မြတ်ဗုဒ္ဓ၏ တရားများစုဝေရာ: တရားရှာ ကိုယ်မှာတွေ့။

ဆရာ့ဆရာကြီးတွေ နည်းပေးတဲ့အတိုင်း ဘုရားအလောင်းဟာ ၆-နှစ်ပတ်လုံး ဒုက္ကရ

စရိယာအကျင့်ကို ကျင့်လိုက်တာ ခန္ဓာကိုယ် ပိန်ချုံးပြီးတော့ အရိုးပေါ်အရေတင် မသေမရှင်

ဘ၀မျိုး ရောက်သွားပါတယ်။ လမ်းဆုံးအောင် လိုက်ကြည့်ပါတယ်။ လမ်းကို ဆုံးအောင်

လိုက်တာလည်း မတွေ့တဲ့အခါ ဘုရားလောင်းဟာ စဉ်းစားပါတယ်။

“သိယာ အညော မဂ္ဂေါ ဗောဓာယ- “ဗောဓာယ” ထူးခြားတဲ့ အသိဉာဏ်ကြီးအတွက်၊

“အညော မဂ္ဂေါ”- တခြားနည်းလမ်းသည်၊ “သိယာ”- ဖြစ်ကောင်းဖြစ်လိမ့်မယ်”။ သူတွေးပုံက

“ငါလျှောက်လာတဲ့ လမ်းကတော့ ဆုံးနေပြီ၊ ဒီလမ်း မဟုတ်နိုင်ဘူး၊ တခြားလမ်း ပြောင်း

လျှောက်ဦးမှပဲ၊ ဒီလမ်း မဟုတ်ရင် ဟိုလမ်းက သွားရမှာပေါ့၊ တခြားလမ်း ဖြစ်လောက်တယ်”

ဆိုတဲ့ အတွေး ၀င်လာပါတယ်။ ၀င်လာတဲ့အခါ ကိုယ်ပိုင်လမ်းကြောင်း တီထွင်ပြီး လျှောက်

ကြည့်ပါတယ်။

ကိုယ်ပိုင်လမ်းကြောင်းဆိုတာ ဘုရားလောင်း ငယ်စဉ် ဘ၀တုန်းက မိမိရဲ့နှာခေါင်းမှာ

ရှူသွင်းရှူထုတ်နေတဲ့ လေကလေးကို အာရုံပြုပြီး လေ့ကျင့်ခဲ့ဖူးတာကို သွားသတိရ လာပါတယ်။

စိတ်ကလေး ငြိမ်သွားတာကို သွားတွေ့ပါတယ်။

အေး- အဲဒါဟာ တကယ့်လမ်းကြောင်း ဖြစ်လောက်တယ်။ အသိဉာဏ် ဖြစ်ပေါ်မယ့်

လမ်းကြောင်းက အဲဒီလမ်းကြောင်း ဖြစ်လောက်တယ် ဆိုပြီး ခန္ဓာကိုယ်မျှမျှတတဖြစ်ပြီး အင်အား

ရှိလာအောင် ဘုရားအလောင်းတော်ဟာ အစာအာဟာရများစားပြီး သူကိုယ်တိုင် ရှာဖွေတွေ့

ရှိတဲ့လမ်းကြောင်းကို လျှောက်ကြည့်ပါတယ်။

“တရားရှာ ကိုယ်မှာတွေ့” ဆိုတဲ့အတိုင်း တရား ဆိုတာ အပြင်သွားရှာရတာ မဟုတ်ပါ။

မိမိ နှာခေါင်းပေါက်လေးက ၂၄-နာရီ ရှူထုတ်နေတဲ့လေ၊ ရှူသွင်းနေတဲ့ လေလေး၊ အဲဒီ ရှူသွင်း

ရှူထုတ် လုပ်နေတဲ့ လေလေးပေါ်မှာ အာရုံစိုက်ထားပါတယ်။ အဲဒီလို အာရုံ စိုက်ထားလိုက်တဲ့အ

ခါ သမာဓိစွမ်းအားတွေ ရပြီးတော့ ပထမဈာန်၊ ဒုတိယဈာန်၊ တတိယဈာန်၊ စတုတ္ထဈာန်၊

အဘိညာဉ်တွေရလာပါတယ်။

ဘုရားအလောင်းဟာ ကိုယ့်လမ်းစဉ်နဲ့ကိုယ် သွားလိုက်တာ ပထမယာမ်မှာ ပုဗ္ဗေနိဝါသာ

နုဿတိဉာဏ်အတိတ် ဘ၀တွေကိုကြည့်ရင် မြင်နိုင်စွမ်းရှိတဲ့ အဘိညာဉ်ကို ရသွားပါတယ်။

ဒုတိယယာမ် ရောက်တဲ့အခါ ဒိဗ္ဗစက္ခုဉာဏ်- ဝေးတဲ့နေရာ၊ ခြားကွယ်တဲ့နေရာ၊ သေးငယ်တဲ့

နေရာတွေကို လှမ်းပြီးကြည့်နိုင်တဲ့ အဘိညာဉ်ကိုရပါတယ်။ မိုးသောက်ယာမ် ရောက်တဲ့အခါ

ကျတော့ မိမိသန္တာန်မှာ သံသရာက ညစ်ထေးလာတဲ့ ကိလေသာအပူတွေ အညစ်အကြေးတွေကို

ဖယ်ရှားပစ်နိုင်တဲ့ အာသ၀က္ခယဉာဏ် ရပါတယ်။ ၀ိပဿနာ လမ်းကြောင်းကို ပြောင်းလိုက်တာနဲ့

တစ်ပြိုင်နက် မိုးသောက်ယာမ်မှာ အာသ၀က္ခယဉာဏ် ဆိုတာ ရပါတယ်။ အဲဒီ အာသ၀က္ခယဉာဏ်

ရလိုက်တာနဲ့ ဘုရားအဖြစ်သို့ ရောက်တာပါပဲ။ အဲဒီလို-ကိုယ်ပိုင်လမ်းကြောင်း ပြောင်းလျှောက်

လိုက်တဲ့အခါ ကိုယ်လိုချင်တဲ့ မကွေ့ မကောက် ဖြောင့်ဖြောင့်တန်းတန်း နိဗ္ဗာန်ရောက်အောင်သွား

မယ့် လမ်းမှန်လမ်းဆုံးကို တွေ့သွားပါတယ်။

{ ၁၃၇၁-ခုနှစ်၊ နတ်တော်လပြည့်ကျော် (၉)ရက်နေ့၊ ရန်ကုန်တိုင်းဒေသကြီး၊ ကြို့ကုန်းအရှေ့

တရားပွဲ ဖြစ်မြောက်ရေး အကျိုးဆောင်အဖွဲ့၏ ဒုတိယအကြိမ် ဆင်ယင်ကျင်းပပြုလုပ်အပ်သည့်

ဓမ္မပူဇာအခမ်းအနားဝယ် ဒေါက်တာ အရှင်နန္ဒမာလာဘိဝံသ ဟောကြားသော ဖြစ်နိုင်တာ နှင့်

မဖြစ်နိုင်တာ တရားတော်မှ ကောက်နုတ်ရေးသား ပူဇော်ပါသည်။ }

(မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်

ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

ဦးသိန်းဝေ။

http://www.facebook.com/damanadi.tk

http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။

မိုးကုတ်ဆရာတော်