ဝေဒနာရှုပွားနည်း (၆)

ဝေဒနာဆိုတဲ့ နာမ်တရားကို ရှုနိုင်ဖို့ရန် အမြင်မှန်တဲ့ ဥာဏ်လိုအပ်ပါတယ်။

အမြင်မှန်တဲ့ဥာဏ်မရှိဘဲနဲ့ ဝေဒနာရှုပွားရင် အမှန် မမြင်ဘဲ အမှားဖြစ်တတ်ပါတယ်၊ ဒါကြောင့် စရှုပွားစ ပုဂ္ဂိုလ်တွေကို ကိမတ္ထိယ ဗြဟ္မစရိယသုတ္တန် တရားတော်ကိုဟောကြားပြီး ရုပ်နဲ့ ဝေဒနာနဲ့ စိတ်နဲ့ ကွဲအောင် ပြုရပါတယ်။ ဘာဖြစ်လို့လဲဆိုတော့ အမြင်မှန်စေဖို့ပါ။

ရုပ်နဲ့ ဝေဒနာနဲ့ စိတ်နဲ့ ပတ်သက်လို့ သေသေချာချာ နားလည်သဘောမပေါက်ယင် နှာခေါင်းက တိုးသဘော ရုပ်ကို ရှုခိုင်းထားပြီး အောက်ပိုင်း ခန္ဓာကိုယ်က နာကျင်ကိုက်ခဲမှု ရုပ်ဒုက္ခကို ရှုခိုင်းရင် ဘယ်လိုမှ မရှုတတ်မှာ သေချာပါတယ်၊ ဝေဒနာဆီ အာရုံရောက်မှာလဲ မဟုတ်ပါ။

ဝေဒနာရှုဖို့ရာ အပြော လွယ်သလောက် အသိ အင်မတန် ခက်ပါတယ်၊ ခက်ခက်နဲ့ ရှုရင်လဲ ပင်ပန်းပါတယ်။

သဘောအားဖြင့် ကြည့်မယ်ဆိုယင် လက်ဖ၀ါးနှစ်ခုကို ပူးကြည့်လိုက်ပါ၊ ပူးကြည့်လိုက်တော့ လက်ဖ၀ါး နှစ်ခုလုံးမှာ ပူလာတယ်၊ အဲဒီ ပူလာတာဟာ ဘာလဲဆိုရင် ရုပ် ပါ။

ညာဘက် လက်ဖ၀ါးမှာလဲ ပူတယ်၊ ဘယ်ဘက် လက်ဖ၀ါးမှာလဲ ပူတယ်၊ အဲဒီ အပူရုပ်ကို ဘယ်သူက သိလဲ၊ စိတ် ၀ိညာဏ်က သိတယ်၊ အဲဒီ အပူကို စိတ်ဝိညာဏ်က သိနေတော့ အဲဒီ အပူကို အရသာ တစ်ခုအနေနဲ့ ခံစားမှု ပေါ်လာပါတယ်။

အဲဒီလို ခံစားတဲ့အခါ အဲဒီ ပူတဲ့ အရသာကို အကောင်းအနေနဲ့ ခံစားမလား၊ မကောင်း အနေနဲ့ ခံစားမလား၊ ကောင်း မကောင်း နှစ်ခုတို့ရဲ့ အလယ် အလတ် အနေနဲ့ ခံစားမလား။

တစ်ယောက်နဲ့ တစ်ယောက်က အကြိုက်ချင်းမတူတော့ တချို့က အဲဒီအပူကို မကြိုက်ဘူးဆိုရင် သူ့အတွက် ဒုက္ခပေါ့၊ တချို့က အဲဒီ အပူကို ကြိုက်တယ်ဆိုရင် သူ့အတွက် သုခပေါ့၊ တချို့က အဲဒီ အပူကို ကြိုက်တယ်လဲ မဟုတ်၊ မကြိုက်ဘူးလဲ မဟုတ်ဆိုရင် အဒုက္ခ မသုခ .. ဥပေက္ခာပေါ့။

