အားကိုးမလွဲစေနဲ့
လောကမှာ အမြင့်မြတ်ဆုံး ဘုရားနဲ့ တွေ့လျက်သားနဲ့ ဘုရားကို အားမကိုးဘဲ
နတ်တွေ ၊ ဘိုးတော် ၊ မယ်တော် စတာတွေကို အထင်ကြီး အားကိုးနေတာဟာ
လူကြားလို့ မကောင်းပါဘူး။ ဒါဟာ ကိုယ့်ဦးနှောက်ကို ကိုယ်အလွဲသုံးစားလုပ်တာပဲ
လောကမှာ ဘုရားကို အားကိုးတာလောက် ၊ ဘုရားစကား
နားထောင်တာလောက်ကောင်းတာ ဘာမှမရှိဘူး။ သိပ္ပံခေတ် လူသားလုပ်နေပြီး
အတွေးချော်မနေကြနဲ့။
ဓမ္မဒါန
ဓမ္မဒါနဟာ အမတဒါနပါ။ တရားအလှူဟာ မသေခြင်းအလှူပါ။ သူတစ်ပါးကို
တရားပေးလှူရင် သူတစ်ပါးကို မသေခြင်း ပေးလှူရာ ရောက်ပါတယ်။
မသေဓာတ် ပေးအပ်ရာ ရောက်ပါတယ်။ မသေအောင် လုပ်ပေးရာ ရောက်ပါတယ်။
သူတစ်ပါးကို မသေအောင် လုပ်ပေးရတဲ့ အလုပ်လောက် ကောင်းတဲ့ အလုပ်မျိုး
လောကမှာ ရှိနိုင်ပါဦးမလား။
အချိန်မဖြုန်းနဲ့
ဘာမှ မလုပ်နိုင်တော့တဲ့
သေခါနီးအချိန်ကျမှ
အသက်ရှည်ချင်နေမယ့်အစား
အခုလို အသက်ရှင် ၊ ကျန်းမာတုန်း
တရားများများ အားထုတ်ထားတာက
ပိုပြီး အဓိပ္ပါယ်ရှိပါတယ်။
သတိရှိပါစေ
ကိုယ်သေရင် ကိုယ်ပိုင်ဆိုင်တာတွေ
အကုန်ထားခဲ့ရမှာဖြစ်လို့
ကိုယ့်နောက်မပါတဲ့
အရာတွေအတွက် အချိန်ကုန်မခံနဲ့
ကိုယ့်နောက်ပါမဲ့ တရားကိုသာ
ကြိုးစားရှာ။
ရွှေလက်မြဲမြဲ တွဲကြစို့
ဘယ်လောက်ရုပ်ချောချော ၊ တစ်နေ့ကျ သေမှာပဲ
ဘယ်လောက် ပညာတတ်တတ် ၊ တစ်နေ့ကျ သေမှာပဲ
ဘယ်လောက် ပစ္စည်းရှိရှိ ၊ တစ်နေ့ကျ သေမှာပဲ
ဘယ်လောက်ရာထူးကြီးကြီး တစ်နေ့ကျ သေမှာပဲ
ကိုယ်သေရင် ကိုယ့်နောက်ပါမှာက
ဥစ္စာပစ္စည်း ၊ ရင်းနှီးခင်မင်သူတွေ မဟုတ်ဘူး။
ကိုယ်ပြုလုပ်ထားတဲ့ ကုသိုလ်ကံ
အကုသိုလ်ကံတွေသာ ကိုယ့်နောက်ပါမှာ။
ကုသိုလ်ကံက မိတ်ဆွေနဲ့တူတယ်
ဖြစ်လေရာ ဘ၀မှာ ကိုယ့်ကို ကောင်းကျိုးပေးမယ်။
အကုသိုလ်ကံက ရန်သူနဲ့တူတယ်
ဖြစ်လေရာ ဘ၀မှာ ကိုယ့်ကို ဒုက္ခပေးမယ်။
ဒါကြောင့်မို့ ဒုက္ခမတွေ့ချင်ကြဘူးဆိုရင်
အကုသိုလ် ရန်သူတွေနဲ့ လက်တွဲဖြုတ်ပြီး
ဒါန ၊ သီလ ၊ဘာဝနာ ဆိုတဲ့ ကုသိုလ်မိတ်ဆွေတွေနဲ့
မခွဲ မခွာ ထာဝစဉ် လက်တွဲဖို့ လိုတယ်။
No comments:
Post a Comment