ဂုဏ်ဟိတ်အမွန် ပုံရိပ်မှန်။

* ဗုဒ္ဓနိမိတ်၊ ကြာတံဆိပ်တည့်
   ဂုဏ်ဟိတ်အထွက်၊ ဘဒ္ဒကပ်၌
   ပွင့်လတ်တူတူ၊ ရနံ့ကြူသည့်
   လေးဆူဘုရား၊ မြတ်ကိုယ်စားဟု
   မှတ်သားဖေါ်ညွှန်း၊ ပဒုံပန်း...။
* ကြာပန်းပွင့်ရာ၊ ရေမျက်နှာတည့်
   ချက်ချာ၌ဗွေ၊ အောက်ခံမြေနှင့်
   မြရေအေးလက်၊ ပေါင်းဆုံဖက်သော်
   နှစ်သက်မပြေ၊ ကျက်သရေဖြင့်
   မြတ်ငွေကြာပွင့်၊ ရှုတိုင်းတင့်ဘိ.....။
* မြေရေအကူ၊ ကြာကယူ၍
   ကြာမူငုံရင့်၊ ကြာဖူးပွင့်သို့
   ထူးမြင့်ဆယ်လီ၊ ပါရမီနှင့်
   ခါညီအလိုက်၊ သာကြည်ခိုက်တွင်
   ရှိုက်မက်ဖွယ်ဆုံ၊ ရနံ့စုံတို့
   သင်းထုံမွှေးရန်၊ ပွင့်ချိန်တန်က
   စစ်မှန်မြေမှ၊ အေးရေမြကြောင့်
   လောကဂုဏ်မြင့်၊ ကြာတို့ပွင့်သည်
   ဆင့်ဆင့်ရေထောက်၊ လေးပွင့်မြောက်ပြီ.....။
* ပွင့်ရန်အာမုံ၊ ကြာတစ်ငုံလျှင်
   အရုဏ်နမ်းဆင့်၊ လန်းလန်းစင့်၍
   ရွှန်းတင့်ပြည့်ညီ၊ ပါရမီဖြင့်
   သာကြည်ဆင့်ကဲ၊ ဖူးပွင့်ဆဲမို့
   ပြုမြဲဒါန၊ ကျင့်သီလနှင့်
   ညီမျှဘာဝနာ၊ ၀တ်မှုန်လွှာကို
   စုံစွာသိုမှီး၊ ရှေ့ခရီး၌
   ဖြည့်ဆည်းပြည့်စုံ၊ မွှန်းမွှန်းထုံ၍
   စုဆုံယဉ်တင့်၊ ပန်ဆင်ခွင့်ကို
   မျှော်လင့်နိုင်ကြပါစေသတည်း........။ ။
{အရှင်နန္ဒသေနာလင်္ကာရ(မဟာဓမ္မစရိယ၊ M,A)၏ ဓမ္မဗိမာန်-ဓမ္မစာပေ ပထမဆုရ “ဘာသာရေး
အနှစ်သာရများ” မှ ကောက်နုတ်ရေးသားပူဇော်ပါသည်။}
   (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။