ဒါဖြင့် အဲဒီမှာ ကြည့်ပါ၊ အပူသဘောက ရုပ် ပါ၊ အဲဒီ အပူ လာထိလို့ လက်ဖ၀ါး အကြည်ရုပ်ဟာ ဒုက္ခရောက်သွားတယ်ဆိုတော့ ရုပ်ပဲ ဒုက္ခရောက်တယ်၊ အဲဒီ ရုပ်ဒုက္ခကို စိတ်က သိတယ်၊ ဝေဒနာက ခံစားတယ်။

အဲတော့ သတိကပ်ပြီး ရှုပွားနေတာ ပူမှု တစ်ချက်၊ ဒုက္ခ တစ်ချက်၊ သိမှု တစ်ချက်၊ ခံစားမှု တစ်ချက်လို့ မြင်ရပါမယ်။

အဲဒီသဘောကို ရှုကြည့်နေတော့ ပူမှုရယ်၊ ဒုက္ခရယ်၊ သိမှုရယ်၊ ခံစားမှုရယ် ဘယ်ဟာက ပိုထင်ရှားလဲလို့ ကြည့်ပါ၊ ခံစားမှု ဝေဒနာကို သိဖို့ရာက အာရုံနဲ့ ကပ်ပြီး ရှုကြည့်ရင် လွယ်မယ်၊ သို့မဟုတ် စိတ်နဲ့ ကပ်ပြီး ရှုကြည့်ရင် လွယ်မယ်။

အဲဒီလို အာရုံနဲ့ကပ် စိတ်နဲ့ရှုကြည့်ရင် အာရုံတစ်ချက်၊ ခံစားမှု တစ်ချက် လို့ သိသိလာပါလိမ့်မယ်၊ ကွဲကွဲ လာပါလိမ့်မယ်။

အပူရုပ်၊ အေးရုပ်ကတော့ ကိုင်ပြလို့ ရသလို ထင်ရှား သိရပါတယ်၊ ပြီးတော့ ပူမှုရုပ်ကြောင့် ဆင်းရဲတဲ့ ရုပ်ဒုက္ခကလဲ ထင်ရှားပါတယ်၊ အဲဒီ ပူသိ၊ ဆင်းရဲသိ အသိဥာဏ်ကလဲ ထင်ရှားပါတယ်၊ ဒါပေမယ့် ပူခံစား၊ ဆင်းရဲခံစား ဆိုတဲ့ ဝေဒနာကျတော့ အင်မတန် နုပါတယ်။

သတိပဋ္ဌာန်းတရားဟာ ..

၁။ ကာယာနုပဿနာ သတိပဋ္ဌာန်၊ ၂။ ဝေဒနာနုပဿနာ သတိပဋ္ဌာန်၊ ၃။ စိတ္တာနုပဿနာ သတိပဋ္ဌာန်၊ ၄။ ဓမ္မာနုပဿနာ သတိပဋ္ဌာန် .. ရယ်လို့ သတိပဋ္ဌာန် ၄ ပါး ရှိပါတယ်။ အဲဒီ ၄ ပါး မှာ ..

၁။ ကာယာနုပဿနာ သတိပဋ္ဌာန်ဆိုတာ ရုပ်ကို အရှုခံ ထားပြီးတော့ ရှုပွားတာပါ။

၂။ ဝေဒနာနုပဿနာ သတိပဋ္ဌာန်ဆိုတာ ဝေဒနာ နာမ်ကို အရှုခံထားပြီး ရှုပွားတာပါ။

၃။ စိတ္တာနုပဿနာ သတိပဋ္ဌာန်ဆိုတာ စိတ်နာမ်ကို အရှုခံထားပြီး ရှုပွားတာပါ။

၎။ ဓမ္မနုပဿနာ သတိပဋ္ဌာန်ဆိုတာ ရုပ်အားလုံးနှင့် နာမ်အားလုံးဆိုတဲ့ ရုပ်နာမ်ကို အရှုခံ ထားပြီး ရှုပွားတာပါ။

