ခန္ဓာကိုယ်ကို စိတ်ဝင်တစားကြည့်ပါ

ခန္ဓာကိုယ်ကို စိတ်ဝင်တစားကြည့်ပါ
တရားရှုမှတ်တဲ့အခါမှာ မိမိရဲ့ စိတ်အင်အားတွေကို ခန္ဓာကိုယ်ပေါ်မှာ သုံးသပ်ဖို့၊ သိအောင် ကြည့်ဖို့ အရေးကြီးပါတယ်။ သုံးသပ်တယ်ဆိုတာ ရှုမှတ်တာလည်းပါတယ်၊ ဆင်ခြင်တာရော၊ နှလုံးသွင်းတာရော ပါပါတယ်။ အဓိက,ကတော့ ရှုမှတ်တာပေါ့။
ဝိပဿနာတရားဆိုတာ မဂ္ဂသစ္စာပွားများတာပါ။ မဂ္ဂသစ္စာက အကြောင်းဆိုရင် နိရောဓသစ္စာက အကျိုးပေါ့။ နိရောဓဆိုတဲ့ နိဗ္ဗာန်က အကျိုးပဲ။ တဏှာကုန်တာ နိဗ္ဗာန်ပါ။
မဂ္ဂသစ္စာပွားနေတာဟာ အပူငြိမ်းကြောင်း နိဗ္ဗာန်ရောက်ဖို့ပါပဲ။ ဒါကြောင့် ရှုမှတ်တဲ့အခါမှာ စူးစူးစိုက်စိုက် ရှုမှတ်ပါ၊ စေ့စေ့စပ်စပ်ရှုမှတ်ပါလို့ တိုက်တွန်းနေရတာပါ။ တနည်း အဲဒါဟာ ခန္ဓာကိုယ်ကို စိတ်ဝင်တစားကြည့်ခိုင်းတာပါ။ မှတ်လည်း မှတ်ပါ၊ ကြည့်လည်း ကြည့်ပါ။ တရားရှုမှတ်တဲ့အခါမှာ အဲဒါ အရေးကြီးပါတယ်။ ရှုမှတ်တဲ့ ယောဂီတွေဟာ များသောအားဖြင့် သိပ်မကြည့်ဘူး၊ ကြည့်တဲ့ သူကလည်း မမှတ်ချင်ဘူး။ အစွန်းတွေ ရောက်နေကြတယ်။ ဒါကြောင့် မှတ်လည်းမှတ်ပါ၊ ကြည့်လည်း ကြည့်လည်းကြည့်ပါ။
မဟာစည်ဆရာတော်ဘုရားကြီးရဲ့အလုပ်ပေးတရားမှာ စူးစူးစိုက်စိုက် မှတ်ပါလို့ ပါတယ်။ အပေါ်ယံကလေး လျှံမှတ်ခိုင်းတာ မဟုတ်ဘူး။ အဲဒါ ကြည့်ပါလို့ ပြောတာ။ တချို့က ကြည့်ပါဆိုရင် သိပ်သဘောမကျချင်ဘူး၊ မှတ်ရင် ပြီးတာပဲလို့ ထင်ကြတာတွေ ရှိတယ်။ မှတ်တဲ့အခါမှာ စူးစူးစိုက်စိုက် မှတ်ရတယ်။
သမာဓိ အရမ်းကောင်းနေတဲ့ အခါမှာတော့ စူးစိုက်မှုကို နဲနဲလျှော့ထားရတယ်။ အဲဒီအခါမျိုးကျတော့ ဖြန့်ကြည့်ရတယ်။ သမာဓိ ကောင်းနေလို့ရှိရင် ၀ီရိယ တိုးပေးရတယ်။ ၀ီရိယနဲ့ သမာဓိ၊ သဒ္ဓါနဲ့ ပညာ ညီအောင် ညှိပေးရတယ်။
တစ်ခုအရမ်းကောင်းနေရင် အဲဒီကောင်းနေတာကို နည်းနည်းလေးလျှော့ပြီးတော့ ကျန်တစ်ခုကို တိုးပေးရတယ်။ သမာဓိတွေအရမ်းကောင်းပြီး နိမိတ်တွေအရမ်းထင်နေတယ်ဆိုရင် သမာဓိကိုနည်းနည်း လျှော့ပေးပါ။ အထိုင်နည်းနည်းလျှော့ပြီး စင်္ကြံလျှောက်ပေးရတယ်။ ထိုင်နေရင်လည်း သမာဓိနဲ့ တစ်ကိုယ်လုံးဖြန့်ပြီး မှတ်ပေးရတယ်။ ၀ီရိယကို တိုးတဲ့အနေနဲ့ မှတ်ချက်ကို တိုးပေးရတယ်။
