မြတ်စွာဘုရားရဲ့ အဆုံးအမကို ``Mind Centred Teaching´´ လို့ခေါ်တယ်၊ စိတ်ကို ဗဟိုပြု ပြီး ဆုံးမတာ၊ အရာရာကို စိတ်ဓာတ်နဲ့ တိုင်းတာရတယ်။
စိတ်ကောင်းနှလုံးကောင်း မွေးတဲ့ နေရာမှာ ဒါက အရေးကြီးတယ်၊ ဘယ်သူ့အပေါ် ဖြစ်ဖြစ် စိတ်ကောင်းနှလုံးကောင်း ထားရမယ်၊
လူတွေက စိတ်ကောင်းနှလုံးကောင်း ထားရင် အရှုံးပေးတယ်လို့ ထင်နေကြတယ်၊ အဲဒါကိုက အထင်မှားနေကြတာ၊
မိစ္ဆာဒိဋ္ဌိပဲနော်။
အဲဒီ မိစ္ဆာဒိဋ္ဌိကို အကြောင်းပြုပြီး ဆိုးကျိုးတွေ ဖြစ်တယ်၊ မိစ္ဆာဒိဋ္ဌိ အခေါ်ခံရတယ်လို့ ကြိုက်ချင်မှ ကြိုက်မှာ၊
မှားတာကို မြင်နေရင် ဒါ မိစ္ဆာဒိဋ္ဌိ ပဲလေ၊
ဘာကိစ္စပဲ ဖြစ်ဖြစ် အယာထာဝဒိဋ္ဌိ - မမှန်မကန်မြင်တာ၊ အမှန်ကို မမှန်ဘူးလို့ မြင်တာ မိစ္ဆာဒိဋ္ဌိပဲ၊
ဘုရားဟောတဲ့ မိစ္ဆာဒိဋ္ဌိဆိုတာ အဲဒါပြောတာနော်၊ အဲဒီတော့ မှန်မှန်ကန်ကန် မြင်ပြီး ကိုယ့်ကိုကိုယ် ဆင်ခြင်သုံးသပ်ရမယ်၊
ကိုယ့်ကိုကိုယ်အကောင်းဆုံး ဖြစ်အောင် ပြင်ဆင်နိုင်ဖို့ မြတ်စွာဘုရားရဲ့ အဆုံးအမကို ရဖို့လိုတယ်၊ ရဖို့ ဆိုတာ သာသနာနဲ့ကြုံမှသာ ရတာလေ၊
အင်မတန်မှ ခဲယဉ်းတယ်၊ မမျှော်မှန်းနိုင်လောက်အောင်ကို ခဲယဉ်းတာနော်၊မတော်တဆ ရနေတာကို အဟုတ်ကြီးထင်နေရင်တော့ အခါကောင်းတွေ လွတ်သွားမှာပဲ၊ ဒါက သေချာတယ်၊ အမြဲတမ်း အမှန်တရားကို သိခွင့်ရတာ မဟုတ်ဘူး။
ဘုရားပွင့်တဲ့ အချိန်တောင် တကယ့်ကို လက်တစ်ဆုပ်စာလူလေးတွေသာ အမှန်တရားကို သိခွင့်ရတာ၊
ကံကောင်းလွန်းလို့ အမှန်တရားကို သိခွင့်ရတာ၊ ပြောမယ်ဆိုရင်
ကမ္ဘာ့လူသားတွေထဲက အလွန်သေးငယ်တဲ့ အပြာက်အစက်လေးကသာ ဘုရားရဲ့ အဆုံးအမကို ရကြတာ၊
ဦးရေများပြားလှတဲ့ လူသားတွေဟာ ဒီအဆုံးအမကို မရကြဘူးဆိုတာ သေချာတယ်။
အဂ္ဂမဟာပဏ္ဍိတ အရှင်နန္ဒမာလာဘိဝံသ(Ph.D)
အားလုံး ကျန်းမာ ချမ်းသာကြပါစေ။
January 31, 2016
စိတ်ကို ဗဟိုပြု ပြီး ဆုံးမ
Subscribe to:
Post Comments (Atom)
No comments:
Post a Comment