၁၀ ရက် စခန်းတွေမှာ ရံခါ ဝေဒနာ ဟောမပေးတော့ဘဲ ထင်ရှားတဲ့ ရုပ်ကိုပဲ အဓိက ထားပြီး ရှုခိုင်ပါတယ်၊ ရံခါမှ နာမ်ကို ရှုခိုင်းပါတယ်။

ရှုပွားတာက ထင်ရှားတဲ့ တရား ရှုပွားမှ တရားရမှာပါ၊ ကိုယ်ကြိုက်တဲ့ တရားမှ တရားလုပ်လို့ မဖြစ်ပါဘူး။

ဘုရားရှင်ဟောထားတဲ့နည်းတွေ အများကြီးရှိပါတယ်၊ ဘာဖြစ်လို့ တနည်းတည်းမဟောဘဲ နည်းတွေ အများကြီး ဟောလဲဆိုတော့ တစ်ယောက်နဲ့ တစ်ယောက် အလိုဆန္ဒ အဇ္ဈာသယချင်း မတူကြလို့ပါ။

ဝေဒနာကို စနစ်တကျ ရှုပွား အားထုတ်ဖို့ရာ အမြင်မှန် လိုအပ်ပါတယ်၊ ဒုက္ခဒဏ်မှာ ရှုတာက တစ်မျိုး၊ ဝေဒနာနာမ်မှာ ရှုပွားတာက တစ်မျိုးရယ်လို့ နှစ်မျိုးမတူပါ။

ဒဏ်လို့ခေါ်တဲ့ နာကျင်ကိုက်ခဲမှု ရုပ်ပေါ်မှာ ရုပ် လို့ ရှုရမယ်၊ ခံစားမှုဝေဒနာ နာမ်ပေါ်ကျတော့ နာမ် လို့ ရှုရမယ်၊ ဘာမှ ခက်ခက်ခဲခဲ မဟုတ်ပါ၊ ရှုပွားတဲ့အခါ အစွဲထားလို့ မဖြစ်ပါ၊ တရားအားထုတ်ရတာ အစွဲပြုတ်အောင် အားထုတ်ရတာပါ၊ အစွဲဝင်လာအောင် အားထုတ်ရတာ မဟုတ်ပါ၊ အစွဲပြုတ်မှု အရေးကြီးပါတယ်၊ ဘယ်နည်းမှ ညာနည်းမှရယ်လို့ လုပ်မနေပါနဲ့၊ ဘယ်နည်းနဲ့ပဲဖြစ်ဖြစ် ဘုရားဟောတာချည်းပါပဲ၊ ဘုရားနည်း ချည်းပါပဲ၊ တစ်ခုတော့ ရှိတယ်၊ သတိပဋ္ဌာန်စည်းကမ်း နည်းလမ်းတော့ ကျရမယ်ပေါ့။

ဘုရားရှင်ဟောထားတဲ့နည်းတွေ အများကြီးရှိပါတယ်၊ ဘာဖြစ်လို့ တစ်နည်းတည်းမဟောဘဲ နည်းတွေ အများကြီး ဟောလဲဆိုတော့ ယောဂီတစ်ယောက်နဲ့ တစ်ယောက် အလိုဆန္ဒ အဇ္ဈာသယချင်း မတူကြလို့ပါ။