ဖေါင်းတယ် ပိန်တယ် မှတ်နေရာကနေပြီး ဖောင်းတယ် ပိန်တယ် ထိုင်တယ် ထိတယ်ဆိုပြီး မှတ်ချက်ကို တိုးပေးရတယ်။
ထိုင်တယ် ထိတယ် မှတ်နေရင်လည်း ထိုင်တယ် ဘယ်ခြေထောက်ထိတယ်၊ ထိုင်တယ် ညာခြေထောက်ထိတယ် ဆိုပြီး မှတ်ချက်ကို ဖြန့်ပြီး တိုးပေးရပါမယ်။
ဝီရိယလွန်ပြီး ပျံ့လွင့်နေလို့ရှိရင်လည်း ခပ်များများ ထိုင်ေ
ပးရတယ်။ မထိုင်ချင်လည်း ဖြစ်ညှစ်ပြီးတော့ ထိုင်ပေး။ အဲဒါဆိုရင် သမာဓိတိုးလာတယ်။ သမာဓိနဲ့ ၀ီရိယကို ဘောင်ချိန်ပေးရတယ်။
မှတ်စိတ်ဆိုတဲ့ နေရာမှာ သမာဓိချည်း မဟုတ်ဘူး၊ သတိလည်း ပါတယ်၊ ပညာလည်း ပါတယ်။ မဂ္ဂင်ငါးပါး အကုန်ပါတယ်။ အတိုချုံးပြောရင် - သတိ ပညာ။
သတိနဲ့ပညာ ကြားထဲမှာ သမာဓိက အလိုလိုပါပြီး ဖြစ်ပါတယ်။
ဝိပဿနာဆိုတာ ပညာဖြစ်မှ ၀ိပဿနာပါ။ ထိုင်တာ အဓိကမဟုတ်ဘူး။ အားထုတ်ရကျိုးနပ်ဖို့ဆိုရင် သတိ ပညာ ပါရမယ်။ တစ်ခုမဟုတ်တစ်ခု ဉာဏ်တွေရနေရမယ်။ အဲဒါကြောင့်မို့လို့ ရှုမှတ်ရမယ်။ အချိန်ဟာ တန်ဖိုးမဖြတ်နိုင်ဘူး၊ ကုန်သွားတဲ့အချိန်ကို ပြန်ယူလို့မရဘူး။
ဒါကြောင့်မို့လို့ ချမ်းသာရင် ချမ်းသာတယ်၊ ကောင်းရင် ကောင်းတယ်၊ သိတာလေးပဲကျန်ရင် သိတယ် သိတယ်လို့ တင်းတင်းရင်းရင်း မပြတ်တရစပ် မှတ်ရပါမယ်။ အဲဒီသိတဲ့စိတ်ကလေးကို နောက်စိတ်က တစ်ခါမှတ်။ ပထမစိတ်ကို နောက်စိတ်က မှတ်ရမယ်ပေါ့။ ပထမစိတ် ပျက်ပြီးမှ နောက်စိတ်ဆိုတာပေါ်လာတာလေ။ စိတ်ကို မှတ်တဲ့အခါမှာ ပစ္စုပ္ပန်တည့်တည့်ကျအောင် မမှတ်နိုင်ဘူး။ ရုပ်ကတော့ ပစ္စုပ္ပန်တည့်တည့်မှတ်လို့ရတယ်။
ဖောင်းတဲ့ရုပ်ကို ဖောင်းတယ်လို့ မှတ်တဲ့အခါမှာ ဖောင်းတာရော မှတ်တာရော တည့်တည့်ကိုက်သွားတယ်။
စိတ်ကို စိတ်နဲ့ မှတ်တဲ့အခါကျတော့ ပထမစိတ် ဖြစ်ပြီးမှ နောက်စိတ် ဖြစ်လို့ရတာဆိုတော့ ပထမစိတ် ချုပ်ပျောက်ပြီးတော့မှ နောက်စိတ်က တက်လာတာ။ ပထမ သိတဲ့စိတ်ကလေး ပြီးသွားတော့မှ နောက် သိတဲ့စိတ်ကလေး ဆက်ဖြစ်လာတာ။
