ဝေဒနာရှုပွားနည်း (၃)

ဓမ္မာနုပဿနာ သတိပဋ္ဌာန်နည်းနဲ့ ရှုရင် ဝေဒနာကို နာမ် လို့ရှုရပါမယ်၊ ဘာဖြစ်လို့လဲဆိုတော့ ဓမ္မ ဆိုတာ ရုပ်နာမ် ကိုခေါ်တာမို့ .. ၊ ရူပက္ခန္ဓာ ဖွဲ့ရတဲ့ ရုပ်တရားအားလုံးကို ရုပ် လို့ ရှု၊ ဝေဒနာ၊ သညာ၊ သင်္ခါရ၊ ၀ိညာဏ်ဆိုတဲ့ နာမက္ခန္ဓာ ၄ ပါးကို နာမ် လို့ ရှုရပါမယ်။

ဝေဒနာ ရှုပွားသူ ယောဂီ တော်တော်များဟာ နာကျင်ကိုက်ခဲတဲ့ ရုပ်ဖောက်ပြန်မှုကို ရှုပွားကြတယ်၊ ရုပ်အနေနဲ့ရှုပွားရင် မှန်ပါတယ်။ ခုတော့ ရုပ်အနေနဲ့ မရှုဘဲ ဝေဒနာ နာမ်လို့ ရှုနေကြတယ်။ ပြီးတော့ အဖြစ်အပျက်သိအောင် မရှုဘဲနဲ့ ကုန်အောင် ရှုနေကြတာ အလွန်ပဲမှားနေပါတယ်။

ဝေဒနာနုပဿနာ သတိပဋ္ဌာန်နည်းနဲ့ ရှုပွားချင်တဲ့ ယောဂီပုဂ္ဂိုလ်ဟာ ဒုက္ခဝေဒနာ တစ်ခုတည်း ရှုဖို့ မဟုတ်ပါဘူး၊ သုခ၊ ဒုက္ခ၊ ဥပေက္ခာ ဝေဒနာ အားလုံးကို နားလည်ထားရပါမယ်၊ သိထားရပါမယ်၊ ရှုပွားရပါမယ်။

မိမိခန္ဓာကိုယ်ပေါ်မှာ ဖြစ်ပေါ်လာသော ချမ်းသာကို ခံစားမှု သုခဝေဒနာ ကို ရှုပွားလို့ရှိရင် ဘာထင်မှ အမြင်မှန်လဲဆိုရင် ဒုက္ခထင်ရင် အမြင်မှန်သွားပါတယ်။

ဒါကြောင့် သုခဝေဒနာကို ရှုပွားလိုတဲ့ ယောဂီဟာ ဣရိယာပုတ်နှင့် အသက်သာဆုံး၊ အမျှတဆုံး၊ အနေအထားမျိုးဖြင့် နေပြီးလျှင် ခန္ဓာကိုယ်ပေါ်၌ အသက်သာဆုံး၊ အချမ်းသာဆုံး နေရာသို့ သတိကပ်ကာ အထပ်ထပ် ရှုပွားရပါမယ်၊ ချမ်းသာမှုနှင့် ခံစားမှု ကွဲအောင် ရှုပွားရပါမယ်။

ချမ်းသာမှုက သုခ၊ ခံစားမှုက ဝေဒနာ၊ နှစ်ခုပေါင်းတော့ ချမ်းသာမှုကို ခံစားတဲ့ သုခဝေဒနာ လို့ ဖြစ်သွားပါတယ်၊ သုခကို ခံစားလို့ သုခဝေဒနာခေါ်ပါတယ်။

ချမ်းသာမှုမှာ ရုပ်ချမ်းသာမှု ဖြစ်၍ ရုပ်ချမ်းသာမှု ထင်ရှားက အဲဒီခံစားမှုကို ရုပ်၊ ရုပ် ဟု ရှုပါ။ ခံစားမှု ထင်ရှားလျှင် အဲဒီခံစား ဝေဒနာကို အသိကပ်ကာ နာမ်၊ နာမ် ဟု ရှုပွားပါ။

