ။ ဒီဘ၀ရှာထားတဲ့ စည်းစိမ်ဥစ္စာဟာ နောင်ဘ
ဝမှာ ယူသွားလို့လည်း မရပါ။ ပစ္စည်းဥစ္စာဆိုတာ အတိုင်းအတာတစ်ခု အကန့်အသတ်ကလေးနဲ့ပဲ
သုံးလို့ရတာပါ။
         စီးပွားဥစ္စာဟာ ဒီဘ၀ရှာဖွေစုဆောင်းပြီး နောက်ဘ၀သို့ ပါအောင် ယူမသွားနိုင်ပါ။ စီးပွား
သက်သက်လုပ်တယ်။ ကုသိုလ်ကောင်းမှု မလုပ်ခဲ့သည့်အတွက်ကြောင့် ကောင်းတဲ့ဘ၀ဆိုတာ
မျှော်လင့်ချက် မရှိပါ။ အဲဒီလိုဘ၀မျိုးရောက်သွားရင် မျက်စိတစ်ဖက်သာရှိတဲ့ပုဂ္ဂိုလ်လို့ ခေါ်ပါတယ်။
         ဒါကြောင့် လူဖြစ်လာရင် အမြင်နှစ်ဖက်ရှိတဲ့ပုဂ္ဂိုလ် ဖြစ်ဖို့လိုပါတယ်။ လူဆိုတာ မျက်စိနှစ်လုံး
ရှိသလို အမြင်နှစ်ဘက်ရှိရပါမယ်၊ အမြင်နှစ်မျိုးဆိုတာ စီးပွားလည်း ရှာတတ်ရပါမယ်၊ ကိုယ်ကျင့်
တရားဘက်ကလည်း လက်မလွတ်စေရပါ။ နှစ်ဖက်ညှိပြီး ဆောင်ရွက်တတ်တဲ့ပုဂ္ဂိုလ် ဖြစ်ရပါမယ်၊
ဆိုလိုတာက တစ်ဖက်က စီးပွားရေးလည်းလုပ်တယ်၊ နောက်တစ်ဖက်က ကုသိုလ်ရေးလည်းလုပ်
တယ်ဆိုတဲ့ ပုဂ္ဂိုလ်တွေဟာ ဒီဘ၀လည်း ကောင်းကျိုးတွေရရှိပြီး၊ နောက်ဘ၀လည်း ကောင်းကျိုး
တွေရရှိကာ၊ လောကီလောကုတ္တရာ နှစ်ဖက်စလုံး ကောင်းပါတယ်။
         ဒါကြောင့်မို့ မြတ်စွာဘုရားက သုတ္တန်တစ်ခုမှာ သတိပေးထားတာ- အန္ဓဆိုတဲ့ နှစ်ဖက်ကန်း
ပုဂ္ဂိုလ်လည်း မဖြစ်စေနဲ့၊ တစ်ဖက်မြင်ပုဂ္ဂိုလ်လည်းမဖြစ်စေနဲ့၊ လူ့ဘ၀ ရောက်လာလို့ရှိရင် နှစ်ဖက်
မြင်တဲ့ပုဂ္ဂိုလ် ဖြစ်အောင် ကြိုးစားကြလို့ မြတ်စွာဘုရားက ဆုံးမထားပါတယ်၊ ဒါလည်း ဘုရားရဲ့
ဆုံးမသြ၀ါဒတစ်ခုပါပဲ၊ လူ့လောကမှာ ဒါလည်း အရေးကြီးတဲ့ ကိစ္စတစ်ခုပါပဲ။
         ဒါကြောင့် တရားချစ်ခင် သူတော်စင်အပေါင်းတို့ကလည်း နှစ်ဖက်မြင်တဲ့ပုဂ္ဂိုလ် ဖြစ်အောင်
ကြိုးစားကြရမယ်ဆိုတာ နားလည်သဘောပေါက်ကြကာ ကိုယ်စီကိုယ်ငှ သဘောကျပြီးတော့
ကျင့်ကြံကြိုးကုတ် အားထုတ်နိုင်ကြပါစေကုန်သတည်း။ ။
{၁၃၇၂-ခုနှစ်၊ ပြာသိုလပြည့်ကျော် (၄)ရက်နေ့၊ (၂၃-၁-၂၀၁၁) အပြည်ပြည်ဆိုင်ရာ ထေရ၀ါဒ
ဗုဒ္ဓသာသနာပြုတက္ကသိုလ်၊ ထေရ၀ါဒပသာရဏီ သိမ်တော်ကြီးအတွင်း ဒေါက်တာ အရှင်နန္ဒမာလာ
ဘိဝံသ  ဟောကြားအပ်သော“အခွင့်ကောင်းကို ရအောင်ယူ” တရားတော်မှ ကောက်နုတ်ရေးသား
ပူဇော်ပါသည်။}
  (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။

Posted via Blogaway