ဒါပေမယ့် ၀ိပဿနာဖြစ်ပါတယ်တဲ့။ အဲဒါကို သန္တတိပစ္စုပ္ပန် အခိုက်လို့ ခေါ်ပါတယ်တဲ့။ ကျေးဇူးတော်ရှင် ချမ်းမြေ့ဆရာတော်ဘုရားကြီးရဲ့ အလုပ်ပေးမှာ ပါပါတယ်။
မွေးတာကနေ သေတဲ့အထိဟာ အခုလက်ရှိဘ၀ရဲ့ ပစ္စုပ္ပန်ပဲ။
မနက်တို့ နေ့လယ်တို့ ညနေတို့ဟာလည်း ဒီနေ့ရဲ့ ပစ္စုပ္ပန်ပဲ။
ဒါပေမယ့် အဲဒီပစ္စုပ္ပန်နှစ်မျိုးဟာ ၀ိပဿနာ ရှုမှတ်လို့မရဘူး။
အခုလို စိတ်ကို စိတ်နဲ့ဆက်မှတ်တာကို သန္တတိပစ္စုပ္ပန်လို့ခေါ်တယ်။ ရုပ်တွေ နာမ်တွေ တရစပ်ကြီး ဖြစ်ပျက်နေတာဟာ သန္တတိပစ္စုပ္ပန်။
ခဏပစ္စုပ္ပန်ဆိုတာ ရှိသေးတယ်။ ဥပါဒ် ဌီ ဘင်။
ရှုမှတ်တဲ့အခါမှာ အရမ်းမြန်ပုံကို နည်းနည်းချင်း ရိပ်မိလာတယ်။ ၀ါးတဲ့အခါမှာ ၀ါးတယ် ၀ါးတယ်လို့ မှတ်တယ်။ ၀ါးဖို့အတွက် လက်နဲ့ယူတဲ့အခါမှာ ယူတယ် ယူတယ်လို့ မှတ်တယ်။ အဲဒါတွေကို မလွတ်အောင် အချက်တိုင်းမိအောင် မှတ်နိုင်ရဲ့လားဆို မှတ်တော့မှတ်တာပဲ၊ မြန်လွန်းအားကြီးတော့ လွတ်ကုန်တယ်။ မြန်တယ်ဆိုတာကလည်း လှုပ်ရှားမှုနဲ့ မှတ်စိတ်နဲ့ နှစ်ခုမှာ စိတ်က ထိုင်းမှိုင်းနေတယ်။ စိတ်က သတိ ပညာနဲ့ ထိတွေ့မှုနည်းတဲ့ အခါကျတော့ စိတ်က ထိုင်းမှိုင်းပြီး လေးနေတယ်။
တချို့ ယူတာလည်း မှတ်လို့ရတယ်။ ထည့်တာလည်း မှတ်လို့ရတယ်။ ၀ါးတာလည်း မှတ်လို့ရတယ်။ ၀ါးတယ်ဆိုတဲ့နေရာမှာ ကြေညက်အောင် ၀ါးရတာ။ အဲဒီအချိန်မှာ ၀ါးချင်တဲ့စိတ်ကို မှတ်ကြည့်ပါလား၊ လွယ်ပါ့မလား။
ဝါးချင်လို့ မှတ်ရင် ၀ါးပြီးသွားပြီ။ ၀ါးချင်တာကို မှတ်လို့ မပြီးသေးဘူး၊ နှစ်ချက် သုံးချက်လောက် ၀ါးပြီးသွားပြီ။ အဲဒီဝါးချင်တဲ့စိတ်ကို မှတ်တဲ့အခါကျတော့ ၀ါးချင်တယ် ၀ါးချင်တယ်ဆိုရင် ၀ါးပြီးပြိ။ ၀ါးချင်တဲ့စိတ်ကလေးကို မှတ်လို့တောင် မပြီးသေးဘူး ၀ါးနေပြီ။ ၀ါးနေတဲ့ကြားထဲမှာ ၀ါးချင်တဲ့ စိတ်ကလေးတွေ ပေါ်နေသေးတယ်။ ပေါ်ပြီးမှ ၀ါးတာ။ စိတ်ပေါ်သမျှ လိုက်မှတ်လို့ လွယ်ပါ့မလား။ မလွယ်ဘူး။ ဒါက စိတ်မြန်ပုံလေးကို ပြောတာ။
