ဝေဒနာရှုပွားနည်း (၄)

ဝေဒနာရှုပွားနည်း (၃) မှာ သုခဝေဒနာရှုပုံပြောခဲ့ပါပြီ၊ ဒီကနေ့ ဒုက္ခဝေဒနာရှုပွားအားထုတ်နည်းကို ပြောရအောင်ပါ။ ဒီဒုက္ခဝေဒနာကို ကုန်အောင် ရှုတဲ့ ယောဂီဦးရေဟာ ရာနှုန်း ပြည့်လောက်ပါပဲ။

အများအားဖြင့် တရားရှုပွား အားထုတ်လို့ အထိုင်ကြာတဲ့အခါ နာကျင်ကိုက်ခဲမှု စတဲ့ ရုပ်ဒုက္ခတွေ ဖြစ်လာတတ်ပါတယ်။ အဲဒီဒုက္ခကို ရှုတော့ ဒုက္ခလို့ ထင်တယ်နော်။

အမှန်က ဒီခန္ဓာကိုယ်ကြီးက မနာလဲဒုက္ခ၊ နာလဲဒုက္ခပါ။ နာကျင်ကိုက်ခဲတဲ့ ဒုက္ခတွေကို အရှုခံထားပြီး ဣရိယာပုတ်ကို မပြင် မပြောင်းဘဲ ရှုတော့ အဲဒီ ဒုက္ခတွေ ပျက်သွားတယ် ပြယ်သွားတယ် မရှိဘဲ၊ လျော့သွားတယ် မရှိဘဲနဲ့ တိုးလာတယ်၊ ပွားပွားလာတယ်၊ အဲဒီလို မြင်တွေ့ရရင် အမြင်မှားနေပါပြီ။

အထိုင်ကြာလို့ နာကျင်ကိုက်ခဲမှုတွေ ဖြစ်လာရင် သူ့ကို သတိမထားဘဲ သည်းခံနိုင်သလောက် သည်းခံပြီး မိမိရှုနေကျ မူလကမ္မဋ္ဌာန်းဖြစ်တဲ့ နှာခေါင်းမှာ လေ၀င်တိုင်း ထွက်တိုင်း တိုးတဲ့ ထိတဲ့ သဘောကို တိုးထိတိုင်း ရုပ် ရုပ် လို့ ရှုရပါတယ်။

သည်းမခံနိုင်တဲ့ အဆုံးမှာ ဣရိယာပုတ်ကို ပြောင်းပေး ပြင်ပေးပြီး၊ ပြောင်းဆဲပြင်ဆဲမှာတော့ နှာခေါင်းမှာ တိုးထိတဲ့ သဘောကို ရုပ် ရုပ် ဟု မရှုဘဲ နာကျင်ကိုက်ခဲဆုံးနေရာကို အသိ သတိကပ်ကာ မပြင်ခင် မပြောင်းခင်က ဘယ်လိုနာကျင်ကိုက်ခဲတယ်၊ ပြင်ဆဲ ပြောင်းဆဲမှာ ဘယ်လိုနာကျင်ကိုက်ခဲတယ်ဆိုတာ သိအောင် တစ်နာ တစ်သိ၊ တစ်ကျင် တစ်သိ၊ တစ်ကို တစ်သိ ၊ အံကိုက်ဖြစ်အောင် ရုပ် ရုပ် ဟု ရှုရင်း ပြင်ပါ၊ ပြောင်းပါ။

ရှုပွားအားထုတ်ခါစမှာ ဒီနာကျင် ကိုက်ခဲမှု ရုပ်ဒုက္ခနဲ့ ခံစားမှုဝေဒနာကို မကွဲသေးတော့ ကြားဖူးနားဝနဲ့ အဲဒီ နာကျင်ကိုက်ခဲမှု ရုပ်ဒုက္ခကို ဝေဒနာလုပ် ရှုတတ်ပါတယ်။

