မြတ်စွာဘုရားက ဘာလို့  ဒေဝဒတ်ကို ရဟန်းဝတ်ပေးခဲ့ပါသလဲဟမေးပါတယ်။
ဆရာတော်ဘုရားကြီး စင်ကာပူကြွ စဉ်အခါ က ဒီကိုရင်က မေးဖူးပါတယ်။ အဲအဖြေကို ဒီနေ့ မှ သဘောပေါက် နားမိတယ်။
ဒေဝဒတ်သည် နောက်ဆုံး မြေမျို နေချိန်တွင် နောင်တကြီးစွာရရှိပြီးနောက်ဆုံး ဂေါတမမြတ်စွာဘုရားအား ရှိခိုးဆည်းကပ်ပူဇော်သွားပါတယ်။
“ဣမေဟိ အဋ္ဌီဟိ တမဂ္ဂပုဂ္ဂလံ၊
ဒေဝါတိဒေဝံ နရဒမ္မသာရတိံ၊
သမန္တစက္ခုံ သတပုညလက္ခဏံ၊
ပါဏေဟိ ဗုဒ္ဓ သရဏံ ဥပေမီ”
သူ၏ အရိုးတွေ၊ သူ၏အသားတွေ၊သူ၏အသက် တွေနဲ ဇီဝိတ တို့ အား နတ်တကာ တို့ ၏ မြတ်တော်မူသော် ဆုံးမထိုက်သူအပေါ်၌ ကြီးမားလှသော် မဟာဂရုဏာ မေတ္တာတော်ကြီးဖြင့် ဆုံးမတော်မူတဲ့ သဗ္ဗုညုတဥာဏ်မျက်စိရှိတော်မူပြီးဘုန်းလက္ခာမျိုးစုံ ပုဂ္ဂိုလ်မြတ်ဖြစ်သော် အရှင်ဂေါတမမြတ်ဘုရားအား နောက်ဆုံး ရှိခိုးပါ၏။
မြတ်ဗုဒ္ဓသည် ဤနောက်ဆုံးအချိ်န် သတိသံဝေဂ ရမည့်အချိန်လေးကိုရည်ရွယ်ကာ သင်္ကန်းဝတ်ပေးခဲ့ခြင်းဖြစ်ပါတယ်။ လူဘဝမှာနေလည်း ဆိုး မှာဘဲ ရဟန်းဘဝရောက်ခဲ့ရင်လည်း ငါဘုရားကိုဆန့် ကျင် မှာဘဲ သို့ ပင်မဲ့ ရဟန်းဘဝနဲ့  နောက်ဆုံး နောင်တရခြင်းမှသည် သံသရာမှ လွတ်မြောက်ပါလိမ့် ဟု ရည်ရွယ်ကာ ဝတ်ပေးခဲ့ခြင်းဖြစ်ပေတည်း။
ကျေးဇူးတော်ရှင်ပါချုပ်ဆရာတော်ဘုရားကြီး တစ်ခါတစ်လေ ဘုန်းကြီးတို့ ကျောင်းက ဆိုးသွမ်းတဲ့ ကိုယ်တော်လေးတွေ သတင်းကြားတယ်ဆိုလို့ရှိရင်
“ဟာ၊ ဘယ်ကျောင်းထွက် ဆိုးတယ်” နဲ့ပြောကြတယ်၊ ဘုန်းကြီးတို့က မေးတယ်။
“မင်းတို့ အဲသလို ပြောစတမ်းဆိုလို့ရှိရင် ဒေဝဒတ်ဘယ်ကျောင်းထွက်တုန်း” လို့၊
ဒေဝဒတ်က “ဇေတဝန်ကျောင်းထွက်ပဲ”လို့၊ အဲဒါဆိုရင် “ဇေတဝန်ကျောင်း” အပြစ်တင်ရမလား၊
“ဒေဝဒတ်”အပြစ်တင်ရမလား၊ တချို့က ကျောင်းထွက်ဆိုပြီးတော့ကျောင်းကို ပုတ်ခတ်ပြီးတော့ ပြောလေ့ရှိတာကိုး။
ဒီတော့ ဒါတွေက မဆိုင်ဘူး။
သို့သော်လည်း မြန်မာစကားမှာ
“သားသမီးမကောင်း ၊ မိဘခေါင်း”
“တပည့်မကောင်း ၊ ဆရာ့ခေါင်း” ဆိုပြီးတော့ ခေါင်းပေါ်တော့ ရောက်တာပေါ့နော်။
အဲဒါဆိုရင် “ဒေဝဒတ်မကောင်း ဘုရားခေါင်း” ရောက်မှာပေါ့၊ အဲဒါကျတော့ ချန်ထားကြတယ်။
“ကာယကံရှင်ပုဂ္ဂိုလ်”နဲ့ အများကြီးဆိုင်တယ်။
ဒါကြောင့်မို့လို့ ဘုန်းကြီးတို့စာပေထဲမှာ . . .
“ဥပဒေသမတ္တမေဝ ဟိ ပရာယတ္တာ(ပရသ္မိံ ပဋိဗဒ္ဓံ)၊
အညာ သဗ္ဗာ သမ္ပတိ အတ္တာဓိနာ ဧဝ” တဲ့၊
နည်းပေး၊လမ်းပြ လုပ်တာသည်ပင်လျှင်
ဆရာသမားနဲ့ ပတ်သက်ပါတယ်တဲ့။
အားလုံးအောင်မြင်မှုဟာ ကိုယ့်ပေါ် မူတည်ပါတယ်တဲ့။
“ဆရာသမားဆိုတာ ဆုံးမသြဝါဒပေးရုံသာ တာဝန်ရှိတယ်”လို့ ဒီလိုပြောတယ်နော်။
အခြားအောင်မြင်မှုဟာ ကိုယ်နဲ့ဆိုင်တယ်ပေါ့။ အောင်မြင်မှု ၊ ကျရှုံးမှု ဟာ “ကိုယ်နဲ့ပဲဆိုင်တယ်”ပေါ့။
ဒီလိုဆိုပါတယ် ။ ဒါက ပိုပြီးတော့ လက်တွေ့ကျတယ်။
【ပါမောက္ခချုပ် ဆရာတော် ဒေါက်တာ နန္ဒမာလာဘိဝံသ】
November 20, 2016
ဒေဝဒတ်ကို ရဟန်းဝတ်ပေးရခြင်း အကြောင်းရင်း
Subscribe to:
Post Comments (Atom)
No comments:
Post a Comment