လှေကားအတက်အဆင်းလေးတွေမှာ တက်တဲ့အခါ တက်တယ် တက်တယ်လို့ မှတ်တယ်။ ကြွတယ် လှမ်းတယ် ချတယ်လို့ မှတ်တယ်ပေါ့။ ဒီလှေကားလေးကို တက်နေတာ တက်ချင်တဲ့စိတ်ကြောင့် တက်နေတာ။ တက်ချင်တဲ့စိတ်ကို မှတ်လို့မိပါ့မလား။ တက်ချင်တဲ့စိတ်က မြန်အားကြီးလွန်းလို့ ခဏကလေးပဲ ပေါ်တာ။ မမှတ်နိုင်လို့ အပြစ်မရှိပါဘူး။ ဒါပေမယ့် ယှဉ်တွဲစေတသိက်တွေဟာ အင်မတန်မြန်တယ်လို့ သိထားရပါမယ်။
စမှတ်ခါစမှာ ကြွတယ် လှမ်းတယ် ချတယ်လို့ မှတ်နိုင်ရင် တော်ပါပြီ။
မှတ်အားကောင်းလာတဲ့အခါ သိစိတ်ကလေးပဲ ကျန်နေတဲ့အခါ ချင်စိတ်ကိုလည်း လိုက်မှတ်ပေးပါ။
အဲဒီအခါကျတော့ ငါတို့မှတ်အားတွေ တော်တော်ကောင်းနေပြီအောက်မေ့တာ လိုသေးတာကိုးလို့ သဘောပေါက်လာမယ်။
သွားချင်တယ်၊ ထိုင်ချင်တယ်၊ ထချင်တယ်၊ စားချင်တယ်။ ချင်လေးတွေက အများကြီးပဲ။ အဲဒီ ချင်ကလေးတွေကြောင့် လှုပ်ရှားမှုတွေ ဖြစ်လာတာ။
သွားချင်တယ်ဆိုရင် သွားချင်တဲ့စိတ်က အကြောင်း။ သွားချင်တဲ့စိတ်ကို မူတည်ပြီးတော့မှ သွားတယ်လို့ ဖြစ်လာတာ။ အဲဒီကြားထဲမှာ စိတ်တွေ ရှိသေးတယ်။ ဒါက တရားကောင်းနေလို့ မှတ်နိုင်တဲ့ယောဂီများ မှတ်ဖို့ပြောတာ။ သွားချင်တယ်ဆိုပြီး သွားသေးတာမဟုတ်ဘူး။ သွားချင်တယ် သွားချင်တယ်ဆိုပြီး ရုပ်ကြီးက ရပ်နေသေးတာ။ မရွေ့သေးဘူး။ သွားလို့ အမိန့်ပေးတဲ့ စိတ်ဖြစ်မှ သွားတာ။ အဲဒီတော့မှ လှုပ်ရှားတာ။
စိတ်တွေဟာ အင်မတန် နူးညံ့တယ်၊ အင်မတန် မြန်တယ်။ သွားချင်တယ် သွားချင်တယ်ဆိုပြီး ရပ်နေသေးတာ၊ သွားချင်တယ်ဆိုပြီးတော့ မသွားဖြစ်သေးဘူး။ သွားတော့လို့ အမိန့်ရမှ သွားတယ်။ စိတ်ကလေးက ဖြစ်တယ်လို့တောင် မထင်လိုက်ရဘူး။
ချင်စိတ်တွေကြားထဲမှာ ဆုံးဖြတ်တဲ့စိတ် ရှိသေးတယ်။ ဆုံးဖြတ်တဲ့ စိတ်တွေ ဘာတွေကို ထားပြီး ချင်စိတ်လောက်ပဲ မှတ်ကြည့်ပါဦး။
မှတ်အားမကောင်းသေးရင် ချင်စိတ်ကို မမှတ်နဲ့ဦး။ ရိုးရိုးလှုပ်ရှားတာကိုပဲ မှတ်ပါ။
အဲဒီ ချင်ဆိုတဲ့ စိတ်ကလေးတွေကို ရှုမှတ်နိုင်ပြီဆိုလို့ရှိရင် တရားအားထုတ်တဲ့နေရာမှာ ပိုအသုံးဝင်တယ်။ တရားထိုင်ချင်ရင်လည်း ထိုင်ချင်တယ် ထိုင်ချင်တယ်၊ တရားဖြုတ်ချင်ရင်လည်း ဖြုတ်ချင်တယ် ဖြုတ်ချင်တယ်၊ ထချင်ရင်လည်း ထချင်တယ် ထချင်တယ်။ မလုပ်ခင်မှာ ချင်စိတ်ကလေးတွေ ပေါ်တာကို ဂရုစိုက်ပြီး မှတ်ကြည့်ပါ။