အဲဒီလို ရုပ်၊ ရုပ် လို့ တစ်ချက် နှစ်ချက် ရှုလိုက်၊ နာမ်၊ နာမ် လို့ တစ်ချက် နှစ်ချက် ရှုလိုက် မလုပ်ရပါ၊ အထူးသတိထားပါ၊ ရှုပွားတဲ့အခါ အကောင်းဆုံး ထမင်း ဟင်းတွေ ဆက်တိုက် စားရတော့ ညည်းငွေ့ စိတ်ပျက် ပင်ပန်းလာသလို ကိုယ်ခန္ဓာတွင်းမှ နာကျင်ကိုက်ခဲမှုစသော ရုပ်ဒုက္ခတွေ ပေါ်လာပါလိမ့်မယ်။

အချမ်းသာဆုံးလို့ ထင်ထားတဲ့ သုခဝေဒနာ အာရုံကိုပင် အသိမလစ်စေဘဲ သတိကပ်ပြီး ရှုပွားရင် သုခတွေ ကွယ်ပျောက်၊ ခံစားမှုတွေ ကွယ်ပျောက်ပြီး ဒုက္ခတွေပေါ်ကာ ခံစားမှုတွေ ပေါ်လာပါမည်။

ဒါကြောင့် သုခဝေဒနာ ရှုလျှင် ဒုက္ခထင်အောင် ရှုလို့ ဆိုတာပါ။

ဒါကြောင့် ပါဠိတော်က -- သုခါ ဘိက္ခဝေ ဝေဒနာ ဒုက္ခတော ဒဋ္ဌဗ္ဗာ -- ချမ်းသာတဲ့ သုခဝေဒနာကို ဒုက္ခအားဖြင့် ရှုရမယ်၊ ဒုက္ခလို့ ရှုရမယ်၊ ဒုက္ခထင်အောင် ရှုရမယ်လို့ ဘုရားရှင် ဟောထားပါတယ်၊ ဒါဖြင့် သုခဝေဒနာကို သုခအနေနဲ့ပဲ မြင်နေသေးရင် ယောဂီ တရားမတက်သေး၊ တရားမတိုးသေးပါ။

သုခဝေဒနာရဲ့ အပျက် အပျက် မြင်တော့ ဒုက္ခထင်ပြီ၊ သုခကို ဒုက္ခထင်ပြီဆိုတော့ သုခဝေဒနာပေါ်မှာဖြစ်တဲ့ ရာဂါနုသယ ဆိုတဲ့ လောဘ မရှိတော့ပါ။ ချုပ်သွားပြီ၊ ဝေဒနာကတော့ ဖြစ်ချုပ် ဖြစ်ချုပ်နဲ့ ကျန်ရစ်ပါတယ်။

ဒီနေရာမှာလည်း သေသေချာချာ သတိထားဖို့လိုပါတယ်၊ သုခဝေဒနာ ကုန်သွားတာ မဟုတ်ပါ၊ သုခဝေဒနာကို အာရုံပြုပြီးဖြစ်တဲ့ လောဘကိလေသာ ကုန်သွား ချုပ်သွားတာပါ။

ဒါကြောင့် သုခဝေဒနာကို တွယ်လဲ မတွယ်ရပါ၊ မပျက် မပျောက်စေချင်တဲ့ သဘောနဲ့လဲ မရှုရပါ၊ ဒုက္ခထင်အောင် ရှုရပါမယ်။
သုခဝေဒနာကို ဖြစ်ခြင်း ပျက်ခြင်း ဘေးတွေက နှိပ်စက်နေတယ်၊ သုခဝေဒနာက အနှိပ်စက်ခံနေရတယ်။ အနှိပ်စက် ခံနေရတော့ သုခဝေဒနာဟာ ဒုက္ခပေါ့၊ လူဒုက္ခမဟုတ်ပါ၊ ယောဂီဒုက္ခမဟုတ်ပါ၊ ဒါဟာ ၀ိပဿနာဥာဏ် ရင့်သန်လာတဲ့ အခါမှာ ဒုက္ခလက္ခဏာ ပေါ်လာပုံ ထင်ရှားလာပုံပါပဲ။

အဲဒီလို သုခဝေဒနာရဲ့ အနှိပ်စက်ခံရတဲ့ ဒုက္ခသဘောကို ယောဂီပုဂ္ဂိုလ်က မြင်တော့ - သြော် - ငါသည် မနှစ်သက် မစွဲလမ်းသင့်တဲ့၊ မတွယ်တာသင့်တဲ့ သုခဝေဒနာပေါ်မှာ နှစ်သက် စွဲလမ်း တွယ်တာနေပါလား၊ မှားနေပါလား.. လို့ အမြင်မှန် ဖြစ်ပြီး သုခဝေဒနာပေါ်မှာ ကိန်းတဲ့ ရာဂါနုသယ ဆိုတဲ့ လောဘ ချုပ်သွားပါတယ်။

