ဗုဒ္ဓဘာသာကောင်းတစ်ယောက်။

  ဗုဒ္ဓဘာသာဝင် တစ်ယောက်သည် ဗုဒ္ဓရတနာ၊ ဓမ္မရတနာ၊ သံဃာရတနာတည်းဟူသော
ရတနာသုံးပါးကို ကိုးကွယ်ရမည် ဖြစ်ပေသည်။ သတ္တ၀ါတို့၏ ဘေးဒုက္ခကို ပယ်ဖျောက်ဖျက်ဆီး
တတ်သောကြောင့် ဗုဒ္ဓ၊ ဓမ္မနှင့် သံဃာတည်းဟူသော ရတနာသုံးပါးကို သရဏ ဟူ၍လည်း ခေါ်
ဝေါ်ကြပါသည်။
         ဗုဒ္ဓရတနာ = မြတ်ဗုဒ္ဓကို ကိုးကွယ်ပူဇော်ရခြင်းမှာ ဗုဒ္ဓရှင်တော်ဘုရားသည် သတ္တ၀ါတို့
ကို ကြီးပွားချမ်းသာကြောင်း နည်းလမ်း၌ ဖြစ်စေခြင်း၊ မကြီးပွား မချမ်းသာကြောင်း မကောင်း
သော နည်းလမ်းမှ ဆုတ်နစ်စေခြင်းနှင့် အပြစ်ဒေါသ အလုံးစုံ ကင်းစင်၍ ဂုဏ်ကျေးဇူး အလုံးစုံ
နှင့် ပြည့်စုံစေခြင်းတို့ကြောင်းပင် ရတနာဖြစ်၏။
         ဓမ္မရတနာ = ဓမ္မရတနာတည်းဟူသော
ဘုရား၏ တရားတော်ကို ကိုးကွယ်ရခြင်းမှာ တ
ရားတော်ကို ကျင့်ကြံလိုက်နာသူတို့အား ဘ၀သံသရာခရီးကြမ်းမှ ထုတ်ဆွဲကယ်တင်ခြင်း၊ တရား
ကျင့်တုန်းအခိုက်နှင့် ကျင့်ပြီး နောက်ကာလတို့၌လည်း သက်သာမှုကို ပေးစေခြင်းဖြင့် သတ္တ၀ါ
တို့၏ ဘေးဒုက္ခကို ပယ်ဖျောက်ဖျက်ဆီး စေနိုင်ခြင်းကြောင်း ဖြစ်ပါသည်။
         သံဃာရတနာ = သံဃာတော်ကို ကိုးကွယ်ရခြင်းမှာ အနည်းငယ်မျှသော ကောင်းမှုကု
သိုလ်တို့ကို ကြီးကျယ်ဖွံ့ဖြိုး အကျိုးများစေရန် ပြုခြင်းဖြင့် သံဃာတော်များသည် သတ္တ၀ါတို့၏
ဘေးဒုက္ခကို ပယ်ဖျောက်ဖျက်ဆီး နိုင်ခြင်းကြောင့် ဖြစ်ပါသည်။
         ထို ရတနာသုံးပါးအား ကြည်ညိုလေးစား ကိုးကွယ်ဆည်းကပ်သောသူကို သရဏဂုံ တည်သူဟု ခေါ်ပါသည်။ ထိုသူသည် ကောင်းမြတ်သော ဘ၀သို့ ရောက်ရမည် ဖြစ်သည့်ပြင် အ
သက်ရှည်ခြင်း၊ အဆင်းလှခြင်း၊ အခြွေအရံ ပေါများခြင်း စသော အကျိုးများကို ရရှိမည် ဖြစ်သည်။
{သာသနာတော် ထွန်းကားပြန့်ပွားရေးဦးစီးဌာန၏ ဗုဒ္ဓဘာသာကောင်းတစ်ယောက်မှ ကောက်
  နုတ်ရေးသားပူဇော်ပါတယ်။}
    (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
 “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
(ပိုမိုပြည့်စုံကောင်းမွန်အောင် အဆင်ပြေသလို ဖြည့်စွက်ရေးသားပြုပြင်ပြီး Share နိုင်ပါသည်။)