အခုပြောချင်တာက စိတ်ဝင်တစားနဲ့ ဒီခန္ဓာကိုယ်ကြီးကို ကြည့်ပါ။ လှုပ်ရှားတာတွေ ထိုင်တာတွေ ထတာတွေကို ဉာဏ်မျက်စိနဲ့ အသိကလေးကပ်ကြည့်ပါ။ စက်ရုပ်ကြီးကို ခလုတ်နှိပ်ပြီး အမိန့်ပေးလိုက်တဲ့အခါမှာ အဆင့်ဆင့် လှုပ်ရှားမှုတွေ ဖြစ်ပေါ်လာသလိုပဲ၊ စိတ်က အမိန့်ပေးလိုက်တဲ့အခါ ရုပ်တွေက အဆင့်ဆင့် လှုပ်ရှားလာရတယ်။
အဲဒီလို လှုပ်ရှားတဲ့ လေရဲ့သဘောတွေကို သိတာ၊ တောင့်တင်းတဲ့ သဘောတွေကို သိတာဟာ တရားသိတာပဲ။ ရုပ်တရားတွေကို သိတာပဲ။ လေးတယ်ဆိုရင်လည်း ဓာတ်ကြီးလေးပါးထဲက ပထ၀ီနဲ့ အာပေါကို သိတာ။
ရှုမှတ်နေတဲ့အခါမှာတော့ ဒါက ပထ၀ီပဲ အာပေါပဲလို့ လုပ်နေစရာ မလိုဘူးနော်။ တရားစဉ်နဲ့ လုပ်ငန်းစဉ် မရောပါစေနဲ့။
ကိုယ် ရထားတဲ့ ဗဟုသုတတွေကို တရားထိုင်တဲ့အခါမှာ ဆင်ခြင် စဉ်းစားနေရင် အမှတ်တွေ လွတ်ကုန်ရော၊ ဆင်ခြင်စဉ်းစားတယ်ဆိုတာ တရားဟောမယ့်သူအတွက်ပဲ အဓိကလိုတယ်။ တရားအားထုတ်တဲ့ ယောဂီအတွက် အားထုတ်နေချိန်မှာ ဆင်ခြင်စဉ်းစားနေစရာ မလိုဘူး။
ထိုင်တယ် ထိုင်တယ်လို့ မှတ်တဲ့အခါမှာလည်း ထိုင်တယ်ဆိုတဲ့ စကားလုံးပေါ်မှာ တင်မနေစေရဘူး၊ ထိုင်တယ်ဆိုတဲ့ စကားလုံးဟာ အထိန်းသဘောပဲ။ လေးတဲ့သဘောတွေကို သိစေချင်လို့ ထိန်းပေးတာ။ ထိုင်တယ်ဆိုတဲ့ စကားလုံးကို မှတ်ဖို့ မဟုတ်ဘူး။ ထိုင်တယ်ဆိုတဲ့ စကားလုံးဟာ မပါလို့လည်း မဖြစ်ဘူး၊ အဓိကလည်း မဟုတ်ဘူး။ လေးတဲ့သဘောကို သိဖို့က အဓိကပဲ။
ခန္ဓာရဲ့သဘောကို သိအောင်လို့ မှတ်စိတ်ကလေးက ထိန်းပေးတာ။ သမ္မာသင်္ကပ္ပနဲ့ သမ္မာဒိဋ္ဌိမှာ သမ္မာသင်္ကပ္ပက သမ္မာဒိဋ္ဌိကို ညွှန်ကြားပေးတယ်။
မှတ်စိတ်ကလေးတွေကို အာရုံပေါ် တင်ပေးနေတာ သမ္မာသင်္ကပ္ပ။
လေးလေးပြီး ကျသွားတဲ့ ရုပ်အာရုံကို မှတ်စိတ်ပေါ်ကို တင်ပေးတာ၊ အဲဒါသမ္မာသင်္ကပ္ပရဲ့အလုပ်။ လှုပ်ရှားတဲ့သဘောတွေ လေးတဲ့သဘောတွေ မာတဲ့သဘောတွေ ပူတဲ့သဘောတွေ ဖြစ်တဲ့ အာရုံတွေကို မှတ်စိတ်ပေါ် တင်ပေးရတယ်။