ဘာဖြစ်လို့ ရာဂါနုသယဆိုတဲ့ လောဘ ချုပ်သွားသလဲဆိုရင် သုခ ဝေဒနာရဲ့ အဖြစ်အပျက်ကို မြင်လို့၊ သုခ ဝေဒနာရဲ့ ဖြစ်ကြောင်းပျက်ကြောင်းကို မြင်လို့ပါ။

အဲဒီမှာ အထူးသတိရှိပါ။ ရာဂကုန်ရင် နိဗ္ဗာန်တဲ့၊ သုခဝေဒနာရဲ့ ဖြစ်ပျက်မြင်လို့ ရာဂါနုသယ လောဘချုပ်လို့ ကုန်လို့ နိဗ္ဗာန်ရောက်တယ်၊ ဝေဒနာကုန်လို့ နိဗ္ဗာန်ရောက်တာ မဟုတ်ဘူးဆိုတာလည်း မှတ်ဖို့လိုပါတယ်။

ဒါကြောင့် ယောဂီပုဂ္ဂိုလ်ရဲ့ ပြည့်စုံရမယ့် အင်္ဂါသုံးပါးမှာ ဝေဒနာကို ကောင်းစွာ အပြားအားဖြင့် သိ ဆိုတဲ့ နေရာမှာ သုခဝေဒနာကိုလဲ ဖြစ်ပျက်ဒုက္ခသစ္စာအနေအားဖြင့် သိရမယ်၊ ဒုက္ခဝေဒနာကိုလဲ ဖြစ်ပျက် ဒုက္ခသစ္စာ အနေအားဖြင့် သိရမယ်၊ ဥပေက္ခာဝေဒနာကိုလဲ ဖြစ်ပျက် ဒုက္ခသစ္စာ အနေအားဖြင့် သိရမယ်၊ အဲဒီလို သိမှ ဝေဒနာသိ အမှန် ဖြစ်ပါတယ်။ ဒါဟာ ဝေဒနာကို ပိုင်းခြား သိခြင်းပေါ့။ ဝေဒနာဟာ ပိုင်းခြားသိရမယ့် တရားပါ၊ ပယ်ရမယ့်တရား မဟုတ်ပါ။ ကုန်အောင်လုပ်ရမယ့် တရားမဟုတ်ပါ။

ပြီးတော့ သုခဝေဒနာရဲ့ ဖြစ်ကြောင်းကိုလဲ သမုဒယသစ္စာ အနေအားဖြင့် သိရမယ်၊ ဒုက္ခဝေဒနာရဲ့ ဖြစ်ကြောင်းကိုလဲ သမုဒယသစ္စာ အနေအားဖြင့် သိရမယ်၊ ဥပေက္ခာဝေဒနာရဲ့ ဖြစ်ကြောင်းကိုလဲ သမုဒယသစ္စာ အနေအားဖြင့် သိရမယ်။

နာကျင်ကိုက်ခဲမှု ရုပ်ဒုက္ခတွေကို ဝေဒနာလုပ်ပြီး ကုန်အောင် ချုပ်အောင် ဆုံးအောင် ရှုပွားနေတုန်း သူ့အကြောင်း ချုပ်လို့ အကျိုးချုပ်သွားခိုက်နှင့် မိမိက ကုန်ချုပ်ဆုံးအောင် ရှုပွားခိုက်နှင့် ဆုံသွားတော့ ငါ ရှုတာ ဝေဒနာ ကုန်သွားပြီလို့ ဒီလောက် အမှားသိနဲ့ တရားမရပါ။ ဝေဒနာသိ မဟုတ်ပါ၊ အမှားသိတာ ဖြစ်ပါသေးတယ်။

ဝေဒနာကို ဖြစ်ပျက် ဒုက္ခသစ္စာ အနေဖြင့် သိရမယ်။ ဝေဒနာဖြစ်ကြောင်းကို သမုဒယသစ္စာအနေနဲ့ သိရမယ်၊ အဲဒီလို သိမှ အမြင်မှန် ဖြစ်ပါတယ်။