ဝိပဿနာရဲ့ အာရုံက ဘာလဲ၊ ရုပ်နာမ်ပါ၊ ရုပ်ကို အရှုခံ အာရုံအဖြစ်ထား ရှုရမယ်၊ နာမ်ကို အရှုခံ အာရုံအဖြစ်ထားရှုရမယ်၊ ရုပ်ကို နာမ်လုပ် မရှုရပါ၊ နာမ်ကို ရုပ်လုပ် မရှုရပါ၊ အဲဒီလို မဟုတ်ဘဲ အရှုလွဲနေမယ်ဆိုရင် အရှုခံအာရုံ အပေါ်မှာ ဥာဏ်မထင်တော့ဘဲ ဥာဏ်မတက်တော့ဘဲ အောက်ပိုင်း ခန္ဓာကိုယ်က နာကျင်ကိုက်ခဲမှုတွေပဲ သိတော့မှာပေါ့။

ဒါကြောင့် ရှုပွားအားထုတ်တာက ဘာအကျိုးငှာလဲဆိုတော့ အသိမှာအမြင်မှား ကင်းပျောက်ပြီး အသိမှန် အမြင်မှန် ဖြစ်ပြီးတော့ ဥာဏ်ထင်လာအောင် ဥာဏ်တက်လာအောင် ရှုပွားတာပါ။

အထူးသဖြင့် အရှုလွဲပုံက နာကျင်ကိုက်ခဲမှုနဲ့ တွေ့ကြုံတဲ့အခါ သူ့ရဲ့ သဘောသဘာဝကို သိအောင် မရှုဘဲ ကုန်အောင် ရှုမယ်၊ ရုပ်ဒုက္ခကို ခံစားမှု ဝေဒနာလုပ် ရှုမယ်ဆိုရင် အရှုလွဲနေပါတယ်။

အရှုလွဲရင် ဘာဖြစ်သလဲလို့ ဒီလင်္ကာနဲ့တိုက်ကြည့်ပါ။

ဖြစ်အောင်ပြုက - လောဘတဏှာ၊

ပျက်အောင်ပြုက - ဒေါသအာဃာ၊

ဖြစ်ပျက်တရား - ရှုပွားဝိဇ္ဇာ၊

မရှုက - မောဟအ၀ိဇ္ဇာ။ ။ တဲ့

နာကျင်ကိုက်ခဲမှုတွေကို ပျက်အောင် ရှုတယ်၊ ကုန်အောင်ရှုတယ်ဆိုတော့ ဒေါသအာဃာတ ဖြစ်မသွားဘူးလား၊ ဖြစ်သွားတယ်၊ ဒေါသအာဃာတဖြစ်နေပါတယ်ဆိုကတည်းက ၀ိပဿနာတရား ရှုပွားအားထုတ်မှု ဟုတ်သေးသလား၊ မဟုတ်တော့ပါ၊ အဲဒီ နာကျင် ကိုက်ခဲမှုကို ပျောက်အောင် ပျက်အောင် ရှုကတည်းက မဟုတ်တော့ပါ၊ မမှန်တော့ပါ၊ လွဲမှားသွားပါပြီ။

နာကျင်ကိုက်ခဲမှု ပျောက်ချင်ရင် အလွယ်ကလေးပါ၊ ဣရိယာပုတ်ပြင်လိုက်ရင် ပျောက်သွားပါတယ်၊ အပင်ပန်းခံပြီး ပျောက်အောင် အားထုတ်စရာ မလိုပါ ..။

အယင်နေ့တွေကတည်းက ယောဂီရဲ့သန္တာန်မှာ ဘာရှိရမလဲ .. ပြောခဲ့ပါတယ်။ သတိ၊ ၀ီရိယ၊ ပညာရှိရမယ်၊ အဲဒီမှာ ၀ီရိယက ဘယ်လို ၀ီရိယလဲ၊ နာကျင်ကိုက်ခဲမှုကို ပယ်နိုင်တဲ့ ၀ီရိယလား မဟုတ်ပါ၊ ကိလေသာကို ပယ်နိုင်တဲ့ ၀ီရိယပါ။