တရားအားထုတ်တဲ့အခါမှာ အာရုံကို အာရမ္မဏိကပေါ်တင်ပေးတာ။ ရှုစရာအာရုံကို ရှုသိစိတ်ကလေးအပေါ် တင်ပို့ပေးတာ။ ထိုင်တဲ့အခါမှာ လေးတဲ့သဘောကလေးကို ကြည့်ပါလို့ပြောတာ၊ လေးတဲ့သဘောလေးကို ကြည့်တော့ လေးလေးပြီး ကျသွားတယ်မဟုတ်လား။ အဲဒါကြောင့်မို့လို့ ခန္ဓာကိုယ်ကို စိတ်ဝင်စားပါလို့ပြောတာ။ ဒီခန္ဓာကိုယ်ကို စိတ်ဝင်တစားနဲ့ ရှုမှတ်ပွားများသွားလို့ရှိရင် မဂ်ဉာဏ် ဖိုလ်ဉာဏ်ရနိုင်ပါတယ်။
ထိုင်တဲ့အခါမှာ ဖြည်းဖြည်းအေးအေးနဲ့ ထိုင်တယ် ထိုင်တယ်လို့ မှတ်လို့ရှိရင် တဖြည်းဖြည်း လေး လေး လေး လေးကျသွားတာကို သိဖို့အတွက် ထိုင်တယ်ဆိုတဲ့ စကားလုံးက ထိန်းပေးရတာပါ။ ထိုင်တယ်ဆိုတဲ့ မှတ်စိတ်ကလေးက ထိန်းပေးတာ၊ ထိန်းပေးလိုက်တော့ ဒီအာရုံပေါ်မှာ မှတ်စိတ်ကလေးက တဒင်္ဂ တဒင်္ဂတည်သွားတယ်။ အဲဒါကို ခဏိက သမာဓိလို့ခေါ်တယ်။ ခဏလေး ခဏလေး အကြားကြီး မဟုတ်ဘူးနော်။
သမာဓိက ခဏိကသမာဓိရှိတယ်၊ ဥပစာရသမာဓိရှိတယ်၊ အပ္ပနာသမာဓိ ရှိတယ်။
အခုလိုရှုမှတ်လိုက်တဲ့အခါကျတော့ အာရုံပေါ်မှာ စိတ်ကလေး တည် တည်သွားတာ၊ ခဏလေး၊ အဲဒါကို ခဏိကသမာဓိခေါ်တာ။
ဥပစာရသမာဓိဆိုတာ ဈာန်အနီးအနားကိုခေါ်တာ။
ပထမဈာန် ဒုတိယဈာန် တတိယဈာန် စတုတ္ထဈာန်စသည် ဈာန်တွေရတာကို အပ္ပနာသမာဓိလို့ခေါ်တယ်။
ထိုင်တယ် ထိုင်တယ်လို့ မှတ်တဲ့အခါမှာ ထိုင်တဲ့အာရုံအပေါ်မှာ မှတ်စိတ်ကလေးဟာ တဒင်္ဂ တဒင်္ဂတည်သွားတယ်။ အဲဒီလို စိတ်ကလေး တည်သွားအောင်လို့ ထိုင်တယ် ထိုင်တယ်ဆိုတဲ့ စကားလုံးက အကူအညီပေးတာ။ ဒီဝေါဟာရဟာ အဓိကမကျပေမယ့် ဝေါဟာရကို ပယ်လို့မရဘူး။ ထိုင်တယ် ထိုင်တယ်ဆိုတဲ့ အဆိုကလေးကြောင့် သမာဓိရသွားတာလေ။ အဲဒီသမာဓိကြောင့် နောက်ထပ်ရလာတာက ပညာ။
ပညာဆိုတာက ထိုင်တဲ့နေရာမှာဖြစ်ပေါ်တဲ့ ပညာစေတသိက်။ အဲဒီပညာက လေး လေးကျသွားတာကို သိတယ်။ စကားလုံးကတော့ ထိုင်တယ် ထိုင်တယ်။ တကယ်သိတာကျတော့ လေး လေး လေး လေးကျသွားတာကို သိတာ။ အဲဒီလေးကျသွားတာကို သိတာဟာ ဉာဏ်ပညာပဲ။
ခန္ဓာကိုယ်မှာ တကယ်ရှိတာက ဓာတ်ကြီးလေးပါး။ ရုပ်ဘက်က ဓာတ်ကြီးလေးပါ။ နာမ်ဘက်ကတော့ ဝေဒနာ သညာ သင်္ခါရ စိတ်ပေါ့။
ရုပ် ၂၈ ပါးက စာအတွက်သိဖို့ ..၊ တကယ်သိဖို့က ဓာတ်ကြီးလေးပါး သိရင်ရပြီ။
သဒ္ဓမ္မရံသီဆရာတော်ဘုရားကြီး စပ်ဆိုထားတာရှိတယ် ..