တစ်ဆင့်တက်လိုက်တော့ သုခဝေဒနာကို ရှုပွားတဲ့ ဥာဏ်ကိုလဲ မဂ္ဂသစ္စာအနေဖြင့် သိပါ၊ ဒုက္ခဝေဒနာကို ရှုပွားတဲ့ဥာဏ်ကိုလဲ မဂ္ဂသစ္စာအနေဖြင့် သိပါ၊ ဥပေက္ခာဝေဒနာကို ရှုပွားတဲ့ ဥာဏ်ကိုလဲ မဂ္ဂသစ္စာအနေဖြင့် သိပါ။

ခံစားမှုဝေဒနာဟာ နာမ်တရားဖြစ်တော့ အဲဒီ ခံစားမှု ဝေဒနာကို ခံစားခိုက်မှာ နာမ်၊ နာမ် လို့ ရှုပွားနေတာဟာ မဂ္ဂသစ္စာပါ။ နာမ်၊ နာမ် လို့ ရှုနေတာဟာ မဂ္ဂသစ္စာကို ပွားများနေတာပါပဲ။ မဂ္ဂသစ္စာကို ပွားများသည့်အနေနဲ့သိပါ။ နာမ် လို့ တစ်ချက်ရှုရင် တစ်ချက် မဂ္ဂသစ္စာကို ပွားတယ်၊ တစ်ချက် မဂ္ဂသစ္စာသိပါပဲ။

အဲဒီလို မဂ္ဂသစ္စာကို ပွားများတော့ ဝေဒနာရဲ့ ဒုက္ခသစ္စာ အချက်ကို ပိုင်းခြား သိလာပါတယ်။ အဲဒီလို သိတဲ့အတွက် ဝေဒနာရဲ့ သမုဒယသစ္စာ အချက်ကို ပယ်ဖျက်နိုင်ပါတယ်။

အဲဒီလို ဒုက္ခသစ္စာ ပိုင်းခြားသိ၊ သမုဒယသစ္စာ ပယ်ခွာ သိတော့ တဒင်္ဂခဏ ကိလေသာ ငြိမ်းအေးမှုကို သိပါတယ်။ ဒါဟာ ခဏ နိရောဓ အနေနဲ့ နိရောဓသစ္စာသိ ဖြစ်ပါတယ်။

ဝေဒနာကို ရှုပွားနေတဲ့အခိုက် ယောဂီပုဂ္ဂိုလ်မှာ ငြိမ်းချမ်းမှု၊ ငြိမ်းအေးမှု ဖြစ်နေပါတယ်။ ကိုယ်ချမ်းသာ ဆင်းရဲနှင့် မဆိုင်ပါ၊ တဒင်္ဂတစ်ခဏ ကိလေသာ ငြိမ်းအေးမှုကို ဆိုလိုပါတယ်။ အဲဒါကို နိရောဓသစ္စာအနေနဲ့ သိပါ။ အဲဒါ လောကီ သစ္စာတွေပါ။ လောကုတ္တရာသစ္စာ မဟုတ်သေးပါ။

ဝေဒနာရှုပွားတဲ့ ယောဂီမှာ ရှုပွားမှု မှန်ကန်ရင် ဘယ်နှစ်ချက်သိလဲဆိုရင် လေးချက် သိရပါမယ်၊ လေးချက်က ဘာတွေလဲဆိုတော့ ခုနပြောခဲ့တဲ့ သစ္စာ ၄ ချက်ပါ။

ဝေဒနာ ရှုပွားလိုတဲ့ ယောဂီပုဂ္ဂိုလ်ဟာ ခံစားမှု ဝေဒနာ နာမ်ကို အာရုံပြုပြီး နာမ်၊ နာမ်လို့ ရှုပွားနေတာက မဂ္ဂသစ္စာပါ၊ အရှုခံ ခံစားမှု ဝေဒနာ နာမ်က ဖြစ်ပျက် ဒုက္ခသစ္စာပါ၊ ဝေဒနာကို ဖြစ်စေတတ်တဲ့ အကြောင်းတရားဟာ သမုဒယသစ္စာပါ၊ ဒုက္ခကို သိ၊ သမုဒယကို ပယ်နိုင်လို့ အေးငြိမ်းသွားတာက နိရောဓသစ္စာပါ။