နာကျင် ကိုက်ခဲမှုဖြစ်နေရင် အဲဒီပေါ်မှာ ဒေါသဖြစ်နေတတ်ပါတယ်၊ ၀ီရိယဆိုတာ အဲဒီဒေါသကို ပယ်နိုင်တဲ့ ၀ီရိယ ရှိရမှာပါ၊ ယခုတော့ အဲဒီ ဒေါသနဲ့ ရှုနေမယ်ဆိုယင် မှားပါတယ်။

အမှန်က ဒေါသဆိုတာ အကုသိုလ်တရားပါ၊ အဲဒီ ဒေါသဆိုတဲ့ အကုသိုလ်တရားကို ပယ်ရမှာကို မပယ်ဘဲနဲ့ ဒေါသကို တိုးပွားအောင် လုပ်ရာရောက်သွားပါတယ်။

ဘာဖြစ်လို့ ဒီနာကျင် ကိုက်ခဲမှုကို ပျောက်အောင် ပယ်လဲဆိုတော့ နာကျင်ကိုက်ခဲမှု ပျောက်သွားရင် မနာကျင်မှု ဖြစ်လာမယ်ဆိုပြီး မနာမကျင်အဖြစ်ကို မျှော်ပြီး ချမ်းသာသုခအဖြစ်ကိုမျှော်ပြီး နာကျင်ကိုက်ခဲမှုကို ပျက်အောင် လုပ်နေတာပါ။

ဒီနာကျင် ကိုက်ခဲမှု ကုန်သွားရင် တရားရတော့မယ်လို့ မျှော်ပြီး အားထုတ်တဲ့အတွက် မှားပါတယ်၊ ဒီဒုက္ခချုပ်ရင် သုခပေါ်မယ်လို့ မျှော်တာမျိုး မဟုတ်ပါလား။
ဒီနာကျင် ကိုက်ခဲမှုဒုက္ခ ကုန်သွားရင် ချမ်းသာတဲ့ တရားရမယ်လို့ မျှော်ကတည်းက ချမ်းသာရဲ့ အဖြစ်ကို ပြုလုပ်တဲ့ သဘောဖြစ်နေပြီ၊ ဒါကြောင့် ဒုက္ခပျက်အောင် လုပ်ခြင်းသည်ပင်လျှင် သုခဖြစ်အောင် လုပ်ခြင်းနှင့် အတူတူပါပဲ။

ဖြစ်အောင်လုပ်က လောဘ တဏှာ ဆိုတဲ့အတိုင်း ဖြစ်အောင်ပြုလုပ်တဲ့ အထဲမှာ တဏှာလောဘ ပါနေပြီ၊ ပျက်အောင် လုပ်တော့ ဒေါသ၊ အဲဒီလို ပျက်အောင် မလုပ်ရမဘူးလို့ မသိတာက မောဟဆိုတော့ ယောဂီ တရားအားထုတ်တာ မဟုတ်တော့ပါ၊ ကိလေသာတွေ အကုသိုလ်တွေ များအောင် ပွားနေရာ ရောက်သွားပါတယ်။

ဒါကြောင့် နာကျင် ကိုက်ခဲမှုတွေကို ကုန်အောင် အားထုတ်တဲ့ ယောဂီမှာ လောဘ၊ ဒေါသ၊ မောဟ သုံးခု ဖြစ်ပါတယ်၊ အဲဒီ လောဘ၊ ဒေါသ၊ မောဟတရားတွေက ပယ်ရမယ့် တရားတွေပါ၊ ပွားရမယ့် တရားတွေ မဟုတ်ပါ။

ပယ်ရမှာက နာကျင် ကိုက်ခဲမှုတွေ မဟုတ်ပါ၊ လောဘ၊ ဒေါသ၊ မောဟတွေပါ၊ ပယ်မှန်ဖြစ်ပါစေ၊ ပယ်မှား မဖြစ်ပါစေနဲ့၊ မပယ်ရမှာ ပယ်ရင် ပယ်မှားပါ၊ ပယ်မှားဆိုရင် မိစ္ဆာဒိဋ္ဌိပါ၊ ပယ်ရမှာကို ပယ်မှ ပယ်မှန်ပါ၊ ပယ်မှန်ဆိုရင် သမ္မာဒိဋ္ဌိပါ။