ရှုပြန်တော့ သူ့သဘောသိအောင် မရှုဘဲ အဲဒီ နာကျင် ကိုက်ခဲမှု ရုပ်ဒုက္ခကို ကုန်အောင် ရှုရမယ်လို့ ကြားဖူးထားတော့ ခြေထောက်တွေ၊ ဒူးတွေ၊ ပေါင်တွေ၊ ခါးတွေ၊ ကိုယ်တွေ၊ လက်တွေကို တင်းတောင့်ချုပ်ပြီး ရှုတတ်ပါတယ်။ အဲဒီလို ရှုတော့ ချုပ်ထားတော့ ပိုပြီးနာကျင်ကိုက်ခဲမှုတွေ တိုးလာပါတယ်။ တိုးလာလေ တိုးပြီးတော့ ချုပ်ပြီး နာကျင်ကိုက်ခဲမှုတွေ ကုန်အောင် ရှုလေ၊ တိုးလေဆိုတော့ ချာချာလည်နေတော့တာပေါ့။ အင်မတန် ဆင်းရဲ ပင်ပန်းပါတယ်။ တရား အားထုတ်တဲ့အခါ မပင်ပန်းရပါ။

ရှုပွားအားထုတ်တဲ့အခါမှာ ဝေဒနာ ကုန်အောင် ရှုပွားအားထုတ်တဲ့အတွက် အရှုပွား မှားပါတယ်၊ တစ်ခါ ခံစားမှုဝေဒနာကို တိုက်ရိုက်မရှုဘဲ ရုပ်ဒုက္ခကြီးကို ဝေဒနာလုပ်ပြီး ရှုပြန်တော့ တစ်ခါ မှားပြန်ပါတယ်။
သူ့သဘောကို ဘယ်လိုလဲလို့သိအောင် ရှုပွားရမှာကို မရှုပွားဘဲ ကုန်အောင် ရှုပွားပြန်တော့ တစ်ခါမှားပြန်ပါတယ်။

အမှန်က နာကျင်ကိုက်ခဲမှုက ရုပ်ဒုက္ခ၊ ခံစားတာက ဝေဒနာ၊ ရုပ်ဒုက္ခကို ခံစားတဲ့အတွက် ဒုက္ခဝေဒနာ ခေါ်တာပါ။

အဲဒီ ဒုက္ခဝေဒနာကို သိအောင် ရှုရမှာပါ၊ မြင်အောင် ရှုရမှာပါ၊ ဘယ်လိုမြင်အောင် ရှုရမှာလဲဆိုယင် ဖြစ်ပျက် မြင်အောင် ရှုရမှာပါ။

မိမိတို့ ရှုတဲ့ ရုပ်ဒုက္ခဟာ တစ်ဖြစ်တည်း ဆက်ဖြစ်နေတာ မဟုတ်ပါဘူး၊ တစ်ဖြစ်ပြီးမှ တစ်ဖြစ် ဖြစ်နေတာပါ။ ပထမတစ်ဖြစ်က ပျက်သွားတယ်၊ အဲဒီ ပျက်သွားတဲ့ နေရာမှာ နောက်တစ်ဖြစ်က အစားထိုး ဖြစ်လာတယ်။

အဲဒီရုပ်ဒုက္ခက အဲဒီလို တစ်ဖြစ် တစ်ပျက် တစ်ဖြစ် တစ်ပျက် ဖြစ်ပျက်နေတာပါ။ ရုပ်ဒုက္ခရှုတဲ့နေရာမှာ မိမိနှင့် အမျိုးမတော်စပ်တဲ့ သူစိမ်း လူမမာတစ်ယောက်ကို ကြည့်တဲ့ အနေမျိုး ရှုကြည့်နိုင်မှ အမြင်မှန်ပါတယ်။

ကိုယ်ရဲ့ဆွေမျိုးမတော်တဲ့ သူစိမ်း လူမမာတစ်ယောက်ကို ဆရာဝန်က စစ်ဆေး မေးမြန်းနေသလိုလေး ရှုပွားရမှာ၊ နေသာသလိုနေပြီး ရှုပွားရမှာပါ။

ဒီဒုက္ခဝေဒနာဟာ မိမိအလိုမရှိအပ် မနှစ်သက်အပ်တဲ့ အနိဋ္ဌာရုံကို အာရုံပြု ဖြစ်လာတာပါ။

ဒီတော့ အနိဋ္ဌာရုံကြောင့် ဒုက္ခဝေဒနာဖြစ်၊ အနိဋ္ဌာရုံ ပျက်ရင် ဒုက္ခဝေဒနာလဲပျက်ပေါ့၊ အဲဒါကို မြင်အောင် ထပ်ကာ ထပ်ကာ ကြိမ်ဖန်များစွာ ရှုကြည်နေရမှာပါ။ ဖြစ်အောင်လဲ မလုပ်ရပါ၊ ပျက်အောင်လဲ မလုပ်ရပါ၊ ဘယ်ဖြစ်လဲ၊ ဘယ်လိုပျက်လဲ၊ ဘာကြောင့်ဖြစ်လဲ၊ ဘာ့ကြောင့်ပျက်လဲ စသည်ဖြင့် ကြောင်းကျိုးနှင့်တကွ မြင်အောင် ရှုကြည့်ရမှာပါ။

အဲဒီဝေဒနာကို အာရုံကပဲ သတိကပ်ပြီး ထပ်ကာထပ်ကာ ရှုကြည့်တာကို ရှုတယ်၊ ပွားတယ်၊ အားထုတ်တယ်ခေါ်တာပါ။

ဒါဖြင့် ဒုက္ခဝေဒနာကို ဘယ်လိုရှုမလဲ?