ပ နှင့် အာ မှာ ဓာတ်နှစ်ဖြာ လေးတာ ထင်ရှားသည်။
တေ နှင့် ၀ါ မှာ ဓာတ်နှစ်ဖြာ ပေါ့တာထင်ရှားသည်တဲ့။
ပ နှင့် အာ ဆိုတာ ပထ၀ီ နဲ့ အာပေါ။
တေ နှင့် ၀ါ ဆိုတာ တေဇောရယ်၊ ၀ါယောရယ်။
ယောဂီတို့ ထတဲ့အခါမှာ ထတယ် ထတယ်လို့ မှတ်တော့ ပေါ့ပြီး ကြွ ကြွ တက်သွားတယ်မဟုတ်လား။ အဲဒါ တေဇောနဲ့ဝါယော ဦးဆောင်တာ။ ထိုင်ချတော့ လေးပြီးကျသွားတာ ပထ၀ီနဲ့ အာပေါ။
လေး လေးကျသွားတဲ့ ပထ၀ီနဲ့ အာပေါက ရုပ်တရား၊ သိတာက နာမ်တရား။
ပြန်ထတဲ့ အခါကျတော့ တေဇောနဲ့ ၀ါယော ထင်ရှားတယ်၊ ပေါ့ ပေါ့ပြီးတော့ ကြွတက်လာတယ်။
ပေါ့ ပေါ့တက်သွားတဲ့ တေဇောနဲ့ဝါယောက ရုပ်တရား၊ သိတာက နာမ်တရား။
တကယ်တမ်းကျတော့ ဘာနဲ့ဘာပဲ ရှိလည်း .. ရုပ်နဲ့နာမ်ပဲ ရှိတယ်။
ရုပ်နဲ့ နာမ်ပဲ ရှိတယ်။ ထိုင်ချင်တာက နာမ်၊ ထိုင်တဲ့ဟန်က ရုပ်။ သူမဟုတ် ငါမဟုတ် ထိုင်တာ နာမ်နဲ့ရုပ်။
ထချင်တာက နာမ်၊ ထတဲ့ဟန်က ရုပ်။ သူမဟုတ် ငါမဟုတ်၊ ထတာ နာမ်နှင့်ရုပ်။ ဟုတ်ရဲ့လား။
ကျန်တာတွေလည်း အတူတူပေါ့။ သွားချင်တာတို့၊ စားချင်တာတို့၊ ဣရိယာပုတ်လေးပါးလုံး အကုန်လုံးပေါ့။
မြန်မြန်တရားရဖို့အတွက် အဓိကပြောချင်တာက မှတ်တဲ့ ယောဂီတွေက အကြည့်နည်းတယ်။ အဲဒါကို အထူးသတိပေးချင်ပါတယ်။ ဒို့မှတ်ရင် တရားရမှာပဲဆိုပြီး မှတ်တာတစ်ခုပဲ လုပ်နေတယ်။ မကြည့်ဘူး။
ကြည့်တဲ့ပုဂ္ဂိုလ်တွေကျတော့လည်း ကြည့်တာတစ်ခုပဲ လုပ်တယ်၊ မှတ်တာကြီးက ပညတ်ကြီးပဲဆိုပြီး မှတ်တာကို ပယ်တယ်။ လျှောက်ကြည့်နေတာပဲ ရှိတယ်။
သမာဓိရှိရင် မှန်ပါတယ်။ သမာဓိက တစ်ပြားမှ မရှိဘူး၊ သမာဓိက နှမ်းစေ့လောက်တောင် မရှိဘူး။ အဲဒီလို သမာဓိမရှိဘဲ လျှောက်ကြည့်နေရင် ဓာတ်တွေကို ကျကျနန မြင်ရပါ့မလား။
အာရုံထဲ ပေါ်တာတွေကို ဟိုဟာမြင်လိုက်၊ သည်ဟာမြင်လိုက် ဒါတွေပဲ လျှောက်မြင်မှာပေါ့။ အဲဒီတော့ ဘယ်လိုလုပ်ပြီး တရားရမှာလည်း၊ မှတ်တဲ့လူကျတော့လည်း မှတ်နေတာပဲ။ ထိုင်တယ် ထတယ်၊ ထိုင်တယ် ထိတယ် မှတ်နေတာပဲ၊ မကြည့်ဘူး။ မှတ်နေတာကို တာဝန်ကျေပြီ အောက်မေ့နေတယ်။