ဖြစ်ပျက်တရား ရှုပွားဝိဇ္ဇာ ဆိုတော့ အဲဒီ နာကျင်ကိုက်ခဲမှုက ရုပ်ဒုက္ခပဲ၊ ဖြစ်ပျက်တရားပဲ၊ အဲဒီ ဖြစ်ပျက် ရုပ်တရားတွေရဲ့ အဖြစ်ကို မြင်အောင်၊ အပျက်ကိုမြင်အောင် ရှုကြည့်ရပါမယ်။

အဲဒီလို ရှုကြည့်လို့ရှိရင် ၀ိဇ္ဇာဥာဏ် ဖြစ်သွားပါတယ်၊ ယခုတော့ အဖြစ်အပျက်ကို မြင်အောင်မကြည့်ဘဲနှင့် နာကျင်ကိုက်ခဲမှုကို ကုန်အောင်လုပ်တဲ့အတွက် ၀ိဇ္ဇာဥာဏ်မဖြစ်ဘဲ အ၀ိဇ္ဇာမောဟ ဖြစ်သွားပါတယ်။

အ၀ိဇ္ဇာဖြစ်ပြီး ၀ိဇ္ဇာဥာဏ်ချုပ်တယ်ဆိုတော့ အားမထုတ်ဘဲ နေတာကမှ ကောင်းပါသေးတယ်၊ သက်သာတယ်၊ ယခု အားထုတ်ရတာ ပင်ပန်းတာပဲရှိတယ်၊ အ၀ိဇ္ဇာက မချုပ်မပျောက်ဘဲ ဖြစ်ပွားနေတယ်ဆိုတော့ အားမထုတ်ဘဲနေတာက ကောင်းပါသေးတယ်။

ဘာဖြစ်လို့လဲဆိုတော့ ရှုပွားအားထုတ်နည်း လွဲနေလို့ပါ၊ လွဲနေတဲ့အတွက် ပင်ပန်းဆင်းရဲရုံပဲ ရှိမယ်၊ ယောဂီမှာ ရှုးနှမ်းရုံပဲရှိမယ်၊ တရားမတက်ပါ၊ တရားမရ၊ အမှားပဲရပါမယ်။

ဒါကြောင့် ယောဂီပုဂ္ဂိုလ်တွေကို ဘုန်းကြီး ခဏခဏ သတိပေးပါတယ်၊ ယောဂီတို့ တရားရဖို့ထက် အားထုတ်တတ်ဖို့ ကြိုးစားပါ၊ ဘုန်းကြီး သင်ပေးနေတာ အားထုတ်တတ်အောင် သင်ပေးနေတာပါ၊ အားထုတ်တတ်မှ အားထုတ်ရင် ရမှာပါ၊ ရအောင် အားထုတ်ပေမယ့် အားမထုတ်တတ်ရင် မရပါ။

အားထုတ်တတ်လို့ အားထုတ်ရင် ယခု ရချင်လဲ ရမယ်၊ ယခု မရရင် နောင်အခါ ရနိုင်ပါတယ်၊ အားမထုတ်တတ်ဘဲနဲ့ အားထုတ်နေရင် အခုလဲ မရပါ၊ နောင်လဲ မရနိုင်ပါလို့ ဆရာတော်က ဟောကြားသွားခဲ့ပါတယ်။

ဗောဓိရာဇကုမာရသုတ္တန်မှာ ဟောထားတာလေး ဖော်ပြပေးပါမယ်။

ဗောဓိမင်းက အခါတစ်ပါးမှာ ဘုရားရှင်ကို ဘယ်လို လျှောက်သလဲဆိုတော့ ..