အရာဝတ္ထုတစ်ခုကို အေးဆေးငြိမ်သက်စွာ ရှုကြည့်နေသလို ရှုကြည့်သင့်တယ်ပေါ့။

အဲဒီလိုရှုနေ ကြည့်နေလို့ပြောရင် မရှုတတ် မကြည့်တတ်မှာစိုးလို့ လူပြိန်း နားလည်အောင် မှတ်လို့ ဆိုပြီး မှတ်ခိုင်းတာပါ၊ မှတ်ဆိုတော့လဲ ဒါဟာ ဝေဒနာပဲလို့ အသိအမှတ်ပြုပြီး ရှုကြည့်နေတာပါပဲ။ အဲဒါကို ယောဂီပုဂ္ဂိုလ်က မသိတော့ ပါးစပ်နဲ့ဆိုပြီး နာတယ်၊ နာတယ်၊ ကျင်တယ်၊ ကျင်တယ် စသည်ဖြင့် မှတ်တတ်ပါတယ်။

အမှန်ကတော့ ဒုက္ခဝေဒနာကို ငြောင့်တံသင်းနှင့်တူသောအားဖြင့် ရှုပါတဲ့၊ ငြောင့်ဆိုတာ ဘယ်လိုသဘောရှိလဲ စူးရှတဲ့သဘော၊ စူးဝင်တဲ့သဘောရှိပါတယ်၊ နာကျင်ကိုက်ခဲစေတတ်ပါတယ်။

အဲဒီအတူပဲ ဒုက္ခဝေဒနာ ဖြစ်ပေါ်လာရင် စူးရှတယ်၊ စူးဝင်တယ်၊ နာကျင်ကိုက်ခဲမှုကို ဖြစ်စေတတ်တယ်၊ အဲဒါ ဒုက္ခဝေဒနာရဲ့ သဘောပါပဲ၊ အဲဒီသဘောကို မြင်အောင် ကြည့်ရှု ရမှာပါ။
အဲဒီလို ရှုကြည့်တော့ ဒီဒုက္ခဝေဒနာဟာ တည်နေသဖြင့် ဖြစ်နေသဖြင့် ဆင်းရဲပုံ၊ မတည်မြဲသဖြင့် ဖောက်ပြန်ပျက်စီးသဖြင့် ချမ်းသာပုံကို သိမြင်လာပါလိမ့်မယ်၊ အဲဒီလို မြင်ရင် အမြင်မှန်ပါ။

ကိုယ်ပေါ်မှာ ဖြစ်ပေါ်လာတဲ့ ကာယိက ဒုက္ခဝေဒနာကို ရှုပွားလိုတဲ့ ယောဂီဟာ ဣရိယာပုတ် ၄ ပါးတွင် မိမိနေလိုတဲ့ ဣရိယာပုတ်နှင့်နေပြီး ခန္ဓာကိုယ်တွင်း အဆင်းရဲဆုံးနေရာကို အသိကပ်ပြီး သတိမပြတ် အထပ်ထပ် ရှုကြည့်ရမှာပါ။

ယင်းသို့ ရှုပွားတဲ့အခါ ဆူနေသော ရေနွေးအိုးထဲမှ ရေနွေးပွက်ငယ်တွေ ပေါ်ပေါက် ထွက်လာသလို ဝေဒနာတွေက တစ်ပုံ၊ ဝေဒနာ ပေါ်ထွက်ရာဌာနက တစ်ပုံလို့ တွေ့သိလာပါလိမ့်မယ်။

ထိုအခါ ဝေဒနာက နာမ်၊ ဝေဒနာထွက်ပေါ်ရာ ဌာနက ရုပ်ဖြစ်သဖြင့် နာမ်ကို အခြေခံပြီး ရုပ်ကို သိမြင်ရခြင်း စသည် ဖြစ်ပေါ်လာပါလိမ့်မယ်၊ နာမ် ရုပ် ပိုင်းခြား သိတဲ့ဥာဏ် ၀င်လာပါတယ်။

