အရှင်သာရိပုတ္တရာရဲ့ စိတ်ဓာတ်ကောင်း။

  လောကမှာ အပြစ်တွေ့လို့ သူ့ကို သတိပေးပြောကြားရင်လည်း လက်ခံတဲ့ပုဂ္ဂိုလ်
 ဖြစ်ရပါမယ်။ အဲဒီအချက်က အင်မတန်ခက်တယ်။ ခက်တာက လူတွေမှာ  မာနရှိတယ်။ မာန
ရှိတဲ့ အတွက်ကြောင့် ကိုယ့်ထက်ငယ်တဲ့ ပုဂ္ဂိုလ်ကပြောရင် လက်မခံကြဘူး။ ကိုယ့်အောက်ငယ်

တဲ့သူကပြောရင်ဘေးဖယ်ထားကြတယ်။ တချို့က  သူများကိုတော့ ကိုယ်ကဆုံးမ  တတ်တယ်။
ကိုယ့်ကိုဆုံးမရင်တော့“ ငါပြောသလိုလုပ် လျှာမရှည်နဲ့တဲ့၊ ” ကိုယ့်ကို လာပြောရင် မကြိုက်တဲ့  
သူကပိုများကြပါတယ်။ အဲဒါမျိုး မဖြစ်စေရပါ။
           ဒီနေရာမှာ အရှင်သာရိပုတ္တရာရဲ့ စိတ်ဓာတ်ဟာ အင်မတန်မှ အတုခိုးစရာ ကောင်းပါ
တယ်။ ပညာရှိပီသပါတယ်။ အရှင်သာရိပုတ္တရာ မထေရ်မြတ်ဟာ တခါတုန်းက သင်္ကန်းရုံထား
တာလေးက မညီမညာ တွဲလောင်းလေး ကျနေတော့ ကိုရင်လေး တစ်ပါးက လျှောက်တယ်တဲ့။
“ အရှင်ဘုရား၊ ဟောဒီမှာ သင်္ကန်းလေး တွဲလောင်းလေးကျနေတယ် ” ။ အရှင်သာရိပုတ္တရာ
မထေရ်မြတ်က ကိုရင်လေး ပြောတဲ့အတိုင်း ဟုတ်နေတော့ သင်္ကန်းလေးကို သူပြင်ရုံပြီး လက်
အုပ်လေးချီကာ “ ညီသွားပြီလား ” ဟု ပြန်မေးသတဲ့။ ကိုရင်လေးကလည်း ညီသွားပြီ ပြန်ဖြေ
တော့ “ ကျေးဇူးတင်တယ် ကိုရင်၊ ” လို့ ကိုရင်ပေါက်စလေးက သတိေ
ပးတာကို လက်ခံတယ်။
          လက်ခံပြီးတော့ သံဃပရိတ်သတ် ကြားထဲမှာ ပြောတာက “ ဒီကနေ့မှ ကိုရင်ဖြစ်လာ
ပြီး အသက်အရွယ်ကလည်း (၇) နှစ်ပဲ ရှိသေးတယ်။ အဲဒီ (၇) နှစ်အရွယ် ကိုရင်လေးက သူ့ကို
ဆုံးမသြ၀ါဒပေးမယ်ဆိုရင်တောင် ဦးထိပ်ပန်ဆင်ပါ့မယ် ”။ လို့ ပြောပါတယ်။ အဲဒီတော့ မိတ်
ကောင်းဆွေကောင်းကို အင်မတန် တန်ဖိုးထားတယ် ဆိုတဲ့ အဓိပ္ပာယ် ပေါ်လွင်ပါတယ်။ သူများ
က ဆုံးမရင်လည်း လက်ခံနိုင်ရပါမယ်။ လက်ခံနိုင်တာက မိတ်ကောင်းဆွေကောင်းအင်္ဂါရပ်ပါ။
             ဒါကြောင့် တရားချစ်ခင် တရားကျင့်ကြံအားထုတ်နေကြတဲ့ ဓမ္မမိတ်ဆွေအပေါင်းက
လည်း မိတ်ကောင်းဆွေကောင်းကို ပေါင်းသင်းကြကာ ဘ၀မြင့်မြတ်သထက် မြင့်မြတ်ပြီး မြတ်
နိဗ္ဗာန်ကို ရရောက်နိုင်ကြပါစေ ကုန်သတည်း။
 { ကောဇာသက္ကရာဇ် ၁၃၇၁ ခုနှစ်၊ တန်ဆောင်မုန်းလဆန်း ၅ ရက်၊ လှိုင်မြို့နယ်၊ တိုင်းရင်း 
 သားများ ဖွံ့ဖြိုးရေး ပရဟိတကျားကျောင်း၌ အဂ္ဂမဟာပဏ္ဍိတ ဒေါက်တာအရှင်နန္ဒမာလာဘိ
 ၀ံသ၏ မိတ်ကောင်းဆွေကောင်း တရားဒေသနာတော်မှ ကောက်နုတ်ရေးသားပူဇော်ပါသည်။}
   (မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
                    ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)
 “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
(ပိုမိုပြည့်စုံကောင်းမွန်အောင် အဆင်ပြေသလို ဖြည့်စွက်ရေးသားပြုပြင်ပြီး Share နိုင်ပါသည်။)