မြတ်စွာဘုရား၊ တပည့်တော် ဒီလို ပြောလေ့ ယူလေ့ ရှိပါတယ်၊ အလွန်တရာ ချမ်းသာလှတဲ့ နိဗ္ဗာန်ချမ်းသာကို ရရေးအတွက် အားထုတ်တဲ့အခါ ချမ်းချမ်းသာသာ အားထုတ်လို့တော့ မရနိုင်ပါ၊ ချမ်းသာတဲ့ နိဗ္ဗာန်ရရေးအတွက် အဆင်းရဲ အပင်ပန်းခံပြီး ပြင်းထန်စွာ အားထုတ်နိုင်မှ နိဗ္ဗာန်ချမ်းသာ ရနိုင်မယ်လို့ ပြောလေ့ ယူလေ့ ရှိပါတယ် ဘုရား ..

လို့ ဗောဓိမင်းသားက လျှောက်ထားပါတယ်။

အဲဒီလို လျှောက်ထားတဲ့အခါ ဗောဓိမင်းကို ဘုရားရှင်က ဘယ်လို ပြန်မိန့်သလဲဆိုတော့ ..

မင်းသား ငါလဲပဲ သင့်လိုပဲ ဟိုရှေး အလောင်းတော်ဘ၀၊ သစ္စာ ၄ ပါး တရားတော်ကို ထိုးထွင်းမသိသေးခင် အချိန်တုန်းက ချမ်းသာတဲ့ နိဗ္ဗာန်ရရေးအတွက် ချမ်းချမ်းသာသာ အားထုတ်လို့တော့ မရနိုင်ပါ၊ ချမ်းသာတဲ့ နိဗ္ဗာန်ရရေးအတွက် အဆင်းရဲခံ အပင်ပန်းခံကာ ပြင်းထန်စွာ အားထုတ်မှ ရမယ်လို့ အယူရှိပြီး အဆင်းရဲ အပင်ပန်းခံကာ ပြင်းထန်စွာ အားထုတ်ခဲ့တယ် ..လို့ မိန့်မှာပါတယ်။

ဟုတ်တယ်လေ၊ ဘုရားရှင် ၆ နှစ် တိုင်တိုင် ဒုက္ကရစရိယာကျင့်တာ အဲဒီရည်ရွယ်ချက်နဲ့ ကျင့်တာ ပါ၊ ၆ နှစ် တိုင်တိုင် အားထုတ်ပေမယ့် ဘာဖြစ်လဲ၊ ပင်ပန်း ဆင်းရဲရုံပဲ၊ ဘာအကျိုးမှ မဖြစ်ပါ။

အဲဒီလု ၆ နှစ် တိုင်တိုင် ပြင်းထန်စွာ အားထုတ်ပေမယ့် ဘာအကျိုးထူးမှ မဖြစ်တော့ ဘာသွား စဉ်းစားမိသလဲဆိုရင် ဟိုးငယ်စဉ်ကာလ ကလေးဘ၀က ခမည်းတော လယ်ထွန်မင်္ဂလာ ပြုလုပ်စဉ် ဇမ္ဗုသပြေပင် အောက်မှာ ပထမဈာန် ချမ်းသာ ၀င်စားတာ သွားပြီး စဉ်းစားမိပါတယ်။

ငါသည် ဒီလို အဆင်းရဲ အပင်ပန်းခံကာ ပြင်းထန်စွာ အားထုတ်သော်လဲ အရဟတ္တမဂ် ဥာဏ်၊ သဗ္ဗညုတဥာဏ်တော်ကို ရမှာမဟုတ်ပါ၊ ဟိုး လယ်ထွန်မင်္ဂလာ ပြုလုပ်စဉ်အခါက ဇမ္ဗုသပြေမင်အောက်မှာ ငါ ၀င်စားခဲ့တဲ့ ပထမဈာန် ချမ်းသာသည် ကာမတို့မှလဲ ကင်းတယ်၊ အကုသိုလ်တို့မှလဲ ကင်းတယ်၊ အဲဒီ ချမ်းသာကို အမှီပြုပြီးတော့ ဒီတရားကို ရအောင် အားထုတ်ရင် ကောင်းမှာပဲ .. လို့ စဉ်းစားမိတယ်၊ စဉ်းစားပြီး ..