ဒုက္ခဝေဒနာကို ရှုပွားရာမှာ အဲဒီ ဒုက္ခဝေဒနာကို သည်းမခံနိုင်လို့ ခွာရှုသောနည်း၊ သည်းခံနိုင်လို့ အဲဒီဒုက္ခဝေဒနာကိုပင် တိုက်ရိုက်ရှုသော နည်းရယ်လို့ ရှုနည်း ၂ မျိုး ရှိပါတယ်။

ဒီမှာတော့ ဒုက္ခဝေဒနာကို ခွာရှုနည်းပဲပြပါမယ်။

နှာခေါင်းမှာ တိုးသဘောကို ရှုပွားနေစဉ် အထိုင်ကြာခြင်းကြောင့် အောက်ပိုင်းခန္ဓာကိုယ်မှာ ဖြစ်ပေါ်လာတဲ့ ကာယိက ဒုက္ခဝေဒနာကို သတိမထားဘဲ သည်းခံကာ တိုးသဘောပဲ ရှုကြည့်ပါ။

ဘယ်လိုမှ သည်းမခံနိုင်၊ သတိမထားနိုင်ဘဲ မနေနိုင်လျှင် တိုးသဘောကို မရှုနိုင်တော့ဘဲ အနာကျင် အကိုက်ခဲဆုံး နေရာကို သတိကပ်ကာ နာကျင်မှု ရုပ်ဒုက္ခကို အာရုံပြုကာ ရုပ်၊ ရုပ် ဟု ရှုရင်း ပြင်ပါ၊ သို့မဟုတ် ခံစားမှု ဝေဒနာကို အာရုံပြုကာ နာမ်၊ နာမ် ဟု ရှုရင်းပြင်ပါ၊ ပြင်ပြောင်းပြီးက မူလရှုနေကျ တိုးသဘောပဲ ပြန်ရှုပါ။

ဘယ်လိုပင် ပြင်ပြောင်းသော်လဲ နာကျင် ကိုက်ခဲမှုတွေ မပျောက်မပျက်ပါက အနာအကျင် အကိုက်အခဲဆုံး နေရာကို အာရုံပြုကာ ရုပ်ဒုက္ခကို ရုပ်၊ ရုပ် ဟု ရှုနေပါ၊ သို့မဟုတ် ခံစားမှု ဝေဒနာကို နာမ်၊ နာမ် ဟု ရှုပါ။

အဲဒီဒုက္ခဝေဒနာကို ရှုပွားတော့ ဒုက္ခဝေဒနာဟာ တည်နေစဉ် ဆင်းရဲမယ်၊ ဖောက်ပြန် ပျက်စီးသွားရင် ချမ်းသာမယ် ဆိုတော့ ဆင်းရဲချမ်းသာ မြင်တွေ့နေရမှာပါ။ ဒုက္ခဝေဒနာရဲ့ အဖြစ်အပျက် မြင်တွေ့နေရမှာပေါ့။ အဲဒီလို မြင်တွေ့တော့ ဒုက္ခဝေဒနာပေါ်မှာကိန်းတဲ့ ပဋိဃာနုသယ ဆိုတဲ့ ဒေါသ ချုပ်သွားပါမယ်။

ဒုက္ခဝေဒနာရဲ့ ဖြစ်ပျက်ကိုမြင်လို့ ဒေါသချုပ်သွားတော့ ဒုက္ခဝေဒနာကတော့ ဖြစ်ပျက်အနေပဲ ဆက်လက်ပြီး ဖြစ်ပျက်နေမှာပဲ၊ နောက်တစ်ခါ ဒုက္ခဖြစ်လာစရာအကြောင်း ကြုံလာရင် ဒုက္ခဖြစ်ဦးမှာပဲ၊ ခံစားမှုဝေဒနာကလဲ ခံစားမှာပဲ။

ဒါပေမယ့် ဒေါမနဿ၊ ဒေါသက အပြီးချုပ်သွားပြီဆိုရင် အဲဒီဒုက္ခဝေဒနာကြောင့် အပယ်ကျဦးမလားဆိုတော့ မကျတော့ပါ။ ဒါကြောင့် ဒုက္ခဝေဒနာရှုလို့ရှိရင် အဲဒီ ဒုက္ခဝေဒနာရဲ့ အဖြစ်အပျက်ကို မြင်အောင်ရှုပါ၊ ပျက်တယ် ပြယ်တယ်လို့ တွေ့မြင်ရင် အမြင်မှန်ပါပြီ။