အဲဒီ သစ္စာ ၄ ချက် ဖြစ်ပါတယ်။ အဲဒါကို သဘောပေါက်ပါ၊ ဒုက္ခသစ္စာမြင်မှ တရားတက်မှာပါ၊ ဒုက္ခသစ္စာမမြင်ရင် တရားမတက်ပါ။

ဒါကြောင့် သုခဝေဒနာကို ဖြစ်ပျက် ဒုက္ခသစ္စာထင်မြင်အောင် ရှုပါ၊ အဲဒီလို ရှုပွားတော့ သုခဝေဒနာသည် တည်နေသဖြင့် ချမ်းသာတယ်၊ ဖောက်ပြန်ပျက်စီးသဖြင့် ဆင်းရဲတယ်လို့ တွေ့မြင်သိရှိလာပါလိမ့်မယ်။

အဲဒီလို တွေ့ရှိသိမြင်လာရင် ဒီသုခဝေဒနာဟာ ဘာမှ သာယာစရာ မက်မောစရာမရှိဘူး၊ တော်တော်ကြာ ဆင်းရဲမယ့် တရား၊ ဖောက်ပြန် ပျက်စီးသွားမယ့် တရား၊ ဘယ်တော့များ ဖောက်ပြန် ပျက်စီးမလဲ၊ ဘယ်တော့များ ပျက်စီးမလဲဆိုပြီး ဝေဒနာရဲ့ အပျက်ကို ယောဂီက မြင်အောင် စောင့်ကြည့်ပြီး နေရတာပါ။ စောင့်ရှု ချောင်းရှု နေရတာပါ။

ယောဂီက ကုန်သွားအောင် ပျက်သွားအောင်ဆိုပြီး မရှုရ မကြည့်ရပါ။ ကုန်အောင် ပျက်အောင် ရှုကြည့်ရင် မှားပါတယ်၊ တရားရှုပွားတဲ့အခါ ယောဂီအလို မပါပါစေနဲ့၊ သူ့ အလိုအတိုင်း ဖြစ်ပျက်နေတဲ့ သဘာဝဖြစ်ပျက်ကို မြင်အောင် ရှုပွားပါ။

ခံစားမှုဝေဒနာကို တွေ့တယ် ဆိုကတည်းက ဝေဒနာရဲ့ ဖြစ်စ တွေ့နေပါပြီ။ ဖြစ်လာသမျှ သင်္ခါရတရားသည် ပျက်ခြင်း အဆုံးရှိတယ်ဆိုတော့ -- သြော် = သူ တော်တော်ကြာ ပျက်မှာပဲ၊ ဘယ်တော့ ပျက်မလဲ .. ဆိုပြီး အပျက်မြင်အောင် ဆက်ကြည့်ပါ။ ဆက်ရှုပါ။ ဝေဒနာအစစ်အမှန်သာ တွေ့ပါက အပျက်တွေ့ပါလိမ့်မယ်၊ မြင်ပါလိမ့်မယ်။

အချို့ ဒုက္ခဝေဒနာ ရှုပွားတဲ့ သူတွေက သူတို့ ရှုပါတယ်၊ မပျောက်လဲ မပျောက်ပါလား .. တဲ့၊ မပျောက်မပျက်ဘဲနဲ့ တည်နေတဲ့ ပရမတ်တရားရယ်လို့ မရှိပါဘူး။

အဲဒီလို အပျက်မြင်တာလဲ သန္တတိပညတ်စင်မှ မြင်မှာပါ။ မပျောက်ဘူးဆိုတာ ပရမတ် ရုပ်နာမ် မမြင်လို့ပါ၊ သန္တိပညတ်တွေပဲ တွေ့နေလို့ပါ။ အစမှအဆုံးထိ မရှုပွားလို့ပါ၊ သတိလွတ်လို့ပါ။

ရုပ်ဒုက္ခကိုရှုတဲ့ ယောဂီက အဲဒီရုပ်ဒုက္ခကြီး ပျက်သွားချင် ပျောက်သွားချင်တဲ့ သဘောနဲ့ ရှုတတ်ပါတယ်။ မိမိကိုယ်က အဲဒီနာမှုကြီး ပျောက်ပါလားဆိုတဲ့ တရားရပြီလို့ထင်ပြီး ပျောက်အောင်ရှုလို့ မပျောက်ပါလား ဆိုတဲ့ အသံထွက်လာတာပါ။ အမှန်က အဲဒီရုပ်ဒုက္ခရဲ့ အဖြစ်အပျက်ကို မြင်အောင်ရှုရမှာပါ။ ပျောက်ပျောက် မပျောက်ပျောက် အဖြစ်အပျက် မြင်ဖို့ရာသာ ပဓာနပါ။