ငါသည် ချမ်းသာသုခကို ဘာဖြစ်လို့ ကြောက်ရမှာလဲ၊ ဒီပထမဈာန် ချမ်းသာသည် ကာမတို့မှလဲ ဝေးစွာကင်းတယ်၊ အကုသိုလ်တို့မှလဲ ကင်းတယ်၊ ဒီချမ်းသာကို ငါ ကြောက်လို့ မဖြစ်ဘူး၊ ဒီချမ်းသာကို ငါ ကြောက်နေရင် ငါ ဘုရားဖြစ်မှာ မဟုတ်ဘူး..လို့ စဉ်းစားမိတယ်။

အဲဒီလို စဉ်းစားပြီး ဒီပထမဈာန် ချမ်းသာကို အမှီပြုပြီး တရားအားထုတ်မှ ဘုရားဖြစ်တော့မယ်ဆိုတော့ ဒီပထမဈာန် ချမ်းသာကလဲ ငါ မစားမသောက်ဘဲနဲ့ ကြမ်းကြမ်းတမ်းတမ်း အားထုတ်လို့တော့ ဘယ်နည်းနဲ့မှ မရနိုင်ပါ၊ မျှမျှတတ စားသောက်ပြီး မျှမျှတတ အားထုတ်မှ ရမယ်လို့ စိတ်ထဲမှာ အကြံဖြစ်ပါတယ်၊ အဲဒီလို အကြံဖြစ်ပြီး မျှမျှတတလဲ စားတယ်၊ မျှမျှတတလဲ အားထုတ်တယ်၊ ဘုရားရှင်က ကမ္မဋ္ဌာန်းလမ်းကြောင်း ပြောင်းလိုက်တာပါ။

တကယ်လို့သာ အကျင့်လမ်းစဉ် မပြောင်းလဲဘဲ အဲဒီအတိုင်းပဲ ကြမ်းကြမ်းတမ်းတမ်း အားထုတ်နေရင် အရဟတ္တမဂ်ဥာဏ်၊ သဗ္ဗညုတဥာဏ်တော် ဘယ်မှာရနိုင်မလဲ၊ မရနိုင်ပါ။

ဒါကြောင့် အရေးကြီးတာက အရှုအပွား မှန်ဖို့ အရေးကြီးပါတယ်။ ရှုပွားမှုမှန်ကန်မယ်၊ စနစ်တကျဆိုရင် ရုပ်နာမ် ဖြစ်ပျက်မြင်ပြီး ၀ိဇ္ဇာဥာဏ် ဖြစ်ပါမယ်။

ဆက်လက်ဖော်ပြပါမည်။

မေတ္တာဖြင့်
tno

မှတ်ချက်။ ။ ဓမ္မဒူတ အရှင်ပညာဇောတ၏ ဝေဒနာရှုပွားနည်းမှ ကောက်နှုတ် မှတ်စုထုတ်ပါသည်။

https://www.facebook.com/photo.php?fbid=804950679618005&set=a.260133857433026.54541.100003092422923&type=3&src=https%3A%2F%2Ffbcdn-sphotos-c-a.akamaihd.net%2Fhphotos-ak-xpf1%2Ft31.0-8%2F11878895_804950679618005_5258304488637719943_o.jpg&smallsrc=https%3A%2F%2Ffbcdn-sphotos-c-a.akamaihd.net%2Fhphotos-ak-xpt1%2Fv%2Ft1.0-9%2F11895950_804950679618005_5258304488637719943_n.jpg%3Foh%3D6e2e1b61b1d3c851363aeef09b075818%26oe%3D565D8FF6%26__gda__%3D1452480242_53c434de793fcfac8e059583ad33ab20&size=2048%2C1217

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/