ဥပေက္ခာဝေဒနာကိုတော့ အကျဉ်းချုံးပြီးဖော်ပြပါမယ်။

ကိုယ်၌ ဖြစ်ပေါ်လာသော ဆင်းရဲနှင့်ချမ်းသာ ၂ မျိုးမှ လွတ်သော ကြားခံစားခြင်း ခံစားမှုသည် ကာယိက ဥပေက္ခာဝေဒနာ မည်ပါတယ်။

စိတ်၌ ဖြစ်ပေါ်လာသော ဆင်းရဲနှင့်ချမ်းသာ ၂ မျိုးလုံးမှ လွတ်သော ကြားခံစားခြင်း၊ ခံစားမှုသည် စေတသိက ဥပေက္ခာ ဝေဒနာ မည်ပါတယ်။

အဲဒီ ဥပေက္ခာဝေဒနာကတော့ အသိခက်သလို အရှုလဲ ခက်ပါတယ်။ သုခဝေဒနာနှင့် ဒုက္ခဝေဒနာတို့ မဖြစ်လျှင် ဒီဥပေက္ခာဝေဒနာပဲဖြစ်ပါတယ်၊ ဒါကြောင့် အဖြစ်အများဆုံး ဝေဒနာဟာ ဒီဥပေက္ခာဝေဒနာ ဖြစ်ပါတယ်။

အာရုံ တစ်ခုကို တစ်ယောက်က အကောင်း၊ တစ်ယောက်က မကောင်း၊ တစ်ယောက်က အလယ်အလတ်လို့ အမျိုးမျိုး သတ်မှတ်ပါတယ်၊ ဒါကြောင့် အာရုံမမှန်ပါ။ နာကျင်ကိုက်ခဲမှု၊ ချမ်းသာမှု၊ သာယာစရာ အာရုံများကို စွဲလမ်းဖွယ်ရာအဖြစ် မထားဘဲ ရှုပွားနိုင်လျှင် ဥပေက္ခာဝေဒနာအဖြစ် ရှုပွားနိုင်ပါတယ်။ ဒါ့ကြောင့် အာရုံကို အမှန်ထား၍ ဥပေက္ခာဝေဒနာကို မသတ်မှတ်နိုင်ပါ၊ ပုဂ္ဂိုလ်အကြိုက်အလိုက် အာရုံ ကွဲပါတယ်။

သုခဝေဒနာကို ရှုပွားအားထုတ်တဲ့အခါ ဖြစ်ပြီး ပျက်သွားတဲ့ ဖြစ်ပျက် အနိစ္စထင်ရင် အမြင်မှန်ပါပြီ၊ အဲဒီလိုပဲ ဒုက္ခ ဝေဒနာရှုပွားတဲ့အခါမှာလဲ ဖြစ်ပျက် အနိစ္စထင်ရင် အမြင်မှန်ပါပြီ၊ ဥပေက္ခာဝေဒနာ ရှုပွားတဲ့အခါမှာလဲ ဖြစ်ပျက် အနိစ္စထင်ရင် အမြင်မှန်ပါပြီ။

ဆက်လက်ဖော်ပြပါမည်။
မေတ္တာဖြင့်
tno

မှတ်ချက်။ ။ ဓမ္မဒူတ အရှင်ပညာဇောတ၏ ဝေဒနာရှုပွားနည်းမှ ကောက်နှုတ် မှတ်စုထုတ်ပါသည်။

https://www.facebook.com/photo.php?fbid=804145323031874&set=a.260133857433026.54541.100003092422923&type=3&src=https%3A%2F%2Fscontent-sin1-1.xx.fbcdn.net%2Fhphotos-xpt1%2Ft31.0-8%2F11891539_804145323031874_2150094546160195827_o.jpg&smallsrc=https%3A%2F%2Fscontent-sin1-1.xx.fbcdn.net%2Fhphotos-xpf1%2Fv%2Ft1.0-9%2F11885300_804145323031874_2150094546160195827_n.jpg%3Foh%3Dd2854c71d722d30e26b1655b23e80451%26oe%3D5690894C&size=1024%2C591

https://www.facebook.com/%E1%80%93%E1%80%99%E1%81%BC%E1%80%95%E1%80%AB%E1%80%9C-1451534851734569/timeline/