* မဟာဇနကမင်းကြီး တောထွက်ပုံက ထူးဆန်းနေသလားလို့။

    မဟာဇနကမင်းကြီး ရသေ့ဝတ်တောထွက်ဖို့ရာတွင် နန်းတော်က သီဝလိဒေ၀ီမိဖုရားကြီးနဲ့
အခြေအရံတွေ၊ စစ်သည်တွေလည်း နောက်က လိုက်သွားကြပါတယ်။ လမ်းခရီးက ရွာတစ်ရွာ
ရောက်တော့ မိန်းကလေးတွေ ဗန်းငယ်၊ ဆန်ကောငယ်တွေနဲ့ ကစားနေကြပါတယ်။ အဲဒီထဲက   
သွက်လက်ချက်ချာပုံ ရတဲ့ မိန်းကလေးတစ်ယောက် သူ့ဆန်ကောထဲမှာ သဲတွေကိုထည့်ပြီး
 ပြာရင်းကစားနေတယ်။ သူ့လက်တစ်ဖက်မှာ လက်ကောက်နှစ်ကွင်းနဲ့၊ ကျန်တစ်ဖက်မှာတော့  
လက်ကောက်တစ်ကွင်းတည်း ၀တ်ထားပါတယ်။ သူ့လက်တွေ လှုပ်ရှားတဲ့အခါလက်ကောက်
နှစ်ကွင်းဝတ်ထားတဲ့ဘက်က အသံမြည်တာပေါ့။ တခြားဘက်ကတော့ ဘာအသံမှ မထွက်ဘူး။
         ဇနကမင်းကြီးရသေ့က ဒီထူးခြားချက်ကို မေးတဲ့အခါ မိန်းကလေးက “  အရှင်ရဟန်း-
အဖေါ်ရှိရင် ငြင်းရ၊ ခုံရ၊ ခိုက်ရန် ဖြစ်ပွားရပါတယ်။ တစ်ယောက်တည်းဆိုရင် ဘယ်သူနဲ့မျှ ငြင်း
ခုံစရာ၊ ရန်ဖြစ်စရာ မရှိပါဘူး။ မြင့်မြတ်ရာကို အလိုရှိတဲ့ အရှင်ဘုရားအနေနဲ့ တစ်ယောက်တည်း
အဖြစ်ကို နှစ်သက်တော်မူပါဘုရား ” လို့ ပြန်ဖြေပါသတဲ့။
         မဟာဇနကမင်းကြီးရသေ့ တရားလည်းရ၊ ပညာလည်း ရကာ၊ သီဝလိဒေ၀ီမိဖုရားကြီးကို
လှမ်းပြီး “ ကဲ သီဝလိဒေ၀ီ၊ မိန်းကလေး ပြောတဲ့အတိုင်းပဲ ရသေ့ရဟန်းအတွက် မိန်းမနဲ့ကော၊
အခြေအရံ အဖေါ်ပရိသတ်နဲ့ကော မသင့်လျော်ဘူး၊ နေရစ်ကြ ” အမိန့်ချပြီး တစ်ကိုယ်တည်း
တောထွက်တော် မူခဲ့ပါတယ်။
         တောထဲမှာ မိဂါဇိနဆိုတဲ့
ရသေ့နဲ့ တွေ့လို့ “ အသင်၏ဆရာက ဘယ်သူဖြစ်ပါသလဲ၊
ဘယ်သူ့ အဆုံးအမကိုရပြီး ရသေ့ရဟန်းပြုလာရသလဲ ” လို့ မေးတဲ့အခါ၊ အသီးသီးနေတဲ့ သ
ရက်ပင်ကြီနဲ့ အသီးမသီးတဲ့ သရက်ပင်ကြီးတို့ဟာ တပည့်တော်ရဲ့ ဆရာပါပဲ ” လို့ ပြန်လျှောက်
ထားလိုက်ပါတယ်။ ဒါကိုကြည့်ရင် လောကကြီးတစ်ခုလုံးဟာ ဘုရားအလောင်းတော် ပညာယူတဲ့
တက္ကသိုလ်ကြီး၊ သက်ရှိသက်မဲ့ အရာအားလုံးဟာ ဘုရားအလောင်းသာမက လူအားလုံးတို့ရဲ့
အကျိုးအပြစ်ကို ညွှန်ပြနေတဲ့ ဆရာကြီးဖြစ်ပါတယ်။
          တရားချစ်ခင် တရားကျင့်ကြံ အားထုတ်နေကြတဲ့ ဓမ္မမိတ်ဆွေတို့ကလည်း တရားသ
ဘောကို နားလည်သဘောပေါက်ကြပြီး မိမိပတ်ဝန်းကျင်ရှိ သင်ယူစရာများကို သင်ယူကာ ဘ၀
ရဲ့နောက်ဆုံးပန်းတိုင် မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။
  { ဓမ္မဘေရီ အရှင်ဝီရိယ(တောင်စွန်း)၏ စိန်ခေါ်ရင် တိမ်ပေါ်ရောက်ရမယ်နှင့် မထေရ်မြတ်
    တို့၏ စကားဝိုင်းကို ကိုးကားရေးသားပါသည်။ }
     “ဆုတောင်းပတ္တနာ”
ဓမ္မဒါန၊ ဤပုညကြောင့်၊
ဘ၀သံသရာ၊ နောင်ဖြစ်ရာ၌၊
ပညာထူးချွန်၊ မြင့်ကဲလွန်လျက်၊
အမွန်ချမ်းသာ၊ နိဗ္ဗူတာကို၊
လျင်စွာရစေ၊ တောင်းဆုခြွေသည်၊
မသွေပြည့်ဝပါစေသော်။ ။
     ဦးသိန်းဝေ။
           http://www.facebook.com/damanadi.tk
          http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။
--------------------------------------------------------
  “ ခက် ”
========
* ရပြီးလိုတ
   လောဘကြွက်တွင်း ပြည့်ရန်ခက်။
* ယမ်းပုံမီးကျ
   ဒေါသမုန်တိုင်း တားရန်ခက်။
* တွေဝေဆွံ့အ
   မောဟမှောင်ဓာတ် ဖြတ်ရန်ခက်။
* ငါတို့နေရာ ဤကမ္ဘာ၌
   မုန်းစရာ ထိတ်သီး၊ သုံးဖြာဆိပ်မီး
   လောင်ညီးကြီးမို့၊ ခရီးသွယ်သွယ်
   အန္တရာယ်ထွေး၊ ရန်စွယ်ဖွေးသည်
   ၀ဋ်ကြွေးရှည်လှပါတကား။ ။
   (သံဘိုအရှင်ဥတ္တရ)