မောဟကင်းပြီးသော်လည်း မသိခြင်း ။

     မသိခြင်း သဘောကို မောဟဟုဆိုခြင်းကြောင့် မသစ်ဖူးသောအတတ်၊ မရောက်ဖူးသော
အရပ်နှင့် မမှတ်ဖူးသောနာမည် စသည်တို့ကို မသိခြင်းများလည်း မောဟအစစ်၊ အကုသိုလ်ဖြစ်
သည်ဟု မှတ်ထင်တတ်ကြ၏။ ထို မသိမျိုးမှာ မသိရုံသက်သက်သာဖြစ်၍ မောဟအစစ် အကုသိုလ်
အစစ် မဖြစ်ပါ။ မိမိ၌ မှတ်သားဖူးသော သညာ မရှိမှုသာတည်း။ ထို မသိမျိုးမှာ သာမန်လူတွေကို
မဆိုထားဘိ ရဟန္တာများပင် ရှိပါသေးသည်။
         ဘုရားရှင်ကလွဲလျှင် ပထမတန်း ဉာဏ်တော်ရှင်ဖြစ်သော အရှင်သာရိပုတ္တရာသည်ပင် တ
ပည့် ရဟန်းကလေး တစ်ပါး၌ ကမ္မဌာန်းအပေး မှားတော်မူခဲ့သေး၏။ ရဟန်းကလေးက ငယ်ရွယ်
သူဖြစ်၍ ကာမရာဂ ထကြွချိန်ဟု သဘောပိုက်ကာ အသုဘကမ္မဌာန်းကို ပေးတော်မူလေရာ ရ
ဟန်းကလေး၏ စရိုက်အလိုနှင့် မတည့်သောကြောင့် (၄) လ လုံးလုံး အားထုတ်ပါသော်လည်း အ
ရိပ်နမိတ်မျှ အထင်ဘဲ ရှိလေပါ၏။
         ထို့နောက် ဘုရားရှင်ထံ ခေါ်သွားမှ ဘုရားရှင်က စရိုက်နှင့် သင့်မြတ်သော ပဒုမ္မာကြာပန်း
ကို ဖန်ဆင်း၍ ပေးတော်မူလေရာ လွန်စွာ နှစ်သက်နေစဉ် မကြာခင် ညှိုးနွမ်းအောင် ဖန်ဆင်းပြ၍
သံဝေဂ အရမှာ အနိစ္စ၊ ဒုက္ခ၊ အနတ္တ ထင်မြင်အောင် ဆင်ပြ၍ ဟောပြသောအခါ ရဟန္တာဖြစ်သွား
လေသည်။ ဤ နေရာတွင် ဘုရားရှင်၏ ဉာဏ်တော်ကြီးမားပုံနှင့် မောဟကင်းပြီးသော အရှင်သာ
ရိပုတ္တရာ၏ အချို့အရာ၌ မသိပုံကို သတိပြုနိုင်ပါသည်။
         ဤကဲ့သို့ အရှင်သာရိပုတ္တရာသော်မှ မိမိအရာ မဟုတ်သော အချက်များကို မသိနိုင်သော
ကြောင့် ယခုကာလ မသင်ဖူးသေးသော အတတ်စသည်နှင့် ဉာဏ်ကြီးရှင်တို့ အရာကို မသိခြင်း
မှာ မောဟ၏ ကွယ်ကာမှုမဟုတ်ပါ။ မိမိဉာဏ်ပညာ၏ အစွမ်းသတ္တိနုံ့မှုသာ ဖြစ်ပါသည်။ သာဓက
ပြရလျှင်= နေ့လယ်ကြောင်တောင် နေရောင်ရှိတုန်း အခါ၌ အကွယ်အကာမရှိသော အဝေးအရပ်
ကို လှမ်း၍ မမြင်ရခြင်းမှာ တစ်စုံတစ်ရာ ကွယ်ကာမှုကြောင့် မဟုတ်။ မိမိမျက်စိ၏ အစွမ်းသတ္တိ
မရှိခြင်းကြောင့်သာ ဖြစ်သကဲ့သို့ပင် ဖြစ်ပါသည်။
         ထို့ကြောင့် မသိတိုင်းကို မောဟဟု ယိုးမယ်ချစရာမလိုပါ။ တရားချစ်ခင် ဓမ္မမိတ်ဆွေတို့
ကလည်း သိသင့်သိထိုက်သော တရားများကို သိအောင်ကျင့်ကြံကြကာ မြတ်နိဗ္ဗာန်ကို ရရောက်
နိုင်ကြပါစေ ကုန်သတည်း။
 {အမရပူရမြို့၊ ကျေးဇူးတော်ရှင် မဟာဂန္ဓာရုံဆရာတော် အရှင်ဇနကာဘိဝံသ၏ ကိုယ်ကျင့်
     အဘိဓမ္မာမှ ကောက်နုတ်ရေးသားပူဇော်ပါသည်။ }
      (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

  
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။