ဝေဒနာတရားဟာ အင်မတန် နူးညံ့ပါတယ်၊ ဒုက္ခဝေဒနာထက် သုခဝေဒနာက ပိုပြီး နူးညံ့သိမ်မွေ့ပါတယ်၊ ဒါကြောင့် သုခဝေဒနာကို တိုက်ရိုက်ရှုဖို့ရာ မလွယ်လှပါ၊ ဝေဒနာဟာ ရုပ်လို့မထင်ရှားပါ။

ယခု တွေ့ရသလောက် ယောဂီအများစုတွေဟာ ရုပ်သုခ-ရုပ်ဒုက္ခကိုပဲ နာမ်ဝေဒနာလုပ်ပြီး ရှုနေတာ အများဆုံး တွေ့ရပါတယ်၊ နာမ်ဝေဒနာရှုသူ အစစ်အမှန်ရယ်လို့ မတွေ့ရသလောက်ပါပဲ၊ နာမ်ဝေဒနာဟာ တစ်ဆင့်ခံ ဖြစ်နေတော့ အမှန်တော့ အရှုခက်ပါတယ်၊ အရှုရမလွယ်ပါ။

ဥပမာ - ယခု နေပူတော့ ကိုယ်ပူမနေဘူးလား၊ အဲဒီလို ပူနေတော့ အခုနေ လေအေးလေး တိုက်လိုက်ယင် ချမ်းသာသွားတာကို သတိထားရှုကြည့်ပါ။ ဘာကြောင့် ချမ်းသာလဲ၊ ဘယ်သူရဲ့ချမ်းသာလဲ၊ ချမ်းသာတယ်လို့ သိတာ ဘယ်သူက သိတာလဲ၊ အဲဒီချမ်းသာကို ဘယ်သူက ခံစားတာလဲ ရှုကြည့်ပါ၊ ကွဲပြားအောင် ရှုကြည့်ပါ။

ဘာကြောင့် ချမ်းသာတာလဲ ဆိုတော့ လေအေးလေး တိုက်ခတ်မှုကြောင့် ချမ်းသာတယ်၊ ချမ်းသာတာက ရုပ်၊ ချမ်းသာတယ်လို့ သိတာက ၀ိညာဏ်၊ ချမ်းသာတာကို ခံစားတာက ဝေဒနာ၊ အဲဒီလို ကွဲပြားအောင် ရှုကြည့် သိရမှာပါ။

အဲဒီခန္ဓာကိုယ်မှာ ချမ်းသာတဲ့သုခဟာ ဘာကြောင့်ဖြစ်လဲဆိုရင် လေအေးလေး တိုက်ခတ်မှုကြောင့် ဖြစ်ပါတယ်။ လေအေးလေးက အကြောင်းအာရုံပေါ့၊ ချမ်းသာမှုက အကျိုးသုခ။ အဲဒီအကျိုးသုခကို ခံစားချင်ရင် အကြောင်းလေအေးလေးကို မျှော်ရတယ်။

လေအေးက အကြောင်း အာရုံ၊ ကိုယ်ချမ်းသာတာက အကျိုးဝတ္ထု။ ခံစားမှုက ဝေဒနာပေါ။ အကြောင်းအာရုံကလဲ ရုပ်၊ အကျိုးဝတ္ထုကလဲ ရုပ်၊ အဲဒီအကြောင်း အာရုံနဲ့ အကျိုးဝတ္ထုဆုံမှ ခံစားမှု ဝေဒနာက ဖြစ်လာပြီး ခံစားနိုင်တာပါ။

ဒါကြောင့် သုခဝေဒနာ ရှုချင်တဲ့ ယောဂီ ပုဂ္ဂိုလ်ဟာ အလိုရှိအပ် ကောင်းမြတ်တဲ့ လေအေးဆိုတဲ့ ဣဋ္ဌာရုံကို အာရုံပြု၍ သုခဝေဒနာ ဖြစ်ပျက်ပုံကို မြင်အောင် ရှုပါ၊ အဲဒီလို ရှုရင် ဝေဒနာရဲ့ အကြောင်းပါ တစ်ခါတည်း သိမ်းဆည်းပြီးသား ဖြစ်သွားပါတယ်။

အဲဒီလို အကျိုးအကြောင်း မြင်မှ ပစ္စယပရိဂ္ဂဟဥာဏ်ပိုင်မှာပါ၊ ဒီဥာဏ်ပိုင်မှ ၀ိစိကိစ္ဆာကင်းမှာပါ။ ခံစားမှုဝေဒနာလောက်ပဲ မြင်ရင် နာမ်ပဲ သိသေးတာပေါ့။

ဒီဝေဒနာဟာ ဘယ်မှီဖြစ်လဲဆိုရင် ရုပ်မှီဖြစ်တယ်၊ ဒီတော့ ဝေဒနာကနေ ရုပ်ကို သိတယ်၊ ဒီတော့ နာမ်ကိုသိတယ်၊ ရုပ်ကို သိတယ်၊ ဒီလောက်ပဲရှိမယ်၊ နာမရူပ ပရိစ္ဆေဒဥာဏ်ပေါ့။

အဲဒီခံစားမှု ဝေဒနာကို ရှုရင်း ရှုရင်း ဒီဝေဒနာရဲ့ ဖြစ်ကြောင်းဟာ ဘာလဲ၊ ပျက်ကြောင်းဟာ ဘာလဲလို့သိအောင် ဆက်ရှုတော့ ဖြစ်ကြောင်းကို သိတယ်၊ ပျက်ကြောင်းကို သိတယ်။

အဲဒီလို ဖြစ်ကြောင်း ပျက်ကြောင်းကို သိမှ ပစ္စယပရိဂ္ဂဟဥာဏ်ပိုင်ပါတယ်၊ အဖြစ်အပျက်မျှသိရင် ဥဒယဗ္ဗယဥာဏ်ပါပဲ။ အဲဒီ ကြောင်းကျိုးနှင့်တကွ ဖြစ်ပျက်သိမှ သိတဲ့ဥာဏ်ဟာ တန်ဖိုးရှိပါတယ်။

ဝေဒနာကတော့ နောက်လဲပဲ အကြောင်းညီညွှတ်ရင် ဒီအတိုင်းပဲ ဖြစ်ချုပ် ဖြစ်ချုပ် အနေပဲ ဖြစ်ချုပ်နေမှာပါပဲ၊ အဲဒီဖြစ်ချုပ်သဘောတွေ သိတဲ့အတွက် ဘာချုပ်သွားလဲဆိုတော့ သုခဝေဒနာကို အာရုံပြုပြီးဖြစ်တဲ့ တဏှာလောဘ ချုပ်ပါတယ်။

အဲဒီ သမုဒယသစ္စာထိုက်တဲ့ တဏှာလောဘကို ပယ်နိုင်အောင် အပြီးချုပ်အောင် ကုန်အောင် ဝေဒနာကို ရှုပွားရပါမယ်၊ ဝေဒနာကုန်သွားအောင် အပြီးချုပ်သွားအောင် ရှုရမှာ မဟုတ်ပါဘူး။

ဒီလောက်ဆိုရင် သုခဝေဒနာနဲ့ ပတ်သက်လို့ အတော်လေး တီးမိခေါက်မိရှိလောက်ပါပြီ၊ နောက်ရက်မှာ ဒုက္ခဝေဒနာ ရှုပွားနည်းကို ဆက်လက်ဖော်ပြပေးပါမယ်။

မေတ္တာဖြင့်

မှတ်ချက်။ ။ ဓမ္မဒူတ အရှင်ပညာဇောတ၏ ဝေဒနာရှုပွားနည်းမှ ကောက်နှုတ် မှတ်စုထုတ်ပါသည်။

https://www.facebook.com/photo.php?fbid=803601076419632&set=a.260133857433026.54541.100003092422923&type=3&src=https%3A%2F%2Ffbcdn-sphotos-a-a.akamaihd.net%2Fhphotos-ak-xpt1%2Fv%2Ft1.0-9%2F11866484_803601076419632_54303776403663566_n.jpg%3Foh%3De1f8bf8028ca08cae756925db8ee209d%26oe%3D5697D55A%26__gda__%3D1449563602_5a64ed1f75750dcd5c73ba87142859e0&size=640%2C400

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/