စမှတ်ခါစ ပုဂ္ဂိုလ်တွေကတော့ တွန်းပြီး မှတ်ရတယ်။ သူ့ကိုသွားကြည့်ခိုင်းလို့မရသေးဘူး၊ အခုမှ စခါစ မဟုတ်လား။ စ ရှုမှတ်ခါစမှာ သဒ္ဓါတရားကလည်း သိပ်မရှိသေးဘူး။ သူများထိုင်လို့သာ လိုက်ထိုင်ရတာလောက်ပဲ ရှိသေးတယ်။ တချို့ကျတော့လည်း သူများက တိုက်တွန်းလို့ တရားဝင်ရတာတွေလည်း ရှိတာပဲ။ အဲဒီလို လူမျိုးတွေကျတော့ ဖောင်းတယ် ပိန်တယ်တို့၊ ထိုင်တယ် ထိတယ်တို့ကို တွန်းပြီးမှတ်ခိုင်းရတာပဲ။ အတွေ့အကြုံရပြီးသား၊ တကယ် တရားလိုလားတဲ့ ပုဂ္ဂိုလ်တွေကျတော့ မှတ်ရုံနဲ့တင် ပြီးပါ့မလား။ မှတ်ရုံနဲ့မပြီးဘူး။ သေသေချာချာ နှလုံးသွင်းဖို့လိုပါတယ်။
တစ်ချို့နေရာတွေမှာ ကြားနေရတယ်၊ သမထတွေ အရမ်းလုပ်ပြီး သမထနဲ့ငြိမ်နေတယ်။ အဲဒါကို ဖိုလ်ဝင်စားတယ်ဆိုပြီး ဓာတ်ပုံတွေရိုက်တယ်၊ အမျိုးမျိုးတွေ၊ အဲဒီလို သမထနဲ့ ၀ိပဿနာ မကွဲတာတွေလည်း ရှိတယ်။ သမထကို အရိယာဆိုပြီးတော့ ဖိုလ်ဝင်စားသလို ထိုင်တာတွေရှိတယ်။ တချို့ကျတော့လည်း အသိကလေးကပ်ထားပြီးတာပဲ၊ ဘာမှ လုပ်နေစရာမလိုဘူး၊ မှတ်နေစရာ မလိုဘူးလို့ မှတ်တာကို ရှုတ်ချကြပြန်တယ်၊ အမျိုးမျိုး ဖြစ်နေကြတာပဲ။
ဘယ်သူတွေ ဘယ်ဝါတွေ ဘယ်ဂိုဏ်တွေရယ်လို့ မပြောလိုပါဘူး။ ယောဂီတို့အနေနဲ့ လမ်းမှန်ကို ပိုင်ပိုင်နိုင်နိုင်သိသွားလို့ရှိရင် ဘယ်လိုတွေ လာပြောပြော ဒါလမ်းမှန်တယ်၊ ဒါက လမ်းမှားတယ်လို့ ခွဲလို့ရတယ်။ ဘယ်လိုလုပ်မှ နိဗ္ဗာန်ရမယ်ဆိုတာလည်း သိတယ်။ အဲဒီလို တရားရသွားရင် အမှားအမှန် ခွဲခြားလို့ မရဘူးလား။
ဆက်လက်ဖော်ပြပါမည်။
မှတ်ချက်။ ။ မြစိမ်းတောင်ဆရာတော် အရှင်ဇာနေယျ ဟောကြားတော်မူသော ကြောင်းကျိုးသိကကျိုးများလှ နှင့် စ သုံးလုံးရှုမှတ်နည်း မှ ကောက်နှုတ်မှတ်စုထုတ်ရေးသားပါသည်။
https://web.facebook.com/Dhamma-Notes-by-Thein-Naing-Ohn-1514787362178822/?ref=bookmarks
https://web.facebook.com/profile.